رواية بنت الاصول الفصل السابع 7 - بقلم نور الزوات

محمدين: أنت بتقول إيه يا ولدي؟ كيف ده حصل؟ عمران: الشاحنة اللي كنا مالينها شوايل دقيق ومخبين جواها السلاح، في حد وقف رجالتنا في الطريق وكبس عليها، وأنا بالعافية لحقت أهرب وسبت الشاحنة. محمدين: بس مين اللي بلغ الشرطة؟ إحنا شغلنا في المدارى. عمران: مين قالك شرطة يا بوي؟ دول كانوا خمس عربيات مالينين رجالة وكل واحد فيهم قد رجالتنا كلهم. محمدين: وه يما! مش شرطة يبقى مين ده؟

حتى تجار السلاح كلهم ميقدروش على العملة دي وبيخافوا كلهم منينا. أثناء حديث عمران مع والده، قام أحدهم بنزع التليفون من يد عمران وقطع المكالمة. أحد الرجالة: عمران محمدين العنايني مستخبي زي العيال الصغيرة؟ منينا؟ ده إحنا هنكرمك قوي قوي، ده المعلم بتاعنا مدينا أوامر إننا نكرمك بطريقتنا عشان أنت تخصه. عمران: شكلكم مش عارفين أنتم ولا حتى معلمكم مين هو عمران العنايني علشان تعملوا معايا كده. في مكان آخر.

أحمد: الرجالة اللي طلبت مني أخليهم يهجموا على عمران العنايني والشحنة بتاعته، نفذوا المهمة وكمان حتى عمران قدروا يجبوه معاهم، وزمانه قاعد في المصنع القديم. مجهول: تمام. الدقيق اللي كان في الشاحنة وزعوه على الناس الغلابة اللي في القرية بتاعتي، وتحط ختم "ابن القرية". أحمد: بس كده في خطر عليك، ومحمدين ما عندوش عداوة غير معاك في القرية كلها. كدا ممكن يشك.

مجهول: مش مشكلة، مش هيقدر يعمل حاجة. هو تلاقيه دلوقتي قلبه خايف على ولده لتجراله حاجة، وعقله بيجيب ويودي مين اللي عمل كده. أحمد: تمام، حروح أعمل اللي قلتلي عليه. يلا سلام. عند محمدين. محمدين: غورو! روحوا اقلبو الدنيا ودوروا على عمران ولدي ومش ترجعوا إلا وهو معاكم، بدل ما تكون رقابكم هي التمن. فاهمين؟ الرجالة: فاهمين يا معلم. محمدين: أخ لو أعرف مين اللي اتجرأ وعمل كده، أمحي من على وش الدنيا. أما في الفيلا عند ياسمين.

ياسمين: تعرفي يا جني فندق الأنوار؟ جني: أكيد يا ياسمين، ده فندق قريب من فيلاتنا خالص. بس مالك بتسألي عليه؟ ليكون ناويه تعزلي منينا ومش عاجبك تعيشي معانا؟ ياسمين: بطلي هبل يا جني. أنا عاوزاكي قبل ما تروحي مدرستك توصليني عنده الأول، علشان صحبتي اللي كانت عايشة معايا في الصعيد جات مصر زيارة، وكانت عاوزة تشوفني علشان اشتاقتلي. جني: اشتاقتلك يا أختي. ماشي، حروح ألبس المريلة عما تكوني جهزتي. ياسمين: تمام.

مهران: صباح الخير يا ياسمين. ياسمين: صباح الخير يا عمي. مهران: ليه محدش قاعد على الفطار غيرك؟ أما فين الباقي؟ ياسمين: خالتي ثريا وهدير عند مؤمن فوق، وأسر طلع الصبح بدري وقال حيروح الشركة. أما جني بتجهز علشان مدرستها ومش فضي غيري أنا. مهران: طب يلا نفطر قبل ما يبرد الأكل. مهران: الحمد لله. يلا يا ياسمين علشان نروح الشركة. ياسمين: لأ، أنا مش حروح معاك. مهران: حلا بالسرعة دي؟ لحقتي تزهقي؟

ياسمين: لأ، أنا حخلي هدير توصلني بالعربية بتاعتها في طريقها للجامعة. هي قالتلي. مهران: براحتك. يلا سلام. ياسمين: ده كله وقت بتاخديه يا جني علشان أجهز؟ ليه؟ أمال؟ جني: طب يلا نمشي علشان مش أتأخر على المدرسة. في الشركة. أسر: كده تمام. الفلوس بتاعت الموظفين ولا حتى قسم التسويق أخدتها. كده أكيد الشركة حتخسر وتحتار، وحتى مهران بيه حيدمر ومش حيقدر يقف من جديد في السوق، وكل المنتجات بتاعته حتخسر. ***

جني: أهو الفندق، وأنا قلت لهدير تعدي عليكي توديكي الشركة في طريقها للجامعة. يلا سلام، وابقي عدي الجمايل. ياسمين: سلام يا جنون. *** ياسمين: في إيه يا مصطفى؟ قلقتني. مصطفى: أنا كنت ب จะ اراقب محمدين العنايني وولده، وهما كانوا مخططين إنهم بينقلوا شحنة كبيرة مليانة سلاح في الصحراء. بس الغريب إن في حد مدى أوامر لرجاله هاجموا على الشحنة، وقدرو ياخدوا عمران العنايني معاهم، لأن هو اللي كان موجود.

ياسمين: غريب خالص. ده حتى محمدين العنايني مش معاه عداوة غير معانا، ومفيش حد من مصلحته أذيته. حتى بقى مين ده اللي هاجم على ولده؟ مصطفى: لا والأغرب من ده كله، إنه وزع أكياس الدقيق اللي كانت في الشاحنة لقريتك في الصعيد، وعليها ختم مكتوب "ابن القرية". ياسمين: مين ده اللي من قريتنا ومعاه عداوة مع محمدين العنايني زيينا؟ مصطفى: يلا سلام، وابقي أحاول أشوفلك مين. ياسمين: سلام، ومتشكره على تعبك. *** هدير: فينك يا ياسمين؟

مش شايفة قدام الفندق. أقولك خلاص اقفلي. شفتك. ياسمين: أوعى تكوني مش عارفة تسوقي! أنا حياتي غالية عندي. هدير: طب، انتي شرف ليكي تركبي معايا أصلاً. ياسمين: يلا يا أختي، سلمت أمري لربنا. في الشركة. كانت كلها مقلوبة على السرقة اللي حصلت. ياسمين: في إيه يا عمي؟ في إيه يا أسر؟ مهران: الشركة اتسرقت يا ياسمين، وكل الفلوس مش موجودة، والشركة كده حتخسر كتير، وممكن تعلن إفلاسها وتتقفل.

أسر: وكمان باين عليه اللي سرق الشركة عارف كويس أماكن الكاميرات، علشان مفيش كاميرا جايباه. ياسمين: بفزع. كيف ده يحصل في يوم واحد؟ في حاجة مش طبيعية وغريبة. قولت إن مفيش كاميرا واحدة جايباه. أكيد واحد من الموجودين بالشركة. أسر: بارتباك. مش لازم، ممكن يكونوا عصابة حرامية متمكنين.