رواية بنت من الصعيد الفصل الخامس 5 - بقلم بسكوته

بابا من غير أي رد فعل: أول حاجة أنا فرحان إنك جيتِ لي على أول حب ليكي. تاني حاجة، أنا أعرف عمر ده، يبقى ابن العميد. آه، لأن العميد يبقى صاحب بابا من زمان، وأنا عارفه عمر كويس. فيروز: ابن العميد؟ اممم، عشان كده قالي وصليني عند العميد. بابا: المهم، عمر طلب إيدك مني من نص ساعة. فيروز بصدمة: طلب إيدي؟ إزاي؟ ده حتى ما يعرفنيش.

بابا: بصي يا بنتي، أنا بحبك وبخاف عليكي أكتر من أي حاجة. وعمر هيصونك. هو أعمى بس حنين. هو مرضيش يتجوز لأنه مرتحش لحد غيرك. إنتي وغير كده، أمه توفت من شهرين، وهي كانت بترعاه، بس دلوقتي مفيش حد معاه. فيروز: طيب يا بابا، إنت قلت إيه؟ بابا: أنا مقولتش حاجة، مستني ردك. معايا، مش عاوزك تبعدي عني، وكنت عاوز أجوزك جنبي، بس هقول إيه، عمر مفيش حد أحسن منه. فيروز: طيب ممكن أقعد معاه؟

بابا: آه ممكن. أنا هكلم العميد وأقوله يخليهم يقعدوا مع بعض. فيروز: طيب يا بابا. فيروز سرحت في الوعد اللي قطعته على نفسها إنها مش هتتجوز ولا تحب غير بعد التخرج. وبعدين يا فيروز، هتعملي إيه؟ أنا هقرر بعد ما أقعد معاه. في الجامعة، دخل عمر يشرح المحاضرة، وبعد ما خلص نادى عليا. عمر: فيروز، يافيروز. فيروز: نعم يا دكتور. عمر: تعالي وصليني عند العميد. فيروز: حاضر يا دكتور. وصلته عند العميد. أول ما دخلت.

العميد: أسيبكم مع بعض. العميد طلع وقفل الباب وراه. والغريبة إني مش خايفة منه، والأغرب إني أول مرة أقعد مع ولد لوحدي، والمفروض إني أكون متوترة، بس مفيش أي توتر. عمر: أكيد طبعًا أبوكي قالك إني طالب إيدك. فيروز: طيب، اشمعنى أنا؟ وليه؟ عمر: اشمعنى، لأنك بنت محترمة جدًا. وليه، لأنك لمستيني من جوه. فيروز: بس أنا مش حابة أتجوز غير لما أخلص وأتخرج. عمر: ومين قال إنك مش هتكملي؟ إحنا هنيجي ونروح مع بعض.

فيروز: مش عاوزة أولاد غير لما أخلص عشان ميشغلونيش عن الدراسة. عمر: أكيد طبعًا، مش غلط. فيروز سكتت، مش عارفة تتكلم. هو معترضش على أي حاجة. وغير كده، فيروز ارتاحت له، يعني مفيش اعتراض. عمر: بس أنا عندي شرط. فيروز: شرط إيه؟ عمر: مفيش فرح، كتب كتاب بس. إنتي عارفة ظروفي، أنا مش بحب الأصوات العالية. فيروز: أنا موافقة. عمر: أنا هخلي بابا يكلم أبوكي ويتفقوا مع بعض. فيروز: طيب، أنا همشي.

عمر: ممكن تندهي العميد إنتي وإنتي ماشية؟ فيروز: بس كده، عايز حاجة تاني؟ عمر: لا. خلي بالك من نفسك. فيروز: سلام. نادت فيروز على العميد ومشيت. وبعدين راحت كلمت أبوها وقالت: "اعمل اللي تشوفه يا بابا".