ام مرعي بهدوء تكلمت :إذا ما عليك امر أبغى أبو نايف أكلمه بموضوع
ام جواد عقدت حواجبها باستغراب من طلبها وبنفس الوقت ليش قالت ابو نايف ...نطقت باستغراب: عفوا بس أنا ما عرفتك!
ام مرعي: ما تعرفيني بس أنا قاصدكم بسالفه واتمنى ما تخذلوني !
ام جواد رفعت الجوال : الحين أكلم زوجي وإلي نقدر عليه ابشري به !
اتصلت بزوجها وهي كل فكرها إنها الحرمه بحاجه للمال !
بعد وقت دخل أبو جواد ...رد السلام وجلس وهو مستغرب وش تبغى منه ...نطق بهدوء: تفضلي حياك!!
ام مرعي بهدوء ... وبداخلها تختنق من الحد الي وصلت له حفيدتها ...تكلمت ودخلت بالموضوع: الله يحييك... أنا دخلت بيتكم وقاصديتكم بحاجه اتمنى ما تردوني !
ابو جواد عقد حواجبه بعد ما بادل زوجته النظرات باستغراب: إلي أقدر عليه ابشري به !
قبل ما تتكلم قاطعها دخول نايف بالشر بعد ما خبرته مروة بوجود عجوز طالبه أبو جواد ...توقع مباشره إنها ام مرعي رح تخرب علاقته مع أبوه. ..نطق بهجوم: اطلعي
قاطعه ابو جواد بغضب من أسلوبه الهمجي مع هالعجوز...وكيف يدخل بذي الطريقه : نايف !
انت ما تستحي على وجهك!
اتركنا لوحدنا بسرعه اطلع !
اطلع
ما تشوف زوجة أخوك كاشفه
ناظر ابوه بعد ما رفع أنفه بغضب ...ناظر ام مرعي بتوعد قبل خروجه : رح تندمين!
أبو جواد زادت حيرته وش بينها وبين نايف ..وليش نايف معصب كذا ....اعتذر من ام مرعي بعد خروج نايف.... بعدها تكلم : كملي أنا اسمعك!
ام جواد نغزها قلبها بعدم الراحه وش علاقة نايف فيها ...ناظرت ميس إلي رفعت حواجبها بشك !
أم مرعي كملت بنفس النبرة الهاديه : مات ولدي من سنين ماضيه ...وترك عندي بنت وولد ...بذلت كل جهدي حتى أهتم فيهم واربيهم أحسن تربيه !
هز راسه ابو جواد حتى تكمل وهو مستغرب من هالمقدمه!
ام مرعي تنهدت بوجع : كبرت البنت قدام عيوني مثل الورده لما تفتح ...جاء ولدكم نايف وخطبها وتزوجها
قاطعتها ام جواد بتكذيب: مستحيل ولدي ما يعملها !
ام مرعي ما ردت على كلامها و تابعت بنفس النبره الهادية : بعد ما تزوجها وصلتنا علوم إنه يتزوج كم يوم ويطلق وصدق الكلام يومين ويتصل بعمها يبغى يرجعها ....
قاطعها ابو جواد بملامح حاده بعد ما فهم السالفه: انتم إلي ضربتم نايف
قاطعته بمرارة من ذيك الأيام: مرجع لنا البنت بعد يومين بدون ذنب وتبغاه يلقونه بالأحضان !
حنا لنا سمعه بالقريه واكيد ما نقبل أحد يدنس عرضنا !
ام جواد قاطعتها بقهر بعد ما عرفت إنهم إلي ضربوا نايف... بغت تقول لها يمكن ابنتكم فيها عيب : يمكن
قاطعها ابو جواد وملامحه ما تتفسر : كملي كملي
ام مرعي محافظه على نبرة الهدوء حتى ما تخرب السالفة..تابعت كلامها: لا تلومون ولدي على فعلته لو سمح الله وصارت في ابنتكم ويرجعها بهذه الطريقه ما رح ترضون أبدا !
المهم خلال الحادثة جاء علينا رجالين منكم يبغون حفيدتي ترجع معهم لنايف مقابل إنهم يتنازلون عن حقهم !
رفضنا هذا الشيء !
وغابت أخبار نايف خلال هالسنوات لكن ظل ذكراه موجود بعد ما انجبت حفيدتي منه طفله !،
سكتت ام مرعي لما خنقتها الغصه ومسحت دموعها !
ام جواد انجنت من هالكلام كيف متزوج ومعه بنت : مستحيييييل !
ابو جواد وهو يحس بصدق هالعجوز وتوضح له السبب الرئيسي ضربهم لنايف : كملي
ام مرعي زفرت بضيق : أكلت وجهنا الناس بالقريه وهي تسألنا وين زوجها وحنا نقول مسافر نداري على السالفه !
لوقت قررنا إنه ننتقل هنا ونحل هالسالفه !
ولدكم رفض يطلقها بعد ما تواصلت معه حفيدتي ...فرفعت عليه قضيه بالمحكمه وبعد وقت طويل تطلقت منه والحين ولدكم رافض يسجل البنت باسمه يقول مب ابنته!
أنا داخل عليكم ترحمون هالضعيفه لو بغت تعالجها ما معها كرت
قاطعها ابو جواد ووجه أسود : كم عمر حفيدتك !
ام مرعي بضيق : الحين اخر سنة بالثانوي
والبنت عمرها قريب 3 سنوات !،
ميس عقدت حواجبها : متزوجه بعمر
ام مرعي قاطعتها وهي فاهمه استغرابها : تزوجت حفيدتي وكانت قريب من 14
حنا بالقريه البنات يتزوجون بهذا العمر!
أنا جيت هنا نتناقش بسالفه حفيدتكم مب بعمر
قاطعها جواد وهو يطالع ميس بملامح ما تتفسر : تغطي
رفع صوته ينادي نايف إلي متأكد انه واقف عند الباب : نايف يا نايف
دحل نايف مباشره وملامحه ما تبشر بخير : نعم
تكلم أبو جواد بصوت مخنوق : اتوقع سمعت كلام هذه الحرمه !
هز رأسه بنعم والاختناق والقهر واضح على ملامحه !
سأل ابو جواد بنبره حاده من استغفالهم له: انت تزوجت حفيدتها !
زفر نايف بضيق ولو بيطلع بيده يخنقها كيف فضحته عند أبوه : أنا تزوجتها بس
قاطعه بنفس النبرة: يومين وارجعتها؟!
هز رأسه وكأنه طالب مذنب!
ابو جواد رفع حاجب: وليه نفيت نسب البنت منك !
كتم قهره وضيقه ما يدري وش يبرر : خفت إن نسبتها يوصلكم خبر وما أبغى اضايقكم
ام جواد تلبسها السكون بعدم تصديق بعد اعتراف نايف ..ما توقعت نايف يعمل كذا!!
ابو جواد وجهه اسود .. نطق بغضب :تتبرأ من نسب ابنتك وترميها بالشارع خايف على مشاعرنا
لو كنت خايف على مشاعرنا ما عملتها من الأساس ..
زفر بضيق وبعدها التفت على ام مرعي : ما لك الا إلي يرضيك... بس أبغى أشوف حفيدتك والصغيره
ام مرعي بهدوء: الصغيره لكم الحق تشوفونها وإن بغيتم فحص النسب ما عندنا مانع حتى تتأكدون بس حفيدتي ما لكم فيها علاقة ولدكم طلقها وانتهينا!
ابو جواد هز رأسه بتفهم: مثل ما تبغين أبغى أشوف البنت بالأول!
هزت رأسها وبرجاء نطقت: ترى جيت هنا حتى اثبت حقوق البنت ومب متثاقلين منها ...متى ما بغيتم تشوفون البنت بيتنا مفتوح!
وقف ابو جواد ونار الغضب بداخله تشتعل : خلينا نشوفها الحين !
**
**
**
**
بعد خروجهم ام جواد تحس ضغطها ألف ..اقتربت منها الجازي وميس ....يخففوا عنها الصدمه ....ميس مسكت يدها : يا خالتي لا ترفعين ضغطك
الجازي بعد ما عرفت السالفه : لا حول ولا قوة الا بالله نصيب هالبنت تيجي للدنيا !
ام جواد باختناق: لو قال إنه يبغى يتزوج انا ازوجه شيخة البنات مب بزر منتفه !
انت لو شفت جدتها تظني إنها متسوله!
هذي نهايتها؟!
انا ام جواد يكون عندي حفيده من ذي الأشكال ؟!
الجازي تنهدت بضيق من كلامها: الانسان مب بمظهره ...يمكن هالعجوز إلي تشوفينها ولا شيء تكون عند ربنا أفضل منا جميعا !
الانسان بعمله وأخلاقه مب بمظهره !
ام جواد بضيق : جازي لا تزيدين علي !
الحين النسره الي فوق لو عرفت وش يخلصنا منها !
ومعه بنت من القرويه !
ميس بفرح من هالخبر حتى تنكسر خشوم سعاد : مب عاجبها مع السلامه!،
بالأول والأخير رجال ويعمل إلي يبغى مب منتظر منها الأمر !
ام جواد عفست ملامحها: يا حبكم للشماته والمغايضه!
**
**
••
ابو جواد في شقة أم مرعي ...ناظر عياله بتوعد...يتصرفوا بدون علمه..... بعدها التفت على ام مرعي لما دخلت وتمسك بيدها طفله صغيره !
ابو جواد ناظر الطفله وتاكد 100% إنها ابنتهم تشبه عائلته!
أول ما تشوفها تحس إنها منهم !
جواد عقد حواجبه وهو يتأمل الطفله نفس عيون الجازي..حتى تشبه الجازي وكأنها نسخه منها!!
نايف يناظرها وهو مخنوق ما يعرف وش يتصرف خاصه ملامح أبوه ما تبشر بخير ..تأملها للحظات بملامحها الطفوليه ..عيونها
وقف عند هذه النقطه وبلع ريقه وهو يحاول يتحاشى النظر لجواد ..سبحان الله نفس عيون الجازي !
وش هالصدفه هذي ؟!
ابو جواد بجمود مد يده للطفله : تعالي
قدر التصقت بجدتها بخوف منهم مب متعوده عليهم !
تقدمت أم مرعي : روحي يا ابنتي !
ناظرتها وهزت رأسها بخوف وبسرعه هربت للخارج عند أمها !،
ام مرعي بهدوء: البنت مب متعوده عليكم !
ابو جواد بتفهم: خلاص أعطيني أوراقها حتى نعمل الاجراءات باكر ولما تجهز نرسلها لكم !
وما له داع ترفعون قضيه نفقه للصغيره رح نرسل لكم لها مصروف آخر كل شهر !
تنهدت براحه أم مرعي ما توقعت السالفه تنتهي بذي السهوله ...توقعت ينكرون وتصير بينهم محاكم: ما تقصر
همست بالحمد والشكر لله !
****
**
**
اجتمعوا بمكتب أبوهم والهدوء يخيم على المكان للحظات ..بعدها تكلم ابو جواد بقهر:ليه يا نايف ليه !
نايف بندم : آسف يا يبه أدري إني غلطان والله غلطة!
جواد حط رجل على رجل ..وعقله ما هو مستوعب الشبه الي بين الصغيرة والجازي : والحين تتركون البنت تعيش عند أمها ؟!
قاطعه نايف بقرف ما هو ناقصه يبتلش بسوالف توجع الرأس : البنت ابنتي وانا متنازل فيها لأمها مب ناقصني مشاكل !
بدر ناظره بحاحب مرفوع: أكيد خايف من سعاد
مط شفته بضجر : مب خوف بس لعشر سنوات ما تخلص السالفه وهي تعيد وتزيد وأنا ما لي خلق لذي السوالف
ابو جواد زفر بضيق : آخرها تعرف... أنا خبرت راكان يخبرها .. اليوم وإلا باكر رح تعرف !
خلها تتكلم اليوم وبعدين رح تسكت !
البنت جاءت يعني وين تروح فيها !
وأغلاطك تحمل نتائجها !
باكر تكمل كل الإجراءات وننتهي من هالسالفه !
ناظر أبو جواد ولده بقهر وبعدها طلع من المكان..لو بيطلع بيده يكسر نايف على فعايله الي تنزل الرأس !!!
بدر بعد خروج أبوه.. نطق باستغراب : سبحان الله ..البنت تحمل دمنا أول ما تشوفها تعرف إنها منا !
حسيتها تشبه عمتي سلمى أو حنين
فيها من دميتهم!
سعود هز رأسه بالنفي : لا أنا حسيتها تشبه مريم ابنتك يا جواد شبه بسيط
جواد مط شفته وهو يحسها نسخه مصغره عن الجازي!
بس وش جاب الجازي لها؟! وأصلاً الجازي تشبه اهل ابوها أكثر حسب الكلام!
يعني ما في صله بينهم !
نايف بغضب وقهر : تشبه إلي تبغاه الأهم الحين ابوي يرضى ما أدري وش رح يرضيه
أعطوني حل !
جواد وقف بملل : تستاهل كل سواياك القديمة..رجعت
قاطعه بدر بعتب : فكونا الحين من الشماته ...
جواد رفع حاجب وهو يناظرهم وبعدها طلع ..وللحين ما نسي تصرفات نايف مع الجازي!!
بدر بتحذير : انتبه تمشي بطريق أخوك وتحرم الأم من ابنتها !،
نايف مب مهتم للبنت ولا لأمها : جهنم خلفهم !،
سعود برفض : لا تقول كذا البنت ابنتك ومن لحمك ودمك وما أسمح لك تهملها كل نهاية اسبوع تجيبها هنا تتعرف على عائلتها تفهم !
نايف هز راسه بضجر منهم وهو مب مهتم لا للبنت ولا لامها!
كل همه سعاد وش يفكه منها
••
**
**
بعد أيام جالسه على الأرض والابتسامه تجمل ثغرها:شفت قلت لك يا مروان ربنا بيفرجها علينا!
الحمد لله يا رب لك الحمد
مروان ناظرها بملل : دامك حصلت مرادك ليه ما نرجع للقريه على الأقل لنا بيت ملك مب مضطرين ننحت حتى ندفع أجره هالشقة
قاطعته بعناد بعد ما وصلت للمدينه ما رح ترجع للقريبه وتندفن هناك: دراستي ما رح اتركها !
ام مرعي بعدم رضا : وش تبغين بالدراسة وتعب البال
زفرت بضجر من إصرار جدتها ومروان على الرجوع للقريه : جدتي رجاء لا تضغطين علي!!
خلاص ارجعوا انتم وأنا أجلس هنا
قاطعها مروان بقهر من عنادها ما يدري وش يعجبها بذي المدينه: اقول انكتمي !،
وقفت رونق بانسحاب : لو اجلس معكم ساعه أصير بائسه مثلكم !
الحياة قدامنا ورح نحقق كل احلامنا!!
تعالي يا قدر نروح للبقاله ...صدق المثل الشعره من جلد الخنزير بركه!
تعالي اشتري لك من فلوس أبوك!
قدر تركت اللعبه وبابتسامه : نروح!
وبسرعه ركضت لرونق احتضنت رجليها: حلاوة!
مسكت يدها رونق بعد ما عدلت نقابها : والله الا أدلعك وأدللك آخر دلال بفلوس أبوك كل شيء متاح !
خرجت من الشقة وهي تمسك يد قدر بحرص ... وبداخلها الأمل نبض بقلبها من جديد بعد ما حصلت على الطلاق وتسجلت قدر ...الحين عندها دراستها ...حتى تتخرج وتعتمد على نفسها ...تنفست بعمق والراحة تسللت لقلبها ...الجو بعد العصر كان خيالي ....حلو تمشي فيه ...قررت تتمشى وتغير جو ....تناظر حولها بابتسامة ...تتكلم مع قدر وكأنها كبيره: شايفه يا ماما السماااااء ما احلاها
قدر وهي تناظر للسماء : بعيده
وين الحلاوة
رونق وهي تناظر البقاله : تعالي ندخل ونشوف!
دخلت البقالة وبدأت تشتري كل ما كانت تتمنى تشتريه بصغرها !
كان عشقها البيبسي اشترت خمس علب من حسابها الخاص ....
قدر تركض من جهة لجهة مثل الفراشه : لونق ابغى هذا !
ابتسمت رونق وهي تشوف قدر بهذه السعاده !
بعد وقت مسكت يد صغيرتها : يكفي !
توجهت تحاسب بهدوء مب منتبه للعيون إلي تراقبها !،
أخذت الأغراض وطلعت وهي تناظر حولها تبغى تجلس بمكان هادي ....
تمشي بخطوات هاديه متزنه .. أشرت على الحديقه العامه : تعالي نجلس هناك !
ناظرت لون العشب الاخضر بفرح : يااااه يجنن !
جلست على الارض متربعة ... والسعادة ترفرف حولها ..فتحت الأكياس وبدأت تشرب من البيبسي باستمتاع ...غمضت عيونها بابتسامه وهي تتذكر علبة البيبسي إلي حصلتها بالمستشفى !
كانت طفولتها شقيه !
بس قدر عكسها تماما ...هاديه حيل ..ما عندها حركات كثيره !
ناظرتها وابتسمت وهي تشوفها منشغله بالمشتريات: ماما حلاوة!
رونق ابتسمت لها : ربي يسعدها هالعسل !
طلعت الجوال وبدأت تلتقط صور لصغيرتها ...بعدها صورت نفسها مع قدر !
عملت تسجيل فيديو وهي تصور نفسها بسعادة : احم احم أنا رونق هههههه امزح اكيد اني اعرف نفسي..تنهدت وبعدها كملت كلامها بصراحه اليوم عندي احتفال صغير أنا وصغيرتي ....هذه قدر وانا امها ههههه ادري مب باين علي ..اليوم محتفلين بمناسبة كل وحده حققت هدفها أنا تطلقت ولله الحمد وصغيرتي حصلت على كرت وتسجلت رسميا باسم الزفت ابوها .... يمكن لما تكبر قدر وتشوف هالمقطع تزعل لأني أشتم أبوها !
ختمت كلامها بابتسامة عريضة والسعاده تدغدغ قلبها!!
قدر بيدها الحلاوه تناظرها مب فاهمه شيء !
رونق تنهدت وتكلمت وهي ما زالت تصور : رح اكمل حلمي وأصير اكبر محاميه على وجه الارض أنصر المظلومين ...ما زلت بالبداية والطريق طويل انا متفائلة بشكل كبير !
