رواية بنات السعد الفصل الثاني 2 - بقلم نورهان ثروت

كانت سمر تنظر من الشرفة بخوف وهي تقول: الحقي ياماما ساندي في نص الخناقه سليا يلا ننزل لاختك. نظرت والدتهم عليها وهي تصرخ وتقول: بس انتي وهي تنزلوا فين محدش فيكم ينزل انا اللي هنزل لاختكم ابوكم هيلحقها مش هيحصل ليها حاجه. ثم نظرت لسليا وقالت: لو مولعه البوتاجاز اطفي لحد ما نشوف اخر اللي بيحصل استرها علينا يارب. ............. نظر والدها لساندي وهو يقول بصوت مرتفع: ساندي ابعد انت وهو بنتي.

نظرت ساندي لذلك الرجل بخوف شعرت بقشعريرة في جسمها. نظر لها ذلك الرجل وابتسم بسخرية ابعد يده عنها. نظرت لها ساندي بصدمة عندما سقطت على الأرض. نظر الرجل أمامه وجذب يد ذلك الرجل وهو يقول بغضب: مش المعلم هشام اللي يتاخد غدر من شوية عيال صيع. جذب من يده الزجاجة وكسرها على رأسه وهو يقول بسخرية: ابقي روح اشتكي في القسم يا حلو. نظر أمامه وقال بصوت مرتفع:

في أي يا حارة هو أنا عشان بسكت هتفكروني عيل جبان لا دا أنا أخلص عليكم كلكم. ثم نظر لرجل وقال: فين أبوك يا ض اخلص اقبل ما يغم عليك ساعتها هرميك هنا ومحدش هيسال فيك. رفع الرجل يده وهو يشاور على أحد المنازل وقال بتعب: دددا بيتييي. بعد تلك الكلمة فقد الرجل وعيه. نظر لها هشام بسخرية وقال: حد يجي ياخد العيل دا ويودي بيته أو مستشفى مش فارق معايا. ثم نظر لساندي وقال:

وانتي يا حلوة ابقي خدي بالك من نفسك بسببك كان هيحصل ليا حاجة بنات مايعه. نظرت له ساندي بغضب وهي تقول: انت إنسان مش محترم أنا أكيد مش عايزة أقرب ليك ولا قاصدة أني أقع بين إيدك يا توم كروز و. قطع كلمات ساندي والدها وهو يعانقها ويقول بقلق: انتي كويسة حصلك حاجة طمنيني عليك يا بنتي. بادلته ساندي العناق وهي تقول بهدوء: أنا بخير يا بابا خلينا نطلع مش عايزة أفضل هنا. أومأ لها والدها بنعم وقال: عيوني يا حبيبتي.

نظر لهشام وقال بحب أبوي: شكرا يا بني أنك أنقذت بنتي مش عارف أشكرك إزاي بجد. ابتسم هشام بحب وقال: انت بتقول إيه يا حج أي حد مكاني كان هيعمل كده المهم أنك تفهم الهانم أنها متنزلش من بيتها طالما في خانقه المرة دي ربنا سترها الله وأعلم المرة الجاية إيه اللي هيحصل. اقتربت والدتها من ساندي وعانقتها بقوة وهي تقول: انتي كويسة يا بت حصلك حاجة. ساندي بهدوء: كويسة يا ماما متقلقيش عليا خلينا نطلع. ثم نظرت لهشام بغيظ وقالت:

خلينا نبعد عن الأشكال دي. نظر لها هشام بغضب وهو يقول: يا بت احترامي. قطع كلماته صوت الحج محمود وهو يقول بغضب: خلاص بقى يا هشام كفاية اللي حصل النهارده خلينا نروح نشوف المحل. ............ كانت سمر جلسة على الأرض وهي تقهقه بقوة وتقول: سليا شوفتيها وهي بتقع على الأرض يا لهوي قتلتني ضحك. جلست سليا بجانبها وهي تقول بسخرية: وانا اللي قولت هيخبيها وراء ضهره ولقطة رومانسية بقى والورد يقع عليهم. قطع كلماتها سمر وهي تقول:

بس بس يا أوفر إيه اللي ورد يقع عليهم الستارة تنزل والموسيقى تشتغل و. قطع كلماتهم صوت والدتهم وهي تقول: بت أنتي وهي قومي منكم ليها اعملي الأكل أبوكم طالع لو مفيش أكل هيبهدلنا. نهضت سمر من الأرض وهي تقول: اهو يا ماما قومت ساعة ونخلص كل الأكل قومي يا بت خلينا نخلص. ثم نظرت لساندي وقالت: تعالي معانا عايزين نتكلم على اللي حصل تحت. تهربت ساندي منهم وهي تقول: ها لا أنا تعبانة هروح أنام شوية لحد ما تخلصوا أكل وبعدها أذاكر.

نظرت لها سليا بغيظ وقالت: هموت وافهم مذاكرة إيه في الصيف وغير كده مش أحنا اتخرجنا. جذبتها سمر من يديها وهي تقول: تعالي بس نروح المطبخ وافهمك أختك غيرنا أحنا أربع سنين لكن هي طب بيطري ٥ سنين فاهمة وهي بتذاكر دلوقتي عشان موادهم صعبة ومحتاجة تفضلي ديما فاكرة كل حاجة وغير طبعا العملي اللي عندها يارب تكوني فهمتي سيبي بقى أختك وخلينا نخلص الأكل. ....................

يجلس يحيى في مكتبه وهو يلمس ملف بين يده بتركيز ثم وقع عليه ونظر لملف آخر بتركيز وهو يقول بهمس: الصفقة دي لازم تبقى ليا. سمع دق الباب أذن بدخول وقال: خير يا هنا في حاجة. نظرت له هنا بتوتر وضعت ورقة أمامه ثم نظرت للأرض. نظر لها يحيى باستغراب ثم نظر للورقة وقال بتساؤل: استقالتك ليه يا هنا حد فينا زعلك إيه سبب الاستقالة اقعدي وقوليلي في إيه. جلست هنا وهي تقول بتوتر:

حضرتك عارف أني حامل المفروض أني هولد بكتير أوي الأسبوع دا أو بداية الأسبوع الجاي أنا مش هعرف أني أشتغل وفي نفس الوقت أربي ابني عشان كده قدمت استقالتي. ابتسم يحيى وهو يقول: يا بنتي في إيه متوترة بشكل دا ليه خدي الفلوس دي ليكي أنا هوقع على ورقة الاستقالة بس عايزك تنزلي إعلان أننا محتاجين سكرتيرة ولحد ما حد يجي أفضلي موجودة شوية معلش هتعبك معانا. ابتسمت هنا وقالت بهدوء:

لا تعب ولا حاجة أنا بجد مبسوطة أني اشتغلت مع حضرتك أنا هخرج دلوقتي وهكتب الإعلان بعد إذنك. .................. واقف فارس أمام مكتبه وهو يقول: يا بني بقولك بلغ العساكر أننا هننزل كمين في شارع**** على الساعة ٥ بإذن الله وقولهم أنهم يكونوا مفتحين جدا لأن في بلاغ عن عملية إرهابية هتحصل في كنيسة هناك. أومأ العسكري وقال: تمام يا فندم حضرتك عايز حاجة تانية. فارس بهدوء:

عايز قهوة سادة وبقولك نادي الظابط محمد قوله أني عايزو في موضوع مهم. دخل فارس المكتب جلس وهو ينظر على الظرف الذي بيده وهو شارد. خرج من شروده على صوت دق الباب ودخول شخص يقول: السلام عليكم العسكري قالي أنك عايزني. نظر له فارس وهو يقول بهدوء: أه اقعد كنت عايزك في موضوع مهم. جلس محمد أمامه وهو يقول بتساؤل: خير يا بني قلقتني. وضع فارس الظرف أمامه وهو يقول:

شايف الظرف دا مكتوب فيه أن عملية إرهابية هتحصل في الكنيسة اللي في شارع***. نظر له محمد بصدمة وقال: مين اللي جاب الظرف دا وانت متأكد من كلامك ولا لا. فارس بهدوء:

أنا معرفش مين لأن دا العسكري اللي دخلوا ليا ولما سألته مين قالي أنها ست منقبة وبص أنا بفكر في حاجتين ياما فعلا الكلام دا حقيقي هنلحق الكنيسة بس لو مش حقيقي وأن دا تمويه أنا اتصرفت هنا قولت لعساكري أن ينشر أن احتمال يكون في عملية إرهابية وخليك مركز على كل عسكري لأن أكيد في واحد فيهم جاسوس ليهم لو العملية وقفت وشكيت في عساكري فيهم هنبقى كده وصلنا لطرف الخيط اللي يوصلنا فيهم لو لقيت أن العساكر تمام ومفيش عملية إرهابية يبقى الكلام دا كذب.

نظر له محمد بتساؤل وقال: طب ليه هيتقدم ظرف زي دا ويكون الكلام كذب. ثم قال بجدية: مش ممكن أن فعلا يكون تمويه ويحصل عملية إرهابية في مكان تاني في أفكار كتير هنا أنا عندي فكرة أحنا ننشر في كل الأقسام القريبة مننا الظرف دا وكل ظابط يعمل كمين كده أحنا هنبقى في أمان أكتر. أومأ فارس بنعم وقال: تصدق عندك حق خد الظرف واعمل كده وعلى العصر هننزل ونعمل الكمين بتاعنا واطلب منهم كلهم يعملوا كده. ........................

وضعت سمر الأطباق على المنضدة وهي تقول بصوت مرتفع: يلا الأكل جاهز. ثم نظرت لسليا وقالت: نادي ساندي. بعد مرور خمس دقايق جلس الجميع حوال المنضدة. نظرت سمر لساندي وقالت بضحكة مكتومة: الوقعة وجعتك يا بت. ابتسمت سليا وقالت بحنان مزيف: متزعليش يا أختي بإذن الله المرة الجاية تلقي أحمد السقا بيدفع عنك مش يوقعك على الأرض. نظرت لهم ساندي بغيظ وقالت: بابا شايف بيتكلموا إزاي خليهم يبعدوا عني. ابتسم الحج السعد

على فتياته وقال بحنان: بس يا بت أنتي وهي محدش لي دعوة بساندي. ثم نظر لسمر باستغراب وقال: انتي وقفتي ليه اقعدي عشان تاكلي. نظرت له سمر بهدوء وقالت: أنا أكلت وأنا بعمل الأكل أنا لازم أنزل دلوقتي النهارده أول يوم شغل ليا مش عايزة أتأخر عليهم هروح البس وأنزل. الحج السعد باستغراب: طب قوليلي إيه الشغل اللي اتقبلتي فيه. نظرت له سمر بتوتر وقالت: أول ما أرجع هقعد وأحكي ليك كل حاجة دلوقتي مش هقدر أتأخر عن كده. ثم ركضت

لغرفتها وهي تقول بهمس: يارب عدي اليوم دا على خير. نظر الحج السعد لها وقال بجدية: أختكم مخبية حاجة وأحدة فيكم تعرفها. نظر له سليا بصدمة مزيفة وقالت: حاجة مفيش حاجة يا حج أنت بس اللي بتقلق أوفر علينا. أومأت ساندي بنعم وقالت: سليا عندها حق متقلقش سمر لو في أي حاجة هتقولك كده كده بليل هتيجي وتحكي ليك كل حاجة. ثم قالت باستغراب: هي فين ماما ناديها يا سليا عشان تاكل. الحج السعد: أمك بتنشر الغسيل وبعدها هتيجي تاكل و.

قطع كلماته صوت والدتهم وهي تصرخ برعب وتقول: الحق يا حج في حد ضرب نار على هشام هو وقع في نص الحارة.