رواية بسمة مدفونة في خيالي الفصل الثامن عشر 18 - بقلم ضاقت أنفاسي

ام راكان جالسة بالصالة وبعناد : مستحيل باعنا علشان ست الحسن يشبع فيها !
سعاد رفعت حاجب،: انهزمي وخلي حضرتها تأخذ ولدك !
ام لؤي بتأييد : وباكر تعبي رأسه وتخليه يكره أهله
لجين تكمل بخبث : انا لو مكانك ما اخليها تتهنى الا اخذ معي كل أحفادي واعلمهم يخربون ويكسرون يقلبون الشقة الى دمار وأخليها تقرف حالها !
وخليها تعرف إنه بيت ابنك وتدخليه متى ما بغيتي ما هو عاجبها الباب يسع جمل !،
ما رح تتحمل الوضع ورح تظهر على حقيقتها قدام خالي وقتها رح يتركها خالي بعد ما يعرف حقيقتها هالمنافقه!
ام لؤي ابتسمت: والله فكرة مرتبة ومن اليوم رح نطبقها!
يلا يمة لاتخلي لها مجال تقول شوف أهلك رموك وقت مرضك وانت تعرفين كيد الحريم !-
ام راكان بعناد مجروح من ولدها الي باعها وتمسك بالغريبة : دامه باعنا خلاص انتهى كل شيء!
**
**
**
متمدد بالصالة على طوله والهم والتعب واضح عليه ...هذا اليوم الثاني له في شقته وللحين أهله مقاطعينه حتى الجوال ما يردون عليه ...رفع نظره لما طلعت من المطبخ ومبتسمة بسعادة وكأنها مالكه الدنيا كلها .... ابتسم بتعب وهو يشوف جمال عيونها بالعدسات ...مثل ما توقع صاحبة هالعيون جميله حيل ...ما يدري كيف أمه تقول عنها تخرع ..كل هذا حتى تشوه صورتها بمخيلته ... توسعت ابتسامته لما نطقت : نسيت اسألك تحب الشوربة!
قاطعها بابتسامة متعبة : اي شيء !-
هزت رأسها بارتياح : تدري اليوم أمي رح تزورنا !
وقدر معها اشتقت لها كثير !
كملت كلامها لما شافت سكوته وجلست مقابل له تبغى تستفسر عن كلام فياض لكن بإسلوبها : معقول ترفض ترجع مع أمي للبيت
قاطعها بهدوء والتعب واضح عليه: البنت كبيرة ما هي صغيرة على هذه الحركات ما رح تعمل كذا
رفعت حاجب بتساؤل: انت ما تبغاها تعيش
غمض عيونه لثواني وبعدها زفر بتعب وهو ينطق : لا تستبقي الاحداث يا رونق
صحيح نسيت اخبرك جدتي اليوم جاية تزورنا!
عقدت حواجبها: بس جدتي ام ناصر يقولون ما تقوم من السرير وضعها الصحي تعبان
قاطعها،: جدتي صفية !
وقفت على حيلها بتذكر : نسيت الأكل على النار ....دقيقة وراجعة !
بعد لحظات رجعت وابتسمت براحة :لو تأخرت شوي كان احترق الأكل
حك جبهته بابتسامة باهتة أكلها بدون حرق مو ذاك الزود ..نطق بهدوء: الحمد لله تدرين
سكت وناظر جهة الباب لما انطرق الباب وبتساؤل: أمك ؟!
هزت رأسها بالنفي: أمي بالليل رح تيجي الحين الظهر
لحظة اشوف ..
اقتربت من الباب وسألت باستغراب: مين
وصلها صوت تكرهه : افتحي تبغين تفتحين تحقيق !
عفست ملامحها وفتحت الباب بعد ما عدلت ملامحها
سعاد ناظرتها بكره : سنة حتى تفتحين الباب !
ابعدي عن طريقي !،
رونق واقفةوماسكه مقبض الباب وهي تناظر الزوار باندهاش!
ام لؤي بانتقاد:ابعدي عن الباب واقفة وانت بهذا اللبس !
سعاد رفعت حاجب وهي تناظرها ...لابسة بنطلون ابيض وبلوزة حمراء وشعرها رافعيته بكماشه ولابسه عدسات رماديه ...مطت شفتها بغيرة من نعومتها. وجمالها ....الشبه حاليا كبير بينها وبين مريم الفرق لون العيون بس!
دخلوا وما سلموا عليها !
قفلت الباب  وهي متوقعه أي حركه نذله منهم ...توجهت لهم ...بعد السلام جراح فرحان بزيارة أخواته : كيفكم! وكيف أمي؟
مطت شفتها أم لؤي بقهر: مو بخير وانت تعرف السبب !
سعاد بنغزه: لوتهمك كان سمعت كلامها !
جلست رونق وهي تحس نغزاتهم عليها ....
جراح ناظر رونق بمحبة واضحة وبعدها التفت على أخواته : عاد اليوم كنت مخطط ازوركم أنا ورونق... أصرت رونق على زيارتكم تقول لزوم نسلم عليكم
رفعت رونق حاجب باستنكار ما معها خبر لهذا الكلام وبمجاملة نطقت لما غمز لها جراح: ايه كنا
قاطعتها أم لؤي وهي ساحبه عليها وتوجه الكلام لجراح ولا كأنها موجوده: لا تغلب نفسك ... أنا وسعاد كل يوم عندك!
وأعطت رونق نظرة تحدي!
عقدت حواجبها رونق بانزعاج من صوت صراخ العيال ..ناظرت بجراح الي يهلي ويرحب بأخواته: البيت مفتوح لكم متى ما بغيتم !
سعاد بتفقد: تغديت ؟! ترى جبت لك معي الأكل الي يحبه قلبك
رونق بمقاطعة: ليه غلبت نفسك جهزت له الأكل
سعاد بسخرية: الحين تقارنين طبخك القروي بطبخي
اسألي جراح خليه يقولك عن طبخي
انقهرت بداخلها من كلامها....وبابتسامه ظاهرية رسمتها على محياها حتى تقهرها : عاد دوبه جراح يقولي بحياته ما ذاق ازكى من طبخي!
جراح ناظرها بفجعة تبغى تورطه مع سعاد اكيد رح تنقل الكلام لأمه ويزيد زعلها. ..غمزت له بابتسامه جميلة حتى يسلك لها ....وبتورط نطق وهو يشوف ملامح أخواته : طبخت لي طبخة أول مرة اسمع فيها ما عمره أحد طبخها منكم ...يعني اقصد هذي الطبخة ما شاء الله طعمها غير شكل !
خزته رونق وهي تتذكر البارحة ما قدر يأكل إلا كم لقمة وطلب من المطعم !...لذي الدرجه ما تعرف تطبخ؟!!
ام لؤي وهي تعلك: وكيف وضعك الحين ؟ !
أنا أقول لو تنتقل لبيت أهلي بهذه الفترة انت تعبان والشقة صغيرة حتى ما تقدر تستقبل فيها ضيوف لوحدك بحاجة احد
قاطعها بابتسامة: يا الضيوف مقطعين حالهم!!...هنا أفضل
رونق انزعجت منهم ومن كلامهم : أجهز لك الغداء
سعاد فتحت حافظة الطعام الي أحضرتها: هاتي شيء نفرغ فيه الأكل خلي جراح مرتاح هنا وجيبي بس شيء أفرغ فيه الأكل .....وطبخك ما له داعي
رونق عقدت حواجبها بقهر من وقاحتها: ماله داعي بالنسبة لك أما جراح ما يستغني عنه
جراح أصابه صداع هذه أولها .....نطق بهدوء: وش فيكم ترى ما رح يبقى شيء من طبخكم ترى ميت جوع !
تحركت رونق من الصالة و ماسكه أعصابها بقوة ....
رتبت الأكل أمامه وجلست تراقب الوضع ..وكلما بغى يأكل لقمة من طبخ رونق تسحب يده سعاد وتخليه يأكل من أكلها !
رفعت نظرها لأخواته ولجين يتهامسوا ويضحكوا بهدوء!
ناظرت جراح وتقدمت وسحبت طبق الأكل الي حضرته سعاد ما رح تسمح لها تتمادى  : خلاص يكفي.....الحين دور طبخي
سعاد شهقت وبردح نطقت : شفت بعينك وش عملت
لجين بهجوم : انت ما تستحين على وجهك تع
قاطعتها رونق بهدوء: انت ما دخلك
جراح استغفر بداخله ..وضعه لا يحسد عليه واقع بين زوجته وأخواته ...ما هو حاب يكسر بخاطر أخواته الي أول مره يدخلون بيته ..تناول الطبق من رونق: لا تخافين رح أكمل أكلكم كلكم !
رونق طالعت أخواته بتقييم وصدت عنهم !
بعد وقت تمدد على طوله بتعب يحس أصابته تخمه ما هو قادر يتنفس ....
رونق جالسه بغرفتها بحجة عليها دراسة لأنها ما تقدر تمسك نفسها أكثر من كذا ...ما تبغى تشتبك معهم ....قريب العشاء وهم للحين عندهم !
تمنت إنها أمها ما لغت الزيارة على الأقل تلاقي أحد تكلمه !
عضت على شفتها بقهر لما سمعت صوت تكسير ...متأكده المكان صار دمار!
مضطره تسكت ذول أهله ومن حقهم يشوفونه!!
**
**
**
مرت الايام وهذا حالها مع أخواته كل يوم عندهم لوقت متأخر.... والجدة صفية تنام وتصبح عندهم ...تحس المكان صار منتزة يدمرون ويطلعون !
تكتفت وهي تناظر المكان بعد ما غادروا وبقهر: اقنعني إنه هالزيارات ما هي متعمدة !
صفية تمشي بخطوات بطيئة بعد ما كانت بالحمام : عيب هالكلام ...أخواته يبغن يزوروا أخوهم
قاطعتها رونق بقهر: ما أحد منعهم بس قرودهم يتركوهم بالبيت هنا  ما هو منتزه !
يعني ما في إحساس جراح تعبان وازعاج ما هو طبيعي من صباح ربنا لوقت النوم!
في شيء اسمه الذوق العام !
صفية جلست على الكنبه ورفعت حاجب: وكاد تقصديني إني جالس عندكم !
جراح اعطاها نظره تهديد لو زعلت جدته...زفرت بضيق ونطقت : ما أقصدك أنا اتكلم عن الصغار
جراح بمحبة لجدته: البيت بيتك يا جدتي بس رونق متضايقة من هالوضع .. وأشر على المكان!
صفيه ضد رونق لأنها تشوفها السبب في خراب علاقة جراح بأهله وإخوانه ...تغير جراح حتى ما كلف نفسه يعتذر من إخوانه ...يبرر لهم أي شيء !
ما تحب الرجال الي يتبع مرته ويخرب علاقته بأهله علشانها وبلوم نطقت: انت خليك خلف سوالف الحريم...ما توقعتك كذا؟!
رونق تعرف إنها متحيزة لصف أم راكان ...نطقت بضيق من هالوضع بالاسم متزوجه ما في شيء اسمه خصوصيه ...تحس البيت عبارة عن منتزه : جراح ما تزوجني حتى اخدم تحت قذاره عيال أخواته ... أنا مب فاضية عندي بيت ودراسة
قاطعتها صفيه بسخرية:من كبر هالبيت!،
يا بنت اسمعي من هالنصيحة لا تكوني من الحريم الي تقطع الزوج عن أهله!
قاطعتها رونق وهي تناظرجراح  بقهر: أنا أقطعك من أهلك ؟!
جراح عافس ملامحه من التعب وما هو قادر ينطق حرف واحد ..فوق تعبه مشاكل رونق مع أهله..وبصوت هامس،نطق : اتصلي بابوك يأخذني للمستشفى
صفية قامت على حيلها بخوف : جراح انت بخير
رد باختناق : تعب بسيط
صفية ناظرت رونق واقفه تناظرهم بصمت: تحركي اتصلي بآي احد واقفه مثل الصنم !،
**
*
**
**
في الجامعة
وضعت رأسها على الطاولة بروح ميته :مب قادرة استحملهم !،
متأكده متعمدات يقهروني بهذه الزيارات ...وما اقدر أقول لهم ممنوع يزورونا هم أهله ..وما أبغى يأخذ جراح موقف مني أو يزعل !
والمشكلة جدته صفية تخيلي تنام وتصبح عندنا ترجع لبيتها كم يوم...اقول وأخيراً اتفاجئ اليوم الثالث عندنا !
روعة حطت يدها تحت خدها : أنا لو مكانك اطردهم وامسح فيهم الأرض والعجوز صفصف نعم خير زوجك مسجل الشقة باسمها كل يوم والثاني بوجهك !
وإلا مسمار جحا في بيتكم وجايه تتفقده!
وطيب عريس الغفله وين موقعه من الجملة !
رونق رفعت رأسها بملل: منصوب عليه بسالفة المحبه ويبغون يطمئنون عليه !
أمي تقول لي آخرتهم يملون !
وزوجها الموقر يقولي مع إنك ما تستحقين النصيحة بس علشان أمك رح انصحك لا تخسري جراح بتهورك وأهله فترة ويملون لما يشوفون استقبالك الحلو ولما يعرفوا خلاص خطتهم فشلت !
وأنا طبقت كلامه واستقبلهم اممم استقبلهم عادي بصراحة ما قدرت أنافق وأجامل ....جراح متضايق حتى لو ما تكلم احس بضيقه تخيلي زياد الأسبوع الجاي زواجه وما أعطوه خبر ولا عزموه .. وأمه مقاطعيته
روعة عفست ملامحها : بصراحة غريبين ...مقاطعينه للحين !!
رونق بغصه : أنا ما أحب أكون عثرة بينه وبين أهله ...ما أحب تكون هالقطاعة بسببي ....حتى أمه ما هي راضيه عليه ورابطه هالرضى بطلاقي !
تابعت كلامها  باختناق والدموع محبوسه بعيونها :روعة أنا مو سيئة لذيك الدرجة أنا مريت بأيام عصيبة خلتني اكره كل شيء .... أنا مو صايعه بالعكس حافظت على نفسي ليه مصرين يشوهون سمعتي ؟!
أنا ما عملت لهم شيء يستحق هالمعاملة الي يعاملوني فيها !
الي يخليني أسلك بعض الأمور هو جراح لأني ما أبغى اخسره لأنه يختلف عنهم ألف درجة !
اضحي من أجل المحبة الي بيننا !
واجه الكل وأصر على الزواج فيني وأنا لازم أتحمل كل شيء حتى يستمر هالزواج !
لازم نضحي ببعض الأمور حتى تستمر الحياة !
روعة ردت بضيق لحال صديقتها : رح تفرج وتعيشين بسعادة
رونق مطت شفتها بسخريه: بسعادة وأمه على قيد الحياة؟!
الحين صفية ناشبه له حتى نسكن عند جدتي أم ناصر المكان واسع
روعه بتساؤل: وافقتم؟!
هزت رأسها بالنفي : جراح ما هو راضي !
روعه مطت شفتها : وش هذه الجدة !،
وإذا وافق
رونق ردت برفض: أكيد لاااا
بس أبوي يقولي لا تعاندين تخربين بيتك علشان مكان سكن !
روعة رفعت حاجب: أبوك يعطي نصائح وهو مطلق
قاطعتها رونق : صدقيني بعد التجربة نسبة كبيره من الطلاق راجعة لتدخلات الأهل بالزوجين !،
روعة بتأييد : صادقة !
إلا ما قلتي لي وين صفصف عنكم البارحة طالعين ومنزله صورك مع شارل !
ضحكت رونق : هذه سالفه ثانية صرنا أنا وجراح نطلع بعد ما تنام سالفتها مطوله !،
روعة ابتسمت بغمزه: دخيل عصافير
قاطعتها رونق :دخيلك ما هو ناقصنا عذال !
روعة ابتسمت : شفتي وحده معلقه لك « جوكر ومتزوجه هالمزيون»،
رونق ضحكت: شفته متأكده إنها وحده من أهل جراح
روعه رفعت حاجب: وش عرفك ؟!
رونق بابتسامه: واضحة لأني بالصورة أنا متغطيه وما هو ظاهر إلا الجانب الأيمن يعني أغلب الصورة لجراح وأنا جزء مني طالع ومتغطيه فكيف عرفت اني جوكر ؟!
روعة بملامح رايقه : يا أختي الناس بس تبغى تلقلق أهم شيء زوجك وابنتك ودراستك
اذكر قلتي انه جراح قالك لا تنزلين صوركم
قاطعتها : بس هذه الصورة كلها له وأنا مثل ما شفتي ما هي واضحة.
**
**
**
زياد تنهد وهو مشبك أصابع يدينه ببعض ..وبنبره فيها ضيق : يعني أنا المبسوط وأنا أشوف أخوي كذا بعيد عني وما في تواصل !
لكن ما في حل غير كذا يمكن يصحى
قاطعه راكان بقهر من انتصار رونق عليهم :ما ظنيت يصحى..تذكر لما قلت خليه يتزوجها شهر ونخلص منها مجرد نزوة والحين كم صار لهم متزوجين ؟!
تكلم؟!،
وملتصق فيها وباعنا بالرخص !،
انت مستوعب _ وبنبرة اعلى _،مستوعب انه جراح يفضل هالقروية علينا!،
جراح الي عمره ما نزل كلمتنا للأرض الحين
قاطعته ام راكان وقلبها موجوع : صدقني ما هو بوعيه أنا أقول مسحور
زياد عقد حواجبه: لزوم نتحرك بس من وين البداية ؟!
راكان عبس بملامحه قهر : انا اعرف كيف اتصرف !،
وقف وهو ناوي على شيء في باله !
غادر وهو مطنش تساؤل زياد وأمه عن الي يفكر فيه !،
*
**
•*
جواد ابتسم بهدوء وهو يناظرها : وبعدين!،
رفعت حاجب بتذكر: ما صار شيء طلعنا من المطعم بسرعة ولا كأنه صار شيء !
تنهد وهو بداخله عدم راحه وهو يشوف بناته ما هم مرتاحين بالزواج !
وحده مشاكل مع بيت حماها والثانية
قاطعت أفكارها وهي تتكلم : تدري البارحة ضاع وقتي وأنا أتابع فيديوهات لك على النت قبل ما اطلع لذي الدنيا !،
مط شفته لما حس كلمتها ملغومه : وش رأيك فيهم !
تابعت كلامها بسخرية : بصراحة لما شفتهم تعلمت درس كبير لا تصدق كل ما تسمع لأنه لكل بيت اسرار الي يشوف كلامك يقول واوووووو حياته جنة مع زوجته !
رفع عيونه للسقف وهو يردد : لا حول ولا قوة الا بالله !،الحين ترجع لنفس السالفة !
ابتسمت بروقان : ما رح ارجع لنفس السالفة المهم بصراحة ما شاء الله كنت جميل !
ابتسم : يعني الحين صرت شين !
ناظرته وهي تتأمله وبعض شعرات باللون الابيض بلحيته الخفيفة ....وشعره فيه القليل من الشيب : يمكن لما كنت تتصور تضع فلتر وتضبط أمورك وتطلع ،وسيم !
فتح عيونه باستنكار: يعني الحين انا مب حلو يا جوكر !
احلى من جراحووووو
هزت كتوفها بابتسامة جميله: أنا أقول رأيي
مط شفته : والله!
هاتي مثال لشخص جميل من محارمك خلينا نشوف ذوقك؟
ردت بتفكير : امممم نايف حلو
عقد حواجبه وما عجبه كلامها: والله؟!،
ومين بعد ؟!
تكلمت بابتسامة : بصراحة فياض ما شاء الله جميل وشخصية وهيبة تحسه
سكتت لما حست بشيء بنص جبهتها وبنبره غاضبه: انكتمي
مسحت مكان الضربه بألم : ليه ضربتني!
وليه زعلت !
انت الي سألت !
وإلا غيران!
زفر بضيق وناظرها: ماكره !
الحين فياض أحلى مني، ورجوله وهيبة ليه شايفيتني
قاطعته بضحكة: والله ما قصدت أنا جاوبت بمصداقية
رد بقهر استفزته بقوة : ذوقك*****
ناظرته باستنكار : زعلت؟
تنهد ورد بهدوء : ما أزعل من قلبي
خزته : دوبك هفيتني والحين قلبك !
عدل جلسته : الحين خلينا من سوالفك البايخة ما صار شيء بينك وبين بيت عمك ؟!
هزت حواجبها بالرفض : ناس ما يبغوني ليه افرض نفسي عليهم ؟!
زفر بضيق : وجراح ما تصالح معهم البارحة
ناظرته بلامبالاه:- ما تصالح هم رافضين الصلح
ما يهموني دامني سعيده أنا وجراح ..وهم رافضين الصلح ما هو جراح
اص
سكتت وهي تشوف مريم داخله ...وقفت بتردد لما شافت رونق وبعدها تقدمت سلمت على أبوها و جلست !،
رفعت رونق حاجب وأعطت أبوها نظرة بمعنى شفت !
جواد زاد ضيقته وهو يحس نفسه مكبل ما هو قادر يعمل شيء وهو يعرف إنه راكان مانع مريم عن رونق !
جواد ناظر مريم: للحين زوجك مانزل الحطب الي في رأسه !
مريم مخنوقة من العيشة وبقهر نطقت : ما نزل !
من لما طلعت لنا قلبت حياتي !،
ليتها ما رجعت
قاطعها جواد بغضب : مريم
رونق ببرود ظاهري : اتركها تقول كل الي تبغاه ..وخلي حضرة راكان ينفعها !
بحياتي ماشفت إنسانه ممسحة مثلك !
عديمة شخصية راكان يتحكم بتصرفاتك وانت مثل الروبوت ما لك راي !
مريم بشراسه: ما يخصك
رونق بسخريه : ما شاء الله عليك كلهم يتحكمون بحياتك !
ترى كل أخبارك عندي ام راكان قالت لك ممنوع
مريم بشراسه: ما يخصك روحي شوفي نفسك يا ساحرة
ترى الكل يتكلم إنك ساحرة جراح
جواد نرفزه كلام مريم: وقص يقص لسانك تتكلمي على أختك كذا
قاطعته رونق بابتسامة باهته: خليها تقول الي تبغى هذا من قهركم تقولون كذا !
أكيد سحرته بجمالي وجمال أخلاقي
جواد بغضب ناظر مريم : مين يقول عن رونق الكلام الحين أبغى أعرف
مريم بارتباك ردت : ما أحد تكلم انا قلت كذا حتى استفزها
قاطعها بغضب: تقولين عن أختك هالكلام حتى تستفزيها !
تراها أختك تعرفين وش يعني أخت !
ناظريها شوفي كم نسبة الشبه بينكم وبالمقابل كم قلوبكم بعيده عن بعض !
تتكلمين عن أختك وكأنها عدو لك
قاطعته مريم بحرقه: لأنها اكبر عدوة لي ترى كلامها وصل لي تتشمت فيني لما الحمل نزل
رونق بهدوء: انا ما تشمتت فيك
مريم باندفاع: عبود ما يكذب!
رونق مطت شفتها بسخرية : مو مجبورة ابرر لك لكن أنا قلتها و للحين أقولها أنا قلت أحسن ما تبغى نسل من هالخبيث
قاطعتها مريم باندفاع: حدك راكان ما اسمح
رونق ضحكت من قلبها وهي تردد: صدق ما تسمحين لي!،
جواد أعطاهم نظرات نارية وبغضب: دام علاقتكم كذا مع بعض ما أبغى اشوفكم متى ما صرتوا مثل الإخوان وقتها تعالوا
مريم بتبرير: يبه لا تحملني فوق طاقتي لأنها ما تنطاق هالبنت !