قفلت الكاميرا ..وضعت الجوال جنبها وهي مبتسمه ....
ناظرت لجهة اليسار لما حست بصوت مألوف لها يضحك ...عقدت حواجبها باستغراب ظنت هالشخص ما يعرف مصطلح الابتسامه ....اشاحت وجهها بسرعه لما ناظرها بمعنى« خير »
شتمت نفسها لأنها ناظرت لجهتهم ...ما تدري متى جلسوا قريب منها ...بس الحمد لله ما تسمع كلامهم ولا هم يسمعون كلامها !
**
••
**
مط شفته بسخريه لما أشاحت بنظرها ....رجع يناظر فياض والبسمه مرسومه على شفته : اي وش صار بعدها!
فياض قبل ما يكمل سالفته انتبه على نظراته للحرمه القريبه منهم: علامك عيونك عليها !
وأشر بعيونه على رونق !
توسعت ابتسامته وهو يتربع : لو تدري من تكون هذه ؟!
فياض هز كتوفه:وش يعرفني يعني متغطيه كيف اعرفها ؟!
راكان بابتسامه واسعه: تدري هذه طليقة نايف
فياض رفع حاجب بتساؤل: نايف أخو جواد !
هز رأسه :ايه
فياض عقد حواجبه : ما أعرفه يمكن شفته مرة
راكان تنهد : والصغيرة هذي ابنته !
فياض بتأثر وهو يناظر الطفله : ليه طلقها؟؟
ما فكر بالبنت!
صحيح هو متزوج اختك
قاطعه راكان وهو يهز رأسه: ايه هي طلبت الطلاق ما تبغاه !
تدري إنه أكبر منها تقريبا 20 سنه أو أكثر متزوجها وهي يا دوب وصلت 14
يومين وطلقها تخيل وفوق هذا تركها معلقه سنوات !
هذه إلي تشوفها ماوصلت18 سنة !
فياض عفس ملامحه بضيق من الكلام إلي يسمعه : يا الله حقارته ما تنوصف !
كيف يدمر طفله صغيره !
والحين عايشه لوحدها وإلا مع أهلها
راكان مط شفته : يتيمه وعايشه مع جدتها حسب معلوماتي !
وازيدك من الشعر بيت تشتغل عندي بالشركه
قاطعه بتساؤل : محاميه يعني
ضحك راكان ضحكه عاليه وصلت لأسماع رونق :محاميه !
يا ابن الحلال تشتغل عامله نظافه !
زفر فياض بضيق لحالها.. وكيف دمر حياتها نايف!!
قاطعه وسيم لما اقترب منهم : بابا ألعب هناك !
هز رأسه فياض : روح
ورجع يكمل سالفته : يا برودك يا شيخ ما رق قلبك لهذه المسكينة ،
مط شفته بسخريه: مسكينة لو تشوفها رافعه خشومها للسماء ما تصدق إنها عامله نظافه تظن إنها المديرة !
تخيل أنا تكلمني بترفع وقسم بالله رأفة بعائلتها إلي تعيلها وإلا كان طردتها من زمان بس أنا مب حاطها برأسي !
الحين خلينا نتناقش بقضيتك ما بقى وقت !
فياض زفر بضيق:و الله نكدتني على حالها !
زياد قفل الجوال وهو يسمع كلامهم : وش رأيكم أحط موسيقى حزينه !
فياض عفس ملامحه : انت خليك بطلابك بالجامعة أفضل !
راكان بابتسامة : تخيل يطلع لي ادرس بنفس الجامعه إلي تدرس فيها
زياد وهو يتثاوب بنعاس : وش تبغى بالتدريس تراه غثى خليك بمجمع المحاميين إلي عامله أفضل لك !
راكان بحماس : تعرفني ما احب ابقى بشيء واحد لازم التغيير !
فياض بتأييد : حلو التغيير أحسك يا راكان ما تمسك ولا قضيه كله توزعه على موظفينك
هز رأسه : وهذا إلي يصير يعني ما أمسك إلا قضيه الصعبة والحمد لله انت شفت بعينك كيف في اقبال على المجمع بعد ما اكتسب شهره بقوة المحاميين عندنا!
فياض بابتسامة : واكبر دليل اني مسلمك هذه القضيه !
لحظه أشوف وسيم وين طس !
**
**
**
جالسه وحاطه يدها تحت خدها تسمع سوالف وسيم : تدري إنك عيونك مثل مريم !
مطت شفتها : ومين هذه مريم بعد!
وسيم تربع باندماج : هذه تكون ابنتها لماما
رونق خزته : يعني أختك
هز رأسه بالرفض: لا مب أختي ! يعني بابا مب أبوها !
فهمتي!
هزت رأسها رونق : آها وأمك المحروسه ليه متزوجه اثنين !
وسيم رفع حاجب بطفوله : غبيه ! ماما متزوجه بابا وبس !
مريم لها أبو ثاني فهمتي !
ضحكت رونق على كلامه وقبلته بمحبه ...مسح مكان القبله : عيب !
أشر على قدر : هذه ابنتك !
ابتسمت رونق : ايه ابنتي وش رأيك تخطبها )
عفس ملامحه : عيب هذا الكلام !
أنا اصلا ما أحب البنات !
رونق بنعومه ورقه : ليه ؟!
عقد حواجبه باستغراب : لما تتكلمين كذا نفس صوت مريم !
افففف تجيب الغثاء وهي تتدلع وبسرعه نقل على سالفه ثانيه : تشربين بيبسي ما تعرفين إنه ضار بالصحه !
ماما ما تقبل نشرب هذه الأشياء ! كل شيء ممنوع جدي يقول عنها بخيله بس أنا ما أقول لها حتى ما تزعل !
لو كانت هنا كان الحين ماسكه بيدي لا تروح لا تبعد لا تقفز مب قادره تستوعب إني صرت رجال !
ضحكت رونق على كلامه ...سرعان ما بلعت ضحكتها لما شافته بعيد كم خطوة عنها !
حسته مألوف لها بس ما تدري وين !
تكلم بهدوء: وسيم تعال!
تكلم بعد ما أعطاها ظهره وهو يوهمها إنه يكلم بالجوال : مثل ما قلت لك ابغى موظفه ترتب الملفات مب مهم الشهادة أهم شيء تعرف تقرأ حتى لو شهادتها ابتدائي !
اذا لقيت خبرني مباشره ...الراتب ما رح يقل عن «....» ...ان شاء الله ...مع السلامه !
ناظر وسيم : يلا بابا تأخرنا!
كانت بصراع داخلي مع نفسها وظيفه براتب حلو أفضل من التنظيف بس تخاف يرفض...حتى لو رفض فرصه ما رح تعوضها !
تكلمت بتردد بعد ما مسك يد وسيم وهم بالمغادرة : لو سمحت !،
ابتسم هو معطيها ظهره ...التفت لها بهدوء وبنبره حتى يشعرها بالراحه : تفضلي يا ابنتي !
رونق بتردد : إذا بغيت موظفه أنا ابحث عن وظيفه أعرف القراءة
قاطعها : حلو...الحمد لله سبحان الله الصدف أحياناً تكون أفضل من ميعاد !
خذي هذا عنوان الشركه وراجعينا وإن شاء الله تتوظفين !
ابتسمت بسعادة : إن شاء الله مشكور
هز رأسه برضا وغادر المكان بهدوء ووسيم يثرثر فوق رأسه !
رفعت نظرها للسماء وهي تردد يا رب لك الحمد الشكر !
وأخيراً خلصت من شركه المحاميين !
**
**
**
الجازي رفعت حاجب بعد ما نقل لها وسيم الأحداث : والله ومين هذه البنت إلي متواعد معها بالحديقه
ضحك فياض وهو يناظر وسيم : لا تصدقينه والله متواعد مع راكان وزياد !
وبنظره توعد لوسيم : لو تموت ما أخذتك معي
قاطعته الجازي : ايه حتى ما يكشف مطباتك !
ضحك فياض عليها : والله كل السالفه كنت اتكلم وأقول أبغى موظف ...وكان فيه حرمه معها عيالها
وسيم بمقاطعه : ما معها الا بنت وحده صغيره
فياض كتم ضحكته : ايه طلبت مني وظيفه بعد ما سمعت كلامي وهذه كل القصه !،
وسيم رفع حاجب: ماما تتدلع مثل مريم تقول «لييه»،
الجازي انتفخت ملامحها: تدلعت مع ابوك !
وسيم بتفكير : لا بس معي تتكلم بدلع بس لما جاء بابا تكلمت عادي لو سمحت!
فياض والبسمه ما فارقته : مب واثقه فيني!
ردت بقوة : اثق فيك بس ما أثق بالبنات !
علشان كذا مب مرتاح لذي البنت تتوظف عندكم !
فياض يستعطفها : مسكينه يتيمه ومطلقه ومعها بنت وفقيره
قاطعته بقهر والغيره بدأت تأكل قلبها: يا سلاااام على قلبك الرهيف !
كم عمرها ؟!
رد بهدوء : 18
فتحت عيونها باستنكار : والله !
على اساس ما توظف إلا بشهاده جامعيه!
خليني ساكته أحسن
تنهد فياض : أنا ما أعرفها صراحه ...وحكى لها قصتها الجازي عقدت حواجبها باستنكار : حسبي الله عليك يا نايف !
بيت خالي يا ويلهم من الله !،
ما يعرفون الحق ولا يمشون فيه !
ما استبعد عنهم يأخذوا البنت من أمها ...بحياتي ما شفت اقسى منهم !
والزفت نايف ما يترك حركاته حسبي الله ونعم الوكيل !
فياض مط شفته : والله اللوم على أهلها يزوجونها بهذا العمر ...خير حنا وين عايشين !
زفرت الجازي بضيق وقصة هالبنت ذكرتها بحياتها المأساوية في بيت خالها : ربك بيفرجها على كل انسان مظلوم !
وسيم جالس يسمع كلامهم بالحرف : انت ليه دوم تدعي !
شدته من اذنه : انت خليك ساكت يكون أفضل !
رجعت ناظرت فياض بتردد : انت واثق براكان بلاه
قاطعها بثقه : واثق فيه لا تنسين هو ما له علاقة بعلاقتي بجواد وأمي وأمه علاقتهم زينه !
وش رأيك تروحين مع امي تزورين بيت أبو راكان !،
عفست ملامحها : ما ابغى هالمعرفه كل حريم اخوالي ما اثق فيهم ..خليني بعيده أفضل !
**
**
**
••
ابتسمت براحه لما دخلت المكتب إلي رح تشتغل فيه وهي تشعر بالسعادة ....
ما توقعت إنه في ناس فيها خير ....ناظرت فياض بامتنان وهو يكلم سحر :هذه الموظفه الجديدة خليها تجلس جنبك ودربيها
سحر بابتسامة مصطنعه : إن شاء الله !
هز رأسه بهدوء وبعدها غادر !،
حاضنه حقيبه اليد وهي تناظر المكان بإعجاب ..قاطعتها سحر بضجر : مطوله وانت تتأملين ؟!
تعالي !
نسرين بملل : ما ادري وش تناظر يا حظي !
اقتربت رونق بابتسامه : عفوا
وش اعمل الحين !
سحر ابتسمت لقت أحد تحرث عليه وتريح نفسها !
بدأت تلقي عليها تعليمات وش تعمل !
نسرين بنعاس:لو يطلع بيدي أنام ما أقول لا !،-
لو يعطونا نشتغل بالبيت
سحر مطت شفتها بغيره: ليه حضرتك زوجة المدير حتى يعطونك الشغل بالبيت
نسرين مطت شفتها : والله وزبطت معها هالجازي رسمت على المدير وأخذته مب مثلنا ما لقينا موظف منتف يوقع بشباكنا !
والله هالأيام الحظ للمطلقات تلقين عندهم عيال ويتزوجون أعزب !
تدرين إنها الجازي عندها عيال من زوجها الأول توأم بنات وحده عند أبوها والثانيه ماتت وهي بعمر الأشهر تعرضت لخطف انسرقت من أمها وطبعا زوج الجازي طلقها لهذا السبب وسحب البنت عنده وحرمها من أمها !
سحر رفعت حاجب: يا لطيف وانت من وين لك الاخبار
نسرين ابتسمت : خديجه جارة لنا سكنت قريب مننا وطبعا كانت ساكنه قريب منهم !
سحر مطت شفتها : حظ القبايح بالسماء لايح وحظ الملايح بالارض طايح !
رفعت حاجب رونق بضجر من ثرثرتهم وغيرتهم وحسدهم الي ما يترك أحد بحاله .. نطقت بملل:وش اعمل الحين !
سحر بضجر : دقيقه أشوف !
**
**
**
أبو جواد وهو داخل وماسك بيد قدر الي تناظر حولها بخوف !
ام جواد ناظرته : ليه جايبها يكفي المصيبه إلي فوق وش يسكتها الحين !
ابو جواد بحده: خليها تفتح حلقها بكلمه أشوف !
ناظر الصغيره وأشر على نايف إلي منشغل بالجوال : هذا بابا !،
تجمعت الدموع بعيون قدر وهي تناظرهم بخوف ماتعرف وش يتكلمون ...
ام جواد ناظرتها عفست ملامحها وهي تشوف عيون الجازي !
تحاملت على نفسها بالأول وبالأخير تبقى حفيدتها : تعالي يا قدر
أبو جواد بغضب ارعب البنت وهو يكلم نايف: قوم تحرك احملها !
ناظر أبوه بضجر : تعرفني ولا عمري اقتربت من طفل
بدأت تبكي قدر ... وبدأ صوت البكاء يرتفع عقلها صور لها كل شيء من حولها وحوش !
ام جواد اقتربت منها تمسح دموعها : خلاص أعطيك حلاوة !
وش يسكتها هذه الحين
ابو جواد زفر بضيق : اليوم تبكي باكر تتعود خذيها للداخل يمكن تسكت مع البنات والبزران !
اخذتها ام جواد وتحاول تهديها ....
مروة اقتربت اول ما شافتها وهي تحاول تلاعبها : يا حلو تعالي عندي !
قدر مب مستقبله أحد تبكي وكأنها أحد رقعها بالجدار !
سعاد تناظرها بغضب جايبينها لهنا ..خزت مروة بقهر وهي متأكده تلاعب بالبنت حتى تقهرها ..نطقت وعيونها تقدح شرار: كلك حنان ما شاء الله عليك!
مروة وهي تعلك باستفزاز: ابنة عممممممييييي
سعاد وقفت وهي تفور من الغضب : صدق انك وقحه
ميس رفعت حاجبها بغضب: وش فيك على البنت !
يا أختي هي حره تلاعب ابنة عمها إذا انت مب طايقيتها ما تفرضين علينا نبغضها!
واقتربت تحمل الصغيره حتى تسكتها!،
ام جواد بضجر : هذه وش يسكتها !
جمانه واقفه تناظرهم وبنغزه : نادوا عمي نايف يحملها يمكن تسكت معه
قاطعتها سعاد بغضب : نايف ما يحب الصغار اذا ابنتي انا ما حملها ييجي يحمل ابنة القروية !
اخذتها ميس وجلست بالصاله تحاول فيها تسكت!
الكل جالس يناظر المشهد.... بعد ما تحولت الصاله الى ضجيج من صراخ قدر !
دخلت مريم الصاله مستغربه الإزعاج كشفت عن وجهها وهي تناظر الطفله إلي تبكي : وش صاير
سكتت قدر وهي تشاهق وتناظر مريم ..فلتت من ميس وركضت باتجاه مريم تعلقت بساقها وهي تبكي وتردد : ماما
**
**
**
مر الوقت ومريم جالسه معهم وحاضنه قدر إلي متعلقه برقبتها بقوة ...مريم بابتسامة متورطة : احد يشرح لي السالفة !،
مروة بضحكه : يا حلوك يا مريم وانت أم هذه انت صرت ام بعمر صغير !
جمانه جلست جنبها : يا اختي ليه مب متقبله احد غيرك !
يا دبه تعالي !
قدر دفنت رأسها بصدر مريم
سعاد وهي مولعه :يعني عمي كله حنان نزل مره وحده !
هذه بناتنا ما عمري شفته لاعبهم وإلا سأل عنهم !
نغم بنغزه : والله عمي يحب عيالي ليث من صغره يسأل عنه ويأخذه مشاوير وحتى غيث
قاطعتها سعاد بحده: ما حد طلب رأيك !
ام جواد بغضب : لا حول ولا قوة الا بالله !
الجازي وقفت : يلا يا مريم وقت الغداء أبوك على وصول !
مريم وقفت سرعان ما جلست لما صرخت قدر وهي متمسكة فيها !
مريم ناظرت جدتها : جدتي فكيني من هالورطه!
ام جواد مب ناقصها صراخ : خذيها معك الحين ان بكت وش يسكتها !
مريم سكتت على مضض تخاف من رد فعل أبوها يمكن ما يبغى صغار حوله!
**
**
**
**
جالسه على أعصابها من بعد ما رجعت من الدوام...ناظرت جدتها بلوم : ليه يا جدتي ارسلتيها
ام مرعي متمدده على الأرض : تراهم أهلها ولهم حق فيها !
رونق وقلبها ناغزها : أخاف عليها انت تعرفينها مب متقبله احد ....وبعدين الحين نزل عليهم الحنان ...زمان صلينا العصر وللحين ما رجعها مب قلت بعد العصر قالك
ام مرعي بضجر : يا ربي صبرني !
قومي اعملي لي شاهي ترى صدعتي رأسي !
وقفت بضيق وتوجهت تناظر من الشباك تشوف إذا جاءت أو لا !
**
**
جواد متمدد على الكنبه وهو يشوف الجازي رايحه جايه تشتغل ...ومريم جالسه وقدر متعلقه فيها ...مط شفته : والله هالسالفه !
يعني لمتى وانت جالسه حاضنه عليها كذا !
وديها لأبوها هو أولى فيها وقومي ساعدي أمك !
الجازي إلي تسمع كلامهم : خليها الحين تبكي وش يسكتها !
اقتربت لين منهم وهي تناظر قدر ومريم بغيره
صارت تدف قدر بغيره !
مريم بضحكه : ما كنت أدري إني مهمه كذا !
جواد لما بدأت لين تبكي..نطق بضجر: يا ليل ابو لمبه !
احملي يا مريم اختك !
ابعدت مريم قدر عنها حتى تحمل اختها !
بدأت قدر تبكي بصوت عالي ...ولين تناظرها وتبكي !
