رواية بنت الصعيد الفصل الخامس عشر 15 - بقلم هاجر حسين

يونس وقف قدامه. داليا خبطت فيه. يونس: انتي عامية ما تفتحي! داليا اتصدمت. حازم جري عليها. حازم بزعيق: وانت بتعلي صوتك ليه برحة شوية! يونس: وانت مين انت عشان تكلمني كدا يا حيوان! حازم مسكه من القميص. حازم: احترم نفسك. داليا واقفة مصدومة. يونس وحازم ماسكين في بعض. داليا: حازم عشان خاطري يلا نمشي. خديجة: في إيه يا داليا ومين ده؟ داليا واقفة بتعيط. خديجة: حازم كفاية!

يونس كسر الإزازة اللي على الترابيزة وكان هيضرب بيها حازم. داليا بخوف شديد: لاااا يا يونس عشان خاطري... وقفت قدامه. خديجة سحبت حازم. خديجة: كفاية يا حازم في إيه؟ حازم: يلا نمشي... مسك إيد داليا. حازم: يلا. يونس بعده عنها ومسك إيديها. يونس: أمشي انت. حازم: انت عبـ ـيط سيبها! يونس: تاني انت عايزني أعمل عليك النهاردة؟ داليا: امشي يا حازم. حازم: انتي بتقولي إيه انت اتجننت؟ داليا: بقولك امشي. خديجة: يلا يا حازم...

حازم وخديجة خرجوا وركبوا العربية. إسلام شافهم وعارف إن داليا ويونس مع بعض. يونس: وحشتيني يا داليا. داليا مصدومة ومش عارفة ترد. يونس: هربتي ليه يا داليا؟ داليا: أكيد عارف ليه. يونس: عارف إن غلطان وكان المفروض تعرفي بس مكانتش هتوافقي بيا. داليا: طيب ممكن تطلقني؟ يونس: ما أنا جاي عشان كده. داليا: طيب حلو أوي يا ريت دلوقتي. يونس: فين الدهب والفلوس والفلاشة يا داليا؟ داليا: إيه، دهب إيه وفلوس إيه؟

يونس: هههههه شغل البراءة مبقاش يركب عليا يا داليا. داليا: انت بتقول إيه؟ يونس: سرقتنا وهربتي. داليا: انت عارف بتقول إيه؟ يونس: آه فلوس ودهب أمي اختفوا يوم ما مشيتي. داليا: قولتلي أمك آه، بس أنا مسرقتش حاجة يا يونس. يونس: اومال راحوا فين؟ داليا: اسأل أمك والله ما تسألنيش أنا، عن إذنك... وقفت وكانت هتمشي. مسك إيديها. يونس: رايحة فين؟ داليا: وانت مالك، سيب إيدي. يونس: متنسيش إن أنا لسه جوزك. داليا: للأسف نسيت.

يونس سحبها وخرج. يونس: طيب يلا نمشي من هنا عشان نعرف نتكلم. داليا: أنا مش عايزة أتكلم معاك. يونس بغضب: بقولك إيه لو مجتيش معايا والله هقتـ ـلك. داليا بخوف: خلاص خلاص هاجي بس هقول لـ حازم إنه يمشي. يونس: لا يلا اركبي العربية. داليا: ما أنا لازم أقوله إني هرجع معاك عشان خاطري. يونس: ماشي... ومشت داليا وراحت لعربية حازم. يونس: انزل يا إسلام اركب أي تاكسي يوصلك شقتك. إسلام: واطـ ـي والله! يونس: اخلص.

إسلام: ماشي بس بلاش تمد إيدك عليها ولا تزعق فيها برحة ها! يونس: ماشي اخلص... نزل إسلام. حازم: هتروحي معاها بسهولة كدا؟ داليا: دا جوزي يا حازم، وأنا كنت هرجع لو هو مجاش... وبصت على خديجة. خديجة: أنا مكنش قصدي حاجة يا داليا بس انتي عارفة اللي فيه. داليا: ولا يهمك يلا سلام... ومشت وركبت عربية يونس. يونس: طمنتيني عليكي؟ داليا: يونس بالله عليك بلاش الكلام اللي يوجع القلب وهو موجوع لوحده. يونس: آه فرقك الحبيب وحش أوي.

