تحميل رواية «بصير قلبي» PDF

ادم=مااانتي كمان خاينة يشفاء ولا اي!!!

شفاء بصدمة=هااا شفاء مين وأي خاينة دي !

أدم قرب من شفاء ومد أيده وقرب من وشها أوي.

غمض عنيه وبدأ يمشي ايده على وشها.

قلبه كان بينبض أوي.

فتح عنيه.

شفاء الدموع كانت ماليه عنيها.

أدم=كنت حاسس انها انتي بس مكنش احساس أكيد.

لأن انا بس كنت معتمد فيه على نبض قلبي.

ودلوقتي بعد ما اتحسست وشك...

فأنا اتأكدت انها انتي.

ليييه يشفاء خونتي ثقتي!!!

شفاء بدموع=أنا مخونتش ثقتك يااادم.

أنا بس اخلفت بالوعد الل عطتهولك اني اكون موجودة بعد العملية.

انا اااه مكنتش موجودة بس كنت شايفاك.

البنت الل بعتها مكنش الهدف انها تمثل انها انا.

لاني كنت متأكدة انك هتعرفها.

بس هي كانت بتصورك.

انت مش عارف كمية الفرح والدموع الل نزلت لما لقيت العملية نجحت.

أنا سجدت شكر لربنا.

وطول العملية كنت معاك بقلبي ودعواتي ياااادم.

أدم=طيب ليييه سبتيني.

أنا قولتلك ان قلبي بينبض طول مااانتي معايا.

شفاء=كان لازم اعمل كده ياااادم.

أنا سمعت كريمة وهي بتكلم عبدالحميد وبيخططو يموتوك عشان يأخدو الاملاك.

ساعتها أنا دخلت فصدمة.

مكنش قدامي غير شخص واحد ألجأ له.

وفجأة بنت دخلت وقاطعتهم.

وأنا الشخص الل هي لجأتله.

الكل بص نحيتها.

كانت بنت شعرها قصير اوي.

ملامحها جميلة.

أنا كيارا،صديقة شفاء الانتيم.

شفاء بصت لكيارا وابتسمت بدموع.

كيارا=شفاء لما حكتلي كل حاجه.

قولتلها ان مفيش غير طريقه واحده.

نحمي بيها ادم والاملاك من كريمة.

وهي أن شفاء تبعد بعد ما تعمل العملية.

كنا عايزين نشتت كريمة ومنديلهاش الفرصه تأذيك.

شفاء كملت.

أنا اااه بعدت يااادم.

بس دايما كنت شايفاك.

طلبت مساعدة رحمة.

ولما حكتلها.

هي متأخرتش ابدا تساعدني.

حطينا كاميرات فالبيت وخاصة فأوضة كريمة.

وأوضتي واوضتك يااادم.

كنت عايزة أشوفك دايما.

وكنت كل ما تحبس نفسك وتبكي عليا،أنا كمان كنت ببكي معاك يااادم.

أنا والله كنت تعبانه من غيرك،بس كان لازم اعمل كده.

كيارا كملت.

بدأنا نتجسس على كريمة ونعرف كل خططها من خلال الكاميرات الحديثه الل بعتناها لرحمة.

وبصراحه رحمة كانت شاطرة وركبتهم كويس.

ولما عرفنا الخطط بدأنا نفشلها.

أول خطط كريمة كانت انها تسممك.

فجبنا طباخ خاص ليك بحجه ان الدكاترة قالو لازم تاكل اكل صحي.

بس المهمة الاساسيه للطباخ ده.

هي كانت انه ياخد باله من أكلك ويمنع كريمة تنفذ خططها.

تاني حاجه لما عرفنا انها بتأجر ناس تمشي ورا عربيتك عشان تخليك تعمل حادثة.

بدانا نفش العجل بتاع عربيتك عشان تاخد تاكسي.

واليوم الل نجحو يتتبعوك فيه.

بعتنا عربية تانيه خبطتهم وبعدتهم عنك.

أدم=يااااااه كل الحاجات دي،انتو الل عملتوها.

وانا مكنتش واخد بالي!!

شفاء=اااه ياااادم،أنا لا يمكن اسيبك تتأذي.

كيارا=كمالة الخطه،هي اننا نبعد شفاء عن انظار كريمة.

لان لو شفاء ظهرت فالصورة وكريمة عرفت ان هي الل بتساعدك،مكنتش هتتردد لحظه تقتلها.

وكمان تأذي اهلها.

شفاء=بالظبط.

وكمان ده كان هيجذب انتباها ويخليها تاخد بالها من حركاتها،واحنا مكناش ععايزين كده،كنا عايزينها تغلط.

كيارا=كمان الأمضه الل كانت على الورق شفاء هي الل اخدتها منك قبل العملية.

بص الهدف من ده انه كان يبقا معانا حاجه قانونيه تخلي كريمة تتجنن هي وعبدالحميد.

لان طبعا عبدالحميد محامي شاطر.

ولو زورنا الأمضه كان هيعرفها.

لكن أنا طلبت من شفاء انها تأخدها منك من غير ما تعرف.

هي بصراحه رفضت كتير.

بس انا اقنعتها ان كل حاجه هترجعلك تاني بس بعد ما نتخلص من شر كريمة.

شفاء =شوفت بقا اني مش خاينه.

أدم=أنا مكنش قصدي خاينه بالنسبه لانك مضتيني وانا مش عارف.

أنا كنت اقصد بيها انك خنتي الوعد الل عطتهولي انك هتكوني معايا وجمبي دايما وسبتيني يشفاء.

بس بما انك كنتي شايفاني وحاسه بيا دايما.

يبقا مكسرتيش الوعد ولا خونتي ثقتي.

شفاء=استحاله اخون ثقتك أبداً.

ادم=بس ليييه بعدتي عني كل الفترة دي.

كيارا بصت لشفاء.

كيارا=بصراحه كده كل الفترة دي شفاء كانت بتحاول تتغير فيها لكيارا.

متعرفش احنا عملنا اي عشان نوصل للشكل ده.

جبنا شخص يعلمها ازاي تغير طبقة صوتها.

وتغير من شكلها.

اول حاجه الهدف كان من كده اننا نشتت كريمة ومتعرفش شفاء.

لانها لو عرفت انها شفاء كان ممكن كل حاجه تبوظ.

ثانيا بقا.

وبصو وضحكو لبعض.

شفاء كانت مقتنعه بالفكرة وحباها عشان كانت عايزة تعرف انت هتقدر تعرفها بردو رغم التغيير ده ولا لا.

بما انك بتقول انك بتشوفها بقلبك.

شفاء=صراحه اااه،أنا كنت عايزة اعرف انت هتقدر تعرفني ولا لا.

بس عارف يدومي؟!!!

ادم بصلها بحب=أيه!!

شفاء =عارف لو مكنتش عرفتني، أنا كنت هطين عيشتك.

أدم=في حد يقول لحبيبه كده.

شفاء بضحك=اااه.

كريمة قاطعتهم.

=ههه،اي الحب دا كله،لا دا انا فعلاً غلطت اني متخلصتش منك من أول يوم يبنت نور الدين.

بس احنا لسه فيها،ومش هخليكي تتهني.

لأن مش انا بس الوحيدة الل خاينة.

يست شفاء.

شفاء =قصدك اي!!

كريمة=أسألي أبوكي.

شفاء =ماله بابا، وقصدك اي بالكلام ده، وليييه أسأل بابا.

صوت قاطعهم.

واتكلم بحزن.

=أنا هجاوبكم.

شفاء بصت لقته نور الدين هو وسعاد.

شفاء جريت على سعاد =ماما حبيبتي وحشتيني بس اي الل جابكم.

سعاد=بقالنا فترة مشفناكيش.

والنهاردة كيارا كلمتنا وطمنتنا عليكي،وقالت لباباكي انك بتحاولي تنقذي عيلة عز من شر افعى.

وابوكي مقدرش يقعد ويسيبك لوحدك.

فركبنا وجينا على طول.

حتى مرضيش ينتظر للصبح.

قاطعهم صوت رحمة.

والل صدمت الجميع.

رحمة =بابا!!!.

وجريت عليه وحضنته.

فوسط صدمة شفاء.

شفاء وسعاد فصوت واحد=نعممممم بابا!!!

بابا ميييين!!؟

رحمة بصت لسعاد=مين دي يبابا.

سعاد=نور الدين،مين دي!!!

نورالدين بصلهم بسكات وعنيه مليانه حزن.

أدم=هو ده عمو يرحمة!!!

رحمة=اااه يااادم دا بابا.

مااانا وريتك صورته من زمان.

شفاء=انتو بتقولو اي،واي الكلام ