رواية بنت يتيمة الفصل السادس عشر 16 - بقلم رحمة محمد

سليم وإياد أول ما شافوهم بصوا لبعض وسكتوا. مامت فريدة: تعالي ي حبيبتي. فريدة بابتسامة: حاضر ي ماما. قعدت جنب إياد وغزل قعدت جنب سليم. إياد بهمس: أي القمر ده. مامت فريدة: أياد بيقول إن كتب الكتاب آخر الشهر، إيه رأيك ي حبيبتي؟ فريدة: بسرعة كده. سليم: ملهاش لازمة الخطوبة، انتوا بقالكوا سنة مع بعض. غزل: أيوا وافقي عشان عايزين نفرح بيكي. فريدة بابتسامة: موافقة. سليم: طب يلا نقرا الفاتحة. إياد بابتسامة: يلا.

مامت فريدة: صدق الله العظيم... ألف مبروك ي حبيبتي. فريدة جريت عليها حضنتها. غزل: ألف مبروك. فريدة بفرحة: الله يبارك فيكي ي غزل. سليم: مبروك ي صاحبي، أخيرًا هخلص منك. إياد: قاعد على قلبك. سليم: لا إحنا اتفقناش على كده. كلهم ضحكوا. سليم لاحظ إن فريدة وغزل بيبصوا لبعض وبيبتسموا. سليم خبط إياد وهمس: هما بيبصوا لبعض كده ليا. إياد ضحك: شكلهم هيقتلونا. غزل مسكت كوباية عصير وقدمتها لسليم. سليم: يكرم أصلك.

في نفس الوقت فريدة مسكت كوباية وقدمتها لإياد. إياد: حبيبي تسلم. فريدة قدمت كوباية لمامتها وخدت هي وغزل كوباية. فريدة بصت لغزل وابتسموا بخبث. سليم بخبث: انتوا بصين لبعض كده، اشربوا. غزل: حاضر. غزل شربت شوية من العصير ورمتهم: يالهوي شطة! في نفس الوقت شربت فريدة ورمتهم: يعع ملح! إياد وسليم بصوا لبعض بانتصار وضحكوا. إياد ضحك: وقعتوا ولا حد سمي عليكوا. سليم: بقا انتوا كنتوا عايزيننا نشرب ملح وشطة.

فريدة: انتوا عرفتوا إزاي. *** **فلاش باك** مامت فريدة كانت في الأوضة عند فريدة وغزل. إياد: أنا عايز أشوف فريدة. سليم: طب ما هي جاية، أنت غبي. إياد: عايز أشوفها قبل ما تيجي. سليم: عندي فكرة... لما مامتها تيجي اسألها عن الحمام، وهي هتبقى في المطبخ. إياد: لا ذكي. مامت فريدة جت. إياد: ممكن الحمام؟ مامت فريدة: أكيد، تعالي اتفضل يبني. وصلوا للحمام وكان المطبخ جنبهم. إياد: شكراً. مامت فريدة مشيت وإياد كان هيدخل المطبخ سمع.

غزل: بلاش ي فريدة. فريدة بإصرار: لا شوية شطة صغيرين نضحك شوية. غزل: طب بالمرة شوية ملح لسليم. ضحكوا هما الاتنين. إياد برا: دول عصابة ي قلب أمنا. سليم: وقعدنا وقعة سودة. رجعوا الصالون كان سليم ومامت فريدة بيتكلموا. سليم بهمس: أنا جميلي غرقتك. إياد بهمس: يعم اتنيل، دول طلعوا عصابة. سليم بهمس: مش فاهم. إياد حكى له اللي سمعه. وكانت غزل وفريدة جم... سليم وإياد بصوا لبعض وسكتوا. *** **باك** غزل: وبدلتوا الكوبايات إزاي؟

سليم: لما كانت فريدة بتحضن مامتها بدلتها. غزل وفريدة بصوا لبعض. إياد قام وطلع علبة صغيرة من جيبه وقرب من فريدة. إياد بهمس: كنتي هتشربيني شطة ي فريدة، شطة. فريدة بضحك: يعني انت اللي شربتها أوي يعني. إياد فتح العلبة وكان فيها خاتم. فريدة: الله حلو أوي ي إياد. إياد ابتسم: عجبك. فريدة: أوي. إياد: يخسارة، كان هيبقى من نصيبك. فريدة: تقصد إيه؟ إياد: بعد اللي عملتيه دا أخاف أتجوزك تحطي سم في الأكل.

فريدة دمعت: والله كنت بهزر. إياد: يخربيتك، والله بهزر. فريدة: يعني هتلبسهولي؟ إياد ابتسم: أيوا. ومسك إيديها ولبسها الخاتم وباسها من إيديها. إياد بابتسامة: بحبك. فريدة بابتسامة: وأنا بحبك. كملوا القعدة هزار وضحك. سليم: طيب يلا عشان ماما. غزل بابتسامة: يلا. مامت فريدة: ألف سلامة على مامتك ي سليم. سليم ابتسم: الله يسلمك. إياد وسليم وغزل وقفوا. إياد: سلام ي حماتي. مامت فريدة بضحك: سلام ي حبيبي. ومشوا.

مامت فريدة بابتسامة: مبسوطة. فريدة بابتسامة: أوي أوي ي ماما. مامت فريدة قربت من فريدة وحضنتها: ربنا يديم فرحتك. فريدة حضنتها أكتر: ويديمك ليا. *** **عند سليم وغزل وإياد** سليم: تعالى أروحك. إياد: لا أنا عايز أتمشى. سليم: يلا ي إياد مش هينفع تمشي دلوقتي. إياد ضحك: الساعة لسه 9 ي سليم. سليم: مش مطمن ي إياد. إياد: يلا بس خد غزل وأنا هتمشى. سليم بقلق: ماشيين. إياد مشي وسليم وغزل ركبوا العربية. غزل: انت قلقان كده ليه.

سليم: مش عارف. غزل مسكت إيده وابتسمت: متخافش، هيكون كويس. سليم ابتسم وباسها من إيديها وساق العربية ومشي. سليم وغزل وصلوا الفيلا. سليم: هروح أطمن على سميرة. غزل: هاجي معاك. سليم بابتسامة: ماشيين. سليم مسك إيد غزل وراح أوضة سميرة. سليم: سوسو. سميرة قفلت المصحف: صدق الله العظيم... حبيبة سوسو، جيتوا إمتى. غزل قعدت جنبها على السرير: لسه واصلين. سليم قرب منها وباس راسها: عاملة إيه ي حبيبتي.

سميرة بابتسامة: الحمدلله ي حبيبي... عروسة إياد عاملة إيه. غزل بابتسامة: كويسة أوي ي خالتي. سليم: أيوا ما انتوا عملتوا عصابة. غزل ضحكت. سميرة: إزاي عصابة. غزل ضحكت: أنا حطيت في كوباية سليم ملح وفريدة حطت في كوباية إياد شطة، وهما حبوا يبقوا أذكياء وبدلوا الكوبايات. سميرة ضحكت جامد: عصابة جامدة. سليم: وفي الآخر هما اللي شربوهم. سميرة بضحك: من حفر حفرة لأخيه، وقع فيها. وقعوا في شر أعمالهم.

سليم بضحك: طب ارتاحي ي ماما شوية واحنا هنطلع. غزل بضحك وباست سميرة من جبينها: تصبحي على خير ي خالتي. سميرة: وانتي من أهله يا حبيبتي. سليم بابتسامة: تصبح على خير ي حبيبتي. سميرة: وانت من أهله. *** **عند فريدة بتكلم إياد** فريدة بضحك: كان نفسي أنت اللي تشربها. إياد: ماشي ي فريدة، هتقعي قريب. فريدة ضحكت بس سكتت لما سمعت صوت حد اتخبط بالعربية. فريدة: إيااااااااد!