رواية بنت الصعيد الفصل الرابع عشر 14 - بقلم هاجر حسين

يونس كان نايم على السرير. ملاك وزينب دخلوا، وملاك كانت ماسكة الأكل. ملاك: جايبالك شوربة خضار، إنما إيه وفراخ مسلوقة، بقا أكل عيانين بصحيح. يونس: ماليش نفس. زينب: أنتي بتشجعيها كدا يعني؟ ملاك: ما هو ياكل بقا عشان ياكل أكلها. زينب: يلا يا يونس. يونس: ماليش نفس يا تيتا. زينب: عشان خاطري يا يونس. يونس: طيب يا تيتا. زينب: هاكلك بإيدي. وبدأت تاكله. ملاك: يونس، أنت مصدق إن داليا تسرق؟

يونس: مش عارف. طيب بالنسبة للفلوس والدهب، راحوا فين؟ ملاك: حرام عليك يا يونس، أنت شايف إن ممكن داليا تعمل كدا؟ يونس: مش عارف، أنا تعبت، تعبت أوي. زينب: حاسة بيك يا ابني والله، بس أنت راجع داليا وهتعرف كل حاجة. يونس: ما أنا مش عارف هي فين. زينب: ما أنا بصراحة يا يونس، شايفة شخصيتك اتغيرت، بقيت واحد تاني. الأول كانت قوي وبتتحمل كل حاجة، لكن دلوقتي أقل حاجة بتخليك ضعيف.

يونس: روحي رايحة مني يا تيتا، الإنسانة اللي حبيتها تعامل كدا. ملاك: يوووه يا يونس، قولتلك مستحيل داليا تعمل كدا، داليا عينيها مليانة ومستحيل تبص لي فلوس ولا دهب. طيب هي خدت تليفونه ولا دهبها ولا هدومها؟ يونس: اومال راحوا فين واختفوا يوم ما هربت ليه؟ افتحي الدولاب دا. ملاك فتحت الدولاب: أهو العلبة. زينب: مش لابسة غير الدبلة. يونس: مش عارف إيه اللي بيحصل معانا. ملاك: احم، أنا شايفاك خفيت، مش كانت دلوقتي تعبان؟ ههه.

يونس: يا ابوي على القرف. ملاك: أنا مش بقرف، أنا بحسدك. زينب: خد برشامة، فاكيد كانت معاه. إحنا هنسيبك وانت تتصرف، شوف فين داليا. يونس: ماشي. داليا: اهو جهزته. هيام: طيب، حازم وخديجة تحت في العربية. داليا: ماشي، سلام. وخرجت. داليا نزلت وكان حازم في العربية وخديجة من ورا. داليا ركبت: السلام عليكم. حازم وخديجة: وعليكم السلام ورحمة الله وبركاته. داليا: أنتي بقا خديجة، اللهم بارك، إيه الجمال دا؟ خديجة: حبيبتي، عيونك أجمل.

داليا: دا حازم وخالتي صدعوني عليكي جمالك واحترامك، وكتير. خديجة: ربنا يجبر بخاطرك يا رب. داليا: ااه، كان نفسي من زمان أنتقب، واهو جه اليوم المنتظر. خديجة: ربنا يقدم لك اللي فيها الخير ويثبتك يا رب. داليا: يارب. حازم: يلا. ونزلت. إسلام: هو دا كل اللي حصل. فاطمة: يا حبيبتي يا بنتي، هتكون راحت فين طيب؟ إسلام: مش عارف، هشوف عمر وهسأله إن كان في حد يقرب له.

فاطمة: بلاش يا ابني، أنت عارف كلام الناس، هنا مش لاقيين حاجة يتكلموا عليها. إسلام: طيب، أنتي متعرفيش حد من قرايبها؟ فاطمة: مفيش غير خالتها هيام، كانت في إسكندرية، بس أكيد دلوقتي مسافرة. إسلام: مسافرة فين؟ فاطمة: السعودية، جوزها عايش هناك وابنها، وهي بتيجي وتروح. إسلام: تعرفي العنوان؟ فاطمة: نسيتها والله يا ابني، بس كتبها، هشوف الدفتر اللي مكتوب فيها.

