رواية بريئة اوقعتني في حبها الفصل الثاني عشر 12 - بقلم دعاء حجاج

على زق الباب برجله وزق ميرال على السرير بكل وحشية. بدأ يفك أزرار قميصه ونظراته كلها رغبة. من تلك المسكينة ميرال، ضمت رجليها لصدرها وقالت وهي تهز رأسها: "على ارجوك لا ارجوك لا." على بعد ما انتهى من فك الأزرار بتاعت القميص، ألقى عليه الأرض وانقض على ميرال. لكن ميرال قامت عالطول. فتحت الباب وطلعت تجري. حاولت تفتح الباب الخارجي لكن معرفتش. لتصرخ بأعلى صوت عندها. على مسكها من شعرها جامد أوى وقال:

"بلاش تعذبيني معاكي عشان مش عايز أعذبك معايا." على قال تلك الجملة من هنا ووجد شخصًا ما يطرق الباب جامد أوى. ميرال فرحت أوى وعلى ترك شعرها. حرفيًا الصدمة سيطرت عليا كليًا. حمزة رجع لوراء وزق الباب بكل قوته. "ميرال ميرال." أول ما شافت حمزة جرت عليا وحضنته جامد أوى وقعدت تعيط بهستيريا. حمزة وضع إيده على شعرها وقال وعيونه متركزة على رفيق عمره: "أهدي أنا جنبك." ميرال بعياط: "على على كان كان عايز...

ميرال مقدرتش تكمل. وحمزة بعدها عنه وبدأ يقرب من على اللي خاف من نظرات حمزة أوى. على بلع ريقه بصعوبة وقال: "حمزة حمزة أهدأ اوعك تنسى أننا صحاب." حمزة مسك على من ياقته وقال بغضب جحيمي: "المشكلة إني مش ناسي." على حاول يفلت نفسه من حمزة ولكن معرفش. حمزة ضربه بالبوكس في وشه لينزف فم على عالطول. حمزة زقه برجله وقال: "يا خي ده أنا اعتبرتك أخويا... تحاول تتعرض لخطبتي اخص عليك." على بقى يرجع لوراء ويقول:

"حمزة بلاش تعمل حاجة تندم عليها بعدين." حمزة بحده: "هندم فعلاً لو سبتك عايش." على بصدمة: "حمزة انت بتقول إيه؟ حمزة نزل برجله على على اللي بقى يصرخ بأعلى صوت. حمزة كل ما يفكر أنه كان عايز يغتصب معشوقته يتجنن. دمه كتير أوى نزل من فم على اللي حرفيًا أصبح شبه ميت. في وقتها الشرطة دخلت وبعدوا حمزة عن على بصعوبة. حمزة وهو بيحاول الإفلات من العسكري اللي مسكه: "وربنا ما هرحمك يا على وربنا ما هرحمك."

الشرطة أخدت على اللي جسمه كله بقى عبارة عن دم. فحمزة ضربه بكل قوة. حمزة راح عند ميرال اللي دفنت وجهها في صدره وقعدت تعيط. حمزة وضع إيده على كتفها وقال: "ششش مش عايزك تخافي من حاجة أنا جنبك." جوري وقتها وقفت عند الباب ومكنتش عارفة تقول لميرال إيه. فهي خائنة في نظر ميرال. جوري بصت لتحت وقالت بعيون دامعة: "ميرال أنا آسفة." ميرال تجاهلت جوري تمامًا وقالت وايدها بترتعش: "حمزة أنا عايزة أمشي."

