رواية بنت الصعيد الفصل الخامس 5 - بقلم رنا احمد

في المعهد الخاص بملك.. كانت قاعدة ملك بصدمة قاتلة من اللي بتسمعه، لتردد بارتباك: "حضرتك بتقول إيه يـ جدو؟ عامر بابتسامة: "اللي سمعتيه يـ ملك، انتي هتعيشي ملكة في فيلا الجبالي، هتكوني سيدة القصر زي ما بيقولوا كده، فهد بيحبك يـ ملك." ملك بصدمة وسخرية: "انت بتقول إيه يـ جدي؟ ده دمرني ودمر حياتي." عامر بابتسامة: "امسكي الورقة دي، وانتي هتعرفي كلامي." ملك بصدمة: "ورقة جواز رسمي بيني وبين فهد." عامر بابتسامة حانية:

"أيوه، فهد لما كتبتوا الورقة العرفي، وثقها على إيد مأذون رسمي، يعني انتي كده بقيتي مرات فهد الجبالي رسمي، على إيد مأذون مش عرفي يـ بنتي." ملك بصدمة قاتلة: "أمال ليه عمل فيا كل ده؟ اللي بيحب حد يعمل فيه كده؟ مش مصدقة." عامر بجدية: "الشخصية اللي زي شخصية فهد تعمل كده، لأنه مغرور وعنيد، مش سهل يعلن لواحدة إنها امتلكت قلبه، وخصوصاً لو الواحدة دي بنت أكتر أعدائه، انتي ناسيه العداوة اللي بين العائلتين؟

فهد عمل كل ده وهو بيحاول يقنع نفسه إنه بينتقم منك ومن جدك واخوكي، تقدري تقوليلي هو ليه لحد دلوقتي محاولش يعرف جدك أو أخوكي؟ لأنه أذايتك بتعتبر أذيته، قلبه بيتوجع عليكي." ملك بدموع ومرارة: "أنا آسفة يـ جدي، أنا مستحيل أقبل بالخطة دي، أنا بكره فهد من كل قلبي." عامر بجدية:

"أنا عارف إن اللي عمله فهد مش سهل، بس ادي لنفسك فرصة، بس ده بعد ما تغيريه وتخليه هو بنفسه اللي يصرخ بحبك بأعلى صوت، انتي عمرك ما حبيتي على يـ ملك، لاكن واثق إن رغم كل اللي حصل قلبك ممكن يتفتح للفهد، انتي كل حاجة في إيدك." ملك بجدية: "حضرتك مش خايف إني آخد كل حاجة فعلاً ومنفذش خططك؟ عامر بابتسامة:

"أنا عمري الفلوس ما كانت بتفرق معايا، وأنا واثق إنك مستحيل تعملي كده، وعلي فكرة ده فعلاً نصيبك، نصيب فهد نصيب رقيه مكتوب باسمها، ومعايا اللي في إيدك ده نصيبك انتي وفهد وولي العهد." ملك باستنكار: "ولي العهد؟ مستحيل يـ جدي." عامر بابتسامة:

"رغم إنك واخده الموضوع بسخرية، لكن هييجي يوم وهفكرك بكل ده، وولي العهد ده هييجي وهو اللي يقرب بين العائلتين وينهي عداوة بقالها سنين، جهزي نفسك لأني هجيب فهد ونيجي نطلبك من جدك واخوكي، سلام يـ أم حفيدي." مشي عامر وسابها في بحور أفكارها. انتي لازم توافقي يـ ملك، معندكيش خيار تاني، انتي لازم تنتقمي من فهد، وليه لا؟ مش يمكن ده ينهي العداوة؟

وبعدين انتي فعلاً بقيتي مرات فهد، خلاص مفيش مفر، انتي كمان محتاجاه، بس الفرق دلوقتي إنك هتكوني انتي القوية. *** في فيلا الجبالي… كان واقف فهد بغضب مع رقيه: "عملتي اللي في دماغك يـ رقيه؟ رحتي بلغتِـ جدِـي بكل حاجة؟ رقيه بحدة:

"أيوه يـ فهد، عشان أحميك من نفسك وأحمي ملك الغلبانة منك، وأمنع حرب كانت هتقوم بينك وبين مراد لما يعرف اللي انت عملته في أخته، وبصراحة بقى عنده حق، لأن برغم اللي بين العائلتين عمره ما فكر يؤذيني، لكن انت دمرت أخته يـ فهد." فهد بغضب: "كان لازم أعمل كده عشان أجيب مناخيرهم كلهم الأرض." عامر بنظرة خبيثة: "واديك عملت اللي انت عايزه، إيه اللي مزعلك بقى؟