رونق لمعت عيونها بالحزن غصب عنها ....نطقت وهي تظهر عدم المبالاة :قولي بصريح العبارة السيد راكان مانعك وانتهت السالفة
مريم بتأكيد: بالضبط زوجي ما يبغاني اختلط فيك وما رح افرط براكان وأزعله علشانك!
جواد زفر بقهر من راكان وتسلطه حرك شفته يتكلم
قاطعته رونق وهي تبتسم بألم : خلينا كذا افضل عشت حياتي بدونها وما رح توقف الدنيا عليها !
وقفت وهي مستمره بالكلام : بالاذن أنا تأخرت!
تحركت خطوة على دخول الجازي وهي تقفل الجوال ...ناظرتها الجازي بهدوءوما علقت !
جواد تنهد وبهدوء نطق: اجلسي رونق اتصلي بجراح وانا ارجعك بعد ما تسهري معنا
هزت رأسها بهدوء: خليها مرة ثانية بالإذن
استأذنت وطلعت من المكان وهي تحس صدرها ضائق .... لمحت جدتها وهي طالعه من المطبخ لما شافتها رجعت مباشرة تعمل نفسها ما شافتها!
مطت شفتها بسخرية وحزن يكمن بداخلها تنقهر من النظرات الدونية من الي حولها وكأنها فعلا بنت أخلاقها بالحضيض ...تكره زياد فضحها عند جدها و اعمامها وجدها اكيد خبر جدتها وجدتها وش يضمن لها إنها ما تكلمت !
حتى لو ما تكلمت ...نظرات الي من حولها وكأنها خاطفه جراح أو زواجهم حرام وما يجوز وإنها بنت قليلة التربية لأنها ملكت عليه بدون علم احد وطلعت معه لزيارة أم مرعي !
حتى ابوها تحسه يحاول يظهر إنه طبيعي وإنه نسي سالفة زياد لكن بالحقيقة ما نسيها واكبر دليل اتصالاته الدائمة والسؤال عن مكان تواجدها !،
يمكن سكوته ما يبغى فضائح !
رفعت نظرها بعد ما طلعت من البوابة الخارجية وزفرت بضيق وهي تهمس: حسبي الله ونعم الوكيل !
وقت الغروب المشي فيه ينمو بداخلها مشاعر واحاسيس غير !
رح ترجع على اقدامها ما لها مزاج تشوف أحد أو تكلم جراح ..متضايقه وكأنه شيء يطبق على صدرها!
قاطعها رنين الجوال ومرة ومرتين وثلاث ...وقفت ورفعت الجوال ..عقدت حواجبها لما شافت اسم فياض....ردت بهدوء: الو
بدون مقدمات:وينك؟!-
هبط قلبها خافت على قدر: وش صاير؟!،
رد بضحكه قصيرة: علامك خفتي كذا بس طالعين وجراح يقول إنك عند أهلك
قاطعته بهدوء: ما أبغى أطلع
قاطعها: جراح يقول عنده مشوار وقدر رافضه تطلع بدونك
كتمت ضيقها قدر نقطة ضعفها...نطقت باستسلام: انا بالشارع الرئيسي طلعت من بيت أبوي صرت عند شجرة
قاطعها: خليك مكانك الحين جايك !!،
قفلت الخط ووقفت تنتظره على جنب الطريق،وهي تفكر جراح ما خبرها إنه خارج!
بالرغم من علاقتهم الحلوة والراحة الي تشعرها بوجود جراح إلا إنه تحسه غامض في أمور عقلها ما يستوعبها وما يقتنع فيها واهم هذه الأمور حبه وعشقه لها ...يختارها على أهله ؟!
اي حب هذا الي يكون من نظرة العيون!
شاف عيونها وسقط عاشق متيم بحبها ؟!
هذا الشيء لا تصدقه كيف حبها من عيونها؟!!
وفوق هذا شايفها ملكة جمال مع إنها تشوف نفسها عادية عنده مبالغه بهذا الأمر ! تفكر بهذه السالفه بس ما لقت جواب لها!
يكذب إخوانه ويصدقها ؟!،
ابوها وجدها صدقوا زياد وكذبوها وهو بكل بساطه يصدقها !
الهدوء الي يغلفه وإن عصب لحظات ويروق بسرعة !
ما في شيء يدل على نقصان عقل فيه !،
انسان طبيعي لكن الغموض إلي فيه ما تقدر تفهمه !
ليه اختارها هي من بين كل البنات؟
تحس فيه حلقه ناقصه بالموضوع ...زفرت بضيق واتصلت على رقمه !
أعطاها مشغول ...زمت شفتها بضجروناظرت خلفها وهي تسمع صوت يطرب مسامعها : سلام للحلوين !
ناظرت سيارة فياض وجراح جالس جنبه وابتسامته العريضه تزين ثغره !
تقدمت بابتسامة وسعادة ولا كأنها دوبها كانت متضايقة وقفت عند الشباك وخزته: عندك مشوار؟!
توسعت ابتسامته: احلى مفاجأة
قاطعه فياض بضجر: ممكن يا سندريلا تركبين ؟
واقفين بالشارع!

*
**
**
**

رونق فتحت الباب وجلست جنب أمها بابتسامة : كيفك يالغلا؟!
فياض علق على كلامها وهو يحرك السياره : ترى دوبك قبل كم ساعة كنت معها !
الجازي براحة لقرب رونق منها : لو تغيب عني دقيقة أشتاق لها
رونق حضنت ذراع الجازي بتملك :-ربي لا يحرمني منك !
قدر ناظرت رونق: ليه تأخرتي؟!
رونق ناظرتها بحب : ما جلست كثير
جراح التفت للخلف : كيف الأهل
ردت بابتسامة باهتة : بخير
مسكت الجوال بهدوء...قاطعها فياض بانتقاد وهو يناظرها من المراية: بدينا تصوير !
رونق بابتسامة :وش احلى من الذكريات !
فياض بتحذير يا ويلك لو تطلع أمك بالتصوير
قاطعته بضجر من تشدده : لا تخاف ما رح تطلع سندريلا !
فياض ناظر جراح الي يناظر للخلف ومبتسم لرونق : اشك أحياناً بعقلكيا جراح !
جراح التفت له وهو يعرف رونق ما تنزل ذي الفيديوهات بس تحتفظ فيها بالجهاز عندها للذكرى ..نطق بابتسامة: دام كل الي عندها بمواقع التواصل بنات وين المشكلة وفوق هذا متستره وحسابها تشرح للبنات المواد العلمية تكسب فيهم أجر ما أشوف فيها شيء
سكت لما تكلمت رونق وهي تستفز فياض: مساء الخير لكل الأصدقاء اليوم رجعت لكم بفيديو جديد ... انا طالعه الحين مع أمي الغالية أجمل جازية على وجه الأرض برفقه زوجها الوسيم اتوقع مره طلع بالغلط بإحدى الفيديوهات ..ضحكت بخفه على نظرات فياض الحادة ...كملت بابتسامة : المهم ومعنا طالع توأم روحي جراحوووووو
وجهت الكاميرا على جراح المبتسم : وش شعورك بهذه الطلعة
جراح ابتسم وهو فاهم حركاتها س تبغى تستفز فياض: بصراحه شعوري لا يوصف مبسوط دام عيون الغزال معي
مط شفته فياض لسخافة هالزوج!
رونق بابتسامه رجعت الكاميرا لجهتها : رح اكمل معكم اليوم معي أحلى بنت بالعالم قدر
قدر قاطعتها وهي تناظر من الشباك :-ماما شوفي
وقفت رونق الفيديو وناظرت فياض الي وقف السيارة وبنرفزة: طفي الزفت الي بيدك !
