رواية بنت المقابر الفصل الثاني 2 - بقلم ايات عبدالرحمن

ايه اللي انت جايبه دا ياسليم؟ طب قولي حمدًا لله على سلامتك الأول. رد يا سليم. ايه دا؟ جايب عيل وأعمى؟ ابنك دا اتجوزت عليا يا أمور؟ يا بت صابر. اهدأ بس يا وليييييه. استهدي بالله كده وقولي ياهادي، وخلينا نتكلم. أومال سمعاك يا سبعي، سمعاك. انطق. اتقدي بنت يتيمة. طلعناها من المقابر بقالها سنتين قاعدة في القبر وما فيش حد رضي ياخدها عنده. وتقوم أنت يا أبو قلب ورق عنب جايبها؟ افرض طلعت عفريت دلوقتي نعمل إيه؟

ما تقلقيش. دي بشر زينا. تاويها عندك واعتبريها زي بنتنا. دي عندها سنتين وبنتنا عندها سنتين. اعتبريهم توأمان. هتقارن بنت المقابر دي ببنتي؟ يا حاجة، أنا مش بقولك قارنيها بيها. أنا عايزك تعطفي عليها بس وتراعيها. آه، خدامة لجنابها يعني؟ يا ست الناس، مش دا قصدي. ولا ست الناس ولا زففففففت. هي كلمة واحدة وملهاش تاني. البت دي ماتفضلش هنا. هتروح فين؟ هي ملهاش مأوى غير هنا.

أنا قولت اللي عندي. وهتكتر في الحديث هتختار واحدة فينا. يا أنا يا بنت القبور. وأنا مش هسيب اليتيمة. يابخت من ربى يتيم. دا اللي بيربي يتيم بيدخل الجنة. مهما كان عمله. أنا واليتيم كهاتين في الجنة. آه، ما أنت هتبرر الموقف وتعمل فيها الشيخ مبروك. هي كلمة أخيرة. يا أنا يا هي. وانا قولت اللي عندي. مش هسيبها. يبقى أنت اللي حكمت على خراب بيتك. طلعت فوق جري وبتلم هدومها. وهو بيبص لليتيمة بحزن وبيطبطب عليها وبيمسح على رأسها.

اقعدي يا حبيبتي وماتخافيش. وطلع فوق يراضيها بكلمتين. عشان خاطري خليها معانا. دي يتيمة. بلاش خاطري. عشان خاطر ربنا. متحاولش. أنا قولت اللي عندي. مسك إيديها وباسها بكل حنية وفضل يترجا فيها لحد ما أخيرًا اقتنعت. خلاص. هنسيبها. بس مش عايزة اهتمامك ببنتي يقل. هما الاتنين هيكونوا عندي زي بعض إن شاء الله. أنا هنزل بقى. وأنتِ خدي البنت واغسليهالها وغيريلها هدومها. وأنا معاكي. وتعالي نأكلهم هما الاتنين عشان ياخدوا على بعض.

ماشي. اسبقني وأنا جاية وراك. حاضر يا ست الستات. وباس إيديها ونزل. ماشي. أنا هسيبك يا بنت المقابر. بس وعد مني لاخليكي ترجعي للقبر تاني. بس المرة دي مش هتطلعي منه.