رواية بنت الصعيد الفصل الرابع 4 - بقلم رنا احمد

في شقه فهد كان قاعد جنبها على السرير بيبصلها بصدمة وترقب. شكلها بقى عامل زي المومياء، جسم من غير روح. بتبص على إثبات عفتها وشرفها بحسرة، وهي خلاص خسرت كل حاجة. فهد بحده عكس القلق اللي جواه إيه مالك؟ هتفضلي كده؟ معلش، هي أول مرة كده صعبة، بعد كده هتتعودي. يلا قومي عشان أروحك، ولا تحبي أخوكي يجي يستلمك كده. ملك بنظرة خالية من أي مشاعر طلقني ي فهد، أظن كده خلاص عملت اللي أنت عايزه. طلقني. فهد بغضب

أنا لسه معملتش حاجة. اللي حصل ده بداية جحيمك. اللي جاي كبير أوي. ملك بقوة وثبات وأنا خلاص مبقتش أخاف على حاجة. مبقتش ملك اللي تعرفها. اللي كنت خايفة عليه خلاص خسرته. شرفي ي فهد. فهد مسكها من دراعها بعصبية بلاش طريقة الكلام دي معايا. أنتِ مراتي، فاهمة؟ ده حقي. ملك بدموع ومرارة وصراخ حقي إنك تتجوزني غصبن عني وكمان تغتصبني. أنا بكرهك ي فهد، بكرهك وبكره نفسي. فهد بابتسامة خبيثة

ده على أساس إني واقع فيكي ي بنت الرشيدي. أنا عمري ما كرهت حد قدكم. واعملي حسابك إن اللي حصل ده هيتكرر تاني وقت ما أعوز، فاهمة. ملك بدموع ومرارة صدقني مش فارقة. هلبس وننزل. دخلت الحمام، وهو متابع أثرها باهتمام غريب، كأنه مخنوق من اللي حصل. مشاعر جواه ملخبطة، بس قرر ينسى كل حاجة ويفكر بس في انتقامه منها. يا ترى هينجح؟ في فيلا الرشيدي في جناح مراد

كان واقف ليجهز شنطته بضيق من السفر لتلك المهمة، فهو لا يريد روان، تلك الفتاة التي لم يرتاح لها أبدًا. عزت بابتسامة خلاص مسافر ي سيادة المقدم. مراد بضيق شديد أيوه ي جدي، مهمة مش طايقها خالص. ربنا يعديها على خير. ملك وهي باين عليها التعب الشديد السلام عليكم. مراد باستغراب مالك؟ شكلك تعبان كده ليه؟ وعملتي إيه في الامتحان؟ علي بحده ملك، أنتِ كنتِ فين؟ أنا رحتلك المعهد لقيتك مشيتي وتليفونك مقفول. ممكن أعرف كنتِ فين؟

ملك بخوف شديد معلش ي علي، كنت مع واحدة صاحبتي. مراد مسكها بغضب واحدة صاحبتك فين إن شاء الله؟ وإزاي تسيبي خطيبك كده من غير ما تقوليله؟ أنتِ شكلك كده عايزة تربية من أول وجديد. عزت بغضب جرى إيه؟ أنت وهو؟ أنتوا مش محترمين وجودي ولا إيه؟ ابعدوا عنها، هي مش في محاكمة. مراد بضيق جدي، أنت مدلّعها زيادة عن اللزوم مش كده؟ عزت بحده دي حفيدتي وأنا عارفها زين. ولا إيه ي علي؟ شكلك كده مش زي ما كنت فاكر. علي بأسف

تنقطع لساني ي جدي لو قصدي حاجة. دي بنت عمي وروحي وقلبي. أنا بس قلقت عليها، ده أنا كنت هموت من خوفي. ملك بدموع ومرارة أنا آسفة ي علي، بجد آسفة. علي بابتسامة عاشقة آسفة إيه ي نبض قلبي؟ أنا اللي آسف على اللي قولته. بحبك جوي ي ملك. ملك بهمس ومرارة بس أنا مستاهلش حبك ده ي علي. أنا خلاص مبقتش أنفعك ولا أنفع أي حد. في شركة فهد كان قاعد في مكتبه بغضب لأنه عمال يرن عليها وهي مش بترد. فهد بحده وغيظ

طيب ي بنت الرشيدي، أنتِ اللي ابتديتي، والبادي أظلم. نيرمين دخلت بدلع ودلال إيه ي روحي؟ مالك زعلان كده ليه؟ فهد بغيظ شديد خليكي في حالك ي بت أنتِ. أنا مش ناقص. نيرمين بغيظ شديد هي بنت الرشيدي هتعكر مزاجك ولا إيه ي سيد الرجالة؟ أنا لو منك أسيبها. فهد بغيظ شديد هتجنن. ليه بعد كل اللي حصل مش قادر أصارحهم إني كسرتهم وذلتهم؟ حاجة غريبة. موقفاني، أول مرة أحس الإحساس ده. نيرمين بنظرة خبيثة

