رواية بريئتي الجميلة الفصل الخامس 5 - بقلم شهد عبد السلام

عيسى: أنتِ وآدم. لارا بتوتر: أنا هطلع عشان... وكانت هتقوم، عيسى مسك إيديها يمنعها. عيسى وهو قاعد وماسك إيديها: ينفع تقعدي؟ ما فيش داعي للخوف ده كلو. وبخنقة: طالما مش عايزة تقولي خلاص. لارا بتقعد بزعل عشان زعل عيسى: آسفة بجد... (بصوت مش ظاهر من كتم البكاء) ... بس مش قادرة أقول حاجة دلوقتي. عيسى بلطف: طب خلاص هسيبك براحتك. لارا: زعلان؟ عيسى ضحك بتلقائية عليها: لا. تليفونه رن.

عيسى: طب إيه رأيك نكمل الكلام بعدين يا صغننة؟ لارا بقرف مصطنع: صغننة؟! عيسى بضحكة هادية: يلا على فوق. بتطلع. عيسى: إيه؟ واحد من الحراس: عيسى بيه، كل الواجب اتعمل. عيسى ببرود وغل: لا أنا الواجب بتاعي غير. بيقفل السكة. بيدخل جده. الجد: عيسى طلب إيه مقابل طلاق لارا؟ عيسى ببرود وبيرجع ضهره على كرسي المكتب وقدامه إيهاب: لا دي حاجة صغيرة يا إيهاب بيه. الجد بزعل: نفسي ترجع حفيدي وحبيبي من تاني.

عيسى ببرود: أمممم، يا ترى حق أمي هيرجع؟ الجد: اللي فات مات يا بني. عيسى بقسوة وهو بيقوم: ما حدش مات غير أمي يا إيهاب بيه، وأتأكد أي حاجة بعملها معاك مش حب فيك. وبيطلع من المكتب. بيقابل الشغالة في وشه وهي ماسكة كوباية الليمون. عيسى بعصبية وهو بيكسر الكوباية: وأنتِ لسه فاكرة؟ بيطلع وبيعمل مكالمة تليفون. عيسى: الموضوع يخلص أسرع. ... : حاضر يا عيسى باشا. بيقفل. في جناح لارا. لارا بزعل: عشان خاطري يا ريماس بلاش تسافري.

ريماس: لارا لازم أسافر، هروح أقعد مع ماما وبابا أحسن، حتى أعوض مكان آدم. لارا: ليه هو فين آدم؟ ريماس بتوتر: هاا، لا ما فيش، بس لازم أرجع أحسن ليا. (ريماس تبقى أخت آدم وهي أبوها ومامتها عايشين بره) لارا: طب وإياد؟ ريماس بتوتر: ماله؟ لارا بمشاكسة: مالهوش. وبتسبها وتنزل. عند عيسى. عيسى: تمام يا فهد، أهم حاجة الوفد الإيطالي يبقى موجود. فهد: كل حاجة مترتبة، أنت هترجع على إمتى كده؟ عيسى: مش عارف لسه. فهد: هي كويسة؟

عيسى: مش عارف، في حاجة ناقصة، في حاجات أنا معرفهاش كتير. لينهي الكلام مع فهد. في الشركة بتكون لارا موجودة. السكرتيرة: حبيبة هانم في انتظارك. لارا: شكرًا. وبتتدخل. حبيبة: بجد أخيرًا، أنتِ عارفة في شغل قد إيه النهارده، أنتِ بتاعتي يا حلوة أنتِ. لارا بضحك: حاضر، وبعدين الجاي كلو شغل ما تخافيش، اطلبي واحد قهوة بس بسرعة. ليخلص اليوم وترجع لارا البيت. إياد: كل ده عشان ترجعي؟

لارا بتعب: كان في شغل كتير أوي وكنت هاموت من حبيبة... إياد... أنا مش قادرة بجد النهارده ممكن نخليها وقت تاني. إياد: مش جاي ليكي أساسًا، جاي عشان عيسى. وبيكون عيسى نازل من على السلم. لارا تقرب من إياد وبصوت منخفض: هو أنت تعرفه؟ إياد ضحك: لا لسه هتعرف عليه، علي فوق يا بت. عيسى بعصبية مكبوتة: اطلعي يا لارا. عيسى بيمسك إياد من قميصه بعصبية: قدامي.