بس جهز نفسك بليل عشان نروح نطلبها من جدها، مش كده وبس، انت هتفضل تتحايل عليهم كمان عشان يوافقوا." فهد بغضب وجنون: "نعععععم؟ ده مين اللي قال كده؟ إن شاء الله أروح لهم وأتحايل عليهم ليه؟ واقع فيها، ماهي أصلاً مراتي، ده هما اللي هيتحايلوا عليا عشان أستر على بنتهم من الفضيحة." عامر بنظرة خبيثة: "خلاص براحتك، بس ابقى سيب الشركة والفيلا وكل حاجة عشان صاحبتها تستلمهم، أم الغالي، وخليـهم بقى يتمتعوا بأملاكك." فهد باستغراب:

"أم الغالي مين؟ فيه إيه يـ جدي؟ انت مالك بتتكلم بالألغاز كده ليه؟ عامر بابتسامة خبيثة: "أنا مبتكلمش بالألغاز ولا حاجة، انت فاكر لما كنت بقولك إن كلامك هيبقوا ملك حفيدي وأمه؟ خلاص ملك بقت هي صاحبة كل ممتلكاتك، بيع وشراء مني." فهد بغضب جحيمي: "نعم؟ إيه الكلام ده؟ جدي، بنت الرشيدي بقت روحي في إيدها، وهو فين حفيدك ده إن شاء الله؟ عامر بابتسامة: "انت مش دخلت عليها؟

يبقى خلاص، ممكن حفيدي يجي في أي لحظة، الموضوع انتهى يـ فهد، ملك بقت هي ملكة عائلة الجبالي." فهد بغيظ شديد: "ده على جثتي إن بنت الرشيدي تبقى هي الكل في الكل، أنا هربيها." عامر بابتسامة خبيثة: "للأسف يـ فهد، هي اللي هتربيك، القرار بقى قرارك انت والحل في إيدك، تتجوز ملك قدام الناس وتعيشوا انتوا الاتنين في خيري، يا كده يا سعادتك تشوفلك عقد عمل في السعودية." فهد بغيظ شديد وهو ماشي: "طيب يـ بت الرشيدي، أنا هوريكي."

رقيه بضحك: "ههههه يـ عامر يـ جامد، إزاي قدرت تعمل كده؟ ده الواد هيتجنن." عامر بابتسامة خبيثة: "يستاهل." *** في لندن … في شقة مراد ومران… كانوا داخلين بالأكل، اتكلم مراد بغيظ شديد: "أنا عايز أعرف انتي ليه صممتي إنك تسوي الأكل هنا؟ ما كنا كلنا الأكل جاهز وخلاص." مران بابتسامة: "يـ ابني هتشوف الفرق دلوقتي، ده أنا نفسي في الأكل اللي يعلى عليه." مراد بغيظ شديد: "ربنا يستر، أنا مش ناقصه تلبك معوي." مران بضحكة جميلة:

"ههههه متخافش." سرح مراد في ضحكتها، بس رجع لثباته بسرعة وافتكر رقيه، بس فجأة سمع صراخ مران، جري على المطبخ، لقاها ماسكة إيديها بألم: "مالك؟ مران بدموع طفولية: "إيدي اتلسعت، وجعاني أوي." مراد بحزن شديد عليها، وكأنه عايز يحضنها ويداوي كل آلامها: "متعيطيش، أنا هجيبلك تلج." مران بدموع وبراءة: "بس بالراحة عشان خاطري." مراد وهو بيبص في عينيها بسحر غريب بيخطفه: "متخافيش." فجأة هدت إيديها، بصتله بابتسامة:

"ربنا يخليك ليا يـ مراد، خلتني أحس بحنية عمري ما حسيت بيها." مراد بابتسامة: "قصدك إيه؟ مران بحزن: "قصدي إن كان نفسي ألاقي الحنان ده من زمان أوي، أبويا زي ما انت عارف عقيد كبير، كان دايماً جامد وقوي بطبيعة شغله، عمره ما حستسني بحنان الأب، وأمي ماتت وأنا صغيرة." مراد بابتسامة ساحرة: "أوعدك إنك مش هتحسي بالحرمان ده أبداً من هنا ورايح." كانت نظراتهم توحي بالكثير. ماذا سيكون القادم لهم وماذا سيكون مصير الآخرون؟ 🤔🤔🤔🤔🤔. ***

في شركة فهد.. كان في قمة غضبه وغيظه، فقد أضاعت منه صفقة العمر لعدم وجود ضمانات معه، فكل شيء أصبحت في يدها. اتكلم بحدة وتوعد: "وماله، ماشي يـ جدي، هعمل اللي انت عايزه، بس هخلي الست ملك تكره عيشتها، بنت الرشيدي." *** في فيلا الرشيدي. كان قاعد عامر مع عزت وفهد، اللي في قمة غيظه من الوضع اللي هو فيه. معقول بعد كل اللي عمله يكون هو اللي جاي يطلبها؟ هو اللي جاي يعلن هزيمته؟ عامر بابتسامة:

"الحمد لله إن مراد مش موجود يـ عزت، انت عارفه، يطيق العما ولا يشوفنا." عزت بابتسامة: "معلش يـ حاج عامر، عيال صغيرين، انتوا نورتوا وشرفتوا." عامر بابتسامة: "الشرف لينا يـ حاج عزت، إحنا جايين مدين إيدينا بالخير وطالبين الرضا، إنك توافق إن حفيتدك الغالية ملك تكون مرات فهد حفيدي، وبيني وبينك يـ عني فهد بيعشق التراب اللي بتمشي عليه." فهد بصراخ وغيظ شديد: "أنا." عامر باستفزاز:

"خلاص بقى يـ واد يـ فهد، جدك عزت مش غريب، هو الحب عيب." نزلت ملك وهي بتبصله بكل ثقة وغرور، قعدت بثبات: "أهلاً يـ جدو عامر." عامر بابتسامة: "أهلاً يـ قلب جدك، ما شاء الله بدر منور، ليك حق يـ واد تتحايل عليا وتبكي بالدموع وتقولي والنبي يـ جدي جوزهالي." فهد بغيظ شديد: "هو انت عندك حفيد غيري ولا إيه؟ عزت بابتسامة: "إيه رأيك يـ ملك يـ ضنايا؟ جدك عامر طالب إيدك لـ فهد." ملك بابتسامة خبيثة واستفزاز:

"انت طبعاً عارف يـ جدي، أنا اتقدملي عرسان قد إيه ومستويات، بس يلا ناخد أبو تجارة ده وأمري لله." فهد بغيظ شديد: "لا يـ شيخة، مشي طوابير الدكاترة والمهندسين اللي واقفين على الباب ده، أنا وجدي مكناش عارفين ندخل من الزحمة." كانوا بيبصوا لبعض بغيظ شديد، نظرات توعد، تحت ضحكات عامر وعزت الخافتة، لتنهي المقابلة على تحديد يوم زواجهم… *** في شركة الرشيدي. في مكتب علي. كان قاعد علي بيمضي بعض الأوراق، دخلت

عليا السكرتيرة بأثر دموع: "علي بيه، العميل الأجنبي في أوضة الاجتماعات." علي باستغراب: "مالك يـ عليا؟ فيه إيه؟ ليه بتعيطي؟ عليا بدموع ووجع: "تعبت يـ علي بيه، تعبت، جوزي أمي ربنا ينتقم منه، مبهدلني، مش عارفة أنام ساعة واحدة، نظراته الزبالة ليا بتموتني." علي بحدة وغيظ: "انتي مش هتعقدي معاه تاني، طالما أمك مش عارفة تحميكي من الحيوان ده." عليا بدموع: "هروح فين بس يـ علي بيه؟ أنا ماليش حد." علي بجدية: "عليا، تتجوزيني."

عليا بصدمة: "إيه؟ *** في فيلا الرشيدي. كانت قاعدة ملك مع جدها عزت: "طب ومراد يـ جدي؟ تفتكر لو رجع لقاني متجوزة فهد ممكن يعمل إيه؟ عزت بتنهيدة عالية: "متشغليش بالك بـ مراد، أنا هتصرف معاه، جوازك من فهد فيه مصلحة للكل، أهمهم إنه هيقفل العداوة اللي بينا وبينهم ويرحمنا من بحر دم مش هيتقفل، المهم يـ ملك، خودي بالك من نفسك وارفعي راسك دايماً فوق، فاهمة؟ ملك بابتسامة:

"اطمن يـ جدي، ده أنا حفيتدك، وحياتك عندي، لخلي الكل يعرف مين هي ملك الرشيدي." *** في فيلا الجبالي. كان واقف فهد بغيظ شديد وصراخ: "أنا عايز أفهم إيه اللي انت قلته ده؟ بقى أنا هموت عليها وببكي عليها ليه إن شاء الله؟ شاكير ا وهي تقول هرضى بيه وخلاص؟ بتاعة معهد أم حسن الشبر ونص؟ ورمح أمي لأوريها النجوم في عز الضهر." عامر بابتسامة خبيثة: "براحتك، افتكر إنها تقدر تخليك تشحت في الشوارع." فهد بغيظ شديد: "مين ده؟

هتشوف يـ جدي، لو مخلتهاش تقول حقي برقبتي، مبقاش أنا." *** في شركة فهد. صباحاً. كان داخل بعبوس شديد، ظهر قدامه سيف المساعد بتاعه: "شرفت يـ فهد بيه." فهد بضيق شديد: "سيف، جهزلي ورق صفقة الخشب بسرعة، زمان مدير الشركة علي وصول." سيف بابتسامة: "كل حاجة خلصت يـ أفندم، والمدير جوه من بدري، أستاذة ملك ظبطت كل حاجة وخلصت كل الأوراق." فهد بغيظ شديد وصراخ: "نعمممم يـ أخووويا مين؟