رواية بنات الخالة الفصل الثالث عشر 13 - بقلم شروق حجازي

حمزة: إن كان ليك حاجة عند الكلب ياسين، وأنا الكلب. حمزة: عيب، متقولش كده على نفسك. ياسين: ماشي، اصبر عليا بس. ذو ميسيليا بضحكة: ذومي مش قادرة. حمزة: عجبتك أوي يختي. سيليا: وأنا مالي يا لمبي، هو اللي قالك. ياسين: ماتخليك محضر خير. حمزة: ماشي. الجد: خلاص بقى يا ولاد. حمزة: عشانك انت بس يا جدي. ياسين: عيل مش سالك. حمزة: بتقول حاجة؟ ياسين: بقول الحمد لله شبعت. فاطمة: لحقت أكلت يا حبيبي. ياسين: أيوه يا ماما الحمد لله.

هطلع أنا بقى عشان عاوز أنام. فاطمة: ماشي يا حبيبي. الجد: اعمل حسابك يا فهد تاخد بنت عمك وتسافروا القاهرة عشان تحول ورقها من الكلية. فهد: حاضر يا جدي. فهد: اعملي حسابك بكرة تصحي بدري عشان نلحق نسافر. أينور: حاضر. الجد: طب هقوم أنا بقى يا ولاد أنام أنا كمان. عامر: بدري كده يا حاج. الجد بضحك: الصحة بقت على قدها بقى ومبقتش أقدر أسهر زي الأول. عامر: ربنا يديك الصحة يا حاج.

الجد: هناخد زماننا وزمن غيرنا، يلا تصبحوا على خير. الجميع: وانت من أهل الخير. أينور: أنا هطلع أقعد في الجنينة شوية. نور: وأنا هاجي معاك. فهد: أنا مش قولت هتصحي بدري، يبقى هتنامي بدري. أينور: أنا متعودة أنام متأخر، وبعدين متقلقش أنا هعرف أصحي بدري. ولو زهقان ممكن تخليك وأنا هقول لجدي ويخلي أي حد تاني يجي معايا. فهد: أنا طالع، تصبحوا على خير. هناء: وانت من أهل الخير يا حبيبي.

أسر بصوت واطي لحمزة: أول مرة حد يكلم أخوك بالطريقة دي ويسكت له. حمزة بضحك: معاك حق، بس أينور مش أي حد. أسر: مش أي حد إزاي. حمزة: هتفضل غبي، أموت وأعرف دخلوك كلية الشرطة إزاي. أسر: انت بس اللي مش عارف قيمة أخوك. حمزة: يا شيخ اتوكس. أسر: انت شايف كده. حمزة بضحك: بصراحة مش شايف غير كده. خلاص متزعلش، متبقاش قفوش كده. أسر: خلاص، أنا الحمد لله شبعت، هقوم. حمزة: ماشي. نهض الجميع من على السفرة. عند نور وأينور في الجنينة.

نور: مكنش ينفع تكلمي فهد كده. أينور: أنا حاسة إني زودتها شوية، صح. نور: شوية بس. أينور: خلاص هبقى أعتذرله بكرة. نور: انتي ليه بتعامله كده. أينور: معاملة إزاي يعني مش فاهمة. نور: لا والله، انتي فاهمة وأنا فاهمة، فمتحوريش بقى. أينور: أحور في بنت كيوت تقول أحور. نور: لا، حوشي انتي يا أختي الرقة بتاعتك. أينور: بهزر بهزر. أينور: لسه زي ما انتي لما تكوني مش عاوزة تتكلمي في موضوع تغيريه.

أينور: انتي عارفة إن لو في أي حاجة هتكوني انتي أول واحدة تعرفيها، صح. نور: أنا متأكدة، مش عارفة. أينور: ربنا يخليكي ليا. نور: ويخليكي ليا يا رب. أينور: المهم بقى، أي حكايتك مع يزن. نور: حكاية إيه. أينور: شوفي مين اللي بيحور بقى. نور: ياستي ولا تحوير ولا حاجة، كل الحكاية إني معجبة بيه بس مش عارفة هو شايفني إزاي. أينور: لا، من ناحيته متقلقيش. نور: إزاي يعني.

أينور: هو انتي عاوزة تقوليلي إنك ما بتاخديش بالك منه وهو بيفضل باصصلك وعينه مبتنزلش عليكي. نور: أنا أول ما بشوفه أصلاً بتحرج ومبرفعش عيني ليه أصلاً. أينور: انتي هتقوليلي، هو أنا تايهة عنك. نور: بقولك إيه، الوقت اتأخر، يلا نطلع ننام. أينور: يلا عشان لو صحيت متأخر بكرة هولاكو هيقتلني. نور: هولاكو. أينور: مالك بتقولها باستغراب كده، ده شكله من أكلة لحوم البشر. نور: أكلة لحوم البشر.

أينور: هو في إيه، انتي عمالة ترددي كلامي ليه زي البغبغان. نور: ها. أينور: انتي عينك تعباكي، عمالة تغمزيلي ليه. نور: أنا مشوفتش غباء زي غبائك، بصي وراكي. أينور بخوف: أوعى يكون اللي في بالي صح. نور: هو بعينه. أينور: بس والله مشوفتش في احترامه كده، هيبة كده في نفسه واحترام مقولكش. فهد من خلفها: وأي كمان، مش كنتي هولاكو. نور بضحك: ومن أكلة لحوم البشر. أينور: منك لله يا بعيدة، يعني مسمعش غير هولاكو، راح تعرفيه انتي.

نور: وأنا مالي يا لمبي، طب أطير بقى عشان هموت وأنام. أينور: واطية وربنا واطية. استني خديني معاكي. فهد: استني عندك. أينور: إيه ده، فهد انت هنا من امتى، دا إحنا كنا لسه جايبين في سيرتك وبقول لأينور قد إيه انت ليك هيبة كده. فهد: أه، منا سمعت. أينور: طب هطلع أنا عشان أنام بقى عشان أصحي بدري. فهد: ماشي، الساعة سبعة بالدقيقة تكوني تحت. أينور: سبعة مين، هو إحنا هنروح نبيع لبن. فهد: سمعتي قولت إيه.

أينور بصوت واطي: ربنا على الظالم. فهد: بتقولي حاجة. أينور: بقول تصبح على خير عشان ألحق أنام عشان أصحي الساعة سبعة نروح نبيع اللبن. فهد بيحاول يداري ضحكته: وانت من أهل الخير. نور طلعت لأوضتها وفهد برضه طلع عشان ينام. عند مريم، واقفة على السطح بتاع القصر، واثقة، باصة للسما ودموعها نازلة. أسر من وراها: لسه زي ما انتي بتشتكي زعلك للسما. مريم مسحت دموعها بسرعة وبصت لأسر وبعدين قالت: مليش غيرها.

أسر: انتي اللي وصلتينا لكده، لو كنتي سمعتيني حتة. مريم: بعد إذنك، أنا هنزل أنام. أسر: لسه برضه بتهربي من المواجهة. مريم: مش بهرب، مش عاوزة أفتح في مواضيع أنا قفلت عليها وبقت من الماضي. أسر: أنا بقيت من الماضي يا مريم. مريم: لو سمحت عدينا، عاوزة أنزل. أسر: انزلي، بس قبل ما تنزلي، عاوزك تعرفي إن مهما حصل مش هتكوني لغير، أنا حاضرك ومستقبلك. سمعيني. مريم نزلت بسرعة، بس لما سمعت كلام أسر فرحت أوي.

مريم في نفسها: وانت مش هتكون لغيري يا أسر، بس لازم أربيك الأول عشان انت استسلمت ومحاولتش تشرحلي ولا اتمسكت بيا. أيوه أنا غلطت لما مدتكش فرصة أسمعك وكنت بصدك، بس انت استسلمت بسرعة أوي. في صباح يوم جديد على أبطالنا. فهد: هو ده اللي عامل حسابه، وهصحي بدري، متقلقش.

فهد طلع أوضة أينور وخبط على الباب، مفيش رد. فتح الباب ودخل لقي الأوضة ضلمة. فتح النور لقي أينور نايمة لسه. لقي كوباية ميه على الكومودينو، خدها وكبها على أينور. أينور: عااا، إيه ده، في إيه. فهد: صباح الخير. أينور: صباح الزفت، في حد يصحي حد كده. فهد: أنا، واخلصي يلا، خمس دقايق وتكوني تحت. أينور: منك لله يا بعيد. فهد: فاضل ثلاث دقايق. أينور قامت تجري دخلت الحمام وطلعت تجري تدور على اللبس ولبست ونزلت. فهد: يلا بينا.

أينور: يلا. في عربية فهد، أينور جاية تركب ورا. فهد: انتي بتعملي إيه. أينور: أه، جو أنا مش سواق الهانم والجو ده، إحنا مش في رواية. فهد: خيالك واسع أوي، اركبي في أي مكان. أينور: أبو الرخامة يا شيخ. أينور ركبت ورا وفهد ساق العربية. وبعد ساعة كانت أينور راحت في النوم. فهد: غيبوبة، انتي غيبوبة. فهد بخبث، وقف العربية مرة واحدة. أينور اتخضت وفضلت مصدومة. فهد فضل يضحك على أينور.

أينور: إيه ده، انت مش طبيعي وربنا، وبعدين إيه ده، انت بتضحك زينا وعندك سنان. فهد: وبعض كمان يا خفة. أينور: طب أنا عطشانة أوي. فهد: في استراحة أهيه، هنزل أجيب ميه وأي حاجة ناكلها. أينور: ماشي. فهد: متنزليش من العربية. أينور: حاضر، انت مش سايب بنت أختك يعني. فهد: بطلي لماضة. أينور: خلاص. فهد نزل. بعد شوية. أينور: هو اتأخر كده ليه. تليفون أينور رن. أينور: ألو. نور: إيه يا روحي، بقيتي فين دلوقتي.

أينور: لسه شوية على ما نوصل، إحنا واقفين في الاستراحة. نور: بتقولي إيه، مش سامعاكي. أينور: طب استني أنزل من العربية كده. كده كده سامعاني. نور: أيوه. أينور لسه هتتكلم، سمعت صوت من وراها بيزعق وينده عليها بصوت عالي.