جوري وضعت أيدها على فمها والدموع نازلة من عينها. حمزة بص لجوري وقال: "هي غلطت بس صلحت غلطها يا ميرال." ميرال بصت لحمزة وقالت: "تقصد إيه؟ (فلاش باك) جوري قعدت تفكر وتقول: "أكيدًا في حاجة غلط. على لو كان عايز يكلم ميرال فعلاً مكنش أخدها المكان المقطوع ده." من هنا جوري وضعت أيدها على فمها وقالت بصدمة: "معقول؟ قاطع تلك اللحظة رنة تليفون ميرال. فكان المتصل حمزة. جوري مسكت التليفون المرة دي وفتحته وقالت وايدها بترتعش:

"حمزة." حمزة: "الو مين؟ جوري بصوت مقطع: "آآآآآنا ٠٠٠ ج ج٠٠٠٠جو ٠٠٠ جوري." حمزة خوفًا على ميرال: "جوري ميرال بخير." جوري حكت لحمزة كل حاجة وكانت بتحكي وهي بتعيط بهستيريا. لأنها لم تتوقع أن يفعل أخاها كذا. حمزة خد الجاكيت ومفاتيح العربية ونزل عالطول وقال بغضب: "جوري إزاي تعملي كده." جوري بعياط: "والله والله يا حمزة ما كنت أعرف إن على ناوي على حاجة شبه كده." حمزة ركب العربية عالطول وقال: "ابعتيلي الموقع فورًا." جوري

هزت راسها وقالت بارتباك: "ح ح حاضر." حمزة قفل التليفون وقاد العربية بأقصى سرعة ممكنة. مسك تليفونه وقدر يعرف مكان ميرال من تحديد موقعها. (بااااااك) جوري مسكت إيد ميرال وقالت بعيون دامية: "ميرال أنا آسفة." ميرال سحبت إيدها وقالت: "حمزة أنا عايزة أمشي من هنا." جوري مسكت في هدوم ميرال وقعدت تعيط بهستيريا وتقول:

"ميرال عشان خاطري متعمليش كده والله والله على ضحك عليا وقالي إنه عايز يتكلم معاكي في كلمتين بس. لما فكرت حسيت إن في حاجة غلط." "ميرال عشان خاطري." ميرال بصت لحمزة اللي هز رأسه. ميرال حضنتها وقالت: "خلاص أهدي." جوري: "أنا أنا آسفة والله ما كنت أعرف إن على ناوي على كده." ميرال بعدت عنها ووضعت أيدها على خدها وقالت: "إنتي عارفة كان ممكن يحصلي إيه بسببك يا جوري." جوري بصت لتحت وكانت قرفانة من نفسها أوى لتقول: "أنا آسفة."

حمزة: "ميرال كلنا بنغلط وجوري لما غلطت عرفت غلطها وده الأهم." جوري هزت راسها وميرال قالت: "خلاص مش زعلانة." جوري بابتسامة خفيفة: "بجد؟ ميرال بابتسامة مماثلة: "بجد." جوري حضنت ميرال جامد أوى. وحمزة قال في سره: "وربنا ما هرحمك يا على ومش هيكفيني موتك." ميرال بعدت عن جوري وحمزة خدها في حضنه وباسها على رأسها بحنية. (بعد مهلة من الوقت وتحديدًا في الطريق) حمزة بص لميرال وقال: "ميرال إنتي متأكدة إنك بخير؟ ميرال

وضعت رأسها على كتفه وقالت: "هو لو كان جرالي حاجة كنت هتتخلي عني يا حمزة؟ حمزة داس فرامل وميرال بعدت عنه وقالت بخضة: "وقفت العربية ليه؟ حمزة بص لها وقال: "الظاهر عندك شك في حبي ليكي يا ميرال." ميرال هزت رأسها وقالت: "مش قصدي يا حمزة بس أي حد مكانك هيتخلى عن واحدة اتعرضت للاغتصاب." حمزة هز رأسه وقال بهدوء: "وأنا مش زي أي حد يا ميرال." ميرال ابتسمت وحمزة مسك إيدها وقال: "مستحيل أتخلى عنك مهما حصل." ميرال:

"حتى لو قولتلك إني بكرهك." حمزة بابتسامة جانبية: "حتى لو قتلتني هفضل أحبك مدى الحياة." ميرال: "ما أنت هتكون ميت كده." حمزة: "صحيح هكون ميت بس حبي ليكي هيفضل مدى الحياة." ميرال حضنته وقالت: "متقولش كده أنا مقدرش أعيش من غيرك." حمزة وضع إيده على شعرها وقال: "وأنا مقدرش أبعد عنك أبداً." ميرال حضنته جامد أوى وحمزة باسها على رأسها وقال في سره: "طول ما أنا عايش مش هسمح لأي كلب يمس شعرة منك يا قلبي." (في أحدى البحور)

رنيم بصت حواليها وقالت: "سيف الناس راحت فين؟ هو إحنا في الشتاء ولا الصيف بالظبط؟ سيف حضنها من الخلف وقال: "حجزت البحر كله لينا يا روحي." الابتسامة اترسمت على وجه رنيم. وسيف قال: "حاسك مش فرحانة." رنيم استدارت وحضنت سيف جامد أوى وقالت بفرحة: "بالعكس أنا فرحانة أوى." سيف وضع إيده على ضهرها وقال: "وأنا عايزك تكوني فرحانة دايماً يا قلبي." رنيم بعدت عنه وقالت: "طب ما تيجي ننزل." سيف: "بالبدلة؟ رنيم بصت حواليها وقالت:

"في حمام هنااا." سيف بص حواليه وقال: "فيه." رنيم شاورت بإيديها على الحمام وقالت: "هناااك." سيف مسك إيدها وقبلها وقال: "خمسة مش هتأخر عليكي." رنيم هزت رأسها وسيف اتجه نحو الحمام. رنيم فضلت منتظرة سيف وقالت بغضب: "لو أنا اللي كنت اتأخرت كده مكنش هيسكت." (بعد شوية) سيف طلع أخيرًا وكان لابس شورت جينز. رنيم كانت متعصبة أوى لتطلع تلك العصبية في وجهه. سيف: "كل ده عشان تلبس شورت؟ عارف لو أنا اتأخرت كده مكنتش هتسكت...

حضرتك بتحب تمشي نظامك على الكل بس على حضرتك لا. ما أنت سيف كمال النصراوي بنفسه. وعلى فكرة بقااا... سيف قاطعها بغضب: "رنييييم خلاااااص." رنيم بلعت ريقها بصعوبة وقالت: "إنت اتعصبت كده ليه؟ أنا أنا بعرفك إنت اتأخرت قد إيه مش أكتر." سيف بعصبية: "بالطريقة دي." رنيم بعصبية مماثلة: "شوفت عصبيتك ده أنا بقا متعصبة أكتر منك." سيف هز رأسه وقال: "أنا فعلاً غلطان إني وافقت على كلامك." سيف كان متجه نحو الحمام مرة أخرى ورنيم

مسكت إيده عالطول وقالت: "أهدأ أنا والله كنت بهزر معاك." سيف: "ده هزار؟ رنيم حضنته وقالت: "خلاص أنا آسفة." سيف بعدها عنه وقال بحده: "قسماً عظماً يا رنيم لو صوتك يعلى تاني لأكون... سيف مردش يكمل ورنيم قالت: "كمل سكت ليه؟ سيف خد نفس عميق وقال: "على العموم حصل خير." رنيم مسكت إيده وقالت: "مش هسيبك إلا لما تقولي هتعمل إيه." سيف بحده: "ورحمة أمي غلطة وما هكررها تاني." رنيم فتحت فمها وقالت بصدمة: "أنا غلطة يا سيف؟

بقا جوازك مني غلطة؟ سيف رفع أحد حاجبيه وقال: "أنا قولت كده؟ رنيم هزت رأسها وقالت: "آه قولت غلطة ومش هكررها تاني." سيف: "مش قصدي على كده." رنيم: "آمال قصدك على إيه؟ سيف مسكها من شعرها وقال: "إني وافقت على كلام واحدة هبلة زيك." رنيم زقته وقالت: "أنا هبلة يا سيف؟ على العموم ماشي." سيف مردش عليها ورنيم ربعت إيدها والغضب كان عنوانها. سيف حاس إنه زودها أوى ليقول: "هنفضل واقفين كده كتير؟ رنيم: "... سيف:

"الظاهر إنك عايزة تمشي تمام مفيش مشكلة." رنيم مسكته من دراعه وقالت: "أمشي فين؟ أنت مجنون؟ سيف: "نعم؟ رنيم: "أقصد إحنا لسه واصلين." سيف: "اممم." رنيم وضعت رأسها على كتفه وقالت: "إحنا هنا عشان نغير جو مش عشان ننكد على بعض." سيف: "أتمنى تقولي الكلام ده لنفسك." رنيم قبضت أيدها وقالت وهي بتكز على سنانها: "خلاص حقك عليا." سيف ضربها بخفة على رأسها وقال: "إتكلمي عدل."

رنيم حاولت تتمالك أعصابها فهي تريد أن يمر هذا اليوم على خير. رنيم بصت في عيونه وقالت: "مش هننزل بقاااا." سيف مسك إيدها وقال: "يلا." رنيم سحبت إيدها وقالت: "أنا مش هنزل بالفستان." سيف ضم حواجبه وقال: "آمال هتنزلي بإيه؟ رنيم: "بصراحة جبت مايوه معايا." سيف قبض إيده وقال بعصبية: "رنيم أنا قولتلك إيه؟ رنيم بضيق: "مفيش حد إلا أنا وإنت يا سيف." سيف مسك إيدها جامد أوى وقال بحده: "اسمعي الكلام وإلا وربنا أغير رأيي."

رنيم بصوت منخفض نسبيًا: "يا ريت ما قولتلك أصلاً. تعالى نروح البحر." سيف: "بتقولي حاجة يا روحي؟ رنيم ابتسمت ابتسامة صفرا وقالت: "مش بقول حاجة." (بعد شوية) سيف ورنيم نزلوا البحر أخيرًا ولكن بعد جدال طويل. رنيم حضنت سيف وقالت بخوف: "سيف أنا مبعرفش أعوم." سيف ابتسم بخبث وقال: "آمال أصرتي نيجي ليه؟ رنيم زقت سيف وقالت: "أبعد." قبل أن تكمل الكلمة كانت غرقت. رنيم بصوت مقطع: "سيف٠٠٠ سيف ال٠٠٠ ال٠٠٠ الحقني."

سيف بكل برود أعصاب: "اعتذري." رنيم بقت تطلع رأسها بالعافية ومكنتش عارفة تعوم. رنيم مسكت في دراع سيف اللي رفعها لفوق. رنيم شهقت بصوت عالى جدًا. سيف كبح ضحكاته بصعوبة وقال: "بلاش تتحدي سيف كمال النصراوي بعد كده." رنيم خدت نفس عميق وضربت سيف على صدره وقالت: "كنت هموت وحضرتك ولا على بالك." سيف رجع شعرها خلف ودنها وقال ببرود أعصاب: "ما إنت لسه عايشة أهو." رنيم بغضب: "أنا عارفة إنك مش بتحبني وعايزني أموت."

سيف رفع أحد حاجبيه وقال: "أنا؟ رنيم هزت رأسها وقالت بغضب: "آه أنت." ثم كملت بعصبية: "وهتحبني ليه؟ ما حضرتك أخدت اللي عايزو." سيف ضم حواجبه وقال: "أخدت إيه؟ رنيم بصت ناحية اليمين وقالت: "معرفش." ومرة واحدة سيف حملها بين إيديه ونزل بيها تحت. لتصرخ الرنيم بأعلى صوت. رنيم مكنتش قادرة تتنفس تحت المياه. لتمسك في دراع سيف اللي وضع إيده على خصرها وشدها لحضنه وطلع رأسها لفوق. رنيم شهقت وقالت بعيون دامعة: "سيف بلاش الهزار ده."