العتب ما هو عليك ...معروف انه عقلك طافي لكن العتب على زوجك المحترم كم
قاطعه جراح بابتسامة على انفعال فياض لأنه متأكد رونق ما رح تنشر هالمقطع بس تستفز فياض : دام كل الي عندها بنات وين المشكلة؟!
فياض ناظره بقهر: وش يضمن لك إنه سوسو وإلا فاطمه وإلا بطيخة إنها بنت فعلاً ؟!
أكثر الشباب يدخلون باسم بنت علشان
جراح قاطعه: عاد لا تكبر السالفة كلهم بنات وفوق هذا متغطيه
الجازي حست بنغزة بداخلها تذكرت أيام جواد ما كان يغار عليها كانت تطلع كاشفة والوضع عادي بالمقابل الجازي حبيبة قلبه بس ظهر معصمها فضح الدنيا!
ناظرت رونق وقلبها يخفق من النتيجة الي وصلت لها « جراح ما يحب رونق لو يحبها كان غار عليها»
وخاصه أهل أمها يغارون على أهلهم !
ليه جراح ما يغار على رونق !
حست بمشاعر كره تجاه جراح كيف يلعب بمشاعر رونق!
رونق وهي تناظر فياض بابتسامة: خربت المقطع حرك السيارة
فياض بغضب :-اطفي هالزفت وين ابوك عن سوالفك هذه!
رونق رفعت حاجب وتعكر مزاجها بسبب فياض: ما احد له دخل بحياتي دام زوجي راضي !
جراح تنهد: حصل خير حرك السيارة
فياض شغل السيارة وهو يتكلم: وقسم بالله وسيم المراهق عنده غيرة أكثر منك يا دكتور !
جراح بضحكه : البارحة يقول لي يبغى يطلع مع رونق بمقطع يمكن يلقى معجبات
رونق مطت شفتها بسخرية: لا ذول حلال عليهم ..على سيرته وينه؟
الجازي بهدوء: عند عمتي نجوى يبغى يجلس مع عيال خالتك سمية
قدر ابتسمت: ماما أنا أحب فارس البارحة سمح لي اقطف ورد وقال بنت الوردة تستحق أحلى وردة وسألني
قاطعتها الجازي وهي تقرصها بفخذتها وبترقيع نطقت:،يسألها أي صف يقول باينة كبيرة !
قدر وهي متألمه من وجع القرصة : مو كذا سألني
رونق فتحت عيونها بملامح مخطوفة تخاف قدر تجيب العيد بكلامها
جراح عقد حواجبه بتذكر: فارس الي يدرس
فياض يقفل السالفة : ايه الحين وين نازلين
خالد يتكلم بعفوية مع قدر : قال لك فارس لو ما وقفوا بوجهنا كان انت
فياض تغيرت ملامحه وقاطع خالد وهو يقول: وش رأيكم نجلس هناك
جراح ناظره وهو رافع حاجب يحس في كلام ناقص...التفت على الجازي الي تتكلم : خلينا ننزل هنا مكان حلو
وقفت السيارة وقلبها يدق بقوة خايفة جراح يفهم السالفة غلط ....ما تبغى تخسره ...
بعد وقت فياض جالس ويناظر رونق وجراح وقدر يتصوروا بسعادة..نطق بهدوء : ما أتوقع هالسعادة تدوم !
خفق قلب الجازي من كلامه: ليه تقول كذا !،
انت سامع شيء؟
فياض زم شفته ما هو عاجبه تصرف رونق: كل حركات رونق غلط!
تراها تلعب بدمها بحركاتها!-
ما رح يسكتون لها
الجازي بقهر من كلامه: وش عملت رونق حتى تقول الكلام ؟!
ملتزمة في بيتها وقائمة بزوجها وأهل زوجها ما يبغونها يعني وش تعمل تروح تبوس رجولهم حتى يرضوا عنها؟!
كافي إنه جراح معها
فياض مط شفته : لا تنسي كثر الدق يلين الحديد!
ما رح يتحمل مقاطعة أهله له ...جراح يحب أهله ويحترمهم ولما تقدم على الخطوة ما توقع تكون النتائج كذا!
توقع بالبداية يعارضون ويزعلون وأسبوع يكون كل شيء منتهي والكل رضي بزواجه!
لكنه تفاجئ بالواقع أمه للحين غضبانه عليه وما تكلمه والفترة طالت ...و راكان وزياد ما رح يتحمل جراح هالجفا منهم أكثر من كذا !
ما تدرين جراح كيف متعلق بإخوانه ويحبهم...
ما تشوفينه يبتسم ويضحك لكن ما هو من قلبه جراح مثل الي بلع موس وما عارف كيف يطلعه
قاطعته الجازي بقهر:معقول يترك رونق
فياض تنهد ببرود: ما رح يتركها بذي السهولة لكنه رح يبدأ يقدم تنازلات لأهله على حساب رونق حتى يرجع الموية لمجاريها وابنتك ما رح تقبل بذي التنازلات ووقتها
رفع حاجب وهو يمط شفته بأسف : رح ينتهي كل شيء!
الجازي تحس شيء كتم على قلبها من كلامه ...ما تبغى هالشيء يصير لأنه رونق رح تتدمر!
قبل ما تتكلم أشر لها فياض تسكت وهو يناظرهم تقدموا نحوهم !
رونق جلست بابتسامة وهي تتكلم عن قدر وخالد وديما وش عملوا!
رفعت حاجب باستغراب وهي تشوف وجه أمها مقلوب والكدر واضح فيه ..سألت باستفهام: وش فيك يمه ؟
فياض بترقيع : متضايقة لأنه وسيم ما هو معها تبغاني ارجع
جراح مط شفته بشبح ابتسامه: تلقينه الحين مبسوط مع عيال خالته واصلا ما في وقت يرجع
فياض قاطعه بابتسامة: لا تخاف ما رح اتحرك من هنا !
الجازي تنهدت والحزن يحوم حولها وهي تشوف رونق تمد لجراح الجوال وتبتسم : شوف هذه الصورة!
أشر فياض للجازي بعيونه تختصر وما تظهر شيء... لأنه بالأول والأخير كل هذه توقعات !
فياض ناظر جراح : رح تحضر زواج زياد!
جراح اكتسى الهم ملامحه وبمحاوله لاخفاء ضيقه ابتسم : إن شاء الله ...حتى لو رفضوا وجودي غصب عنهم رح أكون معهم !
فياض بتأييد : صحيح كلامك ذول إخوانك ومهما صار عمر الدم ما صار مويه !
تسمع كلامهم وهي خايفة من هالزواج تخاف يطردوه ...ناظرته وهو يتكلم متحمس لزواج زياد ...تحس بألم بداخلها ما تبغى تكون العثرة بينه وبين أهله ...وش تعمل إذا هم رافضين وجودها!
مطت شفتها بضيق ما وقفت على أهله حتى أهلها تحس غير مرحب فيها والنظرة الدونية ترافقهم!
تركت الجوال ووقفت لما نادت عليها قدر ...تحركت بهدوء بخطوات هادئة باتجاه قدر !
بعد لحظات وصل احمد ومعه وسيم تقدم وهو يبتسم: هذا ولدكم عندكم والأمانة وصلت!
وسيم جلس بهدوء...بعد وقت قصير .... ناظر جوال رونق... ابتسم بخفة ومسكه بدون ما أحد ينتبه عليه وابتعد عنهم
**
**
**
جالسة والقهر بداخلها يغلي غلي ....ولدها يبيعها كذا ؟!
ويقدم رضا رونق على رضاها !
ام لؤي وهي تناظر أمها :يا يمة والله الغلط راكبك والله ما أترك ولدي لها !
هذه هي تمشيه على كيفها
ام ناصر هزت رأسها بتعب: انت الي قاعدة تخسرين ولدك بسبب صدك !
كل يوم يراكض خلفك حتى يرضيك وانت تقفلي كل الأبواب بوجهه!
راكان تكتف: خليه أشوف كيف رح تفتح الدنيا بوجهه وامه غضبانه عليه !
