رواية بنت الصعيد الفصل الثاني 2 - بقلم رودينا محمد

فاقت صابحه على كلمة المأذون المعتادة: "بارك الله لكما وبارك عليكم وجمع بينكم في خير". وحست أنها خلاص كده انتهت. همام: "خود عروستك واطلع على بيتك ياعريس." حمزه: "حاضر يابوي، يلا ياعروسة." *** (في شقة حمزة وصابحة) حمزه: "بصي يابت الناس، أنا لا طايقك ولا طايق أعيش معاكي." بصتله صابحة بضحكة باهتة: "ومين جابلك إنّي عايزاك أصلًا، أنا مجبرة زيك." حمزه: "يبقا نعمل اتفاق بينا." صابحة: "أعرف إيه هو؟

حمزه: "هعيش أنا وإنتي كل واحد لحاله، محدش ليه دعوة بالتاني لحد ما وصية جدك تتفتح وناخدوا الورث." صابحة: "وأنا موافقة." حمزه: "يبقا اتفقنا." *** (في بيت همام والد حمزة) "مالك ياحج قاعد شايل هم الدنيا أكده ليه؟ همام: "خايف ولدك يعقد البت ويطلقها قبل ما ناخد الورث." "متقلقش ياحج، ابننا عاقل وعارف كيف يتصرف، روج أكده اومال." همام: "تسلميلي يام الغالي." *** (في شقة صابحة)

دخلت صابحة الأوضة، غيرت ملابسها ولبست بيجامة لونها موف وعليها طرحة سودة. وطلعت بره في الصالة. حمزه: "هو فيه عروسة تلبس طرحة قدام جوزها بردو؟ صابحة بصوت عالٍ نسبيًا: "لسانك مينطقش كلمة مراتي دي واصل." حمزه بعصبية ومسكها من شعرها: "صوتك ميعلاش عليا يابت رضوان، فاهمة ولا أفهمك؟ حمزه: "شوفي يابت الناس، إن مكنش أهلك ربوكي أنا هربيكي من أول وجديد، واعتبري أيامك الجاية معايا سواد، فاهمة." ورماها. صابحة

في أوضتها بتعيط بانهيار: "ربنا يسامحك يابوي، رمتني رمية سودة، أنا عملت إيه بس يارب عشان تبتليني بده." *** (في بيت أبو صابحة) والدة صابحة: "أنا قلبي واكلني على بتي يارضوان." رضوان: "ماتتهدي ياولية، إيه هي مع جوزها." والدة صابحة: "حرام عليك كل ده عشان وصية أبوك، وإنت عارف إن ابن أخوك ظالم." رضوان: "لك حريم كتير، مش عايز سامعة." وصمتت في بكاء.