رواية بنت الخدامة الفصل الثاني 2 - بقلم فريدة

والله الولد عنده حق. ثريا: خلاص يا محسن، إحنا هنروح بكرة وهنشوفها. محسن: إن شاء الله. محسن: هي اسمها إيه؟ ثريا: مش عارفة. أنا كل اللي أعرفه إن زينب موصيني على بنتها، وأنت عارف إن زينب واقفت معايا كتير. محسن: برضه يا ثريا، كان ممكن أي حاجة غير الجواز. ثريا: يعني إيه؟ أنا قولتلك قبل ما أقول لهشام. محسن: أنا كنت بحسبك عارفة عنها كل حاجة يا ثريا. ثريا: خلاص بقى يا محسن، كفاية كلام في الموضوع ده، بكرة هنعرف كل حاجة.

وعدى اليوم. تاني يوم. ثريا: قوم يا محسن، أنت ناسي إحنا عندنا فرح؟ محسن: فرح إيه يا ثريا؟ إحنا هنضحك على بعض؟ ثريا: مين قال إني هضحك عليك؟ محسن: يعني إيه؟ ثريا: يعني هعمل فرح لبنت، لازم تفرح، كفاية عليها حزن. محسن: بس يا ثريا، أنتِ عارفة هشام. ثريا: هشام كده كده مش معترف بجوازه دي، خلاص سيبني أعمل اللي أنا عايزه. محسن: طيب، إحنا هنطلبها من مين؟ ثريا: في واحد قريبهم من بعيد اسمه أحمد، هو هيجوزهاله. محسن: هشام؟

ثريا: يا هشام، خالص، هنتاخر. محسن: أنتِ مخبية عليه إيه؟ ثريا: هخبى إيه؟ دا الراجل اللي كان مع زينب في المستشفى، ولما سألتها قالتلي إنه هو اللي بيسأل عليهم، علشان كده أنا اتصلت قولتله. محسن: ماشي، يلا بينا. ثريا: جاهز يا هشام؟ هشام: أيوه. محسن: إيه ده يا ابني، أنت لابس إيه؟ هشام: عادي، حلو كده. محسن: روح البس بدلة يا هشام. هشام: لا، هو ده اللي عندي، مش هلبس غير كده. ثريا: خلاص، خلاص، يالا.

هشام: يا رب، ما تنسوش، أنا مش عايز أشوفها. محسن: يالا، اتاخرنا. نزلو، محسن وثريا ركبو عربية ولسه هيمشو. هشام: استنى يا يابا. محسن: لا، هات عربيتك. هشام: ولزمته إيه؟ عربية واحدة كافية. ثريا: يا ابني، علشان عروستك تيجي تركب معاك. هشام: لا، لا، يمكن. محسن: أنت اتجننت يا هشام؟ اخلص، أنا صابر عليك من الصبح. محسن وثريا طلعو بعربية، وهشام طلع بعربية. محسن فضل كتير على البيت. ثريا: أظن الشارع الجاي.

محسن: بصي شوفي هشام ورانا بعربية. ثريا: أيوه. محسن: طيب، أنا هركن هنا، انزلي إنتِ. ثريا: ماشي. محسن ركن، وهشام كمان ركن عربية ونزل. ثريا: يالا، واقفين ليه؟ محسن: يالا يا هشام. وصلو البيت. عم أحمد: أهلاً وسهلاً، اتفضلو. محسن: أهلاً بحضرتك. عم أحمد: أنتو منورين. ثريا: ده نورك يا عم أحمد. محسن: ندخل في الموضوع. أحمد: اتفضل. محسن: إحنا عايزين... والله ما أنا عارف أقول إيه. ثريا: قولي يا عم أحمد، هي العروسة اسمها إيه؟

عم أحمد: أنتو مش عارفين اسمها؟ محسن: في الحقيقة، إحنا جايين حسب وصية زينب لينا. ثريا: زينب الله يرحمها، موصيني على بنتها، وبصراحة زينب كانت غالية عليا جداً، ودا أقل حاجة أعملها علشان تستريح في قبرها. عم أحمد: أنتو ناس محترمين، مافيش زيكم في زماننا ده. محسن: هي العروسة اسمها؟ هشام: يا صلاة النبي، أنتو كمان مش عارفين اسمها؟ ثريا: اسكت يا هشام. عم أحمد: العروسة اسمها سدره. محسن: الله، اسمها جميل.

هشام: يالا، كفاية اسمها. ثريا: طيب، ممكن نشوفها؟ عم أحمد: طبعاً. هشام: مافيش داعي. ماما، أنا قولت مش عايز أشوفها، ده كان شرطي. ثريا: يا ابني، وطّي صوتك، الراجل هيسمعك. عم أحمد: خلاص، هطلب المأذون. محسن: طيب، مش لما نتفق على كل حاجة؟ عم أحمد: أنتو هتاخدوا اللي أغلى من الدهب والفلوس، وأنا واثق إنكم هترعوا ربنا فيها. محسن: على بركة الله. هشام: خلاص كده؟ محسن: ممكن أسألك سؤال يا عم أحمد؟ هي العروسة شكلها إيه؟

أحمد: مش أنتو رفضتوا تشوفوها؟ محسن: سؤال وخلاص. أحمد: اللي يشوف سدره يقول هي زينب كلها، في احترامها وحنيتها. محسن: خلاص يا عم أحمد. محسن: تقريباً عرفتها. هشام: (بصوت واطي) شوفتي يا ماما؟ أها، طلعت زي زينب بالظبط. ثريا: خلاص يا هشام.