اعتدل جواد بجلسته : والله !
هذه آخرتها افتح حضانه !
طلع الجوال واتصل بنايف ...تكلم بعد ما رد بحزم : يا اخي استحي على وجهك وتعال خذ ابنتك ......على وش تضحك ........وقسم بالله الحين ارميها من الشباك ....والله مريم مب مجبورة فيها ...الحين رح اطلعها برا ترى رأسي مصدع منها !
يلا تعااااال ..سلام .
قفل الخط وتوجه لقدر : تعالي
قدر تعلقت بمريم بقوة: ماما ماما
مريم حست بشعور اتجاها ما قدرت تحدده : خلاص خليها يا بابا !
جواد بإصرار : راسي صدع منها وبدل ما تحملين ببنات الناس احملي اختك !
الجازي اخذت لين إلي تبكي : خلص اترك الصغيره مع مريم !
حملها جواد متجاهل بكاء قدر لما سمع صوت طرقات على الباب ...توجه للباب وقدر تبكي وتؤشر على مريم : ماااااامااااااااا
فتح الباب وأعطاها لنايف بضجر : اففف وش حاطين بحلقها !
نايف متوهق : لحظه خليها تمشي ما اعرف احمل أطفال أخاف تسقط
قاطعه جواد بحده : اقول احملها بلا هبل !
حملها وقدر مستمره بالبكاء وتنادي ماما
توجه لجناحه أخذ نفس عميق ودخل بهدوء !
نايف يكلم الصغيره بهمس : الحين رح يطلع لك فيلم رعب
قبل ما يكمل وقفت وهي تتخصر : والله جايبها هنا!
رجع همس للصغيره : مب قلتلك هذا الوحش !
قدر ما زالت تبكي لكن بنبره اخف !
تقدم نايف من الصاله وتكلم بحده : متى ما سجلوا المكان باسمك تعالي حاسبيني مين ادخل
قاطعته بغضب: بس امنعك تدخل أحد بوجودي!
زفر بغضب واجلس قدر على الكنبة: وقسم بالله لا تخليني أرجع أمها وأخليها تقابلك 24
قاطعته بقوة،: ومين قالك اني رح اجلس هنا !
مط شفته بملل : راكان رح يستقبلك بالأحضان !
جلست بغضب من راكان المتحكم فيهم ليت أبوها عايش،كان وقفه عند حده!
تكلمت بقهر : اشوفك حملتها على أساس ما تحب الصغار ولا تعرف تحملهم !
مط شفته بسخريه بعد ما جلس : تعرفين من ريحة الغوالي
تكتفت بقهر ؛ والله لتندم !
لوى شفته بلامبالاه : يصير خير !
طلع جواله يطقطق فيه وهو كل شوي عيونه تسترق النظر للصغيره جالسه تبكي بصمت وتمسح دموعها بظهر كفها!
رق قلبه لحالها ما يدري أبوه كيف يفكر أكيد الحين تبغى أمها ...بس غريبه تعلقها بمريم !
سعاد تهز رجلها بغضب : ايه ناظرها يمكن تشبه أمها !،
ابتسم بطريقه نرفزتها : أمها احلى !
وقفت بغضب وبصوت أرعب قدر : الله يأخذها ويأخذ أمها القرويه !
وتركت المكان ..ناظر قدر إلي رجعت تبكي بقوة من الخوف !
اقترب منها بتردد : تعالي نروح للبقاله !
قدر تهز رأسها بالرفض ؛ ماما ....رونق
زفر بضجر : افف من هالرونق وش هالاسم الغريب !
حملها بلطف : خلاص يا بابا
حس بصعوبة هالكلمه !
طلع من الجناح حتى يرجعها لأمها مب ضروري تتم للمغرب عندهم مثل ما قال أبوه!،
**
**
**
**
واقفه عند الشباك كل شوي تناظر من الشباك قلبها انفطر تخاف خدعوها وأخذوا البنت منها وهي مثل الغبيه !
ام مرعي تحس أصابها دوران من حركة رونق : يا بنت اجلسي
رونق بقهر -:-ليه تعطيهم يا جدتي !،
الحين رح اتصل بالزفت
ام مرعي برفض: لا تتصلين بلاه يظن إنك تحومين
قاطعتها رونق بغضب : حامه القرد إن شاء الله ..ما علي من كلامهم الأهم اطمئن على قدر!
طلعت الجوال واتصلت برقمه وهي واقفه عند الشباك ....تكلمت وقلبها يدق بقوة : هذا العصر زمان صلينا ليه ما رديتوا البنت للحين !
نايف إلي جالس مع اهله بعد ما أبوه رفض إنه يرجعها إلا للمغرب ..نطق بروقان: الناس تسلم بالأول
قاطعته بقهر : الله لا يسلم فيك مغزة ابره
صفر باندهاش : لذي الدرجة تكرهيني،!
ابو جواد أشر له بعيونه يسأله عن المتصل !
نايف حط كتم وناظر أبوه : هذه رونق تسأل عن البنت !
جواد رفع حاجب بانتقاد : ما لقت غيرك تسأله !
بدر بانتقاد لنايف: وليه الكلام الزايد سألتك عن البنت تجاوب بدون حكي زايد ليت بعض ناس جالسه حتى تعلمك أن الله حق !
ضحك نايف : والله صوتها كأنها موظفة اتصالات وحتى وهي معصبه صوتها حلو
ابوجواد بحده قاطعه : اعتدل يا نايف ....تبغاها نرجعها على الأقل تلم ابنتها وش رأيك؟!
جواد ما عجبته السالفه : فكونا منها باكر حتى تنجب كتيبه وبعدها يطلقها ونبتلش بعياله تراه مب قد المسؤوليه!
نايف ناظر جواله بعد ما قفلت الخط رونق : تراكم تهينوني وأنا ساكت !
ابو جواد بجديه : وش قلت ؟!،
اليوم أكلم جدتها
ليث بانزعاج : يا جدي ترى
بدر بتأييد: ليه لا ؟
بدل ما تعيش البنت مشتته هنا وهناك جمعهم في بيت !
قبل ما يتكلم نايف رجع جوال يرن ..فتح خط ابتسم على الهجوم إلي داهمه : انت وين طسيت ...وين البنت ؟!
نايف ببرود ينرفزها: والله البنت ابنتي وما رح ارجعها بكيفي!
قاطعته بقوة: بس أبوك قال بعد العصر رح يرجعها !
نايف بجديه : اذا تبغين ابنتك وش رأيك أرجعك لذمتي
سكت لما حس بشيء ضرب على رأسه ....ناظر أبوه بقهر ليه ضربه !
ابو جواد بقهر همس: غبي !
رونق باشمئزاز بس من مجرد الفكرة ..نطقت بقرف:الله يأخذني قبل ذاك اليوم إلي رح ارجعلك ..الحين خلصني وين البنت !
قفل الخط بوجهها وبقهر:،ليه ضربتني يبه !
ابو جواد بغضب ؛ وانت على طول تتكلم بدون فهم !
كيف تبغاها ترجع لك بذي البساطه !
جواد مط شفته: والله يطلع لها تدلل تحمد ربها !
بدر مط شفته : يا اخي انت ليه تستحقر الناس هي مب إنسانه عندها مشاعر
قاطعه ابو جواد وهو يكلم نايف ؛ فكر بالموضوع وان اقتنعت فيه قناعة تامه خبرني،
ليث ما عجبه كل السالفة : والله يا جدي ما له وجع هالرأس
نايف ناظره وهو رافع حاجب : اشوف الكل يتدخل بحياتي ...وكل واحد يعطي رأي
ليث رفع الحاجب: الحين مب عاجبك تدخلنا ايام
قاطعه نايف خاف يطلع فضايحه القديمه : مب كذا. ...انتم اتركوني أفكر ويصير خير !
أروح أرجع لها البنت بلاه تعمل لنا فضيحه !
ليث وقف : اروح معك !
ابو جواد وقف : لا انت ولا هو أنا بطريقي ارجعها !
**••
**
*•
**
ناظرت جدتها بضيق: شفتي يا جدتي من لما رجعت البنت شفيها كيف ملتزقه فيني وعيونها متورمه من البكاء ...قلت لك ما أبغى أرسلها !
ام مرعي بضيق :،اكيد رح تستغربهم لأنك مب موجوده معها باكر تتعود !
رونق بتذكر : أبوه وش يبغى منك !
ام مرعي ظهر الضيق على ملامحها : ولا شيء !
رونق متأكده في شيء ..ليه وقف مع جدتها برا ؟!
خزت جدتها :صاير عندك أسرار
ام مرعي وهي تناظر قدر : يقول يبغى يرجعك
رونق ضحكت من قلبها : تعرفين تنكتين يا جدتي!!
ام مرعي تابعت كلامها بوجع : يقول مستعدين يتنازلون عن القضية
قاطعتها رونق بانزعاج : ترى القضيه ماتت وشبعت موت للحين ينتظرون حقهم وعمي ومرزوق عايشين حياتهم
ام مرعي قاطعتها بضيق: حياتهم !
قولي لي عمك يقدر يطلع من محيط القرية ؟!
فتحت رونق عيونها باستنكار: لا تقولين بسبب نايف تراهم من قبل مطلوبين وما يطلعون من باب البيت
قاطعتها ام مرعي : عمك صحيح عليه ديون بس كان يطلع من القريه ما عليه شيكات مثل مرزوق!
قطبت حواجبها باستنكار: ترى كل كلامك هذا له مغزى
لكن لا تفكرين أبدا لأني مستحيل
ام مرعي بمراره من لوي الذراع : أنا أقول نقول لهم موافقين وبعد ما يتنازلون نقول لهم مع السلامه خلي هالقيد ينزل عن عيالي ترى قلبي يتعذب الف مره كل يوم !
ارحمي كبري وتعبي وأنا بعيد عن عيالي وديرتي ما في رجال يفتح علينا الباب ويدخل
فكري يا رونق بحالنا !
مثل ما ضحى عمك وولد عمك بالمقابل ابذلي بعض التضحيه!
لمعت عيونها بالدموع مب مرتاحه لذي السالفه !
ناظرت جدتها : بالأول يتنازلون
ام مرعي هزت رأسها: وهذا إلي رح يصير ....صدقيني ما رح اسمح ترجعين لذمته ليوم واحد !
رونق زفرت بضيق : متى نرتاح من الشقاء والتعب !
رفعت نظرها لأخوها دخل والتعب باين بملامحه من الشغل ...متى يرتاحون من هالتعب !
حضنت قدر وهي تتمنى القادم أجمل !
**
**
**
جالس مع جدته وأمه ويسمع لأمه المنفعله: انت كيف ترضى إنهم يرجعونها ضره على أختك !
راكان ببرود : وش فيها ...اختي جالسه في بيتها معززة مكرمه ...وذيك لها بيت لوحدها بعيده عنها !
ترى الشرع حلل اربعه !،
ام راكان بقهر : وقسم بالله طول ما أنا على قيد الحياه ما تتزوج إلا وحده وأنا اختارها !
ضحك على كلام امه: يا يمه من الحين اقولك انا رح اعدد وإلي رح اخطبها رح تكون بالصورة ومعها خبر !
ام ناصر : ما تلقى أحد يعطيك !
الحين نايف يبغى القرويه وإلا
قاطعها باستغراب : والله ما يعرف له هالانسان !
بس يقولون شرطهم بالأول يتنازلون عن القضية حتى يحضر عمها العقد !
ام راكان رفعت حاجب : وش يضمنهم انها خدعة
قاطعها بحزم : هي السالفه على كيفهم !
وإلا لعبة اطفال !
ام ناصر زمت شفتها: والله دنيا !
هذا اخر دلالهم لنايف !
ام راكان بقهر: والله لو أدري إنه عنده هالسوالف ما أعطيه ابنتي!
وانت يا راكان معقول ما تدري عن بلاويه !
لا والغبيه الثانيه تبكي وبنفس الوقت رافضه تتركه تقول تحبه !
مالت عليها ما أدري على وش تحبه !
لأنه بدون عقل لو فيه عقل ما خطب طليقة اخوه يقول يحبهاااا!
مالت عليه ما أدري كيف يفكر
ام ناصر بدفاع : والله الجازي توضع على الجرح يبرأ!
انت ما تعرفينها
ام راكان زمت شفتها بقهر من نايف: والله ما اعرفها !
بس يقولون
قاطعتها أم ناصر : لا تسمعين لام جواد تبغضت لها لأجل حنين،! وإلا الجازي ما شاء الله عليها حاولت تتأقلم معهم بس ام جواد ما تركت لها فرصه!
وجواد نفس الشيء كان قاسي معها انت متخيله سنه وهو خاطب ابنة عمه بدون علمها وطول الفتره خلاها تعيش على إنه العاشق الولهان إلي مجبور على الزواج !
مسكينه ربي عوضها وأعطاها رجال يخاف عليها ويسعدها !
ام راكان هزت رأسها: حتى ام فياض طيوبه وولد خالتي ابو فياض يمدحها للجازي بس سمعت إنها بخيله
ضحكت ام ناصر : ههههه وش هالكلام هذا !
انت اتركي عنك هالكلام !
وشوفي ابنتها لولدك ترى البنت صاروخ وما تتعوض مؤدبة ومحترمه!
راكان ابتسم : صاروخ مرة وحده !
ام راكان هزت رأسها: قلت له عنها يقول انتظري تكبر على الأقل تكون انهت الثانوي !
ام ناصر باستعجال: على الاقل حجز بالكلام حتى الكل يعرف إنها خطيبتك !
راكان هز رأسه وهو يتذكر مرة صادف جواد معه زوجته وعياله وكانت مريم معه مب باين منها شيء ..تعجبه البنت إلي كذا : يصير خير !
ام راكان بابتسامه : عسى ربي يوفقك ويفتح لك ابواب الرزق !
••
**
•*
*•
بجناح نايف بالصاله
ام جواد بقهر وهي تهم بالوقوف:والله لاطين عيشتها هالقرويه !
من زين هالبنت حتى نرجع أمها علشانها !،
سعاد بقهر:قهروني يا خالتي !
كله من عمي بدل ما يقول هذه ابنة أخوي
قاطعتها ام جواد بمواساه :لا تخافين إذا ما خليتها تهج من المنطقه كلها !
سعاد مقهورة : أنا ما يقهرني إلا راكان واقف معهم !
ام جواد وقفت قبل ما تطلع من الجناح : لا تهتمي لأحد والقرويه رح نقلعها بطريقتنا بس انت امسكي أعصابك واترك الباقي علي !
**
•*
*
أخذت نفس وعادت كلامها لما قال لها ما سمعت وش قلتي !
تكلمت بنبره هاديه :مالكم نصيب عندنا
قاطعها بغضب : مب على كيفك !
صار لي بالمركز كم يوم واجراءات وحالتنا حاله والحين بعد ما انتهت القضية تقولين كذا !
ردت بانتصار : هذا إلي عندي استخرت وما ارتحت لك !
انتهينا
قفلت الخط وزفرت بتعب ....ناظرت جدتها : كذا انتهينا
ام مرعي بخوف : أنا أقول نرجع للقريه يا ابنتي اخاف ينتقمون منا هنا !
وما استبعد يسحبون البنت منك تراهم عندهم واسطات وحنا ناس على قدنا ما لنا حيل لمواجهتهم !
رونق نغزها قلبها خايفه على قدر : الدنيا مب سايبه والحضانه لي
مروان إلي يسمع كلامهم: وش يضمن لك ما يخطفونها بدون علمك وإن اشتكيتي ما في دليل واحد معك إنهم أخذوها !
بلعت ريقها لصعوبة الموقف..ليه كل من حولها يضعفها ..يحاول يفرغون كل طاقة الحماس إلي بداخلها...كل هذا حتى ترجع للقرية !
نطقت بحرقه: للقرية مب راجعه تفهمون!
مب راجعه للتخلف والرجعية
قاطعتها ام مرعي بزعل : الحين صرنا متخلفين ؟
مشكورة هذا إلي تعلمتيه من جلستك هنا!
رونق بقهر : وش تبغين أكثر من كذا جهل مجرد ما تبلغ البنت تزوجونها بدون رضاها
قاطعتها ام مرعي: متى ما دخلت الجامعه وش رح تعملين ؟!
هذا وانت مجرد عامله نفخت نفسك كذا
رونق تبغى تنفجر: ليه تفسرين الكلام على هواك !
انا ابغى اعيش حياتي مثل ما أبغى أنا !
ما أحد له سلطه علي !
اعرف الصح من الغلط ومب محتاجه أحد يقومني !
مروان قاطعها: اصصصص ولا كلمه لا يسمعك عمي تراك تلعبين بدمك !
مطت شفتها :-مب ناقصني بزران اهتم بنفسك وما تدخل بحياتي رجاء !
ام مرعي مطت شفتها :-اتركها هذه عقلها طار ...متى جاء عمك تفاهمي معه لانه مصمم يرجعك لنايف ! انا خلااااااااص ما عاد فيني أتحمل مشاكلكم ! ومن باكر أنا راجعه للقريه احس فقدت روحي في بعدي عنها!،
بلعت غصتها وبدأت أعلام الاستسلام ترفرف حولها .... إن رجعت جدتها رح تودع حلم الدراسه وترجع للقريه والبيع على البسطه أو ترضخ لهم وترجع لنايف !
غمضت عيونها بتفكير لحل لهذا العائق قدام احلامها !
فتحت عيونها على دخول عمها إلي جلس ويكلم جدتها : خلاص اتفقنا باكر نروح للمحكمه ونملك وترجع لزوجها ... أبوه رجال نشمي يقول لكم الي تبغونه ويعتذر عن فعل ولده!،
أخذت نفس عميق تحاول تستعيد نفسها وبأسلوب هادي : بس يا عمي أنا ما أبغى ارجع
قاطعها بحده: لا تصجين رأسي من الحين ارجع للقريه وأعطيهم ابنتهم حنا مب قدهم ..لو تشوفين بيوتهم ما هو مثل الخشه إلي عايشين فيها !
ردت بصوت مخنوق : يكفي يا عمي ما خرب بيتي إلا الفلوس !-
ارحموني !،
عقد حواجبه : اعطيني حل واحد !
هذا حنا محبوسين بالقرية من كم سنه !
والحين التنازل بشرط رجوعك له !
ام مرعي تحاول فيها : عيالي ضحوا من اجلك ضحي هالمره بس !