أنا لو منك، كفاية كده. جيبها في فيلتك تحت رجليك عشان تخلص منها وترميها، مش نافعة لحاجة خالص. فهد بنظرة خبيثة أنا برضه بقول كده. بس فجأة دخل عامر، جده، بغضب. اطلعي بره ي بت أنتِ. جرت نيرمين برعب. اتكلم عامر بحده. إيه اللي عملته في بنت الرشيدي ي فهد؟ فهد بحده هي لحقت رقيه تقولك؟ طبعًا خايفة من رد فعل الباشا اللي لو ماتت مش هتكون ليه أبدًا. عامر بغضب بلاش كلامك الماسخ بتاع كل مرة عشان تهرب من عملتك السوداء دي. فهد بغضب

دي العملة اللي هتجيب عائلة الرشيدي الأرض. أنا خلاص عملت اللي عايزه. عامر بحده دخلت عليها ولا لأ؟ فهد بنظرة خبيثة طبعًا، حفيدك راجل. عامر بحده اخص عليك. دي تربيتي فيك ي فهد. بس اعمل حسابك إن بنت الرشيدي هتعيش في فيلا الجبالي ملكة مش جارية زي ما أنت فاكر، فاهم. خرج عامر وساب فهد يتجنن من كلامه. هو قصده إيه من كلامه؟ في جنينة فيلا الرشيدي كانت قاعدة ملك بوجه شاحب. قرب منها علي بابتسامة عاشقة. إيه ي روحي؟ مالك فيكي إيه؟

ملك بدموع ومرارة علي، ممكن أتكلم معاك وتوعدني إنك تسمعني. علي بجدية أكيد ي ملك، اتكلمي. ملك بدموع ومرارة أنا بحبك زي أخويا مراد ي علي. أنا عارفة إن كلامي صعب، بس هي دي الحقيقة. أنا اتكلمت كتير مع مراد، بس هو دايماً كان بيفرض عليا. أنا آسفة إني بقولك الكلام ده ي علي، بس هي دي الحقيقة. علي ابتسم بمرارة متقوليش حاجة ي ملك. أنا كنت دايماً حاسس بكده، بس كنت بكدب نفسي. ي بت عمي، أنا عمري ما حبيت حد قدك، بس أنا يهمني راحتك.

ملك بابتسامة شكرًا جدًا ي علي. طب هنقولهم إيه؟ علي بابتسامة حزينة متقلقيش ي ملك، أنا اللي هتصرف ومستعد أتحمل أي حاجة عشانك. ملك بابتسامة ربنا يخليك ليا ي علي. في لندن في شقة مراد ومران كانت واقفة مران بابتسامة ساحرة. أنا متحمسة أوي للمهمة. مراد ببرود ربنا يسهل. مران بزهق أوووف! أنت هتفضل كده؟ فكها شوية مش كده؟ مراد بحده بقولك إيه؟

إحنا مش جايين هنا نتساهر. ده شغل وأنا عمري ما فشلت في مهمة قبل كده. مش هقبل بغلطة واحدة، فاهمة. مران بابتسامة ساحرة فاهمة ي سيدي. اطمن. ممكن سعادتك بقا تعزمني على العشاء لأني جعانة أوي. مراد بغيظ شديد أمري لله، يلا. مران بابتسامة وسعادة يالا. في المعهد كانت قاعدة بشرود. فجأة لقت فهد قدامها بغضب شديد على وجهه. ممكن أعرف أنتِ مبترديش على تليفوناتي ليه؟ ملك ببرود شديد عادي، مش فاضية. فهد بغيظ شديد

بلاش طريقتك دي معايا. أنتِ عارفة عواقبها كويس. ملك بابتسامة وسخرية أعلى ما في خيلك اركبه ي ابن الجبالي. أنا مبقتش بخاف على حاجة. وعلى فكرة، علي ابن عمي أرجل راجل في الدنيا. لما صارحته إني مش عايزاه، بعد عني خلاص. مبقاش عندي حاجة تمسكني منها ي ابن الجبالي. والي عندك اعمله. فهد بحده اعملي حسابك ي بنت الرشيدي إنك هتيجي فيلا الجبالي تعيشي فيها خدامة. ويريت تعرفي أخوكي.

مشي فهد. وعلى وجهها كره كبير ليه بيزيد كل يوم. بس فجأة اتفاجأت بكده. عامر. ملك بصدمة عامر بيه. عامر بابتسامة حانية أولًا، قوليلي ي جدي، ملك يابنتي. فهد حكالي على كل حاجة. ملك بصدمة قاتلة حضرتك قصدك إيه بالظبط؟ عامر بابتسامة اهدي ي ضنايا، متخافيش. أنا مستحيل أذيكي. وخليكي عارفة إنك هتكوني ملكة عائلة الجبالي. امسكي الأوراق دي. ملك بصدمة إيه الأوراق دي؟ عامر بابتسامة خبيثة

الأوراق دي اللي هتربي فهد ده. بيع وشراء مني ليكي بكل أملاك عائلة الجبالي. أنتِ بقيتي الكل في الكل ي ملك. فهد الجبالي، أنتِ اللي هتربيه ي ملك.