رواية براءتي الفصل الثالث عشر 13 - بقلم جميلة سلطان

الأستاذ فارس مطلوب القبض عليه يامدام. زهرة بصدمة: قبض؟ لي هو معملش حاجة. الضابط: هو فين يامدام؟ وبلاش نستعمل العنف، خلينا نمشي بالذوق. اتفضلي نادي عليه. فارس بصوت ناعس: حبيبتي بتكلمي مين؟ الضابط: انت فارس شاهين؟ فارس: أ.أيوه، لي في حاجة؟ الضابط: اقبض عليه يابني، يلا ياأستاذ معانا بالراحة. فارس: حبيبتي خليكي هنا، أنا هخرج. زهرة بدموع: لا يافارس، هما بياخدوك لي؟ طب إيه التهمة؟ الضابط: اغتصاب ومحاولة قتل يامدام.

زهرة بصدمة: أكيد لا، أنت غلطان. فارس ميعملش كده. فارس: زهرة، أنا معملتش حاجة والله. هرجعلك ياحبيبتي. *** أكرم: أنا مبقيتش فاهم حاجة. إزاي بتقولي إنه هيتجوز، وإزاي بتقولي دلوقتي إنه اتقبض عليه؟ متجننيش معايا وخلصيني. زهرة ببكاء: هما جم خدوه على القسم ياأكرم، والظابط قال إن التهمة اغتصاب ومحاولة قتل. أكرم: ومين سعيدة الحظ بقى اللي عمل فيها كده؟ زهرة: هو معملش حاجة ياأكرم. ه.هو كان معايا امبارح.

أكرم بحرج: اممم، ط.طيب، أنا هشوف المحامي وهعمل كام مكالمة كده، وإنتي خليكي مع عز والولاد ومتتصليش عليا، فاهمة؟ أومأت برأسها وهو ذهب بسرعة، بينما هي جلست جوار الطفلين اللذين ينظران لها بحزن على بكائها، لتعانقهما. *** المجهولة: عملت اللي قلتلك عليه. الشاب: نفذت كل اللي طلبتيه، وكده ليا البنت. المجهولة بملل: كلها ليك، اعمل فيها اللي انت عاوزه.

الشاب بشهوة: بس مكنتش أعرف إن البت بالحلاوة دي. إنتي قلتيلي إنها عادية، بس دي مينفعش يتقال عليها عادية، دي صاروخ أرض جو روسي مش مصري. المجهولة بغضب: غور من وشي، وخليها تمضي على الورق ده، وهديك 50 باكو زيادة. الشاب: والبنت معاهم. المجهولة: خدها وغور من وشي. دايماً إنتي كده يازهرة، دايماً خاطفة الرجالة، بتسحريهم إنتي ولا بتعملي إيه؟

خدتي حبيبي مني، وخللتي جدي يطلقني منه. بس مش هرحمك، مش هتنهي العداوة دي إلا بموت حد فينا، والأكيد إنه هيكون موتك. *** زهرة: يوووه، متصلش لي؟ ده يكونش حصل حاجة؟ ياااعز، أنا مش عارفة لي بيحصل كده، وإزاي؟ معقول يكون حد عايز ينتقم مننا؟ لا يازهرة، إنتي بتتفرجي على أفلام كتير. بس يمكن ياض ياعز، يكون حد بيحب فارس ده وعايز يطلقني منه، بس ندى غبية. ده يمكن حد بيحبني ياااعز، أنا أتحب أه، بس يبعد عن فارس. هنزل أجيبلك الدوا.

*** زهرة: سيبي شعري ياندى. ندى: إنتي السبب في كل اللي بيحصله، كله بسببك. زهرة: ابعدي ياندى. ندى: د.دم.