سيف مسح دموعها وقال: "خلاص أهدي أنا آسف." رنيم حضنته وقالت: "تعالى نطلع أنا خايفة أوى." سيف ابتسم فهو كان يريد هذا ليقول عكس ما بداخله: "ليه يا رنيم؟ ما كنتي حابة تنزلي." رنيم بحزن: "مكنتش أعرف إن الموجة عالية أوي كده." سيف وقد شعر بحزنها ليقول: "إيه رأيك نركب مركب؟ رنيم هزت رأسها وطبعت بوسة خفيفة على خد السيف وقالت بفرحة: "اشطااااا." سيف: "اشطا؟ وقال إيه ممرضة؟ رنيم وضعت رأسها على صدره وقالت:

"هو عشان أنا ممرضة يبقى ماليش الحق أقول اشطا؟ سيف حملها بين إيديه وقال وهما طالعين: "لا ليكي الحق طبعاً." رنيم لفت إيديها حوالين رقبته وقالت: "أنا بحبك أوى." سيف باسها على رأسها وطلعوا برا أخيرًا. (في قصر كمال النصراوي) حمزة: "انزلي." ميرال بصتله وقالت: "وإنت مش هتنزل؟ حمزة: "ورايا شغل مهم." ميرال قربت منه وباسته من خده وقالت: "خد بالك من نفسك." حمزة هز رأسه وقال بابتسامة: "أوعك تطلعي من القصر." ميرال هزت رأسها أيضاً

وقالت: "حاضر." ميرال فتحت الباب ونزلت وحمزة شغل العربية وقادها بأقصى سرعة ممكنة. ميرال حمدت ربنا إن محصلهاش حاجة لتدلف إلى الداخل. سوسن: "المدام ناهد منتظرة حضرتك في الصالون." ميرال بلعت ريقها بصعوبة وقالت: "متعرفيش متعرفيش عايزة إيه؟ سوسن هزت رأسها وميرال قالت في سرها: "يا ترى عايزة إيه؟ ميرال خدت نفس عميق واتجهت نحو الصالون. ميرال دخلت ووجدت ناهد قاعدة على الكرسي وحاطة رجل على رجل. ميرال: "سوسن قالتلي إنك عايزاني."

ناهد قامت وقالت: "اسمها أوامرك يا مدام ناهد بس أقول إيه ما ده تربيتك." ميرال قبضت أيدها وقالت وهي بتكز على سنانها: "أنا محترمة حضرتك لحد دلوقتي عشان حمزة مش أكتر." ناهد قعدت تضحك وميرال قالت بصوت منخفض نسبيًا: "استغفر الله العظيم." ناهد بصت لميرال وقالت بغضب: "ابعدي عن ابني يا ميرال." ميرال ابتسمت وقالت: "مستحيل أبعد عن حمزة يا مدام ناهد." ناهد بغيظ: "اوعك تحلمي إني هقبلك في يوم." ميرال بكل برود:

"وأنا مش عايزة أحلم." ناهد اتعصبت أوى لتمسك ميرال من دراعها وتقول: "ابعدي عن ابني بقولك." ميرال بنفس الحده: "مستحيل أبعد عن حمزة مهما حصل." ناهد لوت دراعها وقالت: "أنا ممكن أقتلك يا ميرال لو مبعدتيش عن ابني." ميرال اتألمت بشدة وقالت: "الموت أرحم ليا من إني أبعد عن حمزة." ناهد زقت ميرال وقالت: "مش هتتجوزي ابني يا ميرال مش هتجوزي ابني." ميرال طلعت ورزعت الباب وراها وناهد قالت بخبث: "الخطوة التانية."

ناهد مسكت السكينة ووضعتها على شرايين إيدها وقالت: "أكيدًا حمزة هيكرهك لما يعرف إنك حاولت تقتلي أمه وساعتها كل حاجة هتتلغي." ناهد غمضت عينها وفتحت إيدها بالسكينة لتتألم بشدة. السكينة وقعت منها على الأرض وابتسمت بخبث وقالت: "إنتي اللي أجبرتني على كده يا ميرال." ناهد بعد ما قالت كده وقعت على الأرض مغشياً عليها.