رواية بنت يتيمة الفصل الثاني 2 - بقلم رحمة محمد

انهار ضربت غزل بالقلم على وشها. دخل أبو غزل. حسين: في إيه يا انهار؟ هي عملت إيه تاني؟ انهار (تكذب) : كنت بعتاها تجيب حاجات ليا وأخذت الفلوس. غزل (بدموع) : والله لأ يا بابا، ده... ولم تكمل، حسين ضربها بالقلم على وشها. حسين (يزعق) : والله لأربيكي! بتسرقي الفلوس منها؟ شدها ودخلها أوضة ضلمة ومنع إن يدخل ليها أكل طول النهار. *** عند سليم. وصل الفيلا هو وإياد، وقابلتهم سميرة.

سميرة: مامت سليم طيبة جداً وبتحب إياد جداً وبتعتبره ابنها. شافتهم وهما بيضحكوا وفرحت بيهم جداً. سميرة: اتأخرتوا ليه؟ نظرت لسليم: خالتك وبنتها جوا. سليم: بتهزري؟ طب يلا يا إياد. وبيرجع يركب عربيته. إياد (ضحك بخبث) : وحب يضايق سليم عشان عارف إنه مش بيحبهم. وشدوه ودخلوا الفيلا بالعافية. سليم (يبص ليه بتوعد) : وربي يا إياد، لنفخك. إياد (بضحك) : أهلاً وسهلاً بمريومة.

مريم: بنت خالة سليم، بتحبه جداً وعلطول بتحاول تقرب منه وهو مش مهتم. مني: خالة سليم، بتحبه وبتعتبره ابنها. مني: إزيك يا سليم؟ مريم قامت وقفت وقربت من سليم: سليم وحشتني. سليم: الحمد لله تمام. سلم على مني ومهتمش بكلام مريم، واستأذن وشد إياد من هدومه ومشي برا الفيلا. إياد (بضحك) : إيه يا عم؟ في إيه؟ سليم: حسابك معايا بعدين. ويلا عشان اتأخرنا على الشركة، وده أول يوم ليك. خلصوا شغلهم ورجعوا الفيلا وعدى اليوم عليهم. ***

في صباح يوم جديد عند غزل. دخلت عليها انهار في الأوضة. كانت غزل قاعدة على الأرض وضامة رجليها ودافنة راسها بين إيديها ونايمة، وفي أثر دموع على خدودها. انهار (بتزعق) : خدي كولي. رمت ليها الأكل قدمها وسابتها وخرجت. غزل اتخضت من صوت انهار وبصت للأكل وعيونها دمعت. *** عند سليم. صحى وجهز هو وإياد وراحوا الشركة. سليم قاعد مركز جداً في الشغل. دخلت السكرتيرة. السكرتيرة ريم: سليم بيه، إياد بيه بره. سليم: دخلي.

خرجت ريم ودخل إياد. إياد: وحشني، وحشني، وحشني. سليم (وهو بيشوف الأوراق اللي قدامه) : ده على أساس إنك مش قرفني 24 ساعة. إياد: أنا غلطان، موحشتنيش. كنت عايزني في إيه؟ سليم (بجدية) : عايزك تنشر إعلان عن سكرتيرة شخصية. إياد (باستغراب) : أنت هتمشي ريم؟ سليم: لأ، بس هي طلبت إجازة كبيرة عشان فرحها، وأنا محتاج لسكرتيرة. إياد (بتفهم) : تمام. الباب خبط. سليم: اتفضل. ريم: علي بيه بره. إياد: يا ساتر يارب. سليم (ابتسم بخبث)

: طب دخلي. إياد: أنا مش مرتاحلك يـ سولوم. سليم ابتسم وسكت، ودخل علي. سليم: أهلاً علي باشا. علي: أكبر منافس لسليم وبيكرهه جداً. *** عند غزل. حسين رجع من الشغل مبسوط جداً وندى على انهار. وكانت في المطبخ بتحضر الغدا. حسين راح طلع غزل من الأوضة. حسين: لو عملتي كده تاني، هقطعلك إيدك. روحي جهزي الغدا يلا. غزل هزت راسها بالإيجاب. ومشيت ودموع في عيونها. حسين: سيبي الأكل، هي تحضره وتعالي يا انهار. انهار خرجت من المطبخ.

انهار: في إيه يا حسين؟ حسين (بفرحة) : خدت مكافأة من الشغل بسبب طلوعي على المعاش. انهار (بفرحة) : مبروك يا حسين. غزل جت جهزت الغدا على السفرة، وكانت سامعة بس مبيّنتش. قعدوا كلهم وكلوا. خلصوا وغزل قامت عشان تشيل الأطباق. انهار: سيبي دول، وادخلي نظفي الأوضة القديمة عشان هنا بنت اختي هتيجي تبات كام يوم في الأوضة بتاعتك، وإنتي هتباتي فيها. غزل عيونها دمعت. غزل: حاضر. راحت غزل الأوضة تنضفها. وهي بتنضف الأوضة شافت...