رواية بنات نعمة الفصل الثالث عشر 13 - بقلم أحمد حسن

صمت الفرح وعم الهدوء ثم الصرخات وقد خيم الحزن على كل الموجودين. وسقطت نعمة وهي ترى شريط حياتها القاسي المؤلم. بداية من ولادتها عندما توفت أمها وهي تلدها، ثم من طفولتها ووفات أبيها وهي في عمر الخامسة. وجدتها التي ربتها حتى سن الـ 14 ثم توفت هي أيضاً. مروراً بزوجها الذي تركها هو أيضاً ببناتها وحياتها القاسية في توفير لقمة العيش. حتى يوم فرح أبنتيها وقد قتلت أمام عينيها. أي وجع هذا ياسادة! أي ظلم ياسادة!

استكتروا عليكي الفرحة يانعمة! استكترو على قلبك الفرحة ياطيبة القلب! هدى تصرخ. تغريد تصرخ. ريهام تصرخ. نعمة: خلو بالكم من نفسكم يابناتي. هدى: لا ياأمي لا. تغريد: هتسبینا لمین یاآمی. نعمة: خلاص یابناتی جه وقت الرحیل. بس کان نفسی آعیش لحد ما أتطمن عليكم بس الحمدلله. ريهام: طب وأنا ياأمي هتسبيني لمين. نعمة: ال خلق أمك مستحيل ينساكي ياحبيبتي. صابر: سامحيني يانعمة سامحيني ياحب عمري.

نعمة: مسمحاك ياصابر خلي بالك من بناتك. وأنتي ياكوثر خلي بالك من البنات يااختي. كوثر: محدش غيرك هيرعى بناتك. استحملي ياحبيبتي. الإسعاف على وصول. رياض: ايه ياست نعمة. انتي طول عمرك بتستحملي الضربات ماجتش على دي. نعمة: دي النهاية يارياض. خلي بالك من تغريد وحطها في عينيك يارياض. وانتي ياهدي. إخواتك ياهدي. إخواتك ياهدي. إخواتك ياهدي. أشهد أن لا إله إلا الله وأشهد أن محمد رسول الله. الإسعاف وصلت والجميع يصرخ.

مرسي: ههههههه وأخيرا خلصنا من نعمة. توحيد: بجد ياواد يامرسي. وفيق: امال أيه يااما توحيد. زا إحنا ولاد المغازي. ههههههه. نظيمة: طب والحكومة! توحيد: اخرسي يابت فال الله ولا فالكم. مرسي: إتطمني يانظيمة. إحنا كنا في الفرح وقت قتل نعمة. ياعني إحنا أيدينا نضيفة. نظيمة: ههههههه دا أنت كارثة يامرسي. مرسي: ال يعاشر الديب يستحمل مخالييه. هههههههه.

على سرير نايمة نعمة قاطعة النفس. وفي طرقت المستشفي بيجروا بيها بأقصى سرعة على غرفة الطوارئ. دخلت. 6 ساعات والدكاترة بيغيرو عليها وبيقولو مفيش فايدة. حتى الدكتور ال كان جاي من بره بالصدفة خد معاها 4 ساعات. واخر كلامه إنها هتعيش على الأجهزة. هدى: يعني إيه يادكتور. الدكتور: يعني شبه ميتة ونبضها شغال على الأجهزة. الصراحة نسبة شفاها لا تتعدا الـ 3 بالمئة. يعني عايزة معجزة ربنا يتولاها برحمته. هدى: لااااااا.

تغريد: اميييييي. ريهام: امي. بعد شهرين. عم أنور: كفياكي ياهدى قعاد في المستشفى يابنتي. ارجعى بيت جوزك وابقي تعالى بصي عليها. هدى: انت عايزني أسيب امي. عم أنور: عالأقل يابنتي ارجعي على بيتك ولمي إخواتك ال متبهدلين في المستشفى تحت جناحك. هدى: انا مش هرجع لبيت جوزي ومش هعيش حياتي غير لما أمي تقوم بالسلامة. عم أنور: فوقي يابنتي أنتو بنات. بصي لإخواتك شوفي شكلهم عامل إزاي. رياض: عم انور عنده حق يا هدى.

فعلاً اقتنعت هدى بكلامهم وبقت كل يوم تروح تبص على امها وتقعد جنبها بالساعات. بعد 6 شهور. قدرت هدى تقنع اختها تغريد إنها تروح بيتها مع رياض وبالعافية بعد ضغط كبير عليها. وافقت تغريد. واتبقت هدى وريهام في بيت امهم نعمة. بعد كام يوم. صابر: ازيك ياهدي. هدى: الحمدلله. صابر: افتحي محل أمك ياهدي متسيبهوش مقفول. هدى: مش قادرة افتحه ومشفش أمي فيه.

كوثر: وإمتحاناتك أنتي وإخواتك كمان على الأبواب. ولازم لما أمك تقوم بالسلامة تسمعيها أخبار حلوة. وأمك كانت دايما بتحكيلي إن أمنية حياتها تشوفكم حاجة كبيرة. وانتي عارفة كلامي كويس. هدى: فعلا امي كانت امنيتها أنها تشوفنا حاجة تشرف. وإن شاء الله هنفرح قلبها بعد ما تقوم لينا بالسلامة. في اليوم التالي. هدى وريهام راحو البيت عند تغريد ورياض. هدى: اسمعني يارياض كويس. انا جاية اطلب منك طلبين. رياض: خير إن شاء الله.

هدى: من بكرة هتروح تفتح المحل وترجع الشغل تاني. رياض: أفتح المحل! هدى: ايوة يارياض. لازم أسم امي يفضل كبير في السوق. رياض: طب وانتم! هدى: متقلقش. إحنا هنخلص إمتحانات ونرجع نقف في المحلات معاك بعده. رياض: ماشي ياهدى. هدى: الطلب التاني. إنك تسمح لتغريد تيجي تقعد معانا في فترة الإمتحانات عشان نقفل على نفسنا كويس ونركز في المذاكرة ونراجع لبعض عشان ربنا يكرمنا ونعدي من السنة دي. وبعد الإمتحانات تبقا ترجع بيتها.

تغريد: اكيد رياض مش هيعترض. رياض: طبعا مش محتاجة تفكير. ربنا يقويكم وتنجحو يارب. هدى: شكرا يارياض. خلصت الأمتحانات وفي إنتظار النتيجة. في الفترة دي كانت هدى وريهام وتغريد متابعين المحل ومش ناسيين امهم بيزروها كل يوم. في يوم جه مرسي وقف على باب المحل. مرسي: السلام عليكم. هدى قامت وقفت ومسكت في إيديها السلاح المترخص بتاع المحل ومشيت ناحية مرسي.