داليا: أنا بقولك اسكت، هتروح فين؟ يونس: هنروح الشاليه. داليا: انت مصدق إن سرقتي؟ يونس: وليه لا؟ داليا: هي وصلت لكده؟ يونس: فين الفلاشة؟ داليا: فلاشة إيه؟ يونس: عارف إنك شفتيها فبلاش استهبال. داليا: مش معايا سبتها مأخدتهاش، مكنتش أتخيل إنك زي عمر... بتضيع مجتمعات وبتشرد أسر وبتحرم أمهات وآباء من أولادهم، بتفسد أجيال وبتقتل شباب، اتخيل شباب بيشربوا مخـ ـدرات بسببك وبيموتوا. يونس بضيق: كانت لكن دلوقتي لا.

داليا: ولما كانت في الصعيد؟ يونس: عشان كده. داليا: عشان إزاي؟ يونس: عشان عمر يبعد عنك وده كان شرطه عشان يسيبك، وده كان زمان والله وندمان أوي وعمري ما هرجع تاني. داليا: كانت قولتلي. يونس: هربتي إزاي مين هربك؟ داليا: مشيت لنفسي. يونس: انتي مش بتعرفي تروحي الجامعة لوحدك؟ داليا بتوتر: لا لوحدي. يونس: شدي النقاب. داليا: ليه؟ يونس وهو بيشده: وحشتيني وعايز أشوفك. داليا بصت بعيد عنها. يونس: إيه التناكة دي؟

داليا: يخربيت الكسوف اللي محسوب عليا تناكة! يونس: ما أنا مش عارف لحد دلوقتي بتكسفي مني ليه. داليا نزلت النقاب. داليا: بقولك إيه إحنا بنتخانق. يونس: ما انتي وحشتيني بصراحة ومش عايز أتخانق معاكي... وماسك إيديها. داليا لنفسها: وانت وحشتني والله، إيه ده أنا هضعف لا لازم أواجهه. يونس: داليا. داليا سحبت إيديها. داليا: انت كدبت عليا يا يونس. يونس: والله غصب عني أنا بحبك.

داليا: الكدب قادر يصغر أي حد في عيني مهما كانت غلاوته. يونس: والله بحبك. داليا: مش كل اللي يقولك بحبك يبقى بيحبك، أصل مش كل مسلم بيصلي. يونس: أنا مش بهزر يا داليا والله العظيم بحبك ورغم اللي حصل كله لسه بحبك. داليا: وايه اللي حصل؟ يونس: مش عايزة تخلفي مني وتسرقي وتهربي. داليا: انت إيه هااا إيه، أنا مستحيل أعمل كده. يونس: بس انتي عملتي. داليا بصوت عالي: طلقني يا يونس بجد أنا مقدرش أعيش مع واحد مش واثق فيا.

يونس: يعني مش بتحبيني؟ داليا: آه مش بحبك ويا ريت تبعد بقى. يونس: أنا عارف البعد بيقسى بس مبينسيش الحب. داليا: ومين قال إن بحبك مش يمكن كانت بكذب؟ يونس: آه صح وليه لا، انزلي. نزلت ودخلوا. داليا: انت جايبني هنا ليه؟ يونس: احنا مقضيناش شهر عسل فاعتبريها شهر عسل. داليا: هنرجع إمتى؟ يونس: بعد شهر. داليا: مش بهزر. يونس: يلا نمشي دلوقتي. داليا: يا ريت. يونس: هتلبسي النقاب وانتي ومعايا ولا إيه... وشالها.