إسلام: ماشي، وأنا هروح عند عمر ومش هعرفه حاجة، وأشوف بيت أبوها، لو كانت هنا هيبان. فاطمة: ماشي. عدا أسبوعين. داليا: يا خالتي. هيام: نعم يا داليا. داليا: حازم مش عايزني أشتغل عنده في الشركة ليه؟ هيام: يا حبيبتي، مش عايزك تتعبي نفسك ولا تشغلي بالك، وبعدين أنتي محتاجة حاجة؟ داليا: أنا مش محتاجة فلوس، أنا زهقت من قعدة البيت، ولا بروح جامعة ولا أي حاجة، فـ ها أساعده في الشغل. هيام: ماشي يا داليا، هتكلم معاه.

داليا: حبيبتي يا خالتو. هيام: أنتي مش ناوية ترجعي لـ جوزك ولا إيه؟ داليا: زهقتي مني ولا إيه يا خالتي؟ هيام: لا يا بنتي، بس أنا مش عايزة أشوفك كدا، أنتي بتضحكي وبتكلمي معانا، بس أنا حاسة بيكي وعارفة إنك بتحبي جوزك، بلاش تعذبيها وتعذبي نفسك. داليا: ربنا يسهل يا خالتي. هيام: يارب يا بنتي، لما ينزل حازم هقوله. داليا: ماشي. إسلام: احم، أنا هروح إسكندرية أشوف الشغل ماشي إزاي. يونس: إزاي يعني؟

ما لو في حاجة كان عصام قال أو كلمني. إسلام: طيب، أنا هروح. يونس بشك: اممم، ليه؟ لو ليك في البنات كانت قلت إنك... إسلام: بفكر أبيع الشقة وأشتري واحدة في مكان أحسن، عشان لما نتجوز أنا وملاك. يونس: اممم، وأنا كدا صدقت. ما الشاليه موجود. إسلام: خلاص يا يونس، هسافر وخلاص. يونس: ماشي، هاجي معاك. إسلام: يوووه، خلاص بقا، مخلينيش أقفل منك تاني. يونس: لا، وأنا مقدرش، ما صدقت إنك رضيت عني. إسلام: ماشي، يلا سلام.

يونس: أنت هتمشي دلوقتي؟ إسلام: اااه. يونس: رايح عشان داليا صح؟ إسلام: داليا فين؟ يونس: ههه، عاملني مش عارف هي فين. إسلام: أنت عارف بجدي. يونس: اااها. إسلام: وعشان كدا الأيام اللي فاتت بتتعامل معانا كويس وبتروح الشغل؟ يونس: عارف إنه عند خالتها. إسلام: طيب حلو أوي، ومستني إيه؟ يونس: أنا لو شفتها هقتلها. إسلام: أنت مجنون صح؟ يونس: لا، هي شافت الفلاشة وعلشان كدا هربت، والفلاشة معاها. إسلام: فلاشة، فلاشة إيه؟

يونس: قبل ما أعرف داليا، كانت متصور أنا وكم واحد. إسلام: حلوة كم واحدة، لا وبتقوله بكل افتخار. يونس: دا غير الصور اللي مع عمر. إسلام: اااه. وبنسبة لعمر، أنت هربتله شحنة مخدرات لما كانت في الصعيد صح؟ يونس: صح. إسلام: وداليا شافت كل حاجة صح؟ يونس: صح. إسلام: أنت غبي صح؟ يونس: صح. لا. إسلام: لا، غبي يا يونس. الناس بتتعامل الغلطة وبتنساها، وأنت بتحتفظ بيها وتصورها. اهو الفلاشة مع داليا. يونس: هتعمل بيها إيه يعني؟

إسلام: لا ولا حاجة، هتبلغ عنك. يونس: بس داليا متعاملش كدا. إسلام: واثق أوي. يونس: ممكن ابن خالتها ياخدها منها. إسلام: ابن خالتها هو هنا ولا مسافر؟ يونس: هنا. الرجل: قالت هنا. يونس لنفسه: يعني هي مع حبيبها دلوقتي. إسلام: روحت فين؟ يونس: أنا هروح إسكندرية دلوقتي. إسلام: لا، خليك أنت وأنا هجبهالك لحد عندك. يونس: لااا، أنا لازم أروح. إسلام: طيب يلا. يونس: هشوف تيتا وأجي. في الصباح. حازم: قولت لا يا أمي.

هيام: يا ابني، هي زهقت من قعدة البيت. حازم: مش هينفع يا أمي، انسوا الموضوع بقا. داليا خرجت من أوضتها: ليه يا حازم؟ حازم: اهو، مش هينفع وخلاص، انسوا الموضوع بقا. داليا: تمام، أنا أشوف أي شغل تاني. حازم: داليا، اللي يكرمك، متعصبينيه. هيام: خلاص يا داليا، يا بنتي. داليا: ماشي. حازم خرجه. هيام: حازم بيحبك يا داليا. داليا: بس هو بنسبالي زي أخويا. هيام: وهو غصب عنه. داليا: يبقى لازم أمشي من هنا في أسرع وقت.

هيام: وهتروحي فين يا داليا؟ داليا: مش عارفة. ودخلت أوضتها. وعيطت جامد. هيام خبطت ودخلت: مالك بتعيطي ليه؟ داليا بدموع: تعبت أوي يا خالتي، لأول مرة أحس إني يتيمة وماليش حد، أنا تعبت قوي والله. هيام: وأنا روحت فين يا داليا؟ ارجعي لجوزك يا بنتي، متفهميش غلط يا بنتي، بس مفيش أم تحب تشوف بنتها كدا. داليا: إن شاء الله. هيام: يلا غيري هدومك عشان حازم وخديجة خارجين، اخرجي معاهم. داليا: لا يا خالتي، مش عايزة.

هيام: أصلا خديجة اللي طلبتك تقعد معاها. داليا: والله، خلاص ماشي. هيام: يلا غيري بسرعة. داليا: ماشي. إسلام: هي العمارة دي اللي ساكنين فيها؟ يونس: ما هو دا نفس اللي في صورها. إسلام: اااه، هو. مين اللي معاها دي؟ يونس: وأنا هعرف منها. إسلام: بسم الله، مشاء الله، شايف الحور اللي طلعت دي. يونس: داليا. إسلام: معقولة داليا تكون لبست نقاب؟ يونس: اااه، هي. إسلام: عرفت إزاي؟ يونس: نفس مشيتها، وقلبي حس.

إسلام: اااه، دا أنت بتحس بقا. يونس: امشي ورا العربية. إسلام: ماشي. في عربية حازم. داليا: خالتي قالت إنك عايزة تتكلمي معايا. خديجة: اااه يا داليا، محتاجة أتكلم معاكي بخصوص حاجة كدا. داليا: ماشي. حازم: عايز أعرف أنا الحاجة دي. خديجة: هتعرف يا حازم، متستعجلش. حازم: ماشي، يلا انزلوا. ونزلوا ودخلوا الكافيه. خديجة: معلش يا حازم، سيبني مع داليا شوية. حازم: ماشي. ومشى. داليا: خير يا خديجة، قلقتيني، في إيه؟

خديجة: أنتي بتحبي حازم؟ داليا: نعم؟ حازم دا أخويا. خديجة: أنا بتكلم جد يا داليا، حازم بقى واحد تاني لما أنتي ظهرتي، وكل ما بيكلمني بيناديني باسمك، ودا غير اهتمامه بيكي ونظراته. داليا: دقيقة يا خديجة بس، أنا متجوزة وبحب جوزي، بس فيها شويات مشاكل، وإن شاء الله هتتحل قريب، وأنا هحاول أختفي من حياتكم في أقرب وقت، لأن أنا مش هفرح لما تبعدوها عن بعض بسببي. خديجة: داليا، أنا مش قصدي... أنتي عارفة إن حـ...

داليا: ولا يهمك يا خديجة، هروح الحمام أنا. خديجة: ماشي. إسلام: بتعمل إيه؟ يونس: يعني مش شايف، برش برفيوم، تاخد بوق. إسلام: أنت مش طبيعي خالص، انزل يا يونس، انزل. يونس: طيب، خليك أنت هنا، لو اتأخرت انزل. إسلام: ماشي. يونس نزل ودخل. ويونس شاف داليا خارجة من الحمام، راح ناحيته. داليا وهي خارجة لنفسها: يونس، نفس ريحة برفيان يونس. يونس وقف قدامه قصداً. داليا خبطت فيه. يونس: أنتي عمياء؟ ما تفتحي. داليا اتصدمت.

حازم جري عليها وعرف يونس.