رواية بنت الصعيد الفصل التاسع 9 - بقلم هاجر حسين

خرجت داليا إلى غرفتها لتغيير ملابسها، لكنها لم تجد ملابسها. نزلت لتسأل صفية. داليا: دادا صفية. صفية: نعم يا داليا هانم. داليا: فين هدومي؟ صفية: يونس بيه طلب مني انقلهم في الأوضة التانية اللي جنب أوضته. داليا بصدمة: ماشي. مشيت وهي مصدومة. كانت قاعدة سهير ومبسوطة لما سمعت. يونس: أنا بجد ندمان إني اتسرعت واتجوزت. نفسي الأيام ترجع، والله ما هبصله. لبسه الخمار وعاملة فيها شيخة.

زينب: طيب فيها إيه يا يونس لو كانت بتاخد حبوب؟ هي خانتك يعني؟ يونس: لو مش بحبها مكنش هيفرق معايا، لكن أنا بحبها ونفسي تكون أم لعيالي، بس هي ضيعت كل حاجة. بتحرمني أكون أب. زينب: يعني انت مش بتحبها دلوقتي؟ يونس: والله مش طايقها. زينب: ليه بس موصلتش لكده؟ ممكن بتاخدها عشان خايفة على جسمها يبوظ، ما أنت عارف بنات اليومين دول. يونس: كانت قالتلي يا تيتا. الباب خبط ودخلت داليا. داليا: أنا جهزت. زينب: يلا يا يونس.

يونس: ماشي، يلا. داليا: عندي شرط. زينب: اشرطي. داليا: إن شاء الله الدكتورة هتقول مش باخد حبوب. شرطي بقى إن يونس يطلقني. زينب: الموضوع مش مستاهل طلاق يا داليا، متكبريش الموضوع. داليا: هو الموضوع كبير بنفسه. أنا مستحيل أكمل مع واحد بيهني وضربي. ولو عندكم إنتو عادي، أنا بنسبالي حاجة كبيرة. يونس: وأنا موافق، بس لو قالت بتاخد هخليكي تتمني الموت. داليا: تمام، يلا.

خرجوا وركبوا العربية. داليا راكبة ورا من غير كلام. بعد شوية وصلوا. استناها دورها، وبعد شويا دخلت وكشفت عليها وعملت تحاليل. الدكتورة: النزيف بسبب حبوب منع الحمل. يا ريت توقفيه لأنه ليها أضرار كتير. أنا كتبتلِك على شوية أدوية. داليا: لأ، انتوا مصريين بقى. الدكتورة: إحنا؟ هو في إيه؟ يونس: تمام يا دكتورة، شكراً ليكي. الدكتورة: العفو، دا شغلي. يونس خرج. وداليا خرجت وهي مصدومة. وقفت ومش عايزة تركب العربية. يونس: اخلصي.

داليا: أعتقد كدا أنا عملت اللي عليا. داليا بدموع: طلقني. يونس: ههههههه. داليا: بقولك طلقني، إيه الضحك في كدا؟ يونس: انتي كنتي شرطك لو الدكتورة قالت إنك مش بتاخدي حبوب. لكن للأسف بتاخدي. وشرطي أنا مش هطلقك وهخليكي تتمني الموت يا داليا. داليا: يونس صدقني مش باخد أي حبوب، والله العظيم. يونس: متتكلميش خالص يا داليا، علشان كل كلمة بتقوليها بتنزلي من نظري.

داليا: حاضر، مش هتكلم. بس هتندم على كل حاجة بتعملها وكل كلمة بتقولها. وصلوا ونزلوا. وسهير وزينب وملاك كانوا موجودين. زينب: ها يا يونس؟ يونس: نفس اللي قالته الدكتورة. زينب بصت لداليا: هو دا اللي مش بتكدبي يا داليا؟ داليا بدموع: والله يا تيتا... يونس قطع كلامه: اخرسي واطلعي أوضتك. داليا: يونس، انت ظلمني. سهير: ظلمك إزاي؟ انتي معندكيش دم؟ يونس: اطلعي أوضتك يا داليا. ملاك أخدت داليا وطلعت.

ملاك: إيه ده، انتي نقلتي في الأوضة دي ليه؟ داليا: ده أخوكي مش عايز يشوفني في أوضته. ملاك: مش مهم. تعرفي يا داليا إني مصدقاكي. داليا: اشمعنى انتي بقى؟ ملاك بتوتر: عشان شكلك مش بتكدبي. داليا: اومال هما مش شايفين كدا ليه؟ والدكاترة بتقول كدا ليه؟ أنا هتجنن. ملاك: سيبك. انتي هتروحي الجامعة بكرة؟ داليا: المفروض. يونس نقلني هنا بس مش عارفة هيخليني أروح ولا لأ. ملاك: طبعًا هتروحي. وأخيرًا بقى لقيت حد يروح معايا.