داليا: يونس متقربش مني ممكن؟ يونس قرب منها وباسها بحب واشتياق كبير. داليا: انت مش بتسمع. يونس: بصي أنا تعبان دلوقتي وعايز أنام لما أصحى بقى نكمل خانق ومتحاوليش تهربي هااا عشان هجيبك برضه... باسها في خدها ودخل الأوضة. دخلت هي كمان أوضة جنب أوضتها. فتحت دولاب وكان فيه لانجريات وملابس قصيرة. داليا: آه يا خـ ـاين، أنا أقـ ـرف أعيش هنا، أنا خليني بدرس بتاعي أفضل، وأنا أش ضمني السرير أنا هنام على كنبة أحسن...

قعدت شوية وبعدين نامت. صحى يونس وداخل أوضة داليا ولقاها نايمة على الكنبة. شالها وداخل الأوضة. داليا بخضة: فيها إيه؟ يونس: وحشتيني. داليا: يونس. يونس: اششش... صحيت على صوت التليفزيون. قامت لقيت يونس قاعد. قعدة جنبه. داليا: الساعة كام؟ يونس: 11. داليا: أنا نمت ده كله هنام إزاي بقى؟ يونس: كلي ونامي. داليا: ما لسه صاحية، هنمشي الصبح. يونس: لا. داليا: ليه؟ يونس: تبغي موزة؟ داليا: مش عايزة. يونس: ولا تفاحة؟

داليا: لا، هدوم مين اللي فوق دي؟ يونس: مش لازم تعرفي. ودا الكمثرى. داليا: يونس مش وقته هزاري. يونس: ما أنا بقولك مش لازم تعرفي. داليا: آه يا خـ ـاين. يونس: تبغي فراولة؟ داليا بصتله بضيق من غير ما تتكلم. يونس: ولا برتقالة؟ داليا: هدوم مين؟ يونس: كلهم مندولين وانتي لوحدك نوتيلا يا فراولة قلبي، وين الكمثرى. داليا: نينيني دمك خفيف.

يونس: عارف عارف، وبعدين أنا تعبان من العربية وسهران طول الليل عشان الطريق ونمت، انتي نمتي ليه؟ داليا: هو في حد بيكره النوم؟ أي دا، وبعدين انت بتخدني أوضتك ليه؟ يونس: كنتي وحشاني، أنا مفكرك هتجهزلي أكل وتقولي تعال قول يا حبيبتي. داليا: طيب أنا عايزة أكلي. يونس: جهزي وأنا ناكل سوا. داليا: جهز انت. يونس: وماله أجهز لمراتي حبيبتي... ودخل المطبخ وداليا دخلت. داليا: دا انت طلب دليفري. يونس: آه ومستنيكي عشان ناكل سوا.

داليا: أنا ماليش نفس. يونس: ما انتي قولتي عايزة أكل تعالي متتكسفيش... وحط الأكل على السفرة. داليا قعدت وبدأ ياكلوا. يونس: عايزة تتطلقي بجد يا داليا؟ داليا سابت الأكل: آه. يونس: ليه هااا وأنا المفروض أبعد مش انتي؟ أنا ما غلطتش معاكي في حاجة. داليا: انت غلطت كتير لكن أنا لا. يونس: لا غلطي إنك مش عايزة تخلفي مني. داليا بزعيق: والله ما أنا أمك اللي عملت كده وهي اللي هربتني. يونس: انتي بتقولي إيه بتقولي إيه...

ومسكها من شعرها. داليا: آه ابعدي عني ابعدي. يونس: عايزة تحطيها في أمي ليه عشان شايفني بعيد عنها؟ هااا انتي إيه إيه، كل ما أقول مينفعش أسيبك وبحبك بتزيد. داليا: آه شعري، ابعد عني ابعد، طلقني طلقني أنا بكرهـ ـك أنا قر'فت منك بقي طلقني لو عندك كرامة. يونس بعد عنها: انتي طالق طالق طالق يا داليا...