رواية بنت الاصول الفصل الخامس 5 - بقلم نور الزوات

بعد الانتهاء من مراسم الدفن والعزاء، كانت تجلس ياسمين عند المقابر تبكي. فهي بعد وفاة عائلتها أصبحت الدموع لا تفارق عينيها. "كلهم جو عندك أهو يا ماما، إلا أنا. سابوني لوحدي. تعرفوا، عدى عليا أسبوع واحد بس، أنا حساه مش بس سبع أيام، ده كان سبع سنين من غيركم. اشتقتلكم قوي قوي. أه، كمان تعرف يا خالد، مش أنا وعمو مهران بس اللي زعلانين على فراقكم، ده حتى سريع زعلان ومريض عليك كمان."

مهران: "كفاية لحد كده يا ياسمين، اللي عملاه في نفسك. وبعدين هما قاعدين في مكان أحسن من اللي إحنا عايشين فيه. وربنا في كتابه بيقول (وكل نفس ذائقة الموت) . حتى نبينا الكريم انتقل للرفيق الأعلى، وهما أنتي فاكراهم حيبقوا مبسوطين بيكي وأنتي عاملة في روحك كده؟ لا يا ياسمين، بالعكس حيزعلوا قوي. ومش بنت أخويا اللي تبكي وتنحب زي الواحدة الجاهلة. وإحنا أكيد في يوم حنحصلهم، ولا عاوزاهم ياما يقبلوكي يكونوا زعلانين منك؟

وأنتي أمانة أخويا سامح عندي، ولا عاوزة أخويا سامح لما أروح عنده يقول لي: مش قدرت تاخد بالك من الأمانة اللي أمنتَك عليها يا مهران. ولما أنتي بالشكل ده، عمالة تبكي وتعيطي، مين بقى اللي حياخد حقهم معايا؟ ها؟ ولا عاوزاهم ياما يقابلونا يقولوا لنا: مش قدرتوا تاخدوا حقنا؟

ياسمين: "واللهي لححرق الأخضر واليابس، وحخلي محمدين وكل اللي كان له يد ولو بسيط في قتل عيلتي، لا يتهنوا ولا يشوفوا يوم عدل، وأحدقهم العذاب ألوان، وحخليهم يتمنوا الموت ما يلاقوه، وحاخد حقكم كامل ومتلت."

مهران: "وأنا معاكي يا بتي في كل حاجة. واللهي لنخليهم ما يشوفوا الرحمة، ونندمهم على اليوم اللي اتولدوا فيه. بس لازم نمشي دلوقتي الصعيد وتعالي معايا مصر. إحنا مش حنستحمل نشوف القصر بالشكل ده فاضي ومحروق. وإن شاء الله المرة الجاية نجيلهم ونكون واخدين حقهم." ها في مصر. مهران: "يا ثمية، يا مؤمن، يا نور، يا أسر، يا جنى، تعالوا سلموا على بنت عمكم يا عيال." مؤمن: "إزيك يا ياسمين؟

البقاء لله أول حاجة. أنا مؤمن بدرس برمجة، عمري 20 سنة. والواد ده أسر، ميغركيش شكله الوسيم ده، حقولك على سر. عارفه بيضحك كل سنة ضحكة واحدة. شوفي بقى أنتي حتقابليها إمتى، على حسب الظروف يعني. خريج كلية هندسة، بيشتغل مع بابا في الشركة، عمره 24. ودي نور، طيبة قوي وهادية، في كلية تجارة، عمرها 20 سنة. أما بقى العفريتة جنى، 16 سنة، أولى ثانوي. والطابور ده كله اعتبريه زي خواتك، يعني بقى عندك 4 خوات جداد. ودي بقا الست ماما، فوق من كلمة حنينة بشوية، اسمها ثمية."

نور: "خلاص كفاية بالراديو، وجعتي راس ياسمين وهي لسه راجعة من السفر." نظر الجميع إلى ياسمين، التي تكونت في عينيها الدموع. مؤمن: "آسف خالص، مش كنت قاصد أوجع راسك يا ياسمين." ياسمين: "أنا مش زعلانة، بس طريقة مؤمن في الكلام تشبه أخويا علي. حتى شخصية أسر زي خالد ومحمود أخويا. ونور برضه فيها شبه كبير من سارة. وجنى نفس عمر مصطفى. فأنتم فكرتوني بيهم وأنا مبسوطة عشان أنتم شبههم، وحبيتكم قوي قوي."

جنى: "أنا عاوزاكي تناديني بأختي لو ينفع يا ياسمين." ياسمين: "أنتم بقيتوا عيلتي، وكلكم خواتي، وأنا فرحانة خالص بيكم يا عيال عمي." أسر: "حنسيبك تستريحي دلوقتي يا ياسمين، عشان أكيد أنتي تعبانة من السفر." مهران: "خدي ياسمين على غرفتها يا نور." نور: "تعالي يا ياسمين معايا." نور: "حسيبك تستريحي دلوقتي يا ياسمين، بس مش كتير، عشان أنا وجنى ومؤمن عاوزين نتكلم ونحكي معاكي كتير، ها." أخذت شاور ونمت، وصحيت الساعة 7.

ثمية: "تعالي يا بنتي، العشاء جهز ومستنينيك." ياسمين: "حاضر يا خالتي، جايه على العشاء." مهران: "أنتي مهندسة يا ياسمين؟ إيه رأيك تشتغلي معانا في الشركة أنا وأسر؟ ياسمين: "بفرحة، موافقة يا عمي. أنا كان نفسي أشتغل في شركة من زمان وأكون مستقلة، بس مفيش بنات عندنا بتطلع تشتغل أو تتعلم أصلاً." مهران: "خلاص، شوفي إمتى، وروحي معانا." ياسمين: "لو ينفع بكره." مهران: "بالسرعة دي؟

بس براحتك. وفي حاجة، يعني مش حينفع تروحي الشركة بالعباية الصعيدية، أكيد." نور: "إيه رأيك يا ياسمين تاخدي كام طقم من عندي وتروحي بيه، عمّا تسوقي وتختاري اللي عاوزاه تجيبيه؟ ياسمين: "بس أنتي مش عندك غير بلوزات ومناطيل، ده حتى جيب مش عندك." نور: "أنتي حتروحي شركة يا ياسمين، مش حتروحي تصلي. ومش بينفع في الشركة الجيب ولا حتى العباية الصعيدية، يا بنتي." ياسمين: "خلاص، موافقة. أنا عاوزة أروح بكره الشركة."

ضحك الجميع على طريقة ياسمين في الكلام، فهي تريد الذهاب بالعباية الصعيدية للشركة. أكيد في حاجات كتير حتتغير في حياة ياسمين بنت الأصول، لاكن عمرها ما حتنسى تاخد حق عيلتها من اللي قتلوهم من غير ذنب، وحبها لعائلتها لن يتغير، فهم دايما ساكنين قلبها.