رواية بنت يتيمة الفصل الحادي عشر 11 - بقلم رحمة محمد

سليم جه من وراها وحضنها. غزل: جاي ليه؟ سليم: جاي أساعدك. غزل: طب يلا خد الأطباق دي. قاطع كلامها صوت حد بيزعق: سليم! سليم لف لصوت باستغراب: مريم! مريم بزعيق: إنت إزاي واقف مع الخدامة وحضنها كده؟ غزل: خدامة.. سليم بص ليها بمعني اسكتي. غزل بصت ليه بزعل وحست إنه مش عايزها تعرف إنها مراته. سليم ببرود: وإنتي مالك؟ مريم بزعيق: هو إيه اللي أنا مالكي؟

سليم بغضب: مش معنى إني سكت تزيدي فيها، ولما تيجي تتكلمي عن مرات سليم السيوفي تتكلمي باحترام. غزل فرحت أوي من كلامه وهو بيدافع عنها وحست بالأمان وإنه سند ليها. مريم بصدمة: إيه.. مراتي؟ سليم: أيوة دي مراتي. قرب من غزل وحط إيده على كتفها وبص ليها وابتسم. سليم: مدام غزل سليم السيوفي. غزل ابتسمت ليه بحب. مريم بزعيق: وأنا! سليم بص ليها: وإنتي إيه؟ مريم: إنت عارف إني بحبك. سليم: إنتي عارفة إني محبتكيش وبرضه كنتي بتقربي.

مريم: بس.. قاطعها سليم. سليم بهدوء: مريم إنتي اللي وجعتي نفسك، أنا كنت ببعد عنك وإنتي كنتي عارفة وبرضه كنتي مصممة تقربي مني، وأنا دلوقتي اتجوزت وبحب مراتي، أنا عارف إنك موجوعة دلوقتي وبجد لو في حاجة أعملها ليكي مش هتأخر، بس أنا بحب غزل واخترتها. مريم بتحذير: بوعدك إني مش هسيبكم ترتاحوا يا سليم. بصت لغزل بكره وسبتهم ومشيت. غزل بصت لسليم: مين دي يا سليم؟

سليم بتنهيدة: دي مريم بنت واحدة صحبت ماما، بتعتبرها أكتر من أختها وعشان كده قالتلي من وأنا صغير أقول ليها خالتي.. ودي بنتها، أنا عارف إنها مبتحبنيش أنا، بس بالنسبة ليها منظر حاجة تفتخر بيها قدام الناس. غزل هزت راسها وسكتت. سليم قرب منها: كنا بنقول إيه بقى؟ غزل بكسوف: ولا حاجة. سليم حضنها وباسها من جبينها برقة: بحبك يا غزل. جت سميرة: عيب يا واد مش في المطبخ كده. غزل شهقت وبعدت سليم عنها بسرعة.

سليم بص لسميرة بغيظ: كان لازم تدخلي دلوقتي يعني؟ وبص لغزل: وبعدين هو أنا شقطك يا مجنونة إنتي كمان. سميرة بضحك: ابني انحرف يا ولاه. سليم ضحك: مليش دعوة هي السبب (شاور على غزل) غزل ببراءة: والله ما عملت حاجة. سميرة بضحك: صدقته يا حبيبتي... إيه ريحة الأكل الجميلة دي؟ سليم: بنت أختك هي اللي جهزت الأكل النهارده. سميرة بابتسامة: تسلم إيدك يا حبيبتي ريحته تجنن. غزل بابتسامة: طيب يلا روحي اقعدي على السفرة وأنا هجيب الأكل.

سميرة قربت من الأكل: لا هحط الأكل معاكي يا حبيبتي. غزل: لا يا خالتي روحي اقعدي عشان خاطري. سميرة ابتسمت: حاضر يا حبيبتي. سميرة خرجت من المطبخ وسليم هيخرج وراها. غزل وقفت. غزل: سليم! سليم: ها؟ غزل: إنت رايح فين؟ سليم باستغراب: هروح أقعد على السفرة. غزل: إنت قلت هتساعدني. سليم: إنتي صدقتي؟ سلام يا أختي. غزل: على آخر الزمن هشتغل خدامة. غزل: وحياتي يا سليم. سليم بنفاذ صبر: جوازة إيه المهببة دي يارب.

غزل بحزن مصطنع: بقا كده يا سليم، حتة طلب مش عايز تعمله ليا، أخص عليك ألف أخص. سليم: يا صبر أيوب. قرب من الأكل وجهز مع غزل وهي ابتسمت ليه. غزل بضحك: حبيبي اللي بيسمع الكلام. سليم: كلمة كمان وهسيبك وأمشي. غزل: خلاص أهو سكت. جهزوا الأكل وحطوه على السفرة. غزل كانت فرحانة وحاسة بحب وحنان سليم وخالتها. خلصوا أكل وسميرة قامت راحت أوضتها. سليم قام وقف: شوية وجاي. غزل: رايح فين يا كابتن؟ سليم باستغراب: هعمل تليفون وجاي.

غزل: طب ودي (شاورت على الأطباق) سليم: أيوة عايزاني أشيلهم هما كمان. غزل (بتقلد صوت سليم) : بالظبط. سليم بصدمة: أنا بتكلم كده؟ غزل بضحك: أيوة. سليم قرب منها: يعني أنا بتكلم كده؟ غزل بترجع: لا لا مش إنت. سليم ضحك: طيب يلا شيلي الأطباق. غزل كشرت: شيل معايا. سليم قرب: لا أنا ممكن أشيلك ونطلع على فوق. غزل جريت راحت على الأطباق: كده يا سليم مش تقول إنك تعبان، اقعد أحب أعملك حاجة كمان. سليم ضحك جامد: لا. سليم لف ومشي.

غزل: ربنا على الظالم. سليم لف ليها: بتقولي حاجة؟ غزل: لا.. لا محصلش. سليم سبها وخرج برا الفيلا. رن على أياد. أياد: يا هلا. سليم: فينك يا ابني؟ أياد: في الشركة وماشي أهو. سليم: أنا عارف إن الشغل كتير عليك عشان أنا مش موجود. أياد: إنت مفتري طول عمرك أصلاً. سليم: أنا مفتري يا أياد. أياد بضحك: عايز الحقيقة ولا النفاق؟ سليم: الحقيقة طبعاً. أياد: ظالم ومفتري و.. سليم قاطعه: أنا راجل منافق وبحب النفاق أصلاً.

أياد بضحك: مش ظالم ومش مفتري خالص. سليم: طمنتني.. بقولك بقا مريم عرفت إني اتجوزت ومشيت من هنا ومش مطمن ليها، عايزك تراقبها كويس لتعمل أي حاجة لغزل. أياد: احكيلي اللي حصل. سليم حكى كل اللي حصل لأياد. أياد: وإنت كنت حضنها في المطبخ ليه؟ ملكوش أوضة تلمكم؟ سليم: ما تتلم يااض. أياد بضحك: طيب بس متزقش يعم. سليم: يلا اعمل اللي قلتلك عليه. أياد: اوكي باي يا عريس. سليم قفل مع أياد وتنهد ودخل الفيلا. سليم بصدمة: غزل....