داليا: هههه، والله طلعتيني من اللي أنا فيه. ملاك: خراشي يا ناس على ضحكتك العسل. يلا بقى باي، أشوفك على العشاء. وجريت. داليا: اشمعنى ملاك اللي مصدقاني؟ غيرت هدومها ونزلت. والكل كان على السفرة. ملاك: أخيرًا بقى هروح الجامعة بعد ما ضاعت مني سنة. زينب: احمدي ربنا إن العملية نجحت. ملاك: الحمد لله. آآه صح، هتروحي الجامعة بكرة يا داليا؟ داليا بصت على يونس: آآه. يونس بصّلها: ومين قال إنك هتروحي؟ داليا: ده كان شرطي قبل جوازي.

يونس: أهو قلتي قبل. زينب: فيه إيه يا يونس؟ هي لسه مخلصتش جامعة ولازم تروحي. يونس: وأنا قولت لأ. زينب: وأنا بقول هتروح، ونشوف مين هيمشي. داليا: خلاص يا تيتا. يونس: كلامك طبعًا. تروح وهوصلكم أنا كل يوم. ملاك: والسواق راح فين؟ فاكر لما كانت بتحيل عليك عشان توصلني؟ يونس: ما أنا خايف عليكي وهوصلك. ملاك: عليا أنا كمان؟ يونس: آآه عليكي. أنا عندي كام ملاك؟ تصبحوا على خير. الكل: وانت من أهل الخير.

طلع يونس، وبعدين الكل راح أوضته. داليا كانت رايحة أوضتها. يونس طلع مسك إيدها وداخل وقفل الباب. داليا بخضة: فيه إيه؟ مش المفروض إنك نقلت هدومي، يبقى مش عايزني هنا؟ يونس: آآه. داليا: طيب سبني أمشي. كانت هتمشي، يونس وقف في وشها. داليا: عايز إيه يا يونس؟ يونس بخبث: يعني أنا جوزك وليا حقوق. داليا: حقوقك أخدتها. ابعد عني بقى. يونس قرب منها: وحشتيني. داليا: انت عندك انفصام في الشخصية. يونس: أعمل إيه؟ مزاجي طيب.

داليا: ابعد يا يونس. يونس بعد عنها: ماهو لو مش بمزاجك هيبقى غصب. داليا: طيب ممكن تسيبني أغير هدومي وأجي. يونس: ماشي. داليا خرجت. يونس لنفسه: هخليكي تندمي يا داليا. مش أنا اللي يتضحك عليه ويتعمل دور البراءة عليه. الباب خبط. فتح وكانت يارا. يونس: ادخلي. يارا دخلت: انت دمرتني يا يونس. يونس: انتي عارفة إنك كنت شاربة. يارا: أنا لو بابا عرف هيقتلني. يونس: هيعرف منين؟ هو بيسأل فيكي أصلاً. ما هو مسافر وسايبك.

يارا: يونس، أنا مش بهزر. يونس شاف الباب بيتفتح، سحب يارا لحضنه. داليا دخلت شافتهم اتصدمت. يونس: وحشتيني. بص على داليا: أعتقد إن فيه باب. داليا: هي دي اللي زي ملاكي؟ يارا: احم، عن إذنكم. يونس مسك إيد داليا: استني عايزك. داليا: خيانة عين عينك. يونس بغضب: وانتي مالك؟ اطلعي بره. داليا: لا يا حبيبي، أنا لسه على ذمتك. طلقني واعمل اللي انت عايزه. يونس: قولتلك اطلعي برا. داليا: هو إيه اللي اطلعي برا؟ انت اتجننت؟

يونس بصوت عالي: اطلعي براااا يا داليا. داليا خرجت وهتنفجر. راحت لأوضة تيتا زينب. زينب بخوف: مالك يا داليا؟ فيه إيه؟ داليا بتعيط بنهار: يا بنتي مالك؟ يونس ضربك تاني؟ داليا بدموع: لا يا تيتا. أنا محتاجة لحضن يحس بيا. أنا مش عارفة ألاقيها منين ولا منين. أنا تعبت، تعبت أوي يا تيتا. زينب: اهدي يا داليا، كل شيء هيتحل. داليا: يا رب. عشان أنا اتخانقت بجد. زينب: ويونس هيرجع زي الأول إن شاء الله.

