رواية بوادر عشق الفصل الثاني 2 - بقلم ريتاج محمد

وفين بقى رخصة سواقة البرنسيسة؟ تمنى ببرود: نسيتها فالبيت. الظابط: نسيتيها ااااه.. طب اركنيلي على جنب ياقمورة. تمنى ببرود: هركنلك من عيني حاضر. وركنت على جنب فعلاً. شوية ولقت اللي جايلها وهو بيقول: قدامك نص ساعة، الرخصة لو مبقتش في إيدي هاخدك عالبوكس. تمنى: امم.. ونا أعمل إيه؟ أروح أجيبها وأيجي؟ الظابط بحدة: مش عايز خفة، اتصرفي وهاتيها أو خلي حد يجيبهالك. تمنى: طيب. والظابط بصلها بغيظ ومشي. وكلمت فريدة اللي

ردت على طول وهي بتقول: إيه في إيه ياتمنى؟ انتي لسة سايباني مكملناش نص ساعة. تمنى: الله! فريدة قدامك نص ساعة تروحي البيت، تطلعي أوضتي تجيبي الرخصة بتاعتي من درج الكومود، تنزلي، هبعتلك لوكيشن تكوني فيه. فريدة باستغراب: كل ده في نص ساعة؟ تمنى: اتصرفي.. ده الظابط بيقولي هاخدك عالبوكس. فريدة بخضة: بوكس بوكس إيه ياتمنى؟ وظابط مين ده؟

تمنى: يابنتي عديت على كمين وطلبوا الرخص وملقتهاش في العربية. بت بقولك إيه، انجزي أنا هقفل سلام. فريدة: طب طب، المحاضرة بتاعتي طب. تمنى بسرعة: ابقي خديها من أي حد من أصحابك يافريدة. اتصرفي بقولك، هتحبس. فريدة: طيب طيب حاضر. تاكسي.. أيوه أيوه، بت بقولك إيه سلام، أنا مروحة أهو. وقفت. تمنى بعتتلها اللوكيشن. وقعدت في العربية. عدى الوقت بسرعة والنص ساعة خلصوا. فلت اللي جاي عليها

وهو بيقول بسماجة وسخرية: ناوي تباتي معانا هنا ولا إيه؟ تمنى مردتش وقعدت على فونها. الظابط بزعيق: لأ منا لما أكلمك تردي ياروح أمك، وإنجزي. أنا الرخص لو ملقتهاش في إيدي كمان خمس دقايق وربي لبيتك في الحبس. تمنى بصتله ببرود ومردتش. فقال بنفاذ صبر: مترديش براحتك. بس لو الرخصة مجاتش محدش يزعل. ومشي. وهي رنت على فريدة وقالت بغضب: انتي فين يافريدة يازفتة انتي؟ فريدة: والله قربنا أهو خلاص، كلها ربع ساعة وابقى عندك.

تمنى بنفاذ صبر: خلي السواق يستعجل، ده عمال يهدد فيا. فريدة بخوف عليها: طيب والله حاضر. بس الراجل مسرع أوي على فكرة. تمنى: خليه يسرع أكتر يافريدة. فريدة: طب حتى بصي.. لو سمحت يا أستاذ سرع ونبي. الراجل: يابنتي هسرع أكتر من كده إيه؟ انتي عايزانا نطير ولا إيه؟ فريدة: اهو سمعتني، اقفلي بقى. إحنا خلاص قربنا نوصل. وقفت. وبعد شوية من الوقت كانت وصلت لتمنى وأدتها الرخصة. تمنى نزلت وراحتله: لو سمحت اتفضل، أهي الرخصة.

الظابط واللي اسمه لؤي: ما لسه بدري والله، كنتي باتيلك يومين تلاتة معانا هنا. هاتي.. واخد منها الرخصة. وبعد شوية أدالها الرخصة وهو بيقول: والله يعني.. متمناش أشوفك تاني. تمنى ببسمة برود: والله ولا أتمنى أشوف حضرتك تاني ♡. وأخدت فريدة ومشيت. فريدة: تمنى هو انتي كده مروحتش المشوار بتاع النهارده صح؟ تمنى بسخرية: لا روحتُه وراجعة أهو. أكيد مرحتوش. فريدة: طب هتروحي ولا إيه؟

تمنى: وهو اللي يشوف الخلقة دي في حتة هيبقى عايز يروح في حتة. ده كفاية إنه بقاله ساعة مخليني راكنة جنب الكمين. الحيوان المتعجرف. لا وقال إيه بيهدد فيا. أنا أنا تمنى العسيلي. فريدة: احمدي ربنا أصلاً إنه اداكي مهلة تجيبي الرخصة. حد غيره كان زمانه راكنك مش في العربية جنب الكمين، لأ في البوكس. تمنى: يستي الحمد لله على كل حال. بقولك إيه أنا هموت وأنا واكل. أمك طبخت إيه؟ متقوليش. قول قلقاس.

فريدة بضحك: لا طبخت حمام محشي وملوخية. تمنى بفرحة: وربنا أمك دي بتفهم. وروحوا البيت وأكلوا. وكل واحدة طلعت عشان تنام. تمنى كانت لسة بتغمض سمعت صوت مسدج عالفون، فمسكتُه بنوم وفتحته. لقيت رقم غريب باعِتلها نقطة. تمنى: مين؟ ... : أمن دولة. تمنى: مين؟ مش هقولها تاني. ... : حكومة. ... : هتقول مين ولا أرزع بلوك؟ تمنى: لؤي. تمنى: حصلي القرف.. سلام. لؤي: استنى لحظة، مش عايزة تعرفي أنا مين؟ تمنى: لا مش عايزة أعرف.

لؤي: انتي الخسرانة. تمنى: يعني هيطلع ميت معايا يعني. لؤي: ... _عند فريدة كانت قاعدة في أوضتها وبتتكلم على جروب الدفعة وبتقول: عارف يا عبد الرحمن شوفت مين النهارده. عبد الرحمن: مين. فريدة: أخوك اللي انت كنت باعت صورته، مش عارفة اسمه لؤي ولا اسمه إيه. عبد الرحمن: شوية فين ده.. ده أنا شخصياً مبشوفهوش. فريدة: كان موقف أختي، فممكن عشان الرخص. عبد الرحمن: اااه. فريدة: لا بس بارد أوي. ده أنا أختي كان هاين عليها تولع فيه.

يسرى: لا اخص عليكي يافريدة، بقى القمر ده يتولع فيه. ده حاجة كده بونبوناية. فريدة: سيباهولك ياختي، إلهي يارب يطلعلك في الحلم. يسرى: يارب. فريدة: طب بطلي محن يايسرى.. مش وقتك. هو عالمسي. يسرى: الله، وأنا عملت إيه؟ أنا بس بقول إنه قمر وعسل. فريدة: طب بردك بطلي محن. إيهاب: إيه يا بنات في إيه؟ كل ده عشان لؤي. عبد الرحمن: والله واخويا بقى بتحصل عليه خناقات.

فريدة: بقولكوا إيه، أنا هقف سلام. انتوا باردين وأنا عندي بكرة شغل ومش فايقة. مريم: والله مش عارفة لي دكتورة تمنى مشغلاكي معاها مع إنك لسة صغيرة وبتدرسي. فريدة: أمر الله.. والله يابنتي ما قادرة أقوم أصلاً من السرير، بس هعمل إيه. مريم: طب ما تقوليها مش عايزة أشتغل. فريدة: آه عشان تعلقني حاضر، من عيني. بقولكوا إيه سلام، الوقت اتأخر يلا باي. وقفت.