رواية بريئة في عالم المافيا الفصل الثالث 3 - بقلم ملك شكري

ملاك بشهقة: ههءء ايه؟ رعد ببرود: ايه؟ ملاك بتهته: مافيا الي هي سلاح ودم وقتل وكده؟ رعد بسخرية: لا مافيا بنورد مسدسات مايه بره مصر. امال مافيا اي يعني؟ ملاك والدموع تلمع ف عينها: يعني بتقتل يارعد؟ رعد: لا. ملاك: بقولك انت نوتي من بعيد وبنمشي. رعد بعصبية: هو انا ما اقول كلمة تقلش عليه؟ ملاك: تقلش بعد تقلش دي. مسمعش صوتك. ملاك بغضب طفولي: ما انا خوفت منك اكتر ما انا خايفه بصراحه. بعد كده كملت بخوف: هو انت ممكن تقتلني؟

رعد من ورا قلبه: لو ضايقتيني اه. ملاك: لا ياعم ربنا يكفينا شرك. قعدو مع بعض ف جو مخلّيش من هزار ملاك الي بيخلي رعد يضحك غصب عنه من مرحها وهزارها الي ادى للبيت حس. الدادة بعد شويه جابت طبق فاكهه وكوب لبن وحطته قدامهم وهما لسه سهرانين. رعد: كلي من الفاكهه دي يالا. ملاك بطريقة طفولية: لا انا خلاص مش قادره. من الغدا للعصير وانا مش بحب اكل كتير. رعد بحده: لا هتاكلي وهتشربي اللبن كمان ياملاك عشان الدكتور قال انك ضعيفه.

ملاك بزعل: لا لبن لا ونبي. كله الا اللبن. رعد بحده: ملاك! ملاك: خلاااص هشرب. خدت اللبن وشربته. بعد كده دخلت تجري على جوا وهي ماسكه بطنها. ملاك خرجت بعد شويه ووشها احمر جدا. رعد بقلق عليها: مالك؟ ملاك بتعب: انا لما بشرب اللبن ببقى كده ومش بعرف اكل اي حاجه بعده. رعد: طب يلا اقعد. قعدت وبصتله: عقاباً ليك. رعد: نعم يختي عقاباً ليا؟ ملاك: اه ومتقاطعنيش. عقاباً ليك هتاخدني معاك الشركه بكره. رعد: لا انسي ياملاك. كله الا ده.

ملاك بعند: لا يارعد هروح معاك. ها؟ رعد: امري لله. يلا اطلعي نامي عشان تعرفي تصحي. ومن بعد بكره هتبتدي دروس. مش هنوقف كتير. ملاك بابتسامه جميله: تمام. تصبح على خير. رعد: وانتي من اهله. طلعت ملاك اوضتها. فضل رعد قاعد ورافع راسه للسما بتفكير. رعد ف نفسه: مالك يارعد؟ انت حبيتها بجد ولا حبيت امتلاكها لمجرد انك اعجبت بشخصيتها بس زي ما ادهم بيقول؟

قلبه: لا يارعد. احنا حبيناها. وانت عمرك ما هزرت او حتى ابتسمت ف وش حد. وبالذات بنت. انت حبيتها يارعد. عقله اتدخل: بس احنا مينفعش نحب. قلبه: وليه مينفعش؟ عقله: عشان لو حبيت حد هتأذي. انت طول عمرك عايش للشغل وبس. ويوم ما تيجي الي تغيرك وتحبها مش هتسلم من شغل المافيا الي هيبقا اكيد في خطر عليها بسببه. قلبه: وليه منبطّلش الشغل ده ونعيش بالحلال واحنا معانا فلوس تشتري نص البلد واكتر؟

عقله: ولو بطلت الي بيشتغلو معاك ف المافيا هيسلمولك من اول مة تقول خلاص انا هتوب. ولا بردو هيفضلو يلفو وراك. وحياتك هي هي ف خطر. عقله: بس رعد مش شويه وهيقدر يحميه. رعد: بس بقاا بس. طلع رعد ينام عشان يتغلب على تفكيره. تاني يوم الصبح صحي رعد ولبس بدله سودا وقميص اسود ورش برفانه الي بيسبقوه على طول. ولبس ساعته الي من اغلى ماركات الساعات ف العالم. لبس ونزل. وطلب من الدادة تطلع وتصحي ملاك عشان يفطرو ويمشو.

طلعت الدادة وفتحت الباب. دادة سعاد: ملاك هانم. ملاك بنوم: نعم يادادة. دادة سعاد: رعد بيه مستنيكي على الفطار تحت عشان تروحو الشركه ياملاك هانم. ملاك قامت واتكلمت بطيبة: انا مش هانم. انا ملاك وبس. انتي قد امي. دادة سعاد بابتسامة: ربنا يخليكي ياحبيبتي. يلا اجهزي عشان رعد بيه مستنيكي. ملاك: حاضر.

خرجت الدادة ودخلت ملاك. خدت شاور وخرجت. لبست هايكول احمر وجاكيت اسود وليجن اسود وشوز اسود. ورفعت شعرها ل كحكه مش مترتبة ونزلت منها خصلات. وحطت ليب جلوس. ونزلت ل رعد ع الفطار. رعد كالعاده اتصدم من هيئتها الي بتفاجئوه بجمالها كل مره. قعدو فطرو ف هدوء. وراحو ع العربيه. رعد للسواق: اطلع ع الشركه ياعلي. علي: تمام يارعد بيه. طلع ع الشركه. مكالمة بين مجهول من المافيا الأمريكية. مجهول1

واسمه اندرو: خرج من القصر سيدي ومعه فتاه. انها حقاً فاتنه. مجهول اتنين ويبقا رئيس عصابة المافيا واسمه البرت: ممم فتاه؟ وماذا تفعل مع الرعد؟ انه ليس له بالنساء. اندرو: انا لا اعلم. البرت: تمام. اذهب خلفه وشوف الا اين يذهب. اندرو: تمام ياسيدي. تحرك اندرو ورا رعد بالعربيه. رعد كان ماشي ووراه عربيات حراسه كتير. ملاك شافت العربيه الي ماشيه وراهم. ولأنها فعلا ذكيه فهمت من تحركات العربيه دي وراهم انها بتراقبهم.

ملاك: رعد العربيه الي ورانا دي بتراقبنا. رعد ببرود: طب ما انا عارف. انتي عرفتي منين؟ ملاك بذكاء: واضح من تحركاته ورا العربيه بتاعتك انه بيراقبك. بالذات انه بيحاول ميظهرش ف المرايه بتاعة العربيه. رعد فعلا اعترف بذكائه.

بعد وقت مش كبير وصلو الشركه. نزل رعد بكل غرور ومسك ايد ملاك ودخل الشركه. كل الموظفين فضلو يبصو للبنت الي مع رعد وازاي ماسكه ايده كده وهو سامحلها ده. مبيسكتش لحد ع كلمة. في الي بيبصلها بأعجاب. والي بيبصلها بحقد. والي بيبصلها وبيتمنى انه يبقا ف نفس جمالها او يبقا معاه حد زي رعد. طلعو على مكتب رعد ودخلو.

رعد: ياريت متطلعيش من المكتب هنا. انا عندي اجتماع مهم مع شركه من فرنسا. ودي صفقه مهمه ومحتاجه تركيز. مش عايز اقلق عليكي وانتي هنا. ملاك ببساطة: خلاص هدخل معاك الاجتماع. رعد بعصبية: نعم يختي. لحد هنا وستوب. يعني اخدك الشركه وكمان تدخلي الاجتماع؟ كمل بسخرية: وبعدين انتي عيلة صغيرة. هتفهمي اي ف الشغل ده. وبعدين بقولك من فرنسا يعني حتى مش هتفهمي كلامنا. ملاك بعند: مش هفهم وهدخل يارعد.

كل ده والاتنين محسوش بدخول حمزه وادهم. الي مصدومين من البنت العنديه دي وازاي رعد سايبها تعند معاه كده وكمان بيوافقها بكل سهوله. واكدوا فعلا ان دي الي هتغير رعد. ادهم وحمزه: احممم. نحن هنا. ابصتلهم ملاك: مين دول يارعد؟ رعد: دول ادهم وحمزه صحابي. ملاك بابتسامة جميلة: اهلا ياحمزه. اهلا يا ادهم. حمزه بغمزة ومرح: اهلا ياقمر. وربنا انا لو اعرف ان اسمي حلو كده كنت حبيته من زمان. رعد بغضب: اتلم يلا بدل ما اجيلك.

ادهم: اهلا ياملوكه. ملاك ضحكت معاهم. ورعد متغاظ منها لانها بتهزر وتضحك معاهم وبتعند معاه هو. فضلو كده لحد وقت الاجتماع. ودخلو الاجتماع ودخلت معاهم ملاك. ديفيد ويبقا صاحب الشركه الفرنسيه الي هتتعامل مع رعد. وهيوردو حاجات ل خارج البلد. ديفيد: ولكن مستر رعد. نحن بضاعتنا سليمه. وفقط نريد منك ان تتعامل معنا ونمضي معاً على هذا العقد. حتى تساعدني بتوريد هذا المنتجات الا خارج البلاد.

رعد: تمام. وانا لا امانع مستر ديفيد. ولكن اريد ان ارى هذا المنتجات بنفسي اولاً. ديفيد بقلق يحاول يخفيه: ها بالطبع مستر رعد. ولكن بعد ان تمضي على هذا العقد حتى نبدأ بالشراكة اولاً. كل ده وملاك مركزه ف كلامهم كويس اوي. وبالذات مع ديفيد. ملاك اتدخلت اتكلمت ملاك بذكاء شديد: مممم ولكن يامستر ديفيد. نريد ان نرى قبل ان نمضي. حتى لا نخسر. لأن سيكون في خسارة ارباح شديده للشركه اذا هذه الصفقه كان فيها شئ غير مضمون.

وبصت ل رعد بسخرية: هل توافقني الرأي مستر رعد؟ كل ده وادهم وحمزه ورعد مصدومين منها بطريقة شديده. وكانت صدمتهم باينه على وشهم. ديفيد: ومن انتي يا السيده الصغيره؟ رعد بحده: السيده الصغيره تكون زوجه رعد الحديدي مستر ديفيد. بصتله ملاك بصدمه. بعد كده رجعت ل ثباتها: ماذا قلت؟ مستر ديفيد والا سنضطر على الغاء الصفقه. ابتدأ ديفيد يتكلم بصوت واطي وب لغه تانيه مع الناس الي كانو معاه.

ملاك رعد بيبصلها وهي كل تركيزها مع ديفيد ومركزه مع حركات شفايفه واللغه الي فهمتها وقدرت تفسر هو قال ايه. ملاك وشوشت رعد وادهم وحمزه الي قربو عليها. ملاك بصوت واطي: الصفقه دي مضروبه وهيبقا فيها خساره جامده ليكو. والناس دول حد قصدو يجيبهم ويعملو معاكو الصفقه دي عشان يوقعو شركات الحديدي جروب. كلهم كانو فاتحين بقهم من الصدمه. بس رعد اتكلم: وانتي عرفتي منين؟

ملاك بذكاء وتركيز: هو دلوقتي بيكلم شركائه باللغه الفرنسيه الأصليه. والي هي مش العاميه بالنسبالهم. ودي انا درستها مع الكورسات الي باخدها. والي فهمتو من الي بيقولو ان زي هيقدر ميوريناش المنتجات دي لحد ما تمضي ع العقد. وقال كمان انهم مش عارفين يدارو توترهم اكتر من كده. كلهم كانت الصدمه مش مفرقاهم حرفيا.

ادهم وحمزه: يابنت الذينه. ده احنا الي بقالنا سنين ف الشغل ده ومكناش فاهمين. انتي عارف يارعد الصفقه دي لو كنا مضينا عليها كانت هتخسرنا كام وكان سهم الشركه هيقع السنادي. ربنا يحميكي يا مصر يابنتي. ضحكت ملاك ضحكه خفيفه. ورعد كان فخور بيها. رجعو تاني يتكلمو مع ديفيد. رعد بحده: الصفقه هذه مرفوضه يامستر ديفيد. بص ديفيد ل ملاك بغيظ شديد. ضحكتله ملاك ضحكة النصر وابتسامه صفره. خرج ديفيد وشركائه.

حمزه: جيڤ مي فايف يا ملاك على شطارتك. سلمت عليه ملاك وضحكو. بعد كده رجعو ع المكتب. قعدت ملاك. ورعد خلص شويه شغل. رعد: ملاك عايزين ننزل اجيبلك كام حاجة كده ونجيب حاجات للمدرسه ولبس تاني. ملاك: بس انا مش محتاجه كل ده. رعد: ياستي ريحيني ويلا بقا. ملاك ابتسمت ومسك ايدها ونزلو سوا. خرجوا من الشركه وطلعو ع المول. اندرو الي كان منتظر نزول رعد اتكلم: نزلو من الشركه ياسيدي. هل اذهب ورائهم؟

البرت: اجل اندرو. واخبرني حتى نقضي على رعد الحديدي واخذ انا هذه الفتاه. اندرو: حسناً سيدي. مشى اندرو وراهم لحد ما وصلو المول. كانو بيتمشو ف المول وملاك مبسوطه. ورعد اول مره يضحك مع حد كده. جابو الي هما عايزينه ولسه هيخرجو من المول سمعو ضرب نار شديد. رعد بصرخة: ملاك هاتي ايدك. ملاك ببكاء: هو في ايه؟ رعد: لو طلعو هما هندفنهم. ملاك: فهمني يارعد. رعد ماسك ايدها وبيحاولو يخرجو من المول. ملاك بصرخة: رعد حااسب!

صوت ملاك جامد: رعددددددد!