سعاد وهي تعلك وترش على النار بنزين : طول وقتها تنزل صورها وهي ساحبيته من مكان لمكان وهو مثل الخروف خلفها !
راكان رفع حاجب: وانت ما شاء الله متابعه كل حالاتها !
سعاد مطت شفتها : اكيد أبغى أعرف أخبار أخوي !
لجين دخلت وبيدها جوال مريم وباستنكار: والله خالي جراح ما عنده كرامة لو تشوفون المقاطع الي منزليتها على مواقع التواصل !
زياد جالس بهدوء ويستمع لكلامهم رفع رأسه وناظر لجين وهي فاتحه الجوال حتى يشوفون!،
«مساء الخير لكل الاصدقاء اليوم رجعت لكم بفيديو جديد ...طبعا أنا طالعه الحين مع امي الغالية اجمل جازية على وجه الارض برفقه زوجها الوسيم اتوقع مره طلع بالغلط بإحدى الفيديوهات ..ضحكت بخفه : المهم ومعنا طالع توأم روحي جراحوووووو
وجهت الكاميرا على جراح المبتسم : وش شعورك بهذه الطلعة
جراح ابتسم: بصراحه شعوري لا يوصف مبسوط دام عيون الغزال معي»
ام راكان جحظت عيونها وهي تشوفه طالع ومبسوط وكأنه ما له أم يسأل عن غضبها عايش حياته ومبسوط
وهي جالسه هنا بقهرها ابنة ابليس قلبته ما كان كذا !،
عقدت حواجبها وهي تشوف مقطع ثاني وضحك جراح بارز ومعهم قدر وعيال جازي ...ما تتحمل هالشيء أبدا سرقت ولدها منها وهي جالسة هنا تندب حظها!
من شدة القهر والضيق تحس ما في هواء تتنفسه وخلال لحظات كانت فاقدة الوعي !
وقف زياد بسرعة برعب وهو يشوف أمه على الأرض جثة هامدة سحب الجوال من لجين وضربه بالأرض بقوة وبصراخ: ليه تخليها تشوفه !
وتوجه لأمه يهزها وراكان يشتم رونق ويتوعد فيها !،
**
**
**
**
راكان والشرار يطلع من عيونه: ترضيك تصرفاتها!
عاداتنا وتقاليدنا ما تسمح لها تعمل كذا !
حنا وين عايشين ؟!
أخذت أخوي بالغصب غصب عنها تحترم عاداتنا وتقاليدنا!
ابو جواد كتم القهر بداخله الظاهر هالبنت ما رح تريحهم !
جواد بداخله قهر وهو يشوف التصاقها بفياض وكأنه أبوها طالعه نازله معه وكأنهم عائلة وحدة !
زياد بتوعد: والله إن أصاب أمي شيء مارح نسكت لها ابدا!
نايف بانتقاد : يا أخي لها زوج روح كلموه أبوها وجدها على وش يقدرون ؟!
زياد ناظره بقرف : انت ما تتدخل !
مسك جواله وهو يرن ...عفس ملامحه وهو يشوف اسم جراح !
أعطاه مشغول ورجعه مكانه ما رح يسامحه على كل تصرفاته !
رجع جواله يرن مرة ثانية....ابتعد عنهم وفتح الجوال بحدة : نعم !
جراح يتكلم على أعصابه : الي تقوله سعاد صحيح ؟!
أمي وين ؟!
زياد بسخرية : واضح كثير إنها أمك تهمك !-
جراح بضيق: زياد
قاطعه زياد بحدة : ايه بالمستشفى ويا ليت ما نشوفك ما نبغى تنتكس حالتهامن جديد وكله بفضل زوجتك الموقرة تقهرها
قاطعه بضيق : أنا
سكت لما قفل زياد الجوال بوجهه !
زفر بضيق وكلام سعاد بذهنه بعد ما شافت المقاطع انتكست حالها !
ما يعرف ليه رونق عملت
كذا ونشرت مقاطع كذا وهو منبه عليها مثل هذه المقاطع ما يبغى !
ليه عملت كذا؟!
مسح على وجهه بتعب ...مل من هالحياة زوجته بكفة وأهله بكفه وش يعمل بينهم !
زفر بضيق وحرك السيارة متوجه لأمه لازم يرضيها وما يبغى القطاعة تطول أكثر من كذا !
بعد وقت كان عند باب غرفتها ...فتح الباب ودخل وهو يشوف إخوانه متجمعين حولها وهو الوحيد الي بعيد عنهم !
اشتاق لجلستهم والكلام معهم !
أوجعه قلبه لما صدت أمه عنه ...تنهد بعجز وش يعمل حتى ترضى عنه ؟!!
زياد رفع حاجب بحدة نطق : مو قلت لك لا
قاطعه جراح بصوت مخنوق: زياد خلاص لا تزيدها علي !
اقترب من امه : يمه
أهون عليك
ام راكان بتعب:مثل ما هنت عليك واخترت القروية على أمك وعايش معها ومبسوط !،
وأنا أمك الي
قاطعها بقهر: يا يمه أنا كل يوم عندك بس انت تقفلين الباب بوجهي !
وش الذنب الي اقترفته؟
ذنبي اني تزوجت البنت الي أحبها !
ليه راكان وزياد اختاروا زوجاتهم وانا
قاطعته بغضب: زوجاتهم معروف أصلهم وفصلهم ما هو مثل زوجتك !
من مركز شرطة لمركز شرطة
ابوها وقفته بمركز الشرطة بدون ما يرف لها جفن !
اسأل فياض يوم تكفلها لما اتهموها بمقتل طالب معها بنفس الدفعة هددها بصورها الي معه !
وتزوجتك بدون علم أهلها وطالعه معك بدون ما أحد يعرف .. وبالأخير ترسل لزياد رسائل غرامية !
عن أي انحطاط أتكلم !
لا تقارن زوجتك بزوجات إخوانك !
تفهم !
قاطعها بغضب: ما افهم!-
لانه كل هالكلام ما هو مضبوط ....رونق ما تعمل كذا !
ناظر زياد بقهر وهو يتابع كلامه: المفروض الواحد يتأكد قبل ما يتهم الناس ويفضحهم ..وكل سالفتك معي خبرها والرسالة ما هي منها الرسالة كانت من م
قاطعه راكان بغضب : يكفي!
انت لمتى طيبة قلبك ؟!
كذبت عليك وصدقتها ؟!
تغيرت يا جراااح كثير !
جراح تنهد : أنا ما تغيرت بس انتم ما تبغون الحقيقة!
يمه انا مستعد اعمل أي شيء تبغينه بس إلا الطلاق !،
إلا الطلاق ما أقدر أظلم انسانة لأنكم ما تحبونها !
صدت أم راكان عنه : طول ما هي على ذمتك لا انت ابني ولا أعرفك!
زفر بضيق وبكذب نطق: رونق حامل تبغون ولدي يتشتت؟!!
ظهرت علامات الاستنكار على ملامحهم ....ام راكان تحس انفاسها ضاقت عرفت هالشيطانه كيف تثبت نفسها!
راكان ضرب الارض بقوة: انت
زياد اكتفى بالسكوت وعيونه على أمه الي نزل عليها الخبر مثل الصاعقة!
ام راكان بغضب نطقت:،براااااا
حسبي الله عليها حسبي الله عليهااااااا
زياد تنهد وبعدها نطق: انتظري يمه بما إنه بلقيس حامل المفروض ننظر للموضوع من زاوية ثانية!
عقد حواجبه بعدم فهم : كيف؟!!
**
**
**
**
وضعت الكتاب بتعب جراح من الصبح طالع ورح يتأخر حسب كلامه..مدت يدها حولها تبحث عن الجوال ...رفعت الوسادة يمكن تحتها ..عقدت حواجبها بتذكر ...اكيد بحقيبتها البارحة لما رجعت نامت وما مسكته ....تكاسلت تقوم تجلبه....
قررت تغفى شوي تريح نفسها ..غمضت للحظات سرعان ما نقزت لما دخل جراح وهو ينادي باسمها !