داليا: ممكن أنام في حضنك النهارده؟ زينب: بس كدا؟ دا أنا أتمنى يا حبيبتي. يارا: هنعمل إيه يا يونس؟ يونس: متقلقيش، هحل كل حاجة. يارا: إزاي طيب؟ يونس: خلاص يا يارا، روحي دلوقتي. يارا: أوك. مستنية حلك. وخرجت. يونس: أنا مش عارف إيه اللي بيحصل معايا ده. ياربي، كله بسببك يا داليا. تاني يوم، يونس ويارا وزينب وسهير على السفرة. يونس: تيتا. زينب: اممم، قولي. يونس: أنا اتجوزت. زينب: مصيبة، أنا عارفة. يونس: فاهمني انتي.

زينب: فيه إيه يا يونس؟ قول على طول. يونس: أنا كنت شارب ومكانتش حاسس بنفسي، وحصلت علاقة بينا أنا ويارا. زينب: بطل هزار يا يونس، وعيب تهزر بهزار ده. يونس: بس أنا مش بهزر. سهير: نعم؟ انت ضيعت البنت. وإنتي كنتي شاربة إيه اللي وصلك لكده؟ يارا بدموع: والله يا خالتي يونس شرب كتير. زينب: وأكيد انتي كمان كنتي شاربة، يعني غلطتكم انتو الاتنين. سهير: طيب والحل؟ داليا نزلت. زينب: يتجوز. داليا: صباح الخير. زينب: صباح النور.

سهير: يعني مفيش حل غير إن يونس يجوز يارا؟ زينب: آآه، مفيش. ما هما الاتنين غلطوا، يبقى يستحملوا. داليا: يونس مين؟ سهير: إحنا عندنا كام يونس؟ داليا: أعتقد إنه متجوز. سهير: الشرع محلل أربعة. زينب: افطري يا داليا. داليا مش مستوعبة اللي بيحصل. يارا وسهير بيبصوا لبعض بفرحة. يونس قاعد مبتسم إن داليا مصدومة. ملاك نزلت. ملاك: عوافي عليكم. يونس: افطري يلا عشان أوصلك أنا ورايحة الشركة.

ملاك: لا، ماليش نفس. يلا بقى، يلا يا داليا. داليا لسه مصدومة: لا، أنا مش هروح. ملاك: ليه؟ ما انتي كنتي مبسوطة إنك رايحة. لازم تروحي، وبعدين انتي جاهزة أهو. داليا: ماشي، يلا. يارا: خديني معاك عشان عربيتي مش معايا، وبعد الجامعة هاجي الشركة. يونس: ماشي، يلا. يونس فتح الباب اللي قدام ليارا. داليا زقتها: حبيبتي، دا مكاني أنا. يارا ركبت ورا هي وملاك. ملاك: يونس، مافسحنا أحسن من الجامعة. يونس: من أول يوم يا فشلة.

ملاك: ما انت عارف مش بحب أم التعليم. يونس: عادي يا حبيبتي، ليكي عندي عريس حلو. ملاك: وأنا موافقة. داليا: نصيحة مني، كملي كليتك وشوفي مستقبلك أحسن من أم الجواز. يونس: ليه؟ الجواز ماله؟ داليا: مش محتاجة كلام. يونس: أنا واثق في أختي مش هتخدع جوزها. يارا: دي هتخليه يتجنن. ملاك: وانت هتخليه ينتحر. يارا: لا يا حبيبتي، أنا ست الستات. داليا: الستات أنواع، يعني مثلاً انتي ست وأنا ستك. ملاك: الله عليكي يا دوللي. يلا بقى انزلي.

يونس: كح كح. داليا بخوف: انت كويس يا يونس؟ يارا: هاتي مياه يا ملاك. ملاك أدتها إزازة المياه. داليا أخدتها وأدتها ليونس: اشرب. يونس: اهدوا، أنا كويس. بيدي الإزازة لداليا، بس دلقها عليها. داليا: إيه اللي عملته ده. يارا: براحة يا داليا، هو مش قصد. ملاك: هتداخلي الجامعة إزاي؟ يونس: مش لازم تدخلي. داليا: ملاك، أنا مش عارفة حاجة هنا. استنيني. ملاك: حاضر. ملاك ويارا نزلوا. داليا بتفتح الباب: مش بيفتح ليه؟

يونس شغل العربية: نمشي أنا وإنتي بقى.