رواية بنت الصعيد الفصل الثالث عشر 13 - بقلم هاجر حسين

يونس: غلط ازاي هاا أنا شوفتها هي ومعاها شنطتها ومشيها. إسلام: أكيد مزعلها علشان كدا مشيت لكن تسرق لا. يونس: وواثق اوي ليه، اشمعنا لما مشيت الفلوس والدهب اختفوا. إسلام: وهو دا اللي همك الفلوس والدهب مش همك هي فين دلوقتي. يونس: في داهية الدهب والفلوس، اللي مجنني ازاي تعامل كدا. ملاك: لا يا يونس داليا مستحيل تعامل كدا. سهير: ملاك متتداخليش انتي.

زينب: هي هتروح فين يعني غير بيت أبوها، شوف عمتك يا يونس يمكن شفتها ولا كلمتها. سهير: وبعد اللي حصل دا هترجعوها. يونس: مستحيل تداخل البيت دا تاني. إسلام: يونس اعرف الحقيقة وبعدين اعمل اللي انت عايزه. يونس: حقيقت إيه أكتر من كدا دي سرقتنا وهربت. إسلام: يعني هتعمل إيه. يونس: هروح أسيوط واشوفها بنفسي. زينب: لا انت تعبان ومش هتروح. إسلام: أنا هكلم أمي. يونس: أنا كويس يا تيتة. زينب: لا كلم أي حد يشوفها لكن انت مش هتمشي.

يونس: ماشي. سهير: قولتلك يا يونس بلاش دي، لكن وقعت في حبها. يونس: اللي حصل بقا. زينب: بس هي اللي يشوفه يقول ملاك مش معقولة تعامل كدا. ملاك: ملاك شبهي يعني. يونس: مش وقته هزار. ملاك: حاضر. زينب: معقولة داليا تعامل كدا. يونس: أنا اتخدعت في براءتها وكانت فاكرة إنها قريبة من ربنا لكن اتخدعت. سهير: خدت حبوب منع الحمل علشان متخلفش منك واهو سرقتنا وهربت يا ترى هي وحبيبها ولا إيه. يونس بص لها بغضب: أمي الله يكرمك اسكتي.

إسلام: أنا كلمت أمي وقالت لا مجاتش ولا حتى كلمتها وقالت لو عرفت حاجة هتقولي. يونس: تمام. زينب: هتروح فين يا يونس. يونس: هخلي الرجالة تدور عليها، مش هسكت غير لما ألاقيها. زينب: مش دلوقتي انت تعبان. يونس: لا مش تعبان. زينب: روح معاها يا إسلام. هيام: قومي يا داليا كله دا نوم. داليا: أصلاً منمتش طول الليل. هيام: ماشي يلا قومي خدي شاور وكلي لقمة دا المغرب أذن. داليا: ماشي. كان حازم وهيام قاعدين على السفرة.

هيام: يلا تعالي كلي. داليا: ماشي. حازم: انتي وافقتي بـ عمر ليه. داليا: بس أنا متجوزتش عمر. حازم: اومال مين. هيام: تعرفه. يونس الشناوي. حازم: اااه. هيام: جوزها. حازم: ودا يفرق إيه عن عمر ما زيها. هيام: في إيه يا حازم لاحظ إنه جوزها. حازم: يا أمي مش قصدي أنا بقول مش أكتر. داليا: للأسف عرفت متأخر ولما عرفت هربت وجيت هنا. هيام: يعني انتي هربتي يا داليا. داليا: ااه. حازم: أكيد هيقلب عليكي الدنيا ومش هيسكت غير لما يلاقيكي.

داليا: أنا ماليش حد غيركم خليكم جنبي. هيام: بس هو جوزك يا بنتي ومش هنقدر نقف في وشها. داليا: يعني إيه. حازم: اتصرفتي غلط يا داليا كانتي طلبتي منها الطلاق لكن متهربيش. داليا: متحكمشي عليا من غير ما تعرف حاجة. هيام: طيب احكيلنا علشان نبقى عارفين. داليا: ... يونس وإسلام رجعوا. زينب: عملتوا إيه. إسلام: ولا حاجة يونس كلم الرجالة وهيدورها عليها. يونس: أقسم بالله لما ترجع ما هرحمها. إسلام: ومين هيسمحلك بدا.

يونس: وانت مين انت علشان تمنعني، مراتي وأنا حر. إسلام: لا مش حر يا يونس. يونس: إسلام ملكش دعوة متتدخلش. إسلام: المفروض تبقى عايز تطمن عليها مش تقول اضربه. يونس: إسلام متتدخلش. زينب: لا جدعان برافو عليكم مفيش احترام ليا خالص. إسلام: عجبك كلامه يا تيتا. يونس: لاحظ إنك متدخل أوي. إسلام: لا مش متدخل ولا حاجة أنا سكت كتير يا يونس، انت ضربت داليا أكتر من مرة، لما تضرب بنت متبقاش راجل.

يونس ضربه بوكس: أنا راجل منك يا إسلام، انت متدخل كدا ليها. إسلام: علشانك وخايف عليك واه أسف إني اتدخلت ومش هتشوف وشي تاني. زينب: حلو كدا يا يونس دا إسلام اللي بتعتبره أخوك تقوله كدا وتضربه، لما تصلح غلطك ابقا قولي. ملاك: طيب انت هتلم هدومك ليها. إسلام: همشي. ملاك: ما انت لسه جاي. إسلام: علشان الأستاذ أخوكي يرتاح. ملاك وهي بتاخد الهدوم من

الشنطة وتحطها في الدولاب: متزعلش ما انت عارفه وهو متعصب وبعدين انتوا دايما بتمدوا إيديكم على بعض وترجعوا أحسن من الأول. إسلام: ااه بس همشي برضه. ملاك: هترجع الصعيد. إسلام: اااه. ملاك: طيب ليه خليك يا إسلام. إسلام: لا مش هينفع. ملاك: علشانى طيب. إسلام: أنا كنت جاي علشانك بس كل حاجة باظت بس إن شاء الله هتتعدل. ملاك: إن شاء الله بس برضه مش هتمشي. إسلام: كفاية بقى سيبي الهدوم دوختيني.

ملاك: لا مش هتمشي انت ومضايقك كدا خلاص امشي الصبح. إسلام: يوووه يا ملاك أهي الهدوم مش عايزها. إسلام: تيتا. زينب: تعال. إسلام: أنا همشي. زينب: تمشي، وبليل لا يا إسلام. إسلام: طيب وفيها إيه مش أول مرة. زينب: لا مش هبقى مطمنالك. إسلام: متقلقيش، المهم ما تخليش يونس يطلع غير لما يخف هو ماشي بتعبه، والشغل هخلي أي حد من الموظفين ياخد باله منها. زينب: ماشي يا بني، بس انت ماشي وزعلان.

إسلام: لا مش زعلان أنا هروح أشوف داليا وأشوف هي فين وكدا بس متقوليش ليونس. زينب: ماشي خلي بالك على نفسك. إسلام باسها على راسه: حاضر. ملاك: أهي شنطتك. إسلام: متزعليش يا ملاك والله غصب عني كل حاجة. ملاك: مش زعلانة بس خلي بالك على نفسك علشان أنا محتاجاك. إسلام: حاضر والمرة الجاية إن شاء الله هنكتب الكتاب علشان في مشاعر كتير جوانا. ملاك: أنا بحبك أوووي يا إسلام. إسلام حضنها: وأنا أكتر يا أحلى ملاك في الدنيا.

يونس كان في الجنينة وشاف إسلام وهو خارج. يونس: إسلام. إسلام مردش عليه. يونس وقف قدامه: رايح فينا. إسلام: هركب عربيتي. يونس وقف قدام باب العربية: ااه وتروح فينا. إسلام: همشي. يونس: ليها. إسلام: من غير ليه ابعد بقا. يونس: إسلام متزعلش مني انت عارفني مش لسه هتعرفني لما بكون متعصب. إسلام ركب العربية: مش زعلان يا يونس، يلا دور على مراتك علشان تهينها أكتر ما هي اتهانت، سلام يا ابن خالي.

يونس عيط لاول مرة يعيط: بوظتي كل حاجة يا داليا ليه، ليه كدا حرام عليكي ياترى انتي فين. هيام: ياه يا داليا كله دا يحصل ومتكلمنيش. داليا: افتكرك لسه في السعودية. هيام: يا حبيبتي يا بنتي، الغلط غلطي أنا مش انتي، كنت المفروض روحتلك بدال المرة عشر بس ظروف الدنيا ونشغلها. داليا: ولا يهمك يا خالتي. حازم: وانتي قررتي تعملي إيه. داليا: مش عارفة. حازم: الفلاشة لسه معاكي. داليا: ااه ليه في كام صورة مش كتير.

حازم: تهدديها بيها ولو عامل حاجة بلغى عنه. داليا: أنا مستحيل أعمل كدا. حازم: انتي بتحبيها. هيام: دا سؤال أكيد جوزها وبتحبها. حازم: اهاا طيب هو أكيد هيعرف إنك هنا. داليا: شوفولي أي شقة أقعد فيها. حازم: على أساس إن كدا مش هيعرف مكانك. داليا: طيب أعمل إيه. حازم: اللي يعمله ربنا كله كويس. هيام: متقلقيش انتي يا بنتي وإن شاء الله كل حاجة هتتحل. داليا: إن شاء الله. هيام: يلا روحي نامي.

حازم: أنا هنام في شقتي فوق علشان تاخدي راحتك. هيام وداليا: وانت من أهل الخير. في الصباح. زينب: صفية صفية. صفية: نعم يا هانم. زينب: يونس خرج. صفية: لا بس من امبارح وهو نايم في الجنينة. زينب: في الجنينة طيب مقولتيش ليه ولا صحيتيها. صفية: حاولت يا هانم بس مرضيش. زينب: طيب. زينب: يونس، يونس. يونس فتح عيونه بتعب: نعم يا تيتة.

زينب حطت إيدها على راسه: ليه كدا يا يونس ليه نمت هنا انت سخن قوي، وهدومك ساقعة قوم خد دوش وغير هدومك دي يلا. يونس بتعب: مش قادر سيبيني يا تيتة. زينب: علشان خاطري يا يونس قوم. يونس قام بتعب وزينب وصلته لحد أوضته وجابتله هدومه اللي هيلبسها. زينب: يلا يا يونس خد البرشامة دي وادخل خد دوش عقبال ما أخلي صفية تعملك حاجة سخنة. يونس: ماشي. داليا: خالتو. هيام: عيون خالتك.

داليا: تسلميلي يارب، أنا كانت عايزة أنزل أشتريلي كام نقاب كدا. هيام: اللهم بارك وماله يروحي، حازم ياخدك وياخد خديجة وينزلوا واشتري اللي انتي عايزاه. داليا: خديجة مين. هيام: خطيبة حازم. داليا: بجد يااه أخيرا خطب. هيام: بنت كله ادب واحترام زيك كدا يا داليا بس هو مش بيحبها وماجل كتب الكتاب وخايفة إنه يسيبها. داليا: طيب ليه كدا. هيام: لسه بيحبك. داليا: يحبني أنا.

هيام: ااه حتى لما رجع من السفر كان عايز يروحلك بس أنا مرضيتش أنا اتمنيت كان يتجوزك بس خوفت عليها من عمر. داليا: يحبني إزاي يا خالتي وهو شافني آخر مرة كانت في تالتة إعدادي. هيام: من كلامي عليكي وولايتك وكانوا بيحبوا بعض وانتوا صغيرين. داليا: اهو قولتيلي واحنا صغيرين يعني حب مراهقة ومينفعش يعلق واحدة بيها ويسيبها. هيام: ربنا يستر يا بنتي، هطلع أنا أقوله وأنزل. داليا: ماشي.