اجلسي عنده بعدها اطلبي الطلاق
قاطعتها رونق وهي تقوم على حيلها:: اضحكي علي كل مرة بسالفة !!
ترى خطيتي برقبتكم !
تركتهم وبداخلها وجع عجز من هالحياه ليه دوم تعاكس مطالبنا !
*
*
**
نايف : مب مرتاح لها لأنها كانت مصممه وش يضمن عمها ما يكذب علينا !
راكان بضحكه: ما تخاف من هذه الناحية انت ما شفت كيف نظرته على البيت وكأنه بحياته ما شاف خير !
جواد بضحكه :-اذا ابنة اخوه تشبه عمها يا حظك هههههه
ابو جواد بحده : جواد انت تتكلم هذا الكلام
جواد حس على نفسه : انا اسف مب قصدي !
ابو جواد ناظرهم : الحين الأهم سكن زوجتك يا نايف رح يكون في الملحق في بيت جدتك حاليا !
بدر بتساؤل : ليه !
ابو جواد تنهد : عز الله لو جبتها لبيتنا إلا تأكلها سعاد بقشورها بمساعدة أمكم!
خلي الأمور تهدأ الحين وبعدها يصير خير
راكان بضحكة :-اما سعاد متحلفه فيها !
يا اخي الحريم عندهم غباء وش يعجبها فيك ذابحه نفسها !
بدر ضحك من قلبه: والله إنك صادق !
نايف خزهم بقهر : من غيرتكم !
**
**
*
**
تمشي بالسوق لعلها تنسى هم بكره ....عقلها مسكر ما في طريقه تفك نفسها فيها !
ليه حظها العاثر رماها مره ثانيه عليه !
مسحت دمعه متمرده من تحت النقاب !
رفعت نفسها وهي تناظر المول بكبره مامعها فلس واحد ....لكن أحياناً تحب تتجول بذي الأماكن حتى تحس نفسها إنها عايشه مثلها مثل باقي الناس !
التفتت على مروان إلي وقف جنبها : بالله وش تستفيدين لما تناظرين مثل الهبله وانت ما معك فلس واحد!
مسكت يده وناظرته بمحبه ودموعها تنزل : رح اشتاق لك !
ما اقدر ابعد عنك يا مروان....عشت معك سنوات طويله ضحكنا مع بعض ...بكينا مع بعض ...جلسنا تبادلنا همومنا !
كنا دوم مع بعض لكن الدنيا وانتم مصممين تبعدوني عنكم !
مروان مسح دموعها : كل أسبوع رح أزورك
قاطعته بمراره وهي تحضن فيه بقوة: رح اشتاق لك يا بلسم حياتي !
مروان يحس بالاختناق رح يبكي بأي لحظه لفراق قطعه من روحه ..تكلم بغصه :انتظري هنا الحين ارجع !
توجه لدورة المياه يغسل وجهه ..ما يبغى يضعف قدامها وماقدر يعيش بدونها!-
تنهدت رونق ودموعها تنزل بصمت من صعوبة موقفها تحس نفسها تمشي للموت برجلينها وش أصعب من كذا...
عدلت وقفتها وهي تنتظر مروان وما انتبهت للي كان واقف يصور فيها فيديو !
قفل الجوال بعد ما أرسله... وتوجه لها وعيونه تشتعل نيران !
سحبها بقوة وما ترك لها فرصه تتكلم أو تبعده ! توجه لسيارته رماها بقوة وتوجه لمقعده وحرك السيارة بسرعه جنونيه ...مسك جواله إلي يرن : انا رجعت للبيت ..لا ما رح ارجع !،
قفل الخط وناظرها من المرايه ممسكه رأسها من الألم لما دفها داخل السيارة!
تكلم بغضب : ذيك المره انكرتي وطلعت أنا الكذاب !-
لكن الحين لا تخافين صورتك والفيديو أرسلته لأبوي حتى يصدق بعيونه يشوف ابنته وين هايته !
تكذبين وتقولين عند أمك !
عضت على شفتها من الألم ...عدلت نفسها وهي متأكدة انه مخربط ...اكيد مروان ينتظرها الحين ...تكلمت وهي عافسه ملامحها : نزلني تراك مخ
قاطعها بغضب : ولا كلمه!
لك عين تتكلمين !
ضاقت الدنيا بوجهها وكأنه ينقصها هالمشكله...قدر تركتها نايمه أكيد إنها صحيت !
ناظرت من الشباك وهي تحاول تفتح الباب بس مغلق !
وش هالورطه!
ناظرته وهو يكلم بالجوال:صدقت يبه ! ....هذه الحين معي سحبتها حتى ما تهرب ...قلت لك لا ترسلها لأمها وفوق وافقت تجلس عندها أسبوع وشفت بعينك النتيجه !
لا تخاف ما رح أفضح أنفسنا ! ...خلاص ادخل من الباب الخلفي .. إن شاء الله !
تحس نفسها رح تنجن كيف تهرب منهم مب عارفه ...وقعت بورطه وما تظن إنها تطلع منها !،
تتمنى لو انكسرت رجلها وما طلعت من باب البيت !،
بدأت دموعها تلمع من هالموقف !
زادت دقات قلبها برعب لما وقف والتف لها بتهديد : الحين تنزلين بهدوء ويا ويلك لو بيت جدي حسوا بشيء ترى افضحك قدامهم وشوفي جدي وش رح يعمل فيك !،
ناظرته باستنكار : اسمعني انا مب
قاطعها بغضب : مب وقته التبرير كلامك وفريه عند أبوي !
ناظرته بعجز هالانسان وش يفهمه لا يستقبل ولا يرسل !
نزل من السياره فتح الباب من جهتها ...ابتعدت عنه حتى ما يمسكها !
سرعان ما مسك يدها وسحبها بقوة وبتهديد: امشي بهدوء أفضل لك !
تأوهت بوجع لما شدها لخارج السياره : بدون اي كلمه !
تحاول تفلت منه : يا غبي انا ما اقرب لك اتركني
ما اهتم لتبريراتها وهو يناظر حوله ما يبغى يثير الشبهة حوله : انكتمي !
توجه فيها للداخل وهي تحاول تفلت منه ....رح تنجن بأي لحظه أكيد هالانسان مجنون !
لذي الدرجه ما يفرق بينها وبين قريبته !
رح تصرخ وتفضحه وتتخلص منه وش يضمنها إنه خاطفها !
عند هذه النقطه صرخت : الحقون
سرعان ما كتم صوتها بيده وسحبها بسرعه للداخل ...فتح الباب ورماها على الأرض بقوة : ولا نفس يا كلبه !
قفل الباب وناظر أبوه إلي كان بالصاله جالس ووجه أسود من هالسالفه !،
تأوهت بوجع رفعت نظرها بشويش ...واستغربت الرجال إلي وقف وتوجه لناحيتها ووجه ما يبشر بخير !
اسندت نفسها وناظرت حرمه مسكت يده برجاء : كل شيء ينحل بالتفاهم يا جواد !،
رد بغضب : تفاهم !
ما خلت فيها تفاهم !
جازي لا تتدخلين أفضل لك واتركيني اربيها!
أنا الغبي إلي صدقتها أول مره ووثقت فيها !
دام أمها الجازي ما األومها !
اقترب منها تلقائيا زحفت للخلف وما بقى على جنونها شعره ....حست انها اصطدمت بشيء ....رفعت نظرها بشويش ..كان عبود يناظرها بشر!،
ابتعدت عنه وكأنها مقروصه لما اصطدم ظهرها برجلينه !
وقفت وهي توزع نظرها بينهم وقلبها يدق طبول : اسمعني !
انا مب انا
اقصد انا
قاطعها كف من جواد حست فكها اتكسر منه !
وسرعان ما سحبها للغرفه ونزل فيها طق وهي تحاول تبعده عنها : انا ما اعرفكم!
اسمعني يا بني ادم
قطعت كلامها بوجع من الضرب !
رفسها جواد وهو يتنفس بقوة: والله ما تطلعين من باب الغرفه !،
وقفت بألم :: انتم مب أهلي أنا ما أعرفكم !
والله لاشتكي عليكم
قاطعها وهو يشدها من شعرها : تشتكي على أبوك يا كلبه كل هذا دروس من أمك !
عفست ملامحها بوجع ودموعها تنزل : انت مب ابوي اتركني يا مجنون وش تبغون مني !
جواد شد شعرها بأقوى : ومجنون بعد !
صاير لك لسان !
والله لتندمين !،
دفها بقرف وغادر الغرفه بعد ما قفل الباب بالمفتاح !
ناظرت الغرفه بعجز من وين طلعوا لها ذول!
اقتربت من النافذة عليها سياج لازم تهرب لكن كيف !
اكيد مروان الحين يدورها والأهم قدر !
رفعت نظرها للسقف ودموعها تنزل بغزاره!
ناظرت الشاله والنقاب على الارض ...وش هالغباء ما يعرفون ابنتهم!
يمكن من الغضب ما انتبه انها مب نفسها ابنتهم!
مسحت على شعرها بألم ما تقدر تلمسه!
ليتها رجعت للقريه !
ألقت بجسدها على الارض بعد ما أنهكها الضرب !
**
**
**
الجازي بقهر : مب كذا أسلوب التعامل !
عبود قاطعها بقهر: أنا مثلها ما شفت ...فوق سواد وجهها
قاطعته الجازي : يمكن من اخوالها!
جواد بغضب : حتى لو كان خالها وين عايشين تحضنه بوسط السوق ما عاد فيه حياء !
وبعدين مالها أخوال إلا بندر واحمد !
أنا لازم أعرف مين هالكلب إلي تقابله !،
انتبهي ياجازي تطلع هالسالفه من هنا !
الجازي ناظرته بعتب : من متى أطلع أسرارك !
جواد بداخله نار يحس بداخله اشياء تكسرت ....مريم الرقيقه اغلى عياله تعمل كذا !،
طعنه قويه ما توقعتها ابدا !
ما رح يسامحها طعنته طعنه ما رح يسامحها عليها !
عمره ما قصر معها كل شيء تبغاه يكون عندها !
تنهد بوجع من هالطعنه!
**
**
**
مروان تعب من كثر ما دورها بس ما لها أثر ...رجع للبيت لعل وعسى تكون رجعت قبله !
لكنه انصدم لما تكلمت ام مرعي : رونق !
ما رجعت
مرعي ما ارتاح وهو يناظره : وش صاير !
رد بعدم تصديق للموقف : كنت معها وقلت لها تنتظر أبغى اروح لدورة المياه ورجعت ما لقيتها
لحظة !
تذكر موقف رونق وكيف كانت وكأنها تودعه
معقول هربت !
بهتت ملامحه ...نطق بخفوت : هربت !
**
**
**
**
ناظرت الغرفه ظلام ..رفعت جسدها وهي تطلق الآهات من الوجع !
تحاملت على نفسها .. أنارت المكان ...عضت على شفتها بقهر .....حقيبتها بالبيت ما اخذتها حتى جوالها تركته مع مروان بجيبه !
وش هالورطه الحين !
اقتربت من الشباك ..كانت الدنيا ظلام دامس ..والهدوء يعم بالمكان !
مستحيييل قدر
لازم ترجع لها !
اهلها اكيد فقدوها وش تقول لهم !
توجهت للباب تطرقه بقوة : افتحووووووا الله يأخذكم ...افتحوووووووا
يا مجانين افتحوااا
ضربت الباب بكل طاقتها : افتحوووووووووووووو
رجعوني لجدتي!
سكتت لما تكلم بغضب من خلف الباب : ما هو من مصلحتك افتح الباب لأني رح اطلعك جنازة فانكتمي افضل لك !
الوقت متاخر انقبري وباكر نتفاهم !
ردت ببكاء ما تدري هالمجنون وش يبغى فيها: رجعني لجدتي !،
انا مب ابنتكم
كانت توضح له إنه مخربط ... بس هو يفهم كلامها انها متبريه منهم !
حست بخطواته تبعد عن الباب !
توجهت للحمام تصلي وتدعي ربها يفرج هالكربه !،
في اليوم الثاني حست بصوت فوقها :: قومي مريم !
فتحت عيونها وهي عافسه ملامحها !،
عقدت حواجبها «مريم»
الجازي بلطافه : قومي يا ماما افطري!،
لاعت كبدها رونق من هالمريم المدلعه «قومي يا ماما افطري » وش يفهمهم إنها مب مريم ...تكلمت بمراره : أنا مب ابنتك !
اعتقوني لوجه الله !
طلعوني من هنا !
الحين جدتي وعم
قاطعتها الجازي بزعل : بذي السهوله تبريتي مني !
الله يسامحك !،
الحين قومي أبوك مصمم إنك تفطري معنا !
قامت من الفراش بغضب : اعتقوني لوجه الله اقولك انا مب مريم الله يأخذ مريم !
انصرفي من وجهي قبل ما ارتكب فيك جريمه !
وش هالعائله المجنونه هذه !
الجازي منصدمه هذا الكلام يطلع مريم !
كيف تغيرت بذي السرعه وصارت عدوانية وشرسه !
حتى عيونها ما هو نفس نظرتها القديمه كانت وديعه اما الحين عيونها وكأنها لبوة وبأي لحظه تفترسهم !
عبود دخل الغرفه وهو معقد حواجبه : والله صاير لك لسان !
انت كيف تكلمين أمي كذا !
ناظرت حولها توجهت للشاله تتغطى عنه ..بس عبود فهم من حركتها انها تبغى تهرب ..وبسرعه انقض عليها وشدها من شعرها : ولا تفكرين ولو للحظه تهربين منا !
حاولت تفك نفسها : يا حقير اترك شعري !
ما تخاف ربك وانت
قاطعها وهو يشد شعرها أكثر متجاهل أمه إلي تحاول فيه يتركها : أخاف ربي أكثر منك !
انت آخر وحده تتكلمين عن الخوف من الله !
قاطعه جواد من خلفه : اتركها يا عبود !
عبود يبغى يصفقها لكن احترم كلمة أبوه وتركها !
مسكت الشالة ولبستها وبصوت هامس وصلهم : الله يأخذك طول الباب وينادونه عبود !
لفت الشال وتلثمت والدموع اخذت مجراها على خدودها وبمحاوله أخيره ناظرت جواد : لو سمحت اسمعني لو مره وحده !
جواد قاطعها : ما خليتي فيها سمع !
انا شفت بعيوني بس أبغى اعرف مين إلي كنت معه !
زفرت باختناق من هالعائله...وبلحظه خافت على مروان : وش تبغى منه !
وقسم بالله إذا قربت منه إلا اشرب من دمكم ما لكم فينا والحين ابعد عن الباب
جواد يناظر حوله: أنا اسمع غلط ما أدري
عبود : قلت لك يبه رح ترجع مقلوبه علينا !
جازي بضيق : مريم
قاطعتها بصراخ : انا مب مريم مب مريم !
انتم ما تفهمون !
والله لأشتكي عليكم !
جواد مسك اعصابه ما يبغى يقترب منها لانه ما يضمن نفسه يطلعها جنازة ...تكلم بحده : رح تتأدبين أوعدك .. وأمك لو تبوسين الارض ما شفتيها !
ردت بقهر : الله يأخذكم كلكم أنا وش حظي العاثر إلي رماني عليكم !
يا بني آدم أقولك أنا مب ابنتكم ما تفهم !
عبود مط شفته : سرعان ما تبريتي منا !
عضت على شفتها بعجز منهم !
جواد بنبره حاده : اطلعوا برا اشوف !
توجه للباب يبغى يغلقه تمسكت بالباب بقوة : لا تقفله لااااااا
الحين جدتي تحاتيني لاااااا
دفها للداخل وقفل الباب بالمفتاح ،: لما ترجعين لرشدك خبريني حتى أفتح الباب !،
ضربت الأرض بقوة وش تعمل الحين !
تجولت بالغرفه وعقلها تحس بدأ يصيبه الجنان !
تقدمت من المرايه تناظر نفسها كيف ما قدروا يميزوا بينها وبين الزفت مريم !
لذي الدرجه بينهم شبه !
تحسست وجهها معدم من الضرب ...حسبي الله عليهم ما تدري من وين طلعوا لها !
توجهت للشباك لازم تطلع بأي طريقه ... إذا جلست دقيقه هنا رح تنجن ..فتحت الشباك وبدأت تصرخ بصوت عالي الحقونيييييييي يا عااااالم خطفوووووووني !
الحقوووووووني !
بدر وليث كانوا داخلين.... ناظروا بعض باستغراب من الصراخ!
رفعوا نظرهم للشباك ...بدر عقد حواجبه وهو يشوف مريم على الشباك وتصرخ مثل المجنونه !
ليث ناظر عمه: وش صاير!-
ام جواد طلعت على الصوت : وش صاير!
رونق بأمل لما شافتهم : ساعدوني طلعوني من هنا!
ام جواد باستغراب:مريم وش فيك
رونق بصوت متعب من الصرا خ : طلعيني يا خال
تأوهت لما سحبها جواد واستقرت كفه على خدها وبصراخ : والله انت مب طبيعيه!
ناظرت الباب مفتوح ...ركضت للخارج بأقصى سرعتها !
وجواد من خلفها !
تركض وقلبها يدق بقوة لازم تطلع بأي طريقه....نزلت من الدرج ما تظن إنها انها نفس الطريقه إلي جاءت منها !
اخر الدرج ينزل لصاله فيها حريم ...صرخت بقوة : يمممممه الحقيني!
شافت باب خارجي توجهت متجاهله صراخ جواد من خلفها!
وأخيراً طلعت من هالبيت ...ناظرت خلفها وهي تركض كان جواد ما زال خلفها !
حست بأحد مسك يدها ومن القوة ارتد جسمها وسقطت على الأرض
حاولت تفلت يدهاوهي تشوف جواد اقترب منها !
صرخت بصوت عالي : اتركووووووني !،
بدر منع جواد منها وهو ممسك بيدها بقوة: وش صاير !
رونق بأخر امل تكلمت : اتركني أفهمك السالفة!
بدر تلقائيا ترك يدها وبخدعة تكلمت : انا
خلال ثواني ركضت لخارج البيت بأقصى سرعه ما تدري من وين جاءتها هالسرعه،!
شافت سياره أجره وقفتها وتكلمت وهي تلهث : بأقصى سرعه غادر!
ربي يوفقك !
ناظرت للخلف وهي تشوف جواد وقف للحظات وسرعان ما رجع للبيت اكيد يبغى يلحقهم بالسياره ..تكلمت بخوف : غير الاتجاه ما أبغى يلحقوني !
سائق السياره: عسى ما في شر !
ردت وهي تلتفت للخلف : الله يستر عليك رجعني لأهلي في منطقه ....وشارع ...
سأل باستغراب:هذا زوجك!
هزت رأسها حتى تخلص من اسئلته!
ما رح ترتاح إلا إذا رجعت لجدتها ام مرعي !
•*
*•
*•
•*
مريم تلاعب أختها الصغيرة : وين الحلاوة !
قبلتها بعمق : يا عيني ما أحلامها !
وسيم جالس على الكنبة بملل : أحلى منك !،
ابتسمت : انت ليه تغار مني !
مط شفته: ما اغار منك بس انت مب حلوة !
عيونك وكأنه مصارع ضربك بوكس بنص الجبهة!
ضحكت مريم من قلبها : احلى من عيونك !
الكل يدوخ من جمال عيوني وانت يالبزر تقول مب حلوة!
وسيم : انت ليه ما ترجعين لأهلك ما عندك بيت !،
مريم وهي تحمل ديما : كل هذا لأني اكلت البسكويت حقك!،
مط شفته بقهر : اكرهك والله إلا ترجعين بدل الحبة خمسه !
الجازي دخلت بابتسامه:وسيم عيب !
وسيم شوي ويبكي : يا ماما هذه ما خلت فيها عيب !
كل شيء لي تأكله!
خليها ترجع لأهلها !
ضحكت مريم من قلبها : هذا نهفه
الجازي: اتركيه عنك وتعالي اعطيك دروس بالانجليزية
وسيم مط شفته: لا تردين ترى ماما ما تعرف شيء الأسبوع إلي طاف حلت لي الواجب الاستاذ يقول مين الغبي إلي حله قلت له ماما
الجازي شدت اذنه :هذا لسانك أقصه إن تكلمت !
بعد يد أمه وبدأ يبكي : والله لاقول لجدي !
وتركهم وطلع !
الجازي كشت عليه : مالت !
**
**
**
جواد وكأنه بركان : وين طست الحين !
بدر باستغراب من تصرف مريم وجواد ماقال وش السالفة إلي بينهم : يمكن رجعت لأمها!
ام جواد وقلبها يدق بقوة: يا ربي استر وين راحت هالمجنونه!
جواد زفر بضيق:- أنا ما أدري وش إلي قالبها لو تشوفينها مجنونه يمه !
ام جواد بخوف : يا خوفي أمها غسلت مخها !
جواد بحيره: ما أدري تخيلي إنها تشتمني أنا والجازي !
شرسه بشكل عمرها ما كانت مريم كذا !
ليث ساكت وهو يحس هالصوت مر بذاكرته لكن ما يدري وين بالضبط
تكلم بتردد : عمي متأكد إنها مريم إلي كانت هنا !
جواد عفس ملامحه: وقت سخافتك يا ليث !
بدر ما ارتاح لملامح ليث سأله : فيه شيء انت تعرفه !-
هز رأسه بالنفي: ولا شيء
ام جواد مطت شفتها ؛ وأنا عبالي عندك سالفه مهمه !
وش صار مع نايف ؟!
بدر هز كتوفه: والله ما أدري آخر شيء عمها يقول ما في زواج والطفلة خذوها إن بغيتم !
ام جواد عبست ملامحها :- مين يقوم فيها ...من غير أمها لا يجيب بزران وابتلش فيهم !
بدر : ما ادري عنهم !
الحين خلينا بالزفت إلي هربت!
••
**
**
**
واخيرا وصلت للعماره ..دخلت وهي للحين تلهث ..دخلت الشقة وأول ما شافت مروان تكلمت : انزل حاسب صاحب سياره الأجرة !
مروان بانذهال : انت هنا !
قاطعته وهي تتنهد براحه : انزل
طلعت ام مرعي لما سمعت صوتها بخوف تكلمت : انت وين طسيتي !
عمك قالب الدنيا عليك !
دق قلبها بقوة من المشكله الثانيه إلي وقعت فيها ...وقع نظرها على قدر إلي ركضت لها بقوة وحضنتها ...مسحت على شعرها : جدتي انا
قاطعها دخول عمها بغضب : الحمد لله على السلامه
التفتت له بلعت ريقها لما شافت ملامحه ....تكلمت بسرعه وهي تنزل النقاب : اسمعني قبل كل شيء !
ام مرعي شهقت بصدمه : مين عمل فيك كذا جعل يده للكسر !
رونق بدأت دموعها تنزل : ما اعرف كنت واقفه انتظر مروان فجأه سحبني واحد بقوة خارج المكان وأخذني لبيتهم وهو يصرخ وغصب عني دخلني بيتهم ونزل يضرب فيني أبوه ما أدري وش يبغون مني !
مرعي ما دخلت السالفه رأسه ..وبرعب من الأفكار السوداء إلي غزت رأسه وش يضمن انهم ما اعتدوا عليها ..هز رأسه بعنف من هالأفكار ...تكلم بحزم ما عنده إلا هالحل : جهزي نفسك الحين نطلع للمحكمه وترجعين لنايف
قاطعته بقوة: على جثتي ما ارجع له ...تبغى ترجعني اذبحني الحين وريحني من حياة الشقا
ام مرعي تبكي : يا رب لطفك
مرعي زفر بضيق : قومي معك ساعة نتجهز ونرجع للقرية
ناظرت عمها وبدأت احلامها تتلاشى بهذا القرار ..حاليا ما لها إلا هذا الحل !
قاطعه مروان من خلفه : عمي خذ جدتي للقرية وانا ورونق نكمل دراستنا هنا ونرجع
قاطعه وهو يلتفت عليه برفض وملامحه غاضبه :كيف تبغاني ارتاح
قاطعه وهو يحاول يقنعه: هذا حنا جلسنا طول هالمده لوحدنا لا تقول جدتي معنا تراها من لما وصلنا ما طلعت من هنا .... حنا لوحدنا نطلع ونرجع ما رح يصير فينا شيء
عمي لا تحسسني إني بزر ما يعتمد عليه !
تراني كبير ورونق أنا محرم لها ومسؤول عنها !
مشكور رعيتنا انت وجدتي حتى كبرنا والحين نقدر نعتمد عى انفسنا !
ام مرعي قلبها ما يقدر يتركهم لوحدهم : بس
رونق برجاء :ارجوك جدتي ما توقفين بوجه أحلامي!
ام مرعي برفض للحين تشوفهم صغار: ما ارتاح هذا انت انخطفت
قاطعتها رونق : ما رح تتكرر صدقيني ما ينخاف علي هذا أنا رجعت جدتي
مرعي برفض : وش يضمن انهم ما يرجعون لك ..الحين نشتكي عليهم تعرفي اسمه او مكان بيتهم !
ردت : ايه اسمه عبود بس هذا إلي اعرفه
مرعي بغضب : رونق !
تستهبلين!
ردت بعجز: هذا الي أعرفه أبوه اتوقع اسمه جاد والله ما ادري نسيت !
مرعي بحزم : قومي الحين راجعين للقريه وش يضمن لي ما يرجعون لك !
لا تخافين متى ما كملت الثانوي أنا أدبر أمور دراستك الحين قومي !
هزت رأسها باستسلام ما لها إلا هذا الحل !
**
••
**
ابو جواد بقهر : أنا آخر عمري ينضحك علي !
نايف بلامبالاه ،: يا يبه بقلعتهم انا مب ناقصني مشاكل متى ما كبرت البنت ارجعها لي !
خليها تخيس بالقرية وانتهينا !
راكان لو كان مكانهم كان تصرفه غير ...لكن الحين ما له دخل : هذا شيء راجع لكم ...تبغون الحين ارجعه مثل الكلب هو وابنة اخوه ويعتذرون ما عندي مشكله
نايف قبل ما يتكلم أبوه : لا لا انا وحده ومطلعه روحي ما لي حيل اجلس حكم بين اثنتين !
راكان مط شفته : لأنك ارنب. !
ما تعرف للحريم لأنهم إذا ما اعطيتهم العين الحمراء من اول يوم ما ينفع معهم !
نايف مط شفته : يا أخي أنا قلبي رهيف ومب شرير مثلك !
ابو جواد رن جواله ...رد بهدوء.: هلا جواد .....ليه .....صاير شيء ....وش تقول .....طيب بعدين أفهم السالفه الحين اروح أشوفها ...لما ارجع يصير خير !
قفل الخط وهو يهم بالمغادره ...نايف باستغراب: صاير شيء ؟!
ابو جواد بهدوء: لا بس جواد يبغى ارجع مريم بطريقي !
استأذن ابو جواد وغادر المكان !
راكان بهدوء وهو يناظر من الشباك : للحين بعده قلبك عند ابنة عمتي !
نايف تنهد بالرغم انه راكان ما كانت العلاقه قويه بينهم الا نايف بعادته ما يعرف يسكت ...لكن هالمرة تكلم بأمور ما تكلم لأحد فيها إلا لأحمد امين اسراره : كان البيت فاضي كلهم طالعين استغربت من البنت إلي جالسه بالمطبخ وهبت فيني لأني دخلت بدون استئذان ..لمحتها لمحه بسيطه ...كانت تكلمني وكأني طفل صغير بأسلوب الآمر !
كلمتها وكل فكري انها ابنة ام محمد إلي تشتغل عندنا !
عيونها كانت فتنه !
تكلمني و تسأليني عن اهلي وخاصه جواد ...كانت تسأل عنه بشكل خلاني أشك إنها تحوم حوله !
ما كنت أدري إنها زوجته !
بالبدايه قررت ألعب عليها مثل باقي البنات ...خاصة لما طلبت رقمي !
وقتها حسيت نفسي وصلت القمر إنها هي إلي بادرت وأخذت رقمي !
هي كانت نيتها صافيه تبغى تستغلني بالأبحاث بما إننا نفس التخصص !
ما أدري انجذبت لها بما إننا بنفس العمر تقريبا !
بدأت أرسل لها صور لي وكلام وخرابيط ..ما كنت أدري انه الجوال رح يوقع بيد جواد
مط شفته بسخريه : كنت مراهق غبي !
المهم التقيت فيها وطلبت مني جوال وخط بدون علم احد ...تواصلت معها بأمور عن العائلة صارت ...بالرغم من جلافتها وأسلوبها الحاد معي الا اني وقعت بشباكها !
حبيت زوجة اخوي بدون ما أدري !
كانت صدمه لما اكتشفت هالشيء !
وبنفس الوقت كان عندي دافع من داخلي اخطبها بعد ما طلقها جواد !
كلهم وقفوا ضدي !
عقولهم متحجره !
دامه مب حرام ليه حرموه !
ولما اصريت اتزوجها غصب عنهم كان رفضها لي ورفض أهلها قاسي على مراهق مثلي !
اول حب صادق نما بقلبي دمروه بقسوة !
مشكلتنا المجتمع يحكمه العيب أكثر من الحلال والحرام !
نحرم اشياء كثيره من باب العيب مع انها بالدين حلال !
مجتمع متخلف !
وقتها صار عندي بلا مبالاه وما عاد يهمني شيء !
قاطعت اهلي فتره طويله واختار وقت الزياره ما يكون اخواني موجودين أسلم على أمي ...وارجع للفساد إلي غرقت فيه
ارتكب الحرام بدون ما يرتجف لي جفن !
حتى وقعت على راسي وطحت برونق وتزوجتها !
ما أنكر لها ولأهلها فضل بسببهم رجعت لعقلي وتركت ذيك الطرق !
ما ادري تذكرني بالجازي تدري هذه البزر تتكلم معي وكأني شغال عندها !
نفس ما كانت تتكلم معي الجازي !
طريقة كلامها معي وكأني شيء تافه وهي شيء عظيم !
ما ادري ليه رافعه خشومها للسماء !،
يا أخي أنا ما أدري كلما اتذكر زواجي منها شيء يكتم على صدري ما أعرف سببه !
احس نفسي اكرهها مع إني ما جلست معها إلا فتره قصيره !
ما أدري وش هالمشاعر المتضاربه بداخلي !
زفر بضيق : عطلتك بثرثرتي !
ابتسم راكان : لا ابدا !،
**
**
•*
*•
لبست وتجهزت وهي تناظر أمها : اتفقت معهم اجلس على الأقل أسبوع لوقت رجوع عمي فياض !
الجازي ناظرتها وابتسمت وهي تحس بمشاعرها القديمه بدأت تحيا من جديد : مب مشكله تعوضيها مره ثانيه!
مريم اقتربت من الجازي وقبلتها على رأسها وفارق الطول واضح بينهم والله مب مصدقه إنك أمي صغيره والله صغيره!!
الجازي توسعت ابتسامتها وهي تتخيل شق التوام الثاني لمريم على قيد الحياه ...ويرجعون لها وقتها سعادتها ما رح توصف !
مريم بابتسامه وهي تقترب من وسيم وتقبله : رح اشتاق لك !
وسيم يمسح مكان القبله : خلاص اذا اشتقنا لك حنا نزورك انت لا تزورينا !
ضحكت الجازي عليه : وبعدين معك !
مريم قرصت خد أخوها الثاني : تعال زوروني عندي اشياء كثيره تحبوها !
الجازي ردت على جوالها بهدوء: هلا خالي .....الحين تطلع ....مع السلامه!
خالي ينتظرك انتبهي على نفسك !
ابتسمت وغادرت وهي تحس بمشاعر جميله بدأت تتولد تجاه أمها!
ركبت مع جدها..ردت السلام بروقان ...رد أبو جواد السلام باستغراب نطق : وش فيه أبوك معصب!
مريم باستغراب : ما ادري عنه !،
ما كلمته حتى أعرف !
ابو جواد زاد استغرابه : متأكدة !
هزت رأسها بتأكيد !
مستغربه وش فيه ... أبوها معصب ..دق قلبها بخوف ..ما تحب تشوف عصبية أبوها ..تحس يصيبها مغص !
بدات تستغفر وعقلها يفكر وخصوصا وهي تشوف جدها سارح والانزعاج باين عليه !
**
**
**
ماسك قبضة يده بقوة ما يضمن نفسه يطلعها اليوم جنازة على عملتها ...كيف تهرب ووتتحداه كذا
ام جواد بضيق خايفه من انفعال جواد: انت هدي هذا أبوك جابها !
الحين نفهم منها ليه تصرفت كذا !
الجازي تحاول تهدي الوضع : الضرب مب حل
قاطعها بحده : انا اعرف كيف اتصرف
ام جواد بتنبيه: تصرف بهدوء ما نبغى العالم تسمعنا !
البنت بعدها صغيره ما ودنا يطلع عليها كلام
سكتت لما دخل ابو جواد ومريم خلفه :وش صاير !
تقدمت مريم وهي ترد السلام بخوف : السلام عليكم !
جواد تقدم خطوة وبصوت أرعب مريم : ابغى تفسير واحد لكل تصرفاتك المجنونة جاوبي قبل ما ابتلش فيك !
عبدالله وقف جنب ابوه : بدون كذب !
ابو جواد تنرفز وفقد اعصابه مب فاهم شيء: وش صاير !
مريم كشفت عن وجهها وبدأت الدموع تنذر بالنزول : والله ما اعرف شيء ! والله ما عملت شيء
الجازي فتحت عيونها بصدمه وناظرت جواد : جواد
جواد حس بالصدمه شلت حركته مريم ما في وجهها أثار ضرب متأكد وجهها كان معدوم من الضرب !
كيف صار كذا !
مريم بدأت تبكي وظنت عصبية أبوها لأنها جلست عند أمها تكلمت بتبرير: انت وعدتني يا بابا اجلس عند ماما اسبوع ما طلعت بدون اذنك !
ام جواد اقتربت وهي تتذكر إنه جنب عينها في ضربه باينه من تحت النقاب ...اقتربت من مريم وغطت وجهها ما في اثر للضربه !
لحظه مريم باين من تحت النقاب بياضها الناصع !
صحيح إلي شافتها اليوم نفس عيون مريم بس ما هي ببياضها !
التفتت لجواد وسألت بتوجس : انت متأكد !
**
**
**
**
جلست في بيتهم وهي تحس نفسها وكأنها سنوات طويله ما دخلت القرية !،
ام مرعي بتعب: قومي يمه اعمل شيء نأكله ذبحنا الجوع !
رونق تمددت على طولها : انتظري شوي ارتاح
مروان ناظر الكدمات بوجه اخته : ارتاحي انا اجهز لكم!،
ناظرته بامتنان : مشكور!،
ام مرعي جلست على الأرض: حسبي الله عليه جعل يده للكسر يوم ضربك !
وش يبغون منك !
رونق وهي تمسح على شعر قدر إلي نايمه جنبها : ما ادري وش يبغون مني !
يقولون لي مريم !
اااااه من ليله الأمس عشت احداث مرعبة !
تخيلي نفسك مع ناس يتعاملون معك على انهم يعرفونك بس أنا ما أعرفهم!،
اقولهم أنا مب ابنتكم بس عقلهم ما يستوعبون الكلام !
ام مرعي بهتت ملامحها للحظة من هالكلام ...كيف يظنون إنها ابنتهم !
لولا إنها متاكده إنها حفيدتها وباسم ولدها كان شكت بالسالفه !
نطقت بهدوء: يخلق من الشبه 40
رونق بروح ميته: يمكن
ام مرعي بتساؤل : كيف شكلهم :!
رونق بوجع من أعماقها : ما ادري ما دققت من صعوبة الموقف...ما فكرت بذي الامور !
كان عقلي يشتغل كيف اهرب بس هذا إلي كان يدور بعقلي !
كانت لحظات عصيبة جعلها ما تنعاد !
*•
**
**
جواد جالس بمكتب أبوه ...لحظه ويوصل للجنون!
عبود مب فاهم عليهم : كيف مب مريم !
أنا متأكد إنها هي يمكن وضعت علاج يخفي اماكن الضرب
جواد قاطعه : اسكت اسكت!
واطلع من وجهي !
عبود حاس بوزه وطلع من المكان!
ام جواد تحس فمها صار مر من الاحداث : طيب ما حسيتم فرق بينهم ملابسهم على الأقل !
جواد هز راسه بالنفي : ما شالت العباية عن جسمها !
ابو جواد بحيره :وش تتوقع
جواد شوي ويبكي: اقولك فوله وانقسمت نصفين نفس ملامح مريم ما في فرق !
حتى لون البشرة من كثر التشابه بينهم ما انتبهت له لاني نزلت فيها ضرب ووجهها صار الوان فما لاحظنا هالشيء!
بدر بضيق : لا حول ولا قوة الا بالله !
جواد بضعف : حسبي الله عليك يا الجازي ضيعتي البنات أنا متأكد إنها شق التوأم
ام جواد فتحت عيونها : مستحيل كيف !
مب دفنتوها !
جواد بصوت مخنوق :دفناها يا يمه !
انا عقلي رح ينجن !
بدر بتفكير: يمكن احد متزوج بالسر من العائله وهذه ابنته
ابوجواد ونار بقلبه من هالكلام: بدون كلام سخيف !
الحين ما في حل إلا نلقاها مره ثانيه والفحص هو إلي بيظهر الحقائق المدفونة !
ام جواد تحس ضغطها ارتفع من الكلام : يا ربي لطفك !
انا والله لما نزلت علينا تصرخ حسيت في شيء غلط بالموضوع مريم ما تعمل كذا !
جواد باختناق : حتى الصوت نفسه !
انا رح انفجر ابنتي عايشه بعيد عني عند ناس مب اهلها ..الله يستر من تربيتها !،
بدر و هو يناظر مقطع الفيديو : لو الشاب إلي معها صورته واضحه كان قدرنا نوصل له !
حتى البنت صورتها مب واضحه ما ادري كيف عبود ميزها !
قفل الجوال ومده لجواد : مثل ما التقيتم معها مرتين رح تلقونها أكيد إنها تعيش بهذه المنطقه !
جواد :من الحين رح ابحث عنها
ام جواد بأمل : شوف راكان
قاطعها :راكان يقول ما ينفع كذا !
ابو جواد بغم وهم : لا حول ولا قوة الا بالله ....احس هالسالفه هدتني هد .... .المهم السالفه ما تطلع من هنا !
جواد وجهه اسود من السالفه : أكيد !
*•
**
***
مريم بعدم اقتناع : الحين ساحبيني من بيت امي ومعصبين وبالأخير تقولون ما في شيء!-
تراها ما دخلت رأسي!
وتسألوني اسئله غريبه !
الجازي بهدوء وهي تقارن بين مريم وبين البنت ..ما في فروق العيون نفسها ...الانف ..الفم ..الوجه نفس الشكل ما في فرق الا بلون البشره وما هو ذاك الفرق ....كيف ما قدرت تميز بينهم ...لو كانت امهم اكيد كان فرقت بينهم ...ردت بنبره هاديه : يا مريم أقولك أبوك نسي انه أرسلك لامك وعصب بس علشان كذا !
مريم رفعت حاجب : بس عبود كان يبغى يقول شيء وبابا ما خلاه يتكلم !
الجازي تصرف السالفه : انت تعرفين عبود مندفع دوم الحين قومي ادرسي احسن لك
مريم رفعت حاجب بتذكر : مين نام على سريري معفوس
قاطعتها الجازي بتورط : اسفه اختك لين نامت عليه ونسيت ارتبه لك !
مريم : مب مشكله وينها الدبه من لما رجعت ما شفتها !
الجازي تنهدت براحه: عند مروة اخذتها تلاعبها !
••
*•
*•
واقفه عند العربايه ومعها كرتونه تهف على نفسها : ورجعنا لأيامك يا بسطه !
كنت بالشركه نعمه مكيف والجو من الآخر !
صحيح ما رديت خبر للمدير اني ما رح ارجع !
كتبت رساله له وأرسلتها ....قفلت الجوال لما شافت لجين متوجهة لها مع بزرانها !
لجين ردت السلام وهي تعلك : سلام !
رونق بهدوء ردت وهي تشوف عيالها معها ثلاثه سبحان الله بعد زواجها جاء نصيب لجين وتزوجت مباشره : هلا
لجين وهي تعبث بالبضاعة : مسرع ما فتحتم البسطه دوبكم يومين راجعين !
رونق بهدوء: باب رزقنا !
لجين : عاد تدرين ام فتحي فتحت بسطه من صباح ربنا تجلس ..غريب للحين ما جاءت !
المهم كلمينا عن مغامراتك بالمدينة وكيف نفسيتك بعد الطلاق !
رونق بانزعاج من ثرثرتها ما تدري مب طايقه احد وما لها نفس تتكلم مع احد ...ردت بضجر : لجين وبعدين معك !
ترى أخلاقي قافله واصله لهنا !
لجين وهي تجلس على الأرض وبحضنها ولدها: دامك متضايقة عليه ليه اصريتي على الطلاق وليه ما رجعت له ترى ابوي خبرنا إنك رفضت ترجعين له !
غبيه أحد يصح له يعيش برفاهيه يرفض ويرجع للفقر !
شوفي عيالي مساكين انحرموا أشياء كثيره أبوهم يوم يشتغل وعشره لا !
اتمنى يكون عندي فلوس واشتري لهم كل شيء بنفسهم !
وانت ترفسين النعمة !
رونق رفعت حاجب: ايه ارفضها !
ان بغيتي هالنعمه تطلقي ومن باكر اقوله يخطبك!
لا تكونين سطحيه وغبيه !
وش أبغى بجماله وماله ؟!
لجين مطت شفتها :على الأقل تتصبحي بوجه يفتح النفس ماهو مثل إلي عندي تظنين إنه من أهل الكهف
رونق بعدم اقتناع: لا اتزوج فقير منتف جوكر ولا غني
قاطعتها لجين : انت الغبيه الحين كل الاغنياء سيئين؟!
طبعا لا !
ومب كل الفقراء ملائكة بالأخلاق !
هذا انا زوجي مب حلو وفقير مطفر ما معه فلس واخلاقه زباله وأهله ألعن منه !
يلا قولي وش استفدت من فقره !
اتزوج الغني على الاقل لو كان سيء استفيد من فلوسه !
رونق مطت شفتها بسخرية: وليه ما نلاقي رجال تجتمع فيه الصفات المثالية !
لجين كشت عليها : اصحي يا حلوة من وين رح تلاقينه هالملك !
رونق بهدوء : على الاقل ما رح اتزوج زواج تقليدي لو فكرت بالزواج مره ثانيه !
اصلا ما افكر بالزواج ..ابغى اربي قدر والحمد لله رب العالمين !
لجين بضحكه : شدي حيلك هذا أبو فضة الاسبوع إلي طاف ترمل ...روحي لجهة بيتهم امشي واستعرضي طولك واجلسي تحت شجرة النخل والغنم من حولكم ترش عليكم اجمل العطور الفاخرة الدسمة بريحة
قاطعتها رونق بضجر: يا سخفك !
شوفي بزرانك يلعبون هناك !
لجين بقلب ميت: الله معهم ترى قرفت من الركض خلفهم !
امي البارحه تقول ابوي يفكر يزوجك لعزوز اخوي
رونق بلامبالاه : ذكريني أشتري له رضاعه !
لجين ضحكت من قلبها : يعني أبوي حامل همك ويبغى يرتاح !
يا اخي مجتمعنا هنا يفكر اذا ما زوج البنت رح تجيب له مصيبه
يخافون من العار !
رونق رنت الكلمة بإذنها ودب بقلبها الخوف وهي تتذكر انها نامت عند الناس إلي خطفوها !
معقول صار لها شيء وهي نايمه !
بلعت ريقها برعب بدون ما تركز او تنتبه لكلام لجين !
صار عقلها يرسم لها افلام رعب!
هزت رأسها بالنفي ما رح تسمح لهذه الأفكار تغزو رأسها اصلا عاملوها وكأنها ابنتهم وطالعه بدون اذن احد !
متى ترتاح من هالكوابيس متى !
***
***
**
مرت الايام ومريم تجهز نفسها للدخول للجامعه بعد ما حصلت نسبه جيده اهلتها تدخل بقسم الآداب بتخصص لغة انجليزية!
جواد بتنبيه : ما هو كل بنت شفتيها على طول تصادقيها في بنات الله يستر عليهم ...بنات عمك بنفس الجامعه تقدري تقضي الوقت معهم !
البنت احلى ما فيها اخلاقها !
قاطعته الجازي بملل من كلامه صار مكرره الف مره : قول هالكلام لولدك!
عبود جالس بأريحية : الحمد لله ما احتاج احد يوصيني لأني قبل ما أغلط أتذكر اخواتي !
مريم ناظرته وبداخلها رح تنفجر من غروره ...بس ما تقدر تعلق بكلمه وحده وخاصه بعد ما طلع لعبود يدرس قانون !
جواد يناظره بفخر : هذا المحامي عبدالله بن جواد
قاطعته مريم بتردد : وش فيها لو درست قانون
قاطعها عبود بغيره: علشان اذبحك واشرب من دمك !
هذا إلي ناقص باكر تتخرجين وتفتحين مكتب ما شاء الله والرجال داخله خارجه من عندك حتى تحلي قضاياهم وكأنه الرجال خلصت من الدنيا !
وكل يوم ناطه بالمحكمة ومراكز الشرطه لا يا حلوة مجرد التفكير ممنوع !
مريم بقهر ما اظهرته : وليه انت تختلط بالحريم إلي يبغون تحل قضاياهم
قاطعها بغرور : انا رجال وفهمك كفاية!
جواد بهدوء: يا ابنتي البنت في بيتها بعيد عن الاختلاط اريح لرأسها باكر تصيرين أحلى معلمة لغة انجليزيه
مريم كتمت قهرها : ان شاء الله !
الجازي بسعادة وهي تناظر عبود ومريم اكملوا الثانويه والحين رح يتوجهوا للجامعه !
همست بالحمد على هذه النعمه!
مريم استأذنت وطلعت لعند مروة !
جواد وهو يناظرها نار مولعه بداخله ....للحين ما لقى لها اي اثر !
ما يترك المول إلي وجدها عبود فيه لعل وعسى لكن ما لها اي اثر !
الجازي إلي فهمت نظراته: ربك كريم !
ان كانت هي اكيد رح ترجع طال العمر والا قصر !
عبود مب مقتنع: يا يبه والله انها مريم انتم وش فيكم !
الله اعلم وش وضعت لها أمها أخفت الخرابيط!
أنا متأكد إنها مريم !
جواد بنفي: ما هي مريم انا متأكد إنها شق التوام لكن كيف ما أعرف !
لازم ألقاها بأي وسيله !
**
**
أبو جواد بغضب : كيف يعني اقولك روح جيب البنت خليها تجلس اسبوع هنا
نايف برجاء : يا يبه فكني من المشاكل!
وين احطها :!
سعاد مستحيل ترضى وامي نفس الشيء!
خليها عند أمها !
ابو جواد بقهر: أنا ما أدري عقلك هذا كيف يفكر !
جواد إلي دخل على كلامهم : كيف ترضى ابنتك تعيش بعيد عنك !
على الاقل المفروض تزورها مره بالاسبوع خليها تعرف وتحس إنه عندها أب مثل باقي الصغار !
يا أخي ابرد من دمك عيني ما شافت !
ابو جواد بضجر: نفسي ارتاح من همك بس !
نايف بضجر : خلاص انا نهاية الاسبوع انزل للقرية واشوف البنت بس خلاص بدون ما تعملون لي سالفه !
**
**
**
**
لها يومين هنا بعد ما تم قبولها بالجامعه !
كانت خايفه انه عمها يعارض ..لكن الحمد لله كل شيء مثل ما تبغى وأفضل !
ناظرت مروان يلاعب قدر: بالله هنا ما هو افضل !
مروان بتساؤل وطنش سؤالها: هذه الحلوة وين رح تحطينها !
تابع كلامه بتفكير : وش رايك الصبح نأخذها لبيت جدها ولما نرجع نأخذها مب قلت أبوها اتصل بعمي يبغى يشوف البنت!
رونق برفض : لا
سجلتها بحضانه
قاطعها بتساؤل :من وين لك فلوس
ردت بهدوء : من ابوها
تكلم بقلق ،،: بس ما تخافين يعرفونك إلي خطفوك
قاطعته براحه : لا تخاف رح اتنكر حتى اضمن ما احد يعرفني !
اكيد لقوا ابنتهم الضايعه !
مروان رفع حاجب بنغزه: تدرين أنا محتار بأمر ... إذا ايام المدرسه زمان كنت تجلسين على المرايه سنة قبل ما تطلعين الحين متى رح تطلعين اكيد رح يخلص الدوام
قاطعته وهي تخزه بعيونها: يا سخفك !
المهم الحين اروح اكلم مدير الشركه يمكن يقبل يرجعني للشركه !
تركته وتوجهت للغرفه اتصلت على رقمه وقلبها يدق بتوتر .... آخر رنه رد بهدوء: الو
ردت بصوت متوتر : السلام عليكم استاذ فياض انا
قاطعها بنفس الهدوء: هلا رونق حياك تفضلي يا ابنتي !
رونق كتمت نفسها للحظات هالانسان تحبه لدرجه مب طبيعيه تحسه وكأنه اخوها او أبوها بتعامله الراقي : اسفه على الازعاج بس كنت ابغى استفسر إذا أقدر ارجع للشغل لأني مثل ما قلت لك من قبل انا رجعت للقريه لظرف طارئ
رد وهو رافع حاجب ما ارتاح لنبرة اللهفه إلي يحسها بصوتها وهي تكلمه ...تعمد يتكلم وهو يذكرها إنها مثل ابنته : حياك الله يا ابنتي بأي وقت وظيفتك موجوده
قاطعته بنبره ما عجبت فياض : بس انا ما اقدر اداوم كل يوم
ما يدري ليه مب مرتاح لاتصالها شيءبداخله حثه يصرفها : صعب والله
عفست ملامحها باحباط: اعتذر مره ثانيه مشكور يا استاذ
قاطعها وهو يحس بتأنيب ضمير: كم يوم تقدرين تداومي بالشركة ؟!
ردت بهدوء: انا سجلت بالجامعه وضعي المادي يحتم علي اشتغل
قاطعها بسرعه : لحظة
خليك على الخط دقيقة !
استغربت لما وضعها انتظار اكيد عنده اتصال اهم !
رددت بهمس يا رب فرجها علي !
رجع على الخط بعد دقائق وبهدوء تكلم : عفوا وين كنا نتكلم !
رونق بإحباط : كنا نتكلم عن الوظيفه ايام معينه بالأسبوع
تكلم بهدوء ما يقدر يعطيها راتب كامل وخاصه مع دخول شريك معهم رح يعطيها من اسهمهم مساعده لوجه الله : شوفي تقدرين تداومين يومين بالأسبوع تحدديهم انت لكن بالمقابل الراتب اقل !
ردت بتوجس : كم ؟!
فياض بهدوء : رح يكون الراتب «....»
سكتت للحظات وهي تفكر بملتزماتها وتقسيم هالراتب عليهم ..ردت برضى يعني هالراتب يمشي حالها : موافقه !
رد بهدوء : على بركة الله
انهت الاتصال وهي تحس حماسها انطفى بعد المكالمه ما تدري ليه !
رح تتواصل مع نايف يرسل لقدر مصروف على الأقل يساعد بالمصاريف ما تبغى تنقص عليها شيء!
كلما تتذكر الجامعة تحس بداخلها خوف وتردد من الحياه القادمة !
**
**
**
فياض قفل الخط منها ورجع يتصل براكان : الو
راكان بضحكه : اشوفك مشغول
فياض مب رايق: الحين كمل وين وصلتم ؟
راكان بجديه: مثل ما قلت لك المحامي يقول نهاية الاسبوع رح تكون الجلسه الاخيره لا تخاف كل الادلة معنا انه مختلس!
فياض عقد حواجبه بضجر : ما اطول حبال المحكمه !
متى نخلص من ذي هالقضية !
على كل حال مشكور يا راكان
راكان بابتسامه : حنا بالخدمة يا ابو وسيم !
فياض تنهد وهو يمسح على وجهه : ربي يبارك بك !
نردها لك بعرسك إن شاء الله ...مب ناوي تتزوج !
راكان بروقان : إذا حولك عروس مزيونه حنا بالخدمه
فياض ابتسم : انتم ما تتزوجون إلا من العائله ليه أغلب نفسي !
راكان بضحكة : لا مب شرط لا تنسى اني ناوي أتزوج اربعه مب مشكله اذا كانت وحده من برا العائله !
فياض ابتسم : وش رأيك بمطلقه أو أرمله تأخذ أجر !
ضحك راكان : انت اخذت مطلقه وش شعورك تنصحنا وإلا
فياض تنهد بجديه : انا كنت اقول مستحيل اتزوج وحده مطلقه حتى لو كانت مخطوبة بدون زواج !
لكن سبحان الله الأقدار ساقتني لابنة خالي اتزوجها مطلقه وعندها بنت كمان!
لا تجلس تتشرط لانك ما تعرف نصيبك مع مين يمكن الحين جالسه مع زوجها هههههههه
راكان بهدوء: صحيح هذا النصيب !
ما فكرت ترجع علاقتك بجواد مثل أول
قاطعه فياض وهو يجلس : لا تظن انه من السهل تبعد عن صديق عمرك بذي السهوله ..لكن جواد ركب رأسه وكبر الموضوع اكبر من حجمه ...دامك تبغاها ليه طلقتها !
وقلت له لو كنت ادري انها كانت على ذمتك ما خطبتها !
لكن ولد عمك رأسه يابس مب قادر يفهم !
مرت الأيام وكل واحد تابع حياته بطريق !
راكان تنهد وعقله يشتغل بالإنسانه إلي فرقت صديقين عن بعض !!!
تكلم بهدوء:: عسى ترجع المويه لمجاريها وتهدى النفوس !،
فياض من قلب : امين !
**
**
**
••
رونق عقدت حواجبها من رده ..وبحده نطقت
: اسمعني زين أنا اكلمك باحترام تتكلم باحترام اقولك سجلتها بالروضه مب انت أبوها فعليك ترسل أقساط الروضة
قاطعها بحده من أسلوبها وكأنها تتأمر عليه : اصلا مين سمح لك ترسليها للروضه ما اتوقع انه موعد دخولها الروضة الحين !
ردت بهدوء : اوكي خلاص انا كل يوم ارسلها لبيتكم لوقت رجوعي من الدوام لبعد العصر وأخذها اتفقنا !
وبنبره غاضبه نقز نايف منها ..وهي تتابع كلامها: اقولك يا بني آدم أنا حاطها بحضانه بنفس الروضة تفهم وإلا ما تفهم !
نايف ما يبغى تحطها عنده و يتورط ما في احد يهتم فيها ..رد بضجر: خلاص أرسلي كم المبلغ بدون ما تتصلين
قاطعته بحده : إلزم حدك لو بغيتك كان رجعت لك !
أتوقع أرسلت لك البارحه رساله وطنشت فلا تجلس ترمي كلام أفضل لك !
زفر بقهر من أسلوبها المستفز نفسه تكون قدامه ويوجه بوكس بنص وجهها : خلاص انت أرسلي وأنا أبعث لك !
قفلت الخط بوجهه رونق بضجر لما شافت البنات دخلوا القاعه!
تأففت منه ما ينطاق هالانسان تحمد ربها إنها تطلقت منه !
جلست على أحد المقاعد وأخرجت مرايه صغيره تناظر نفسها وتعدل النقاب !
ناظرت وحده من البنات تناظرها ...مطت شفتها رونق ليه تناظر شايفه عريس وإلا عروس !
رجعت المرايه لمكانها وهي تناظر حولها ...تحس نفسها غريبه لكن بنفس الوقت رح تثبت وجودها بالمجتمع ويا جبل ما تهزك ريح !
دخل الدكتور كان رجال كبير بالسن وبدأ بالتعريف بالمساق وأمور الانضباط من حيث الحضور والغياب ....
انتهت المحاضره وكانت خفيفه على الجازي لأنها متحمسه لمستقبلها !
ناظرت الساعه عندها محاضرة الحين وبسرعه توجهت للكلية حتى تلحق عليها !
تتغلب لأنها جديده على الجامعه وما تعرف الاماكن !
واخيرا وصلت للقاعة وهي تناظر ورقة بيدها حتى تتأكد إنها نفسها القاعه ...تنهدت براحه وأخيراً وصلت !
دخلت وكان اغلب المقاعد مليانه ...توجهت للمقاعد الفارغة وجلست وهي تلتقط اكبر قدر من الهواء !
عفست ملامحها وهي تشوفه داخل القاعة ...ضربت راسها ما انتبهت لما سجلت !
وكأنه ناقصها هالإنسان ما صدقت تترك الشغل عنده !
لحظه هو محامي وش دخله بهذا القسم ؟!
رد السلام بهدوء ورحب بالطلاب وبدا يتكلم عن المساق والامور المتعلقه فيه
تكلم بهدوء: رح اسجل حضور وغياب وإلي حضروا رح يكون لهم علامه زياده!
بدأت همسات البنات بفرح
قاطعهم بحزم: هدوووووووء-
تكلم بصوت مرتفع : امنه ....
بدأ يقرأ بالأسماء وأخيرا وصل لاسمها !
_رونق خالد
رفعت يدها بهدوء !
تكلم بحزم : اتمنى الموجود يرد بنعم موجوده!
رونق انقهرت منه ومن نظرته وكأنه يستحقرها او هي تتخيل كذا ردت بثقه وقوة : نعم موجوده !
انتقل للاسم إلي بعده بدون ما ينتظر ردها
أكمل حضور وغياب وهو يتكلم بأسلوب هادي : اتمنى منكم الاجتهاد ...الطب يحتاج لشخص فطين وذكي حتى يقدر يتعامل مع الأمراض ويقدر ينقذ الأرواح هذا التخصص مب تسليه او تغيير جو اتمنى منكم الاجتهاد والمثابره !
يعطيكم العافيه !
وقفت رونق وهي تجمع أغراضها ...وطلعت وهي ناويه تتوجه لرئيس القسم عندها بعض الاستفسارات !
بعد وقت قصير كانت عند رئيس قسمها يشرح لها عن استفساراتها
سكت للحظة وهو يتكلم :هلا بالدكتور زياد !
زياد بثقل : الله يحييك!
تلقائيا ناظر البنت إلي واقفه بالمكتب ...رفع حاحب وهو يشوف العيون الخضراء والكحله بعيونها والنقاب فتحته واسعه ما في كلمه توصف منظرها الا كلمه وحده «فتنة»
جمال عيونها ساحر بالكحله !
مع ذلك ما ناظرها بإعجاب انما بنظرات احتقار يكره هالفئة من البنات الي تستعرض مفاتنها حتى تفتن الشباب من حولها !
تكلمت بصوت واثق بدون ماتناظره وهي تكلم رئيس القسم : مشكور دكتور
قبل ما تطلع وقعت عينها عليه ..فتحت عيونها باستنكار وعقلها يردد «زياد»
رئيس القسم وهو يناظرها وهي طالعه : حياك بأي وقت أي استفسار حنا بالخدمة
هزت رأسها وطلعت وهي تمشي بخطوات هاديه ومتزنه!
وعقلها يفكر بالشخص إلي يشبه راكان كثير بالقاعه ظنت انه راكان
لكن الحين عن قرب في اختلاف بينهم لكن الشبه واضح بينهم !
جلس رئيس القسم ليتكلم : هذه الوجوه إلي تفتح النفس !
زياد مط شفته بعدم رضا وبدأ يخوض بأمور الدراسه والجداول !
خرجت من القسم وهي ما تدري وين تتوجه عندها بريك الحين ...تمشي وعيونها مرفوعه لكن بدون ما تناظر إلي حولها عقلها يفكر بعالمها هي فقط!
##
##
##
جلست بأحد المقاعد تعبث بجوالها ..بدات تدخل مواقع التواصل .....لفت انتباهها اعلان «مطلوب مدرس خصوصي»
لمعت بعقلها فكره ..نقلت الرقم ..غمضت عيونها للحظات تفكر قبل ما تتصل !
عقلها رحب بالفكرة وما يشوف فيها شيء !
فتحت عيونها بهدوء واتصلت على الرقم ..لحظات ويرد عليها بهدوء: الو !
عقدت حواجبها وردت السلام عليكم
رد باستغراب من الصوت الانثوي : وعليكم السلام
مباشره دخلت بالموضوع: المعذرة حضرتك منزل اعلان قاطعها : ايه انا
تكلمت بنفس الهدوء : ممكن اعرف تفاصيل
قاطعها : عفوا المطلوب مدرس مب مدرسه
وبتراجع بعد ما استساغ الفكرة: لحظه
بس بالأول نعرف عن مستواك التعليمي
قاطعته : اهم شيء الخبره مب مهم المستوى التعليمي عندي خبره بهذا المجال افضل من الف مدرس...بس ممكن اعرف عمر الأطفال
قاطعها : التدريس مب للاطفال بصراحه انا ابغى مدرس خصوصي لي انا لمادة الانجليزي انا ثالث عدادي!
عقدت حواجبها صوته يدل إنه أكبر ..ثالث اعدادي بنظرها بزر صغير ...هي تشوف نفسها كبيره !
ردت بهدوء: طيب اقدر اعطيك عنوان البيت وتراجعني حتى اشوف الوضع
قاطعها: انا متعود مدرس الخصوصي هو إلي ييجي
قاطعته بحزم: إذا كذا أنا أعتذر !
رد بسرعه حتى ما يفوت العرض متحمس للفكره : خلاص اوكي أعطيني العنوان
**
**
**
**
مروان عقد حواجبه : نعم
ردت بلامبالاه : وش فيك تناظر كذا !،
اتوقع إنه كل ثالث اعدادي بالقريه اعرفهم وانا كبيره وهم بعدهم بزران
قاطعها بتبرير: مب قصدي لكن العيال إلي بالقريه نعرفهم ونعرف اهلهم ...اما هنا ما نعرف أحد !
مع اختلاطي بالمدرسه بالعيال هنا تحسين إنهم اكبر من عمرهم !
يعني أحس
قاطعته بحماس : وش رح نخسر ؟!
نقابله واذا شفت إنه كبير رح أكنسل الأمر
قاطعها برفض : انسي
ردت باصرار : أنا باكر أقرر خليك انت بدروسك وما عليك من احد !
قدر تردد خلفها الكلام : ما عليك من احد !
باستها رونق بقوة: اموووووت عليها يا ناس،!
ابتسمت قدر وهي تحضن رونق : ماما وين بابا !
رونق عفست ملامحها باشمئزاز : مسافر يا قلبي !
هزت رأسها بطاعه وسكتت !
مروان بتساؤل : ليه ما ترسليها لأبوها ليه تعيش بعيده عن ابوها وهو موجود ..حنا جربنا معنى اليتم !
قاطعته رونق وهي ترفع شعرها بالشباصه : من زين هالاب !
انا لو عندي اب مثله إلا تبريت منه !
مروان مط شفته : يا اختي انت تشوفينه سيء بس مع ابنته ما رح يكون سيء،!
ما هي مثلك انت غريبه عنه اما هذه ابنته تختلف
رونق احتدت ملامحها : ما احد منعه عنها بس هو ما يبغى البنت ولا يسأل عنها !
خلينا كذا أحسن !
**
**
**
•*
ام راكان بابتسامة : كيف الدوام اليوم!
رد بابتسامه: عادي !
ام لؤي : مب ناوي تشوف وحده
ام راكان قاطعتها : من العائله رح يتزوج من برا لا !
ام لؤي : بس يمه افرضي انه عجبته بنت من الطالبات!
زياد برفض : مستحيل اتزوج بنت من هذا التخصص وبعدين بنات العائله عندنا مستورات وما شاء الله الأخلاق !
تشوفين البنات بالجامعه شغل استعراض عنجد وضع مأساوي !
وعفس ملامحه وهو تمر بذاكرته البنت إلي بالمكتب !
راكان وهو يقلب بالجوال : احسن شيء تتزوج بنت تعرف اصلها وفصلها حتى ما تنغش !
ام راكان بابتسامه : ايه صادق والله !
راكان قفل الجوال باهتمام : كيف لؤي بالدراسة ؟!
ام لؤي: الحمد لله الحين سجل عند مدرس خصوصي باكر رح يروح له
قاطعها زياد : وليه المدرس ما ييجي عندكم
ام لؤي هزت كتوفها : يقول هذا المدرس ما يروح للبيوت يعطي الحصص في بيته وشاطر كثير
زياد ما ارتاح للسالفه : وليه ما سجلتيه بمركز ثقافي افضل لك
ام لؤي بعدم اهتمام : رح نجرب الأستاذ هذا الشهر وإن شاء الله خير !
سكتت وهي تشوف حرمه تدخل بهدوء ...ردت السلام وهي تتقدم منهم !
ام راكان بترحيب : هلا ام بندر !
حنين بهدوء: الله يحييك!
ام لؤي بهدوء: كيفك يا عمتي !
حنين بعد ما سلمت عليها : بخير كيفك انت والعيال!
ام لؤي بنفس الهدوء: الحمد لله !
ام راكان اشرت على عيالها : هذول راكان وزياد
سلمت حنين بهدوء وبعدها سألت : وين أمي !
ام راكان بهدوء : دوبها نامت اجلسي حياك الله !
جلست حنين وهي تسأل أم راكان عن الحال والأحوال :!
ام راكان هزت رأسها برضا: والله كلنا بخير !
كيف البنات والعيال ؟
حنين بنبره هادئة: الحمد لله !
ام لؤي ابتسمت: يمكن اول مره تشوفين راكان وزياد
لأنهم عاشوا برا
حنين وهي توزع نظرها بينهم : والله ما اعرفهم وخاصه أمك انجبتهم برا وهم مسافرين
راكان بملامح هاديه وهو يناظر عمته المتمرده مثل ما يسمونها العائله : انا راكان محامي
حنين بمقاطعه : خبرتني الجازي عنك وانت ماسك قضيه لزوجها !،
هز رأسه لذكر الجازي !
تابعت حنين : زياد انت بمستشفى «........»
هز رأسه ورد بجمود : ايه
ام راكان بهدوء : كيف علاقتك مع مريم تزوركم !
حنين مطت شفتها بسخريه : وكأنك ما تعرفين بيت ابو جواد الحقد يسري بدمهم !
يرسلون البنت كم مره وفجأة يبعدونها عن أمها !
تدرين الجازي صار لها اشهر ما شافتها
ام لؤي باقتراح : ليه ما تشوفها في بيت جدي هنا
حنين بضيق : ما تعرفين زوجها يغار عليها من النسمه ما يحب تمر من هذا الطريق مجرد مرور !
وفوق هذا يعني ما يشوف هذا بيت جدها يقول عيال خالك موجودين ويمكن تضايق عليهم !
ام لؤي باستغراب : وكيف تصبر عن بعد البنت طول هالمده اكيد انشغلت وتعلقت بعيالها !
حنين خيم عليها الضيق : انت ام واكيد رح تشعرين بشعورها حرقوا قلبها 18 سنة وللحين مصممين على هالشيء !
والحقود جواد رمى وصية أبوي بعرض الحائط مات وهو يقول لا تحرموا الجازي من مريم !
هزت رأسها بمراره وهي تتابع كلامها: أنا ما أحب اخوض بذي المواضيع !
بس والله ما أسامحهم على عملهم بالجازي كذا !
جرعوها المر والمرار!!
الحمد لله على كل حال !
ربي عوضها ببيت ابو فياض
زياد رفع حاجب بمنطقيه : يا عمتي اكيد تلقينه ما يثق يحط عندها البنت ...ضيعت وحده وماتت والسبب هي فأكيد ما رح يرتاح ويطمئن وخاصة الحين البنت دخلت الجامعه يعني ما حافظت عليها وهي رضيعة كيف تحافظ عليها وهي كبيره !
حنين ناظرته ما عجبها كلامه : هذه أم مهما كان المفروض يراعي مشاعرها والجازي عندها مسؤوليه اكثر من جواد ..هذا الشيء قضاء وقدر من عند ربنا
ام لؤي هزت رأسها : صادقه يا عمتي
على فكره ولا مره التقيت فيها أو شفتها حتى ام فياض لما تزورنا تكون لوحدها بدونها
حنين زمت شفتها : الجازي ما تحب الخروج من البيت لو تشوفينها رح تحبينها !
ام راكان هزت رأسها : اكيد قريب رح أزور أم فياض وأكيد رح أشوفها !
هزت رأسها حنين وبداخلها ما حبت زياد حسته مغرور بزياده !
••
••
**
بالشركة واقفه عند سحر إلي تشرح لها بعض الأمور ...وعقلها يفكر بالتدريس الخصوصي معقول تضبط معها !
سحر بضجر : خذي هذه الأوراق وأعطيهم لمكتب 5
هزت رأسها وطلعت متجاهله همسات سحر وزميلتها على شكلها !،
رفعت رأسها وابتسمت بمحبة أبويه لفياض وهو واقف يكلم بالجوال!
تتمنى لو تشكره على المساعده إلي قدمها لها !
ما رح تنسى له هذا المعروف !!
رفع راسه وعقد حواجبه وهو يشوف موظفه بعيون ملونه ومكحله بشكل ملفت للانتباه !
تناظره وكأنها معجبه !
رفع حاجب وهو يشوفها تحركت وبعدها وقفت مع موظف مكتب 5 والاخ شاق الضحكه وهو يتكلم معها !
رونق معطيه فياض ظهرها تكلمت مع الموظف بجديه مطنشه ميانته: لما يجهزوا أعطينا خبر
رد وعيونه مسلطه على عيونها ما يشوف غيرها : من عيوني يا قمر
قبل ما يكون لها رد فعل تقدم فياض بغضب : وش رأيك ترقمها بعد !
أعطاه نظره قويه : راجعني بالمكتب بعد ساعة !
بدون ما يناظرها تكلم : الحقيني على المكتب !
بعد دقائق بالمكتب تكلم بحده وهو ينطق بتستاؤل: انت موظفه هنا !
ناظرته متأكدة ما عرفها : أنا رونق
عفس ملامحه وهو يتذكر نظراتها له قبل ما تروح لمكتب 5 ومكالمتها معه زادت شكوكه ....ما هو مرتاح لوجودها!! ....وبنبره ما عجبت رونق : اتوقع هنا مكان محترم
قاطعته رونق بقوة ..وهي تحس إنه جالس يهين ويطعن فيها... ما تسمح لأحد يقلل من قدرها: انا ما غلطت لو سمحت يا أستاذ.. أنا
قاطعها فياض بغضب من مظهرها ما كانت كذا وش غيرها : الي تظهر مفاتنها بهذا الشكل وكأنها دعوة يا ناس تعالوا غازلوني!
حتى لو ما كانت نيتك كذا لكن الرجال كذا يفسرون هالشيء!!
ردت بقوة وهي تحس بخنجر من كلامه ما توقعت يناظرها كذا : كل واحد يفسر حركات الناس وتصرفاتهم حسب تفكيره !
لكن للأسف ما توقعت يكون عقلك بحجم حبة السمسم!
ما توقعت انك تحمل افكار متخلفه !
صحيح إني ممتنه لك وأغليك مثل أبوي وأخوي لكن هالشيء ما يسمح لك تتكلم على اخلاقي وتتمادى بالكلام...سمعتي خط أحمر!
ربي لا يجعلني احتاج لأحد !
والوظيفة من عندك ما أبغاها !
رد وهو رافع حاجب من هجومها عليه : بكيفك مع السلامه!!
رونق حست إنه افتعل هالمشكله حتى يطردها ....هي ما غلطت حتى يعاملها كذا !
كانت تحس بالأمان لما تشوفه وتحس الدنيا ما زالت بخير ...لكن حاليا تحس نفسها تكسرت كثير أشياء بداخلها !
تلوم نفسها إنها ذلت نفسها وطلبت منه وظيفه ...هذه اخرتها!
بلعت غصتها وناظرته بعيون لامعة ما قدرت تتحكم فيهم : مشكور
حملت نفسها وطلعت وهي حاسه نفسها تبغى تنفجر بأي لحظه ..تحس خاطرها مكسور!
يااااه ما أصعب لما الخاطر ينكسر!
والأصعب لما تنخذلي من ناس كنت تشوفينهم غير عن الكل !
دخلت المكتب أخذت أغراضها....سحر باستغراب : وش فيك
طنشتها رونق وطلعت بخطوات سريعه قبل ماتنفجر من البكاء !
تمشي بالشارع مبتعده عن الشركه وهي تحس دموعها بدأت تنزل!
فياض ما يعني لها شيء ما تدري ليه تحسست من كلامه وأثر فيها !
جلست على الرصيف وبهدوء شالت العدسات... عيونها أوجعتها منهم !
رمت الشالة على وجهها ما يبان منها شيء !
واخذت راحتها بالبكاء ...بعد وقت حست بشخص يجلس قريب منها وبصوت هامس ردت السلام ! رفعت رونق رأسها واستغربت بالمرأة إلي جلست جنبها ومعها طفلة صغيره !
ماكلفت نفسها تناظر صدت للجهة الثانيه بضيق !
تكلمت الجازي بصوت مخنوق: تدرين من بعيد ظنيتك ابنتي نفس الهيئة من بعيد ،
فتحت عيونها رونق بصدمه اكيد انها من طرف مريم حمدت ربها إنها مغطيه وجهها ما يبان شيء منها!
صوتها لازم تغيره !
الجازي بصوت حزين تابعت كلامها : بس مريم انحف !
زمان ما شفتها!
تدرين كلما اشتاق لبناتي لازم اجي هنا أجلس
عقدت حواجبها رونق باستغراب وهي تناظر الشارع وش علاقته ببناتها وبصوت مختلف تماما: وش دخل شوقك بهذا المكان
الجازي وهي تبكي بهدوء: هنا كان آخر وداع بيننا !
كلما اطفي الجمره إلي بداخلي ترجع تشتعل من جديد !
رونق نست حزنها وسألت : وين بناتك!-
الجازي وهي تمسح دموعها : مريم عند أبوها وما يخليني أشوفها إلا بالقطارة والثانيه ماتت !
رونق رفعت حاجب: انت تطلقت منه وتزوجتي!
هزت رأسها الجازي بهدوء : ايه
وقفت رونق بقهر منها : لو بغيتي ابنتك ما تركتيها وتزوجت والقانون يعطيك حضانتها لأنك امها!
لكن انت تخليتي عنها
قاطعتها الجازي بصوت بائس: لا تحكمين بدون ما تعرفين السالفه!
اجلسي!
رونق ناظرتها بتردد لكن شيء بداخلها يدفعها تجلس معها !
الجازي قلبها تعلق بذي الانسانه وتبغى تفضفض لها شيء يجذبها لها بقوة!
مع إنها ما شافت منها شيء !
الجازي رن جوالها ردت بهدوء : هلا بندر .......ايه انتظرك ...سلام
الجازي ناظرت رونق وهي واقفه : من 18 سنة وهذاالمكان أزوره على امل تكون حياتي حلم وأصحى منه !
مريم عاشت بعيد عني عند أبوها بعد ما شوه سمعتي عندها....رفضت البنت تتقبلني خفت يصيبها جنون من الخوف إلي يعتريها لما يقولون هذه أمك ...قدمت مصلحتها على مشاعري ووضعت على قلبي حجر...كبرت مريم وبدأت تزور بيت اهلي تبغى تتعرف على امي واخواتي...
وأنا ما تبغاني
شعور ما أقدر اوصفه!
مع الأيام صارت تزورني لكن ما احسها تحمل شعور لي إني أمها
وكأنها شخص يزور قريبه بس كذا !
لما بدأت مريم تتعلق فيني رجع أبوها سحبها !-
أحياناً أحس أبوها مرسلها حتى يزيد بقهري ابنتي قدامي لكن بعيده عني !
دخلت الجامعه بدون ما أشوفها وإلي ذبحني اليوم سمعت إنها انخطبت !
ما كلفت نفسها تدبر جوال تخبرني !
استخسرت فيني هالخبر وكأني غريبه اسمع من الناس !
رونق تنهدت هي تحاول تربط علاقة المراه هذه بمريم إلي انخطفت بسببها ....ردت بمواساه : صدقيني ما تستاهل تفكرين بها ....وأكبر اغلاطك إنك تزورين مكان ألمك وحزنك ...انسي كل الماضي وعيشي أيامك
اقتربت من الطفله وجلست على مستواها ومسحت على رأسها : لاتنكدي على طفلتك حياتها وهي تشوف زعلك وضيقك على ناس ما تستاهل !
صدقيني هي بحاجتك مب انت
ربنا طلب رضاك انت مب انت تركضين خلفها !-
باكر رح تتزوج ولما تنجب وقتها رح تحس بقيمتك !،
اعتدلت رونق بوقفتها وهي تكرر:امسحي هالمكان من عقلك ورح تعيشين افضل
الجازي وهي تناظر فيها : احس إنك متضايقه فيك شيء
هزت رأسها رونق والدموع بدأت تاخذ مجراها بصمت : أبدا ما فيني شيء!
همت بالمغادرة وهي تردد بصوت حزين كسير : يا ليت أمي عايشه وأرمي عليها كل أحزاني!
الجازي سلطت نظرها عليها وقلبها يدق : لحظة
رونق بدون ما تلتفت عليها أو تتكلم !
الجازي وقلبها يدق للحين : أنا اعرفك ؟
التقيت فيك من قبل ؟
تعرفيني ؟!
رونق وهي تمشي بخطوات مبتعده: ما أدري عنك أنا. من عائلة «...» ما اتوقع تعرفينا لأننا نسكن بقرية «....» فرصة سعيده أشوفك
الجازي عقدت حواجبها كلامها هذا يذكرها بشيء!،
لحظه لما كانت بالجامعه التقت بوحده بنفس الأسلوب تتكلم!
لكن الجازي هزت رأسها بالرفض تحس هالانسانه حركت بداخلها مشاعر اندفنت من زمان مين هذي البنت ؟!!
**
**
**
مروان ناظرها مب مرتاح لسالفه التدريس ما يرتاح لأهل المدينه بس من يومهم ما له كلمه على رونق دوم تعمل إلي مقتنعه هي فيه بس ..نطق بقهر من عنادها: وقسم بالله مجنونه !
رونق تحس كل الهموم فوق رأسها لازم تتمسك بالتدريس بعد ماتركت الشغل ...اقتربت من المرايه تناظر عيونها بانزعاج تحس نفسها بالعدسات عبارة عن مسخ .....مطت شفتها بسخريه اي مفاتن يتكلم عنها الحين هالعيون صارت فتنه ؟!
متأكده يبغى يطردها ويتحجج بأي شيء !
ليه ما اعتذر من البداية إنه ما في شغل بدون هاللف والدوران !
التفتت لمروان وهي تسمع صوت الباب : شوف الباب أكيد وصل!
ناظرت الصاله كل شيء تمام .....تقدمت خطوة وهي تشوفه يحمل كتاب ودفتر ...طوله متوسط تحسه صغير للحين الطفوله بملامح وجهه ....رد السلام بخجل !
رونق بهدوء ردت السلام وأشرت له يجلس !
جلس وعيونه بالأرض من الإحراج ما توقع ينحرج كذا !
جلست رونق مقابل له وتكلمت بأريحية: انا
رونق وهذا أخوي مروان !
هز رأسه باحراج : انا لؤي
رونق بهدوء: نتفق على الفلوس
لؤي بمقاطعه : انا كنت ادفع للمدرس السابق المادة ب «...»
فتحت رونق عيونها وهي تناظر مروان مب مصدقه وبتمثيل حركة إنه رح يغمى عليها
مروان قرصها بعيونه وهو يؤشر على لؤي لا ينتبه !
تنحنحت رونق وأقنعت نفسها إنها سمعت غلط:عفوا كم قلت ؟!
عاد الكلام لؤي المبلغ وبتساؤل: تبغين أكثر !
رونق للحين تحت الصدمه : هاااا
مروان يبغى يضربها بالكتاب على دلاختها ولا كأنها شايفه خير !
رونق تنهدت وابتسمت بفرح : لا لا ما عندي مشكله انت بس تبغى ماده وحده بس !
وش رأيك أدرسك مواد ثانيه
رفعت حاجب بابتسامه شيطانيه وهي تفكر كم رح تطلع بالشهر إذا درسته كل المواد
سرعان ما انتكست وعفست ملامحها لما تكلم : خالي رفض أدرس خصوصي للمواد الثانيه يقول ما له داعي بس انجليزي وغيره لا !
حست نفسها حاقده على خاله وش دخله : طيب أبوك ما له دخل ؟!
عفوا بس خالك وش علاقته؟!
لؤي بابتسامة: حنا نقلنا هنا من فترة قريبه اغلب خالاتي مب هنا ساكنين وأبوي ما رجع معنا وأمي تعتمد على أخوالي بأمورنا بصراحه يخرعون !
ابتسمت رونق : مب مشكله !
أعطيني الكتاب اشوف المادة !
أعطاها و هو خايف من داخله من هالخطوة لو يعرف خاله إنه يدرس عند بنت يتوقع يجلده !
لكن بداخله حماس لذي الفكره مل من المدرسين يبغى يجرب المدرسات لأنهم أرق وأفضل بالتعامل !
رونق بحزم : الحين رح أعطيك امتحان
قاطعها بفزع دوبه يمدح البنات : امتحان خير حنا مو بالمدرسة!
رونق تتكلم بأسلوب قوي بدون ما تناظره وهي تتصفح بالكتاب : امتحان مستوى حتى اعرف مستواك وبناء عليه أقدر ادرسك واغطي الجوانب الضعيفة عندك
لؤي بطريقه فكاهية : لا تغلبين نفسك المستوى صفر بجداره!
ما أعرف الا yes وNo
هزت رونق رأسها باهتمام : من الصفر من الصفر ما عندي مشكله !،
**
**
**
**
ام راكان باهتمام وهي تكلم ام جواد: ان شاء الله ربنا يكتب الخير .....ما شاء الله عليها مؤدبة .....والله انتظر اللحظة إلي أشوفه عريس ......ايه إن شاء الله رح ازوجهم الاثنين مع بعض وأفرح فيهم .......والله زياد رح أتغلب معه ....صادقه النصيب ..... إن شاء الله إن شاء الله ...بأمان الله ...مع السلامه !
قفلت الخط وناظرت ام ناصرإلي تسالها :وش تقول
ام راكان بابتسامه : يبغون البنت تستخير وبعدها يصير خير !
ام ناصر هزت رأسها وهي تشوف لؤي دخل عليهم مع أمه!
ام راكان : تعالي يا لؤي روح اشتري
قاطعها بضجر من الدرس الخصوصي نشفت ريقه رونق....رد وهو يجلس : تعبان يا جدة خليني ارتاح !
ام لؤي فتحت عيونها : إلي يسمعك يقول جاي على رجلينك!
نزل زياد وهو يسمع رده : نشف ريقي الدرس الخصوصي وجاي ارتاح واوسع صدري من غث الدراسه!
جلس زياد وهو يناظره بانتقاد:ما شاء الله عليك !
عدل جلسته وارتبك لما سأل زياد: وش اسم الاستاذ إلي تدرس عنده!
توتر وش يقول هذا إلي كان خايف منه صار : ءءءء اسمه اسمه
وباستدراك وهو يحك شعره : نسيت أسأله عن اسمه !،
ما عجبه الرد حس إنه يخفي شيء..... أعطاه نظره قوية : انت ما سجلت عند أحد تضحك علينا
قاطعه برعب : والله سجلت حتى إسأل امي شافت دفتري وقسم بالله يدي احسها انكسرت من كثر ما أعطاني واجبات وتمارين حتى قلت لأمي إني رح اغيره وأشوف أستاذ ثاني
قاطعه بقوة: ايه تبغى استاذ رخمه يقرأ كم صفحه و بعدها يقول الله معك !
خلاص كمل مع هذا الاستاذ ولما يكون عندي وقت أعطيني عنوانه حتى أزوره وأشوف مستواك!
لؤي وجهه صار أسود وهو يردد : إن شاء الله ان شاء الله !
ام لؤي بضحكة: حرام عليك الولد جاي يغير جو وانت خنقته!
ابتسم زياد وهو يوقف : ولدك هذا بحاجه احد يعصره لأنه ما هو قليل !... انا طالع للمسشفى وانت يا لؤي شوف أمي وش تبغى منك ويا ويلك لو احد اشتكى منك !
لؤي بعد ما طلع أخذ شهيق وزفير بطريقة كوميديه : وش هذا ينفع يكون ضابط تحقيق!
الله يعين طلابه عليه !
ام ناصر تبسمت : ربي يحفظك!
ام لؤي بتساؤل: وين منار وسمر ما اشوفهم !
ام راكان : راحوا لبيت ابو جواد عند البنات
ام لؤي: تاركهم على اساس يجلسون عندك ويساعدونك!
ام راكان بترقيع : دوبهم طلعوا لا تكوني مثل زياد طلع روحهم حتى وافق!
**
••
**
راكان ناظره وهو معقد حواجبه :،صدقني ما ينفع !
لازم تلاقي البنت إلي شاك إنها هي حتى نقدر نعمل الاجراءات وتنجح القضية
جواد بداخله نار :-ما تركت حاره إلا بحثت فيها !
ما تركت بنت إلا وناظرتها!
لا تلومني أنا بداخلي نار مشتعله. .....ما أنام الليل وعقلي يفكر بمكانها !
راكان هز رأسه : انا اتفهم موقفك لكن
طيب لما جاءت هنا ما تكلمت عن نفسها ما قالت إنها مب مريم ما ذكرت اسمها !،
ما حكت شيء عن نفسها؟!
جواد وهو يحاول يتذكر : لا ما قالت اسمها بس كانت تقول إنها مو مريم ولا ابنتنا!
وانا على بالي امها لعبت برأسها وتبرأت منا !
راكان بتفكير : شوف ما دام انها بعمر مريم اكيد انها الحين بالجامعه ركز في بحثك باب الجامعه أنا متأكد رح تلتقي فيها !
قاطع كلامهم دخول نايف وهو يتكلم بغضب : اقولك ما عندي غير هالفلوس !
طفله صغيره وش رح يكون مصروفها ...الي يسمع يقول ابنة وزير متعوده على المصاريف ترى كلها خشه إذا قلت برجلي كذا تسقط على الارض ......لا تكلميني كذا تراني مب اصغر عيالك
سكت وهو يشوف قفلت الخط بوجهه ..تكلم بغضب : الله يأخذ أبوك الزفت إلي ما رباك يا ابنة الكلب !
جواد عقد حواجبه: مين تكلم !
نايف وهو يسحب كرسي ويجلس : في غيرها ابنة ابليس
راكان بهدوء: رونق
عفس ملامحه بقرف حضرتها تهدد تبغى ترفع قضيه نفقه للبنت
جواد بانتقاد: وانت تنتظر المحكمه تجبرك تدفع لابنتك نفقه !
هذه ابنتك مين تنتظر يصرف عليها!
نايف زفر بضجر : ومن قال ما ابغى !
دفعت لها بس مب عاجبها المبلغ ...تخيل أرسلت لها «..»مب عاجبها
راكان بنصيحه: ترى لو وقعت مع محامي شاطر يشفط فلوسك أجره نفقه وحضانه ومسكن وخرابيط كثيره .....يا أخي أعطيها واترك عنك المحاكم بالأول والأخير ابنتك انت تعطيها
قاطعه بقهر: وش يضمن لي إن الفلوس تشفطهم حضرتها !
جواد بملل : فكنا منك ومن الزفت القرويه.... تدري تستاهل وقعت بشر اعمالك !
نايف زاد ضيقه وهو متأكد جواد يقصد الماضي !
**
**
**
**
قفلت الخط بقهر كل يوم لازم يرتفع ضغطهاوالسبب نايف !
زفرت بضجر وتوجهت للقاعه بخطوات هادئة متزنه !
اختارت مقعد وجلست عليه ..بعدها بلحظات جلست جنبها بنت ..عقدت حواجبها رونق باستغراب توقعت انه البنت مخربطه بدل ما تدخل للعرس جاءت هنا !
البنت بلطافه :انت هنا معنا
رونق رفعت حاجب: لا هناك!-
ضحكت البنت : قصدي معنا بهذه الماده !
رونق هزت رأسها : ايه معكم
وعد بابتسامة : لون عيونك حلو
رونق عقدت حواجب وبمجامله : عيونك الحلوة !
وعد وهي تطلع المرايه تتأكد من الميك اب !
تأملتها رونق عيونها متوسطه انف صغير وفم صغير بوجه نحيل وجسم مثل عارضة الازياء ومكياج كامل وكثيف
مطت شفتها ييجي فياض يشوف المفاتن على أصولها الحين لأنها غيرت لون عيونها وحطت كحله خلاها تطلع مفاتنها !
ضاق خلقها كلما تتذكر الموقف تتنكد !
ما تبغى تتذكر الاشياء السلبية لازم تفكر بالأمور الإيجابية حتى تبدع ...اليوم حرمه من إلي يسكنون معهم بالعمارة شافت لؤي يطلع ومعه كتب تبغى تضع عيالها عند رونق تدرسهم !
فتحت لها الدنيا وش أبغى أفضل من كذا وظيفة وهي جالسه بالبيت وقدر معها مطمئنة عليها !
رفعت رأسها لما دخل زياد وبدأ بالحضور والغياب مباشره ...و بعدها بدأ بالمحاضره بحماس !
وعد بابتسامة وهي تهمس لرونق : تحسين الدكتور متحمس زياده !
ناظرتها رونق وابتسمت وبانت الابتسامه من عيونها !
وعد وهي تكتم الضحكه : لاحظي الدكتور يكرر كلمة
سكتت لما تكلم زياده بملامح مرعبه : البنات إلي هنا
وعد تفتعل البراءه وبخوف من ملامحه: انا
زياد بقوة: انت وإلي جنبك عن وش كنا نتكلم !
وحضرتكم منشغلات بالكلام !
عسى حليتم أزمة العالم !
رونق رفعت حاجب : ان شاء الله قريب نحلها !
حس بنبرتها سخريه منه وبحزم : تفضلي قومي اشرحي إلي كما نتكلم فيه !
وعد بلعت ريقها بخوف أصلا ما تدري عن وش يتكلم !
وقفت رونق بهدوء وبصوت هادي متزن بدأت تتكلم وتشرح وما اكتفت بكلام الدكتور وبدأت تضيف بعض النقاط وانتقلت للموضوع إلي بعده وهي تتكلم بطلاقه عشقها الانجليزي !
انقهر زياد ما توقع تجاوب وواضح إنه مستواها ممتاز ومحضره ومع ذلك ما يسمح لأحد يستهين بالمحاضره..نطق : اوكي رح اعتبره آخر انذار اي شخص يتكلم بمواضيع جانبيه رح يكون لي تصرف ما يعجبكم!
تابع الشرح ...انقهرت رونق وهي تشوفه يثني على طالبه لأنها جاوبت سؤال بسيط تافه أما هي تكلمت مجلدات ما مدح ولا كلمه !
مطت شفتها ما يهمها الأهم تكمل دراسه وتتوظف مباشره!
انتهت المحاضرة بعدها تفاجأت رونق بضربه بنص ظهرها
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!