رواية بنت الصعيد الفصل الثامن عشر 18 - بقلم رودينا محمد

في صباح يوم جديد، صحى حمزة وقعد يتأمل ملامح صابحة لحد ما صحيت. تفاجئت بيه وكانت مكسوفة. حمزة بمشاكسة: صباحيه مباركه ياعروسه. صابحة بكسوف: االله يبارك فيك، وسع كده عشان اقوم. حمزة: ماتعدى هو انا مانعك. صابحة بصتله بترجى: بطل بقا يا حمزه وقوم متبقاش رخمة. حمزة وقرب منها: عينيكى دول بينسونى كل تعبى وبيخدونى عالم تانى خالص. صابحة بصوت واطى: حمزه ابعد خلينى اروح الحمام. حمزة بضحك: خلاص عدى.

قامت وطلعت جرى دخلت الحمام وقفلت الباب. حمزة بضحكه رجولية: متجوز طفله ياناس. صابحة فى نفسها: واحد قليل الادب. بعد وقت، خرجت من الحمام وملقتش حمزة. بصت لقته واقف فى البلكونة. دخلت اوضة الملابس غيرت ولبست وطلعتله. صابحة: مالك سرحان فى اى. حمزة: خايف لما صدقت ان حياتى اتظبطت معاكى، خايف ياخدوكى نقطة ضعف ليا. صابحة: متقلقش الامور كلها هتبقى بخير، وبعدين انا لو خطفوني هيرجعوني تانى متقلقش عليا.

حمزة: تصدقى انى راجل حيوان انى خايف عليكى، انا رايح اخد شاور. صابحة: روح عقبال ما احضر الفطار. دخل خد شاور وطلع ولبس. صابحة: رايح فين. حمزة: هروح الشركه وهرجع البيت. صابحة: هو انا هرجع امتى البيت. حمزة: النهارده بس بالليل، وانا هنبه على الخدم ان محدش يفتح البدروم، وواحدة هتنام مكانك عشان محدش يعرف بعدم وجودك. صابحة: اشطا الى تشوفه. حمزة: اشطا يا بيئة، عز عداكى اسف. سابها ومشى وركب عربيته.

وكان ماشى فى الطريق وتليفونه رن، بص لاقاه عز. حمزة: عايز اى يازفت. عز: اى ياكبير فينك كده. حمزة: غور ياض انا جاي فى الطريق. طلع عز من المكتب وراح يبص على مكتب توليب، لاقاها مجتش. عز: صفاء اول ما توليب تيجي خليها تجيلي على مكتبي فاهمة. بعد خمس دقايق وصلت توليب الشركه. صفاء: بسرعة سيبى الى فى ايدك وخشى مكتب استاذ عز. توليب: فى اى حصلت مصيبة اى. صفاء: معرفش بس خشى. دخلت المكتب وكانت خايفة.

عز: والله عال ياهانم لسه فاكر، عليكى كنتي فينة. توليب: حيلك حيلك فى اى، انا كنت بدي بابا الدوا وبجيب سندوتشات طعمية بس جامدة. عز: مش مبرر بردو انك تتأخري. توليب: مش هتتكرر تاني. عز: انا اسف والله انا بس كنت قلقان. توليب: اما صحيح انك عيل بارد، طب مش هديك من سندوتشات الطعمية. عز: اخس عليكي، وانا الى كنت هديكي شوكولاتة. جت تاخدها راح شددها. عز: ها وبعدين سلم واستلم، تسلميني سندوتشات الطعمية اسلمك الشكولاتة.

توليب: طالعة اجيب السندوتشات ياخويا. وطلعت وجابتهم، دخلوا وقعدوا ياكلوا. ودخل حمزة عليهم. حمزة وهو ماسك نفسه من الضحك: اى ده المهزلة دي، هو انا فاتح الشركه عشان تفطروا سوا ولا عشان اكسب من الشركه. عز: خلاص ياحمزة محصلش حاجة وانا الى قولتله. حمزة: ماشى يلا على شغلك وانت ياحيوان اقعد هنا. توليب قبل ما تخرج: انا اسفة يا استاذ حمزة. حمزة: خلاص ماشى بس متتكررش. بعد ما طلعت. عز: ياخى ابو فصلانك، فصلتني.

حمزة: مش هتبطل بقا شغل السرمحة ده. عز: سرمحة اى انا بحبها بس هى الى حماره. حمزة: طيب وانا معاك فى اى حاجة انت عايزها. عز: ديما اقول عليك عمي وعم عيالي والله. حمزة: طب يلا على شغلك.