دخل الغرفة بملامح ضايقه ....وقف يناظرها مفزوعة لما نطقت: وش فيك ؟
سألها بملامح حادة ..وقلبه يغلى من تصرفاتها وكيف رمت كلامه بعرض الحائط ونزلت الفيديوهات..وبنبره قويه نطق: وش هالمقاطع الي نزلتيها ؟!
عفست ملامحها بعدم فهم : اي مقاطع
قاطعها بغضب: لا تستهبلين!
بسبب هالمقاطع أمي دخلت المستشفى
نهضت واقتربت منه باستنكار: مستشفى ؟!
أنا ما نزلت شيء
فتح جواله وهو يمده لها : وش هذا؟!
انا نبهت عليك تنزلين بس دروس تعليمية أما زفت ما ابغى!!
بهتت ملامحها وعقلها ما هو مستوعب شيء !
تكلم بحزم: ما أبغى أي حساب لك على مواقع التواصل خلاص احذفيهم ما هو ناقصنا مشاكل ..مب مستعد أفقد أمي تفهمين!
ناظرته بحاجب مرفوع من هذا الهجوم .....زمت شفتها بتعجب: والله!
الحين علشان هذا المقطع دخلت أمك المستشفى ؟!
عملت أمك هالفيلم والاكشن حتى
قاطعها وهو يحسها جالسه تتمسخر على أمه....وبقوة نطق وهو يضغط على فكها : امي انتبهي تغلطين عليها !
دفته عنها  بكل قوتها ..وعقلها ما هو مصدق هذا جراح يعاملها كذا ..يا مسرع ما قلبوه عليها ....وبقهر نطقت : قول هذه أوامر إخوانك ...لكن بأحلامهم والله ما أحذف شيء والي ما هو عاجبه لأقرب طوفه ويطق رأسه !
تكتف وهو يناظرها باستنكار: ما شاء الله
زفر بضيق وبعدها نطق وهو يمد يده: وين جوالك؟!
ردت وبداخلها النار تشتعل ..نفسها تخنق إخوانه وتخلص منهم كلهم : اكيد فاضي من الشحن وين الشاحن؟!-
تقدم من الأدراج.... أخرج الشاحن ..و بعدها ناظرها بندم على عصبيته وانفعاله: رونق يمكن كنت منفعل بس لا تلوميني أنا داخلي هموم ربي يعلم فيها....الكل واقف ضد حياتنا ...ومع ذلك لازم نتعاون وينجح هالزواج!
بفعلتك ذي زادت الأمر سوء!
أبوك وجدك وأهلك بأقصى غضبهم بسبب هالتصرف!
حتى فياض اتصل وصوته يرعد اتصل فيك وما تردين عليه !
أمك طالعة بالفيديو وجن جنونه!
يا ليت بس تفكرين بعواقب الأمور قبل ما تقدمين على عملك!
والحين تفضلي لحقي على نفسك اتصالات ... أشر على جواله ..تقدمت من الجوال وهي بحالة صدمة من الموقف الي صار وهي ما معها خبر عنه ..شافت اسم امها...ردت بملامح جامدة...الو
الجازي بلوم: رونق احذفي المقاطع ترى واحد من المقاطع طالعه فيه وفياض معصب على الأخير
تنهدت رونق بملامح عابسه وبداخلها دوامه مين نشر المقاطع...وبنبرة فيها ضيق نطقت: ما عليك ... وفياض أنا أتفاهم معه انت لا تدخلين نفسك بالسالفة!
انهت المكالمة وتحس الدنيا قفلت بوجهها مين عمل كذا بدون ما يخبرها ؟!
رفعت نظرها لجراح واقف فوق رأسها وهو يؤشر على جواله ...رجع يرن مرة ثانية: يلاااا ردي
مطت شفتها بقهر وناظرت جواله واسم أبوها على الشاشة...اخذت نفس وأعطته مشغول ...وقفت وناظرته بتعجب والقهر واضح بعيونها: انتم ليه مكبرين الموضوع كذا ؟
رح أفرض اني نزلتهم وين المشكلة؟
قاطعها بقهر من برودها وهو يصفق بيدينه: انت نزلتيهن وخلصت!!!!
رونق أنا وافقت إنك تعطين دروس علمية أما تنزلي حياتنا وتنشريها للعالم حتى تقهرين فلان وعلان هذا مرفوض نهائياً تفهمين !
أعطيني الجوال الحين رح أحذف كل حساباتك
قاطعته لما اقترب منها يبغى يأخذ الحقيبه... وبتهديد نطقت: جراح ما اسمح لك ترى
قاطعها بسخرية وهو رافع حاجب: وش رح تعملين تذبحيني بالمشرط؟
بهتت ملامحها من كلامه ... الظاهر إنه جالس مع أهله ولعبوا بعقله والحين رح يتحكموا بحياتها وبكل صغيرة وكبيرة يتدخلوا مثل مريم بالضبط ما لها رأي أو شخصية !
هذا الشيء مستحيل تسمح فيه!
خلال ثواني غافلته وطلعت من الغرفة ومعها حقيبتها وبسرعة وتوجهت للغرفة الثانية وقفلت الباب بالمفتاح!
استندت على الباب وزفرت بضيق !
جلست على الأرض وهو يطرق الباب بهدوء: رونق افتحي...رونق افتحي الباب
ردت بصوت قوي :،ما رح افتح وحساباتي ما تنحذف هالكلام وصله لأهلك ما لهم علاقة بحياتي!
والفيديوهات ما رح تنحذف وخليهم ينقهروا وكل شوي رح أنزل مقطع وأفضحهم قدام الناس خليها تعرف تسلطهم وظلمهم
قاطعها بتوعد : ورب الكعبة يا رونق إن نزلتي شيء ما يصير خير !
زفر بقهر لما ما شاف منها رد ....ضايقته بهذا التصرف بكل جهده يحاول يصلح الوضع بينه وبين أهله وهي بتصرفها خربت كل شيء!
أمه مصممه على الطلاق ورافضه كل الحلول الي اقترحها راكان....... غير الطلاق ما ينزل الحطب الي برأسها!
نطق بتهديد : رونق وقسم بالله إذا ما فتحتي الباب الحين ما رح يصير خير معك 5 دقائق افتحي الباب!
عقدت حواجبها باستغراب من كلامه ...وش يقصد؟!
مطت شفتها يظنها بزر يضحك عليها بهذا الكلام يقال يخوفها!
فتحت حقيبتها حتى تأخذ الجوال ...رفعت رأسها لما حست بطرقات على باب الشقة... اقتربت من الباب وسرعان ما نقزت لما انطرق باب الشقة بقوة !
بلعت ريقها وهي ملتصقة بالباب حتى تعرف مين !
تصلبت ملامحها وهي تسمع صوت أبوها وهو يسأل: وين رونق!
وصلها صوت جراح الهادي ولا كأنه دوبه كان معصب : ارتاح يا عمي الحين تيجي!
نادى بصوته الهادئ ولا كأنه  صاير شيء: رونق يا رونق تعالي!
زفرت بضيق ما رح تحسس أبوها إنه بينهم شيء .....فتحت الباب وخرجت بهدوء ...رفعت حاجب وهي تشوف أبوها وقف وعيونه تقدح شرار : هلا هلا وين جوالك وتعالي صوريني ونزلي المقطع على حسابك !!!
زمت شفتها بضيق من نبرته الساخرة ...تابع كلامه : انت ما تستحين على وجهك
قاطعته رونق بقهر: الي يسمعك يقول
قاطعها بقهر: ولك عين تتكلمين بقوة عين
ردت بنبرة قوية:،لأني ما عملت غلط وما في شيء أخاف منه
قاطعها بنبره اقوى فيها تهديد: رونق صوتك لا يعلى علي وتكلمي بأدب !
ناظر جراح باستفسار: حذفت حساباتها؟!
عقدت حواجبها باستنكار يعني هالأوامر من أبوها!
أكيد إنها من جدها كمان!
صكت على أسنانها بقوة من تدخلهم ...ناظرت جراح الي رد بهدوء: قلت لك ما رح تحذفهم إلا بكيفها إن بغت تحذف حساباتها أو لا هذا شيء راجع لها...والمقاطع أكيد رح تحذفهم لأنه قدر نزلتهم وهي تعبث بجوالها !
ورونق ما عندها خبر !
عقدت حواجبها من كلامه !
جواد بعدم تصديق لترقيع جراح : حتى لو كان بالغلط ما أبغى يكون لك حسابات والي يبغى يدرس يا كثر المراكز الثقافية !
أنا أحذرك أسمع صوتك وإلا صورة لك على مواقع التواصل تفهمين!
ردت وهي تتوجه للمطبخ: رح أحضر القهوة!
ناظر جواد جراح بقهر وجلس : جراح احذف حسا
قاطعه جراح بهدوء: ما رح يتكرر هالشيء !
جواد زفر بغضب : يا برود أعصابك!
رفع حاجب وهو يكمل كلامه:سمعت إنك رح تنتقل عند جدتي أم ناصر
جراح هز رأسه : حتى أكون أقرب لأمي لعلها وعسى ترضى!-
جواد ينقهر من رفض أهل جراح لرونق ....رفع نظره لرونق الي مدت له بالضيافة: تفضل
جواد تناول وهو يتكلم حتى يشوف رد فعل رونق: متى ناوي تنتقل لبيت جدتي أم ناصر !
جراح بهدوء:نهاية الأسبوع على الأرجح
جلست وهي حاسه نفسها سمعت غلط: بيت جدتي ام ناصر؟!!
جواد هز رأسه بتأكيد:، افضل مكان لكم ولا تنسى جدتي تعبانة وبحاجة لأحد يكون عندها
تكلمت وهي تحاول تمسك أعصابها يخططون على كيفهم  : جدتي بيت عمك ناصر عندها
قاطعها جواد بنظرات نارية ناقده: عمك ناصر اعتقد!
وبعدين ام راكان ما هي 24 ساعة عندها.... يكثر خيرها تعتني بجدتي وأكيد تبغى أحد يساعدها
رونق بملامح معفوسة: مريم تجلس عندها بما إنها زوجة الغالي !
جراح بملامح منزعجة : رونق
ناظرته بقهر ما أحد فيهم يحس بالقهر الي تتجرعه:-رونق !!!!
يعني انت بنظرك ينفع اعيش مع أهلك بنفس البيت ؟!
أنا ما عندي مشكلة بس أهلك رافضين وجودي وأنا إنسانة ما عندي طول بال وإن غلطت ما رح ترضى على هذا الشيء  !
يعني حنا رح نخرب حياتنا هناك لأنه ألف واحد رح يتحكم فينا !
رح نوصل لدرجة نستأذن من جدي إذا يسمح لنا نطلع أو لا !
جواد بغضب من كلامها: خلاص انت ما تحترمين أحد !
جدك يبغى مصلحتك!
بس انت
سكت بقهرمن تصرفاتها وبعدها نطق بنبره أخف: لمتى وانت ما تحترمين أهلك!
وقسم بالله طق قلبي من تصرفاتك وارقع من خلفك صغيرة جاهلة لمتى!
صغرتيني قدام الكل!
الكل يناظرني ما لي كلمة على ابنتي لأنها بكل
بساطة ترمي كلامي بعرض الحائط وتنفذ الي برأسها وما هي سائلة عن أهلها !
لمتى يا رونق!
احاول بجهدي إني أسعدك بس انت تقابليني
قاطعته بقهر من كلامه: انا وش غلطت بحقك يبه!
جراح انت
قاطعها جواد بقهر: لا تستغلي نقطة حب جراح لك وتصغرينه قدام أهله ...تراه أعلن إنه رح يسكن عند جدتي ..تدرين الأغلب يناظر بسخرية يقولون رح تمشي رونق كلمتها عليك وما رح تنتقل!
تعرفين وش قال لهم جراح::!
رد عليهم بثقة وهو يقول « رونق ما تتركني لو اسكن بصحراء إلا تترك كل الدنيا وتتبعني»
ناظرت رونق جراح وملامحه جامده يحملونها فوق طاقتها !
زفرت بضيق ونطقت : على اساس شرطتم على جراح بيت مستقل والحين
جواد قاطعها: عنيدة وما تسمعين الكلام لو فياض الي طلب منك مباشره تقولين أمرك!
تزوجتي بدون علم أهلك ونفذتي كلام فياض ورميتي عاداتنا وتقاليدنا بعرض الحائط !،
ترى أنا أبوك ما هو فياض!
ترى طق قلبي من تصرفاتك
جراح اشر لجواد بشويش: عمي لا تنفعل بزيادة !
ترى رونق تعزك وتحترمك
قاطعه بقهر : لو تحترمني كان سمعت كلامي
مطت شفتها وهي تحس بالاختناق من هالموقف ....تكلمت بصوت ظهر فيه الضيق: مثل ما تبغى إذا تبغى الحين ننتقل عند جدتي ام ناصر ما عندي اعتراض!
جواد حس إنه سمع بالغلط ...ناظرها بعدم تصديق وهي تتابع كلامها: والمقاطع الحين احذفها !
في شيء ثاني مضايقك؟!
هز رأسه وهو يناظرها: ايه فيه ....فياض يا ليت تخففي علاقتك معه أمك ما لي علاقة فيك أما فياض يا ليت تبعدين عنه يكون أفضل
كتمت قهرها وردت : انا ما لي علاقة بمشاكلك مع فياض !
ناظرها بقهر: عنيدة!
رفعت نظرها للسقف تصبر نفسها على هالأوضاع!
بعد وقت غادر أبوها بعد ما استنزف طاقتها ....ناظرت جراح باستفسار: ليه
قاطعها بملامح مقلوبة وزعل : أشوف أبوك علشانه وافقتي تحذفين المقاطع وكمان وافقتي تنتقلين وأنا هنا جدار ما تسمعين كلامي!!
نطقت بتبرير: انت بغيت احذف حساباتي
قاطعها بنبره أعلى:انا قلت تحذفين المقاطع
رونق بتأكيد : لا انت طلبت احذف الحسابات
قاطعها بقهر من عنادها: رح أفرض إني طلبت منك تحذفين الحسابات لذي الدرجة كلمتي بالأرض؟!!!
رونق خذيها على بلاطة ..صحيح إني حبيتك وعاندت الكل وتزوجتك.... هذا الشيء ما يعني اني اسمح لك تكسرين كلامي وتهمشي وجودي !
أنا لما أقول شيء تنفذيه فهمتي!
قلت لك من قبل صورك لا تنزليها على الزفت بس ما أدري وش هدفك من هالشيء؟؟!!!
واقفة تناظره وهو يتكلم وهو متنرفز من تصرفاتها ....تحس فعلاً إنها غبية لما ظنت إنه غير عن إخوانه .. أو غير عن أهلها ....التسلط يسري بدمهم.
غمضت عيونها لما قفل باب الغرفة بقوة بعد ما انهى كلامه!
اخذت نفس عميق وهي تحس بخنجر وسط حلقها !
توجهت بخطوات هادئة باتجاه الشباك تناظر بصمت وهي تفكر معقول غلطت بشيء؟!!
هي ما عملت شيء حتى تنقلب أمورها كذا!
ليه دائما الأمور تسير ضدها.......

**
**
**
**
راكان بتأكيد على أمه : يا يمه لا تخربين مخططاتنا!
ام راكان بقهر : ما اطيق اشوفها!
راكان بخبث: ما عليك منها لازم نسحب جراح لصفنا ...لازم تكوني حريصة حتى يشوف الجانب السيء من رونق ..خليها يكتشفها على حقيقتها ..طبعا هذه مهمتك انت وأخواتي !
ام راكان زفرت بضيق : متى اليوم الي نتخلص منها !
راكان بتفاؤل : قريب كثير !
**
**
**
**