رواية بنات السعد الفصل العاشر 10 - بقلم نورهان ثروت

واقف يحيي أمام المدرسة، نظر أمامه وهو يقول: حبيبة عمو تعالي بسرعة، وحشتيني. عانقها يحيي بحب أبوي وهو يقول: عملتي إيه النهاردة في المدرسة؟ حد زعلِك؟ ابتسمت أليس وقالت بحب: لا، شكرًا إنك دخلت وكلمت الميس، هي زعقت لهم وهم مكلمونيش تاني. قاطع كلماتها صوت سيدة وهي تقول بصوت مرتفع: أليس بنتي. نظر لها يحيي بصدمة وقال بهمس: هدي. ثم نظر لأليس وقال بقلق: حبيبتي ادخلي العربية، أنا خمس دقايق وهجي وبعدها هنخرج. صعدت أليس السيارة.

نظرت له هدي بغضب وقالت: أليس انزلي تعالي لماما. ابتسم يحيي بسخرية وقال: ماما مين يا هدي؟ إنتي إيه اللي فكّرك بالبنت؟ ولا فلوسك خلصت؟ ولا اللي إنتي خسرتي بنتك عشانوا، خلع وسابك؟ تنهدت هدي وحاولت أن تهدئ من نفسها وقالت بضيق: بقولك إيه، إنت مالكش دعوة بيا. كل اللي أنا عايزه دلوقتي بنتي وعايزة الوصية عليها. قهقه يحيي بسخرية وهو يقول:

طب مش تقولي كده من الأول، عايزة الوصية والفلوس اللي أخويا سابها لبنته. بس دا بعينك. هتاخدي البت بس بشرط واحد، أكون أنا ميت. سلام يا طليقة أخويا. صعد يحيي السيارة. نظرت له هدي بغضب ثم تمتمت: وربنا ما هسيبك يا يحيي يا كلب. أنا هاخد بنتي والفلوس قريب أوي. ............ جلست سليا على الفراش وهي تدندن: وفي يوم لقيته لقيته، هو اللي... خرجت من شرودها على صوت هاتفها. نظرت له وقالت بهمس: رقم غريب، يارب يكون الشغل. ردت وقالت:

ألو، سلام عليكم. هنا بهدوء: ألو، سلام عليكم. معايا أستاذة سليا؟ ابتسمت سليا وقالت: أيوه أنا، حضرتك مين؟ هنا: أنا هنا من شركة ***. أنا بكلمك عشان أقولك إنك اتقبلتي في الشغل ومن بكرة هتبدئي شغل. سليا بسعادة: بجد؟ ألف حمد وشكر لله. ثم قالت باستغراب: هو مش بكرة الخميس ومعروف إن الجمعة والسبت إجازة؟ يعني أنا هنزل بكرة بس؟ هنا: لا، إحنا ميعندناش إجازة يومين دول. هو يوم واحد بس بيكون يوم السبت. أومأت سليا بتفهم وقالت:

تمام، ممكن أعرف المفروض أكون الساعة كام هناك؟ هنا: تكوني الساعة ٩ في الشركة. أول ما تيجي هتلاقي بنت اسمها ندا، دي هتساعدك وهتعرفك كل التفاصيل المهمة. ربنا معاكي. ابتسمت سليا وقالت: شكرًا جدًا. هنا: الشكر لله يا حبيبتي. سلام. أغلقت سليا الهاتف وهي تقفز على الفراش بسعادة وتقول: هشتغل وهشتغل. لولولولي. هشتغل يا ماما. دخلت والدتها الغرفة وهي تقول: يارب صبرني على شوية المجانين دول. ثم نظرت لسليا وقالت:

بت بت، انزلي من على السرير هتكسري السرير. ساعتها هخليكي إنتي اللي تدفعي تمن تصليحه. تنهدت سليا وقالت بضيق مزيف: إيه يا مرات أبويا؟ سيبيني أفرح شوية. ثم قالت بجدية: اقعدي، عايزة أقولك على خبر. أنا اتقبلت في الشغل الحمد لله. يارب بكرة أول يوم. نظرت لها والدتها وقالت: بكرة؟ بكرة؟ هو في إيه؟ هو كل حاجة في الدنيا بكرة؟ ثم قالت بتساؤل: إزاي بكرة؟ مش بكرة الخميس؟ تنهدت سليا وقالت:

منا برضه استغربت وسألتها. قالتلي إنهم بياخدوا أصلاً إجازة يوم واحد اللي هي السبت. فـ أنا كده هشتغل الخميس والجمعة. المهم بكرة صحيني ٧ ونص لحد ما ألبس وأروح الشركة هتكون الساعة ٩. أومأت والدتها بتفهم وقالت بحب: عيوني يا قلب أمك. ابتسمت سليا بحب لحنان والدتها ثم قالت: ماما، أنا هلبس وأروح الجنينة ألعب مع الأطفال وأغير جو من البيت. ................. نظرت أليس حولها باستغراب وقالت: عمو، هو إحنا ليه في الجنينة؟

إحنا مش هنروح؟ ابتسم يحيي وقال بحنان: أنا حبيت إني أجيبك تلعبي مع الأطفال شوية وبعدها هنروح البيت. نظرت له أليس بحزن وقالت: بس أنا بحب ألعب مع سليا وهي أكيد مش موجودة. رتب يحيي على شعرها وقال: العبِ مع الأطفال هنا شوية، وعدي المرة الجاية نيجي وسليا هنا. موافقة؟ أومأت له أليس بسعادة: ركضت وهي تقول: استناني هنا، بحبك يا عمو. نظر يحيي حوله ثم اقترب من كرسي بجانبه. جلس وهو يتحدث مع نفسه: هتعمل إيه يا يحيي؟

أليس هتنسى أمها باللعب ومش هتسأل عليها؟ بس دا مش هيحصل كل مرة. وأنا متأكد إن طالما أمها ظهرت دلوقتي يبقى هتظهر كتير أوي الفترة الجاية. أتصرف إزاي بس؟ يارب. ثم تنهد بحزن وقال: يارب ساعدني أحافظ على آخر حاجة موجودة ليا من أخويا. قطع شروده على صوت فتاة تقول: هو حضرتك مش عم أليس؟ هي فين؟ نظر يحيي لها بتركيز وقال: إنتي سليا صح؟ أليس جوه بتلعب مع الأطفال. ابتسمت سليا وقالت: آه، أنا سليا. أنا هروح أشوف أليس. ركضت

سليا على الأطفال وهي تقول: مفاجأة، وحشتوني. ركضوا جميع الأطفال لها وعانقوها بقوة. ابتسمت سليا وقالت: وحشتوني، أنتم كويسين؟ أومأ لها جميع الأطفال بنعم. جلست سليا على الأرض وقالت: يلا قولولي نلعب ولا أحكي لكم قصة؟ ولو قصة، عايزين قصة أنا أفكر فيها وأقولها، ولا قصة أميرة من الأميرات؟ نظر لها جميع الأطفال وقالوا الأغلبية منهم: قصة جديدة. ابتسمت سليا وقالت بحب: تمام، اعملوا دائرة وأنا هقعد في النص وإنتوا حواليا. جلست سليا

في منتصف الدائرة وقالت: القصة دي أنا اللي عاملاها. كان يا ما كان، ولا يحلى الكلام إلا بذكر النبي عليه أفضل الصلاة والسلام. كان في ملك معروف بالعدل بين الناس وإنه بيكره السحر وأي حد بيستخدم السحر في مملكته. يا إما بيُقتل أو بيُنفى لمملكة تانية. المهم ركزوا معايا أوي في اللي جاي. كان في أميرة جميلة، هي بنت الملك الوحيدة وكانت بتحب الناس جداً وبتحب تعمل لهم خير كتير أوي. اسمها... نظرت سليا حولها وقالت:

اسمها أليس. وكان ليها صاحبة قريبة منها أوي اسمها سجدة. ابتسمت واحدة من الأطفال وقالت: الله، اسمي أهو. نظرت لها سليا ووضعت يديها أمام وجهها وقالت: هشششش، مش عايزة صوت. كانت تقف الأميرة أليس أمام المرآة وهي تحدث سجدة: شكلي حلو أوي النهاردة، إيه رأيك في الفستان ده ولا أغيره؟ ابتسمت سجدة بحب لها وقالت: إنتي جميلة في كل حاجة، بس الفستان ده محتاج التاج. ذهبت سجدة واقتربت من الباب وقالت بصوت مرتفع:

تيا، تيا، عايزة التاج بتاع الأميرة. هو موجود في أوضة الملكة. تنهدت تيا وقالت بصوت مرتفع: حاضر، دقيقة. ابتسمت سجدة ونظرت للأميرة أليس وهي تقول: لطيفة تيا، بس دايماً بتكون لوحدها. تنهدت أليس وهي تقول: حاولت معاها أكتر من مرة أبقى صاحبتها، بس هي ديما بتبعد. معرفش ليه. بعد مرور دقائق، دقت تيا الباب ودخلت الغرفة وهي تقول: سجدة، التاج. ثم نظرت للأميرة بسعادة وقالت:

شكلك حلو أوي. إنتي على طول حلوة. نفسي أكون زيك في المستقبل. ابتسمت أليس وقالت بحب: إنتي أحلى مني مليون مرة. ابتسمت تيا بخجل وقالت: شكرًا. أنا هنزل. عايزين مني حاجة تانية؟ جذبتها سجدة من يديها وقالت: لا، استني اقعدي معانا. ثم نظرت للملكة وقالت: البسي التاج. وضعت الأميرة أليس التاج فوق رأسها وقالت وهي تنظر للمرآة: ألبس التاج ده ولا ألبس التاج التاني؟ نظرت لها تيا باستغراب وقالت بتساؤل: إحنا في نص الليل؟

إنتي رايحة فين دلوقتي؟ نظرت سجدة لتيا بهدوء وقالت: هي بس عايزة تعرف تلبس إيه في الحفلة. ثم نظرت لأليس وقالت: البسي التاج ده. ثم نهضت وقالت: لازم نمشي دلوقتي. ثم نظرت للأميرة وقالت: إنتي لازم تنامي، بكرة يوم طويل أوي. نظرت لها أليس بهدوء وقالت: تعالي ساعديني أقلع الفستان ده، تقيل أوي.

بعد مرور دقائق، غادرت سجدة من الغرفة. جلست أليس على الفراش وأغلقت عينيها وذهبت في النوم. بعد مرور نصف ساعة، شعرت أليس بوجود شخص في الغرفة. حاولت أن تنهض لكنها شعرت أنها مقيدة. فتحت عينيها تحاول أن تعرف ماذا يحدث ومن معها، لكن الظلام كان منتشر في الغرفة. حاولت تتحدث لكنها شعرت بمادة مرة داخل فمها وصوت يهمس بجانب أذنها ويقول:

مفعول المادة دي هيشتغل كمان دقايق. لو عايزني أعالجك من المادة، لازم تقتلي الملك. أنا همشي، وأول ما تقتلي الملك هتلاقيني قدامك.

بعد مرور دقائق، نهضت أليس. فتحت النور وهي تنظر حولها بخوف. ثم اقتربت من الفراش وجذبت زجاجة بجانبه وحاولت أن تنادي سجدة، لكن صوتها لم يخرج. حاولت أكثر من مرة لكن بدون جدوى. قررت تغادر الغرفة وتبحث عن سجدة. ظلت تحاول أن تتحدث لكنها في كل مرة تفشل. وقفت أمام غرفة سجدة، ثم دخلت وهي تحاول أن تتحدث. نظرت سجدة لحالتها باستغراب وقالت: إيه في إيه؟ مالك؟ إنتي مش كنتي كويسة؟ حاولت أليس تتحدث معاها لكن فشلت.

نظرت لها سجدة بخوف وقلق: إنتي كويسة؟ مال صوتك؟ استنى، خدي اكتبي في الورقة دي، في إيه؟ بدأت في الكتابة بيد مرتعشة، تشعر أنها ستموت في أي لحظة من الخوف. بعد مرور دقائق، جذبت سجدة الورقة وكانت تنظر لها بصدمة. ثم نظرت لأليس وقالت: فين الإزازة؟ هاتيها، إحنا لازم نقول للملك. جذبت أليس الورقة مرة أخرى وكتبت بضعف:

أنا مش عارفة أتصرف. مستحيل حد يعرفوا. أنا مشوفتش شكله ولا معايا أي حاجة تقول هو مين. وهو قالي لما أقتل الملك هيظهر ليا. نظرت لها سجدة بصدمة وقالت: وإنتي ناوي تقتلي الملك؟ ثم صرخت وقالت: تقتلي أبوكي يا أليس؟ نظرت لها أليس بصدمة وكتبت: لا، لا، مقصدش كده. أنا بقولك على اللي في دماغي. أنا حاسة إن عقلي واقف. صوت مش راضي يطلع. أنا كده خلاص مش هعرف أتكلم تاني. تنهدت سجدة بحزن على حالتها وقالت:

دلوقتي لازم نروح للملك ونخليه يشوف الورقة اللي بتقولي فيها إيه اللي حصل. الملك هو اللي هيعرف يتصرف. ذهبت سجدة إلى الملك وهي تمسك يد أليس بقوة. نظر لهم الملك باستغراب وقال: إيه في إيه؟ إنتوا الاتنين لسه صاحيين ليه؟ ثم نظر لأليس وقال بقلق: إيه في إيه؟ مالك؟ إنتي تعبانة؟ تنهدت سجدة وقالت: مولاي، الورقة دي أليس اللي كتبتها. اتفضل اقرأها. أليس خسرت صوتها.

نظرت لها الملك بصدمة ثم جذب الورقة بقوة. نظر لها بصدمة، تارة ينظر للورقة وتارة ينظر لأليس يريد أن يخبرها أنها مزحة. حاولت أليس تتحدث لكنها فشلت مرة أخرى. سقطت دموعها بحزن على حالها. عانقها الملك بقوة وهو يقول: وحياتك عندي يا أغلى من حياتي، هاخد حقك وهجيبه من تحت الأرض. ثم نظر لسجدة وقال بحزم: قولي لقائد الجيش يجي دلوقتي حالا. وقولي لمرسول القصر إنه يرسل لجميع الممالك إن الحفلة اتلغت.

ركضت سجدة من أمامه. جلس الملك وبجانبه أليس. ربت على رأسها وقال: بس يا عيوني، كفاية عياط. وحياتك عندي هاخد حقك وهقتل الشخص اللي عمل كده. صدقيني، وعد من أبوكي. حاولت أليس تتحدث لكنها شعرت بألم شديد في رأسها وأيضاً معدتها. جذب الملك ورقة بجانبه وقال: إيه في إيه؟ اكتبي، عايزة تقولي إيه؟ كتبت أليس. وضعت الورقة بيد الملك. نظر لها الملك بحزن وقال:

روحي نامي جنب ماما. أنا هبعت حد يجيب لك أعشاب لوجع، ومتقلقيش، أنا هخلي قائد الجيش يقلب الدنيا على الشخص ده. المادة دي مفيش حد بيستخدمها إلا ناس قليلة أوي، سهل نعرف نجيبهم.

بعد مرور شهر، بدأت أليس تفقد الأمل من أن صوتها يرجع لها. والملك لم يجد ذلك الرجل. جلست أليس على الفراش وهي تنظر حولها كالعادة، تحاول أن تتحدث لكنها تفشل. لذلك قرار الانتحار كان يأتي لرأسها كل يوم، لكن اليوم هي قررت تنفيذ ذلك. اقتربت من خزانة ثياب، فتحت الباب، وضعت يديها تحت الثياب، جذبت خنجرها. نظرت له بسخرية وقالت لنفسها: الخنجر ده جالي عشان أقتل اللي يأذيني. أنا أهو، أول واحدة هموت بالخنجر ده.

وضعت الخنجر تجاه قلبها. أغلقت عينيها. ظلت تحاول لكن الخوف سيطر على يديها. وضعت الخنجر بعيداً عنها. ثم نهضت وهي تردد بدون صوت: أستغفر الله العظيم. أعوذ بالله من الشيطان الرجيم. أنا هقوم أصلي. بعد مرور دقائق، جلست على سجادة الصلاة. ظلت تتحدث مع ربنا بدون صوت وقالت ببكاء شديد:

يارب، يارب، أنا مليش غيرك. ساعدني. أنا فقدت الأمل. لا حوله ولا قوة إلا بك. ساعدني يا رب. محدش عارف أنا حاسة بإيه. أنا عايزة صوتي يرجع. أنا في أوقات بفكر أموت نفسي، بس أنا مش عايزة أموت. يارب، أنا بس عايزة أرجع أعيش حياتي زي زمان. عايزة أتكلم. يارب، أنا عملت إيه غلط عشان يحصل فيا كده؟ أستغفر الله العظيم. إيه اللي أنا بقوله ده؟ أنا راضية يا رب. الحمد لله وشكر لله. تنهدت سليا وقالت بهدوء: وبكده خلصت الحدوته. نظرت لها

أليس بفضول وقالت بتساؤل: بس فين النهاية؟ إيه اللي حصل لها؟ نظرت تيا لأليس ثم نظرت لسليا وقالت: الراجل اللي عمل فيها كده، إيه اللي حصل له؟ ابتسمت سليا من تركيزهم وقالت بتفكير:

أليس رجع لها صوتها، لأن في كل مرة كانت بتفقد الأمل كانت بتروح لملك أو لأي حد غير ربنا. وده الغلط. إحنا لازم نروح لربنا ونقول كل اللي في قلبنا. وفعلاً بعد ما هي اتكلمت مع ربنا، ربنا جبر بخاطرها وساعدها إن يرجع صوتها. عايزكم تصلوا كل الصلوات، لأن هي أساس الدين. والرسول صلى الله عليه وسلم قال إن اللي مش بيصلي قد كفر، يعني إنه أصلاً مبقاش مسلم. فاهمين؟ غير أصلاً كده، كلنا عايزين ندخل الجنة والصلاة هي اللي هتدخلنا الجنة.

ثم نظرت لتيا وقالت: والراجل، ربنا خد حقها. إيه اللي حصل؟ أول ما الراجل ده عرف إن الملك عرف اللي حصل، هرب على غابة. أول ما دخلها، في ساحر شافه وأخد الراجل ده وفضل يجرب عليه كل أنواع السحر لحد ما الراجل ده مات متعذب. ربنا هياخد حقنا من أي حد جرحنا. ثم نهضت وقالت: يلا، أنا همشي دلوقتي. المرة الجاية بقى نلعب. نظرت اليس لها وقالت بتوتر: ممكن أتكلم معاكي؟ ابتسمت سليا وقالت بحب: طبعًا، تعالي نتكلم بعيد شوية عن هنا.

................. دخل فارس مكتبه وهو ينظر لمحمد ويقول: محمد، خلي حد يجي يشيل الكاميرا دي. جلس محمد على أقرب كرسي وقال بتعب: بس بس، اسكت. خلينا نرتاح. أنا طلع عيني النهاردة. إنت خلتنا نروح كمية أماكن. جلس فارس على الأريكة وقال بفرحة: مش مهم. المهم إننا خلصنا من الجاسوس، وكمان خلصنا من العصابة دي. ابتسم محمد وقال بعدم تصديق: أيوه بجد؟ أخيراً. بس تعرف إني مكنتش متخيل إن مسعود وحازم هما الجواسيس اللي في القسم.

تنهد فارس بضيق وقال: ولسه في ناس تانية. أنا متأكد. متثقش في حد مهما كان شكله هادي ومحترم. نهض وقال: متنساش تخلي حد يشيل الكاميرا. أنا هروح أرتاح ساعتين وأجي. غادر فارس القسم وهو ينظر حوله بشرود. حدث نفسه وقال: وبعدين معاك يا فارس؟ هتفضل كده لحد إمتى؟ قطع شروده صوت فتاة تقول: لو سمحت، ممكن تقولي أقرب مطعم هنا فين؟ نظر فارس لها بصدمة وقال: إنتي؟ مستحيل. ................. تقف ساندي في المطبخ وهي تنظر حولها بصدمة وتقول:

كل دي مواعين؟ منك لله يا سليا يا كلبة. أنا كان مالي ومال القرف ده. ظلت تغسل الأواني بشرود وهي تدندن بشرود: أصل الكسل طبع الحلوين، وأنا طالعة حلوة وكسلية. وقفت كالصنم وهي تسمع صوت والدتها تقول: بقولك طلقني، بعد العمر ده كله تخونِـ... نظر لها السعد بصدمة وقال: استهدي بالله. طلاق إيه؟ اسمعيني، اديني فرصة. تنهدت والدتهم وهي تقول: بقولك إيه، لو مطلقتش دلوقتي هخلعك يا أبو البنات.