رواية بريئة اوقعتني في حبها الفصل الثامن والثلاثون 38 - بقلم دعاء حجاج

خرج الدكتور من غرفة العمليات وسيف قال بتنهيدة: "رامي بخير صح؟ الدكتور نظر للأسفل وقال: "للأسف المريض دخل في غيبوبة وحالته خطيرة جدًا." دينا صرخت بأعلى صوت ورنيم احتضنتها على طول وقالت: "دينا اهدي، إن شاء الله هيكون بخير." سيف هز رأسه وخد بعضه ومشي على طول. رنيم: "سيف استنى." رنيم ابتعدت عن دينا وراحت وراء سيف اللي كان حزين أوي على صديقه. رنيم مسكت دراعه وقالت وهي بتاخد نفسها: "رايح فين؟ سيف: " رنيم

وضعت يدها على خده وقالت: "إن شاء الله هيكون بخير." سيف بص لها وقال: "لازم تمشي." رنيم هزت رأسها وقالت بنفي: "مقدرش أسيب دينا لوحدها ولا أقدر أسيبك." سيف أخرج هاتفه ورن على السائق الجديد اللي يدعى طاهر. رنيم حاولت تمسك هاتفه لكن معرفتش لتقول: "سيف اسمعني." سيف: "تيجي على مستشفى **** فورًا." "أوامرك يا بيه." سيف أغلق هاتفه ورنيم قالت: "وأنا مش عايزة أسيبك." سيف مسك يدها وقال: "الوقت اتأخر يا روحي."

رنيم: "طب عشان أكون مع دينا طيب، عشان خاطري يا سيف." سيف باستسلام: "ماشي يا رنيم." رنيم حضنته وقالت: "كنت متأكدة إنك هتوافق." سيف ابتعد عنها وقال: "روحي لدينا وأنا هرن على طاهر." رنيم بابتسامة بسيطة: "حاضر!! في أحدي المطاعم. حمزة شد الكرسي لورا وقال بحب: "اتفضلي يا ست البنات." ميرال قعدت وبصت حواليها وقالت: "انت مش قلت هنكون لوحدنا؟ حمزة قعد على الكرسي المقابل ليها وقال: "مش لوحدنا لوحدنا يعني." ميرال

وضعت يدها على خدها وقالت: "مش هناكل ولا إيه؟ حمزة طلب الجرسون وميرال بصت حواليها وقالت في سرها: "هو ده العشا الرومانسي اللي قال عليه؟ حمزة طلب الأكل وقال: "حاسس إن المكان مش عاجبك." ميرال وهي بتكز على سنانها: "لا اتأكد يا حبيبي." حمزة رفع أحد حاجبيه وقال: "المطعم ده من أهم المطاعم في مصر حتى." ميرال بصت لتحت وحمزة رجع رأسه لوراء وقال بتمتمة: "لو اتكلمت نص كلمة زايدة مش هتخلص النهارده."

ميرال بصت وراءها وجدت شابين ينظرون إليها بنظرات مقززة. ميرال: "حمزة حمزة." حمزة وهو بيلعب في التليفون: "امممم." ميرال: "الشابين اللي هناك دول بيبصوا عليا وبيعملوا حركات غريبة." حمزة بص حواليها وقال: "فين؟ ميرال شاورت بإيدها وقالت: "اللي هناك دول." حمزة حين رآهم مسك ايد ميرال وقال بخوف: "أكيدًا مش بيبصوا عليكي يا حبيبتي." ميرال سحبت أيدها وقالت: "لا بيبصوا عليا." حمزة بص عليهم وقال في سره: "دول عاملين زي البودي جارد."

ميرال مسكت ايد حمزة وقالت: "قوم اضر"بهم." حمزة بلع ريقه بصعوبة وقال: "اضرب اضرب مين؟ ميرال: "الشابين دول." حمزة سحب أيده وقال: "يا حبيبتي أكيدًا مش بيبصوا عليكي." ميرال قامت وقالت بصوت عالٍ نسبيًا: "مفيش غيره خالص من ناحيتك." ميرال مسكت الشنطة وخدت بعضها وطلعت وحمزة قام ومن غير ما ياخد باله دخل في الكرسي ليقع على الأرض. "عاااااااا٠٠٠٠٠٠" "ميرال استني!! في الخارج. ميرال وقفت برا وربعت أيدها وقالت: "حتى مطلعش ورايا."

"مالك بس يا جميل مين زعلك؟ ميرال استدارت وقالت بصوت مقطع: "انتوا انتوا." الشابين بصوا لبعض وقال احدهم: "سمعتك وإنتي بتقولي لجوزك مش بتغير عليا خالص." الآخر مشي ايده على كتف ميرال وقال: "هو مقصر معاكي ولا إيه؟ حمزة مسك ايده وقال: "وإنت مالك يا روح أمك." ميرال بفرحة: "حمزة." حمزة خدها خلف ضهره والشاب قال: "مزعل الحلوة ليه؟ حمزة ضر"به بالبوكس في وشه وقال بحده: "وإنت مال أمك." الشاب

وضع ايده على فمه وقال: "كده بتلعب في عداد عمرك يا خفيف." الشاب هج"م على حمزة اللي ضر"به في بطنه بكل قوة. الشاب وقع على الأرض والآخر انقض على حمزة وقعد يضر"ب فيه. ميرال وضعت أيدها على فمها وقالت في سرها: "إيه اللي عملته ده؟ حمزة مسك الشاب من رقبته وقال: "تحب تمو"ت ولا تعيش؟ الشاب بصوت مقطع: "أنا أنا آسف." حمزة زقه ليقع على الأرض أيضًا. حمزة عدل الجاكيت بتاعه وميرال جرت عليه وحضنته جامد أوي وقالت: "أنا آسفة." حمزة

وضع ايده على شعرها وقال: "كنتي عايزة كده يعني؟ ميرال ابتعدت عنه وبصت في عيونه وقالت: "مش أوي كده." حمزة ابتسم وقال: "طب يلا ندخل أكيدًا الأكل برد." ميرال هزت رأسها ودخلت هي وحمزة بالفعل. الشابين قاموا بالعافية وقال احدهم: "بقا ده يعلم علينا؟ الآخر قال وهو بينضف هدومه: "هتعمل إيه يعني؟ الشاب بخبث: "هقولك بس تعالى معايا!! ميرال وضعت منديل على فم حمزة اللي نز"ف. "حمزة أنا آسفة."

حمزة مسك أيدها وقال: "أهم حاجة عندي إنك بخير." ميرال ابتسمت وحمزة مسك الشوكة والسكينة وقال: "مش هناكل ولا إيه؟ ميرال مسكت الشوكة والسكينة أيضًا وبدأت تاكل فكانت جعانة جدًا. على الجهه الأخرى. ياسين: "إيه رأيك في المصنع؟ ملك: "حلو أوي." ياسين ابتسم وملك قالت: "رن على بابا شوفه فين دلوقتي." ياسين هز رأسه وأخرج هاتفه ورن على معتز والد ملك. معتز: "ياسين أخبارك إيه وملك أخبارها إيه؟ ياسين: "كلنا بخير٠٠٠٠٠" ملك خدت

التليفون من ياسين وقالت: "بابا انت فين؟ معتز: "قاعد مع عمك كمال دلوقتي وسألت عليك قال لي إنك مع ياسين." ملك: "طب إحنا حاليًا في الطريق ربع ساعة وهكون عندك." معتز ابتسم وقال: "ماشي يا حبيبتي!! ملك أغلقت الهاتف وقالت: "بابا قاعد مع عمو كمال دلوقتي." ياسين ابتسم وقال: "أكيدًا بيتكلموا في جوازنا." ملك بصت لتحت وياسين وقف العربية وقال: "دقيقة واحدة." ملك بصت له وقالت: "رايح فين؟ ياسين نزل من العربية وقال: "مش هتأخر."

ملك هزت رأسها وقالت: "تمام." بعد شويه. ياسين فتح الباب وركب وملك قالت: "كنت فين؟ ياسين: "كنت بعمل حاجة كده." ملك بفضول: "حاجة إيه؟ ياسين شغل العربية وقال: "متشغليش بالك." ملك زعلت أوي من طريقة كلام ياسين اللي قال: "مكنش قصدي بس... ملك قاطعته وقالت وهي بتهز رأسها: "ولا يهمك وبعدين أنا كنت مين عشان أسألك كده؟ ياسين داس فرامل وقال: "إيه الكلام اللي قولتيه ده؟ ملك بصت لتحت وسكتت.

ياسين مسك أيدها وقال: "إنتي هتكوني مراتي يا ملك يعني نصي التاني." ملك ابتسمت ابتسامة بسيطة وياسين خد نفس عميق وقال: "كنت بشوف القاعة اللي هنعمل فيها فرحنا." ملك بصت له وقالت بفرحة: "بجد؟ ياسين هز رأسه وقال: "كنت بتفق مع صاحب القاعة على شوية حاجات." ملك فرحت أوي وياسين قال: "مش عايزك تزعلي مني." ملك هزت رأسها وياسين طلع حاجة من جيبه ووضعها في ايد ملك. ملك ضمت حواجبها وقالت: "سلسلة." ياسين شغل العربية وقال: "افتحيها."

ملك فتحتها ووجدت صورتها وصورة ياسين لتترسم الابتسامة على وجهها. ياسين: "عملتها واحنا في ألمانيا." ملك: "وجبت الصورة دي منين؟ ياسين بص لها وقال بابتسامة: "هقولك لما نتجوز." ملك: "وليه مش دلوقتي؟ ياسين: "بعدين يا ملك٠٠٠٠٠" "صحيح إيه اللي بينك وبين ميرال؟ ملك بارتباك: "ميرال؟ ياسين هز رأسه وملك قالت: "تقصد ميرال مرات حمزة؟ ياسين بص لها وقال: "ملك انتي عارفة ميرال كويس."

ملك هزت رأسها وقالت: "لأ طبعًا أنا أول مرة أشوفها." ياسين: "رغم إني شاكك في الموضوع بس مفيش مشكلة." ملك بصت لتحت وقالت في سرها: "ياسين مينفعش يعرف حاجة ولا حمزة." في قصر كمال النصراوي وتحديدًا في غرفة كمال. ناهد مسكت التليفون ورنت على ماجد وقالت: "باقي الفلوس هتاخدها بكرة." ماجد قام وقال: "الأسبوع لسه فاضل فيه تلات أيام اه نسيت ما انتي مرات كمال النصراوي." ناهد: "فاكرة البيت القديم اللي كنا بنتقابل فيه؟

ماجد هز رأسه وناهد قالت: "تكون فيه بكرة عشان نخلص من الحوار ده." ماجد: "اتفاقنا يا نونو." ناهد قفلت التليفون وقعدت على طرف السرير وقالت: "مو"تك هيكون على إيدي يا ماجد." ناهد وهي تكرر كلامها: "بكرة إن شاء الله هتمو"ت على إيدي." عند ميرال وحمزة. ميرال ركبت العربية وقالت: "الوقت الحلو بيمر على طول أوي." حمزة ركب أيضًا وقال: "فعلاً." ميرال وضعت رأسها على كتف حمزة وقالت: "إن شاء الله مش هتكون آخر مرة." حمزة

بص لها بطرف عينه وقال: "ما كنتي بتكرهي الخروجات معايا إيه اللي حصل؟ ميرال ابتعدت عنه وقالت: "يا ميزو ما انت بتعصبني وبصراحة كده انت بارد أوي." حمزة شغل العربية وقال: "مش هرد عليكي لإن لو رديت عليكي مش هنخلص." ميرال وهي بتنفخ في أظافرها: "يكون أحسن بردوا." وفي الطريق. حمزة وقف العربية فجأة وميرال قالت: "في إيه؟ حمزة فتح الباب وقال: "الظاهر العربية خلصت بنزين." ميرال وضعت

أيدها على رأسها وقالت: "مفيش مرة خرجنا مع بعض إلا وحصل حاجة." حمزة أتأكد فعلًا من البنزين اللي في العربية ليقول: "للأسف مفيش بنزينة قريبة من هنا." ميرال فتحت الباب ونزلت وقالت: "طب رن على السائق الجديد." حمزة اخرج هاتفه ورن بالفعل على السائق الجديد اللي يدعى طاهر. ميرال بصت على الطريق وقالت: "في عربية جاية علينا يا حمزة." حمزة: "أوعك تتأخر." "أوامرك يا بيه." حمزة أغلق هاتفه وقال: "تفتكري هيساعدنا؟

ميرال هزت رأسها وقالت: "طالما أنا معاك اتأكد إنه هيساعدنا." حمزة: "إيه الغرور ده؟ ميرال رجعت خصلة من شعرها لوراء وقالت: "ده مش غرور يا حبيبي ده ثقة." حمزة بتريقة: "ثقة." العربية وصلت عندهم بالفعل وميرال شاورت ليها وقالت: "استني لو سمحت." العربية وقفت وميرال حين رأت اللي في العربية خدت خطوة لوراء وقالت بخوف: "حمزة." نزل من العربية الشابين اللي تشاجر معاهم حمزة وكان معاهم شابين آخرين. ميرال وقفت جنب

حمزة ومسكت في هدومه وقالت: "مش دول نفس الشابين اللي كانوا في المطعم؟ حمزة بص لهم وهز رأسه وقال: "أيوه نفسهم." الشابين اقتربوا من حمزة وقال أحدهم: "مالك يا بطل؟ ما كنت عامل فيها سوبر مان قدام الموزة." حمزة وقد فقد كل ذرة عقل لديه ليمسك الشاب من ياقته وينزل عليه بكل قوته. الباقي هج"م على حمزة وميرال صرخت بأعلى صوت وقالت: "حمزززززه." حمزة وقع على الأرض والثلاث شباب نزلوا عليه. الشاب اللي كان واقع على الأرض قام

ومسك ميرال من ايدها وقال: "إيه رأيك بقا؟ الحلوة بقت معانا." ميرال حاولت تفلت أيدها لكن معرفتش فكان هذا الشاب ماسكها جامد أوي. حمزة حاول يقوم لكن مقدرش. الشباب ابتعدوا عن حمزة وركبوا العربية وقال أحدهم: "مش يلا يا معلم ولا إيه؟ ابتسم بخبث وقال: "يلا طبعًا." ميرال كانت بتصرخ بأعلى صوت وحمزة مكنش قادر يقوم. الشاب فتح باب العربية وحاول يدخل ميرال في العربية لكن معرفش. ميرال بعيون دامعة: "حمزة قوم عشان خاطري." الشاب

وهو بيدفعها جوه العربية: "ارركبي بقاااا متخلنيش أستخدم معاكي العنف." وقتها السائق الجديد لعائلة النصراوي اللي يدعى طاهر وصل. نزل من العربية على طول وجري على حمزة وقال: "حمزة بيه." حمزة مسك ايد طاهر وقام بصعوبة. حمزة وعيونه اتحولت إلى اللون الأحمر القاتم. زق الشاب ليقع على الأرض وبدأ يقرب منه وعيونه بتطق شرارة. الشاب بدأ يرجع لوراء وحمزة داس على ايده بقدم رجله ليصرخ الشاب بأعلى صوت.

الباقيين نزلوا من العربية وكان في مواجهتهم طاهر. حمزة لا يرحم الشاب اللي مسك ايد ميرال بكل جرأة. بعد شويه. حمزة وطاهر استطاعوا أن يهزموا هؤلاء الشباب. حمزة وقف مكانه وميرال جرت عليه وحضنته جامد أوي وقالت بعياط: "أنا السبب في ده كله أنا السبب." حمزة وضع ايده على شعرها وقال بحب: "متقوليش كده يا روحي." ميرال ابتعدت عنه ووضعت أيدها على خده وقالت: "أنا آسفة." حمزة ابتسم ابتسامة بسيطة وقال: "خلاص بقا." ميرال بصت لتحت

وحمزة خد نفس عميق وقال: "حصل خير." ميرال ابتسمت وحمزة وضع ايده على كتفها وقال: "أيوه كده." طاهر فتح الباب وحمزة وميرال ركبوا ومشوا. في المستشفى. دينا كانت قاعدة على الأرض كما هي ورنيم كانت بجانبها. سيف: "رنيم." رنيم ابتعدت عن دينا وراحت عند سيف اللي قال: "خالتي سميرة قالت إن دينا حامل ولازم تخليها ترتاح." رنيم هزت رأسها وسيف قال: "هروح مشوار كده خدوا بالكم من نفسكم." رنيم مسكت ايد سيف وقالت: "مشوار إيه؟ سيف وضع

ايده على خدها وقال بحنية: "مش هتأخر خدي بالك من نفسك ومن دينا." رنيم ابتسمت ابتسامة بسيطة وسيف خد بعضه ومشي. رنيم خدت نفس عميق وراحت لدينا وقالت: "دينا لازم ترتاحي." دينا: " رنيم نزلت لمستواها ومسكت ايدها وقالت: "عشان اللي في بطنك طيب." دينا مردتش بردو ورنيم قالت: "أكيدًا رامي زعلان منك ومش راضي باللي بتعملي في نفسك." دموع دينا نزلت وقالت: "خايفة يا رنيم خايفة رامي يبعد عني." رنيم مسحت دموعها

وباستها على رأسها وقالت: "خلي إيمانك بربنا كبير يا روحي وإن شاء الله هيكون بخير." دينا هزت رأسها وقالت: "رامي لو جراله حاجة مش هقدر أعيش من غيره يا رنيم." رنيم مسكت ايدها وقالت: "اتفاألي خير يا دينا وبعدين ربك موجود قومي اتوضي وصلي ركعتين وادعيله." دينا قامت بالفعل ورنيم وضعت أيدها على كتفها وقالت: "إن شاء الله هيكون بخير." دينا: "إن شاء الله." في قصر كمال النصراوي. معتز قام وقال: "بما إن ملك وصلت استأذن أنا بقا."

ملك وقفت مكانها وكمال قال: "القصر كبير يا معتز إيه رأيك تقعد اليومين دول؟ معتز: "إنت عارف إن ملك مبتعرفش تنام إلا في بيتها." ياسين اقترب من ملك وقال بهمس: "الكلام ده حقيقي؟ ملك هزت رأسها وياسين قال: "أما نتجوز إزاي؟ ملك اتكسفت أوي وقالت بتهرب: "مش يلا يا بابا." معتز ابتسم وقال: "يلا يا بنتي." ياسين بهمس: "هتوحشيني أوي." ملك ابتسمت ابتسامة بسيطة ومعتز مسك أيدها وقال: "يلا يا حبيبتي."

بعد مهلة من الوقت وتحديدًا في غرفة حمزة. حمزة قلع التيشيرت وقال: "ضهرى واجعني أوي يا ميرال." ميرال بصت على ضهره وقالت: "ده كدمات بسيطة هحطلك مرهم وإن شاء الله هتكون بخير." حمزة نام على بطنه وميرال بدأت تدهن له المرهم وتغني. حمزة: "إيه البرود اللي فيكي ده؟ ميرال: "ليه بس يا حبيبي؟ حمزة انعدل وقال: "بقولك ضهري واجعني أوي وإنتي بكل بساطة بتغني." ميرال وضعت المرهم على الكومودينو وقالت: "ده كدمات بسيطة متقلقش."

حمزة قام وقال: "مغلطتش لما قولت متجوز جعفر." ميرال مسكت ايد حمزة وقالت: "استنى!! قول اللي قلته من شوية كده." حمزة مسك وشها بايديها الاتنين وقال: "وربنا شبه واحد صاحبي." ميرال زقته وقالت: "على الأقل فيا الرجولة عنك." حمزة مسكها من ياقة البيجامة وقال: "قلة أدب مش عايز فاهمة ولا لا." ميرال: " حمزة رفعها لفوق وقال وهو بيكز على سنانه: "فاهمة." ميرال هزت رأسها وقالت بخوف: "فاهمة فاهمة." حمزة تركها ودلف نحو الحمام.

بعد شويه. حمزة خرج من الحمام ووجد ميرال ماسكة الهاتف وتحدث شخصًا ما. حمزة وقف قدام المراية وقال وهو بيعدل ياقة التيشيرت: "بتكلمي مين؟ ميرال: "وإنت مالك؟ حمزة بص لها ورفع أحد حاجبيه وقال: "مالي إزاي يعني؟ ميرال قامت وقالت: "أيوه انت مالك وبعدين أنا بسألك بتكلم مين؟ حمزة: "إنتي بنت إنما أنا راجل." ميرال: "دلوقتي مفيش فرق بين الراجل والست يا حبيبي." حمزة بغيظ: "قصدك إيه؟ ميرال: "قصدي إن الست بقت زي الراجل بالظبط."

حمزة بغمزة: "بالظبط بالظبط." ميرال بارتباك: "أنا مش عارفة بتكلم مع واحد متخلف زيك ليه." حمزة قعد على طرف الأريكة وقال: "وأنا مش هرد عليكي احترامًا لابني يزيد." ميرال وضعت أيدها على خصرها وقالت: "يزيد؟ حمزة بص لها بطرف عينه وقال: "آه يزيد في مشكلة ولا إيه؟ ميرال: "إنت متأكد إنك ناوي تسمي ابنك يزيد؟ حمزة فتح الاب توب وقال: "ليه عندك اسم تاني؟ ميرال: "بصراحة آه." حمزة: "اممممم."

ميرال قعدت جنبه وقالت: "لو طلع ولد بفكر أسمي عاصم أو عاصي." حمزة: "مفيش مشكلة." ميرال استغربت جدًا رده فهي كانت معتقدة إنه هيجادلها. ميرال حاولت ترى ما في الاب توب ولكن معرفتش. "حمزة." حمزة: "خير." ميرال وهي بتحاول تبص على الاب توب: "إنت إنت بتتفرج على إيه؟ حمزة: "خصوصيات وبعدين إيه اللي اتغير من شوية؟ ميرال وضعت أيدها على خدها وقالت: "مفيش." حمزة أغلق الاب توب

وقال وهو متجها نحو الباب: "هنزل تحت شوية تحبي تنزلي معايا؟ ميرال قامت ومسكت ايده وقالت: "لأ مش عايزة بس عندي طلب." حمزة خد نفس عميق وقال: "طلب إيه؟ ميرال شاورت على الاب توب وقالت: "تفتح الاب توب." حمزة هز رأسه وقال: "لأ." ميرال: "عشان خاطري يا ميزو." حمزة سحب ايده وقال: "الاب توب للشغل بس مش للمسلسلات بتاعت حضرتك." ميرال: "ومين قالك إني عايزة أسمع مسلسلات ما يمكن عايزة حاجة تانية."

حمزة ضم حواجبه وقال: "حاجة تانية زي إيه؟ ميرال: "بصراحة عايزة أبحث عن أسماء جديدة." حمزة: "ما عندك التليفون أبو ٢٨ ألف." ميرال: "فاصل شحن." حمزة وضع ايده على خدها وقال: "قولي إنك عايزة الاب توب في حاجة تانية." ميرال بارتباك: "حاجة حاجة زي إيه؟ حمزة وهو بيمشي صباعه على شفايفها: "إنتي ونيتك بقا." ميرال مسكت أيده وقالت: "يعني هتفتحه؟ حمزة سحب ايده وقال وهو طالع: "لأ." حمزة طلع وميرال قالت بتنهيدة: "حمزة استنى." ميرال

قعدت على طرف السرير وقالت: "ماشي يا حمزة." في صباح يوم جديد. تشرق الشمس لتعلن عن انتهاء الشر الذي دام سنوات عديدة. ناهد وضعت مسدس في شنطتها وقالت: "لحد هنا وكفاية يا ماجد." ناهد خرجت من الغرفة ووجدت حمزة في وجهها. حمزة ضم حواجبه وقال: "رايحة فين؟ ناهد بارتباك: "رايحة مؤتمر مهم ولازم أحضره." حمزة بشك: "مؤتمر ودلوقتي؟ ناهد بصت في الساعة وقالت: "أنا لازم أمشي وإلا هتأخر عن إذنك يا ابني." ناهد مشت وحمزة

وضع ايده في جيبه وقال: "في حاجة غلط ولازم أعرف إيه هي؟ في المستشفى. "دينا لازم تاكلي." دينا قامت وقالت بزعيق: "قولتلك مش عايزة أكل." رنيم قامت ووضعت أيدها على كتف دينا وقالت: "أهدي عشان اللي في بطنك طيب." دينا مسكت ايد رنيم وقالت: "رنيم أنا آسفة أوي بس بس أنا ماليش نفس لأي حاجة." رنيم ابتسمت وقالت: "طب عشان ابنك طيب كلي لقمة صغيرة." دينا هزت رأسها وقعدت على الكرسي ورنيم قعدت جنبها وبدأت تأكلها. على الجهه الأخرى.

الدكتور: "للأسف مقدرش أحدد حالته دلوقتي لإن وارد يموت في أي وقت." سيف خارج عن سيطرته وقال بغضب: "أوعك تقول كده يعني." الدكتور قعد على الكرسي وقال: "ده الحقيقة يا سيف المريض حالته صعبة جدًا." سيف زق الكرسي برجله وطلع برا. سيف خد نفس عميق وقال: "رامي مش هيموت أنا متأكد إنه هيعيش." "الدكتور قالك إيه يا ابني؟ سيف استدار وقال: "إن شاء الله هيكون بخير يا خالتي." سميرة ابتسمت وقالت: "إن شاء الله." سيف: "آمال دينا ورنيم فين؟

سميرة: "دينا كانت رافضة تاكل ولولا مراتك أصرت عليها مكنتش أكلت." سيف ابتسم وسميرة قالت: "حقيقي ونعمة الأخلاق يا ابني." سيف ابتسم وقال: "هروح أشوفهم عن إذنك." سميرة هزت رأسها وسيف مشي. في منزل قديم جدًا. ناهد نزلت من العربية ودفعت الأجرة للسائق وبدأت تمشي اتجاه المنزل. ناهد وقفت عند الباب وخدت نفس عميق وقالت: "لازم ترتاحي يا ناهد وعشان ترتاحي لازم تمو"تي." ناهد طرقت الباب وقالت: "لازم يموت النهارده لازم يموت."

ماجد فتح الباب وقال: "أخيرًا وصلتِ تعرفي إني مستنيكي بقالي ساعة." ناهد دخلت وقالت: "تاخد الفلوس ومشوفش وشك هنا فاهم ولا لأ." ماجد مسك أيد ناهد وقال: "ليه بس يا نونو وبعدين إنتي وحشاني أوي." ناهد سحبت أيدها وقالت بغضب: "الحركات دي مش عليا فاهم ولا لأ." ماجد قعد على الكرسي ووضع رجل فوق رجل وقال: "فاهم." ناهد فتحت الشنطة وإيدها كانت بترتعش من الخوف. ماجد: "مالك يا نونو خايفة كده ليه؟ ناهد طلعت المسدس

ورفعتها على ماجد وقالت: "كفاية أوي كده." ماجد قام وبدأ يقرب من ناهد ويقول: "ناهد إنتي بتعملي إيه نزلي المسدس ده." ناهد بدأت ترجع لوراء وتقول: "إنت مفكر إيه؟ إني هخاف منك وهدفعلك الفلوس اللي طلبتها؟ ماجد: "طب أهدي طيب." ناهد وايدها بترتعش: "أوعك تقرب." ماجد وقف مكانه وقال: "حاضر٠٠٠٠بس ارجوكِ نزلي المسدس ده." ناهد هزت رأسها وماجد بدأ يقرب منها ويقول: "ناهد أوعك ناهد أوعك." ناهد صوبت

المسدس على قلبه وقالت: "لازم تموت يا ماجد وجودك خطر عليا." ماجد هز رأسه وناهد ضغطت على الزناد لتأتي الرصاصة في قلب ماجد اللي وقع على الأرض على طول.