رواية بنت من الصعيد الفصل الثالث 3 - بقلم بسكوته

دخلت الشقة لقيت اتنين شباب قاعدين مع شهد وشروق. فيروز بصدمة: انتو إيه بتعملوا إيه ده؟ شهد بتهديد: عارفة لو قولتي حاجة لحد أنا مش هرحمك. فيروز: أنتي اتجننتي؟ أنا هقول للمشرفة إنك بتجيبي أنتي وشروق شباب. فيروز طلعت تجري عشان تقول للمشرفة على اللي حصل، بس فيروز قبل ما تتخلى فكرة حرام إني أشوه سمعة بنات، وغير كده أنا لو قلت للمشرفة هي هتطردهم من السكن.

فيروز مقدرتش تقول حاجة، بس مش عشان إنها خايفة من حد، لأ عشان خافت على مستقبلهم. رجعت فيروز الشقة بس ملقيتش الشباب. شروق: أنتي عملتي إيه؟ قولتي حاجة؟ فيروز: لأ أنا متكلمتش، بس مش خوف منك أو منها، أنا خوفت على مستقبلك أنتي وهي. شروق: شكراً بجد شكراً. شروق وشهد: إحنا آسفين مش هنعمل كده تاني، أنتي بجد إنسانة محترمة وطيبة وجدعة. في سكن محمد. محمد سرحان في فيروز وصحابه لاحظوا إنه سرحان ومبتسم.

أصحابه: إيه يا درش، أنتا وقت ولا إيه؟ محمد: آه والله وقت، من غير ما حد يسمي عليا. صاحب محمد: ومين سعيدة الحظ؟ محمد: هبقى أعرفك بيها. صحاب محمد: تمام يا كازانوفا. وفي مدرج الجامعة دخلت فيروز. كان محمد مستنيها، أول ما شافها ابتسم 😊. فيروز: اتفضل الملزمة بتاعتك وشكراً. محمد: الغفو، إنتي تمام؟ لو احتجتي أي حاجة أنا موجود. فيروز: تمام شكراً لحضرتك. محمد: بلاش حضرتك، قولي محمد بس. فيروز: طيب زي ما تحب.

خلص يوم فيروز في الجامعة وطلعت تدور على نور في الكافتيريا عشان يمشوا. لقيت واحد عمال يبصلها وبيعاكس وهي عملت نفسها مش واخدة بالها، بس محمد كان شايف كل حاجة ومقدرش يمسك نفسه وجري على الولد اللي بيعاكس فيروز وقعد يضرب فيه زي المجنون، بالعافية حشوا عنه. جات نور بتشوف إيه اللي بيحصل، لقيت الواد مضروب وفيروز بتبكي من الخوف. نور: أنتي كويسة ياقلبي؟ فيروز: آه كويسة، بس هو ليه عمل كده؟ نور: طيب هو إيه اللي حصل؟

حكت فيروز لنور اللي حصل. نور: بيغير عليكي. فيروز: طيب ليه يغير؟ نور: مش يمكن بيحبك؟ فيروز: أنا مش عايزة حد يحبني، أنا جايه هنا عشان أدرس وأنجح، مش عايزة أفكر في حاجة غير الدراسة بس. المهم استدعاء عميد الجامعة محمد وصاحب محمد والولد اللي اتضرب وفيروز ونور. العميد: إيه اللي حصل ده؟ إحنا جايين عشان نتخانق ولا عشان نتعلم؟ إحنا مش في الشارع عشان نضرب بعض، إحنا في كولية محترمة. محمد: بس...

العميد: بس محدش يتكلم، احكي يا فيروز اللي حصل. فيروز حكت اللي حصل كله. محمد والولد اللي اتضرب: فصل يومين. بعد ما طلعوا. فيروز: أنتا إيه اللي هببتو ده؟ محمد: يعني أشوفه بيعاكسك وأسيبه كده عادي؟ فيروز: آه تسيبه، هيتكلم هيقعد يعوي زي الكلب ويسكت لوحده لما ميلاقيش حد معبر. نور وصاحب محمد: اهدوا يا جماعة، حصل خير. نسيت أعرفك بمحمد ونور وصاحب محمد اللي اسمه أحمد.

نور بنت جميلة جداً، طولها 170، شعرها أسود وبشرتها بيضة وعينيها عسلي. محمد بقى طوله 180، عينيه سود بس حلوين وبشرته بيضة وشعره أسود. أحمد طوله زي محمد وبشرته قمحاوي وعينيه عسلي. محمد: أنا من أول ماركبت القطر وقعدت جنبك وإنتي ساحراني وبحبك. فيروز: أنا قولت حاجة، أنا حب إيه؟ أنا جايه هنا عشان أدرس وبس، مش عشان أحب وأتسلى، أنا قطعت وعد على نفسي، مش هحب حد غير لما أتخرج، واللي هحبه هيكون أبو عيالي. ابعد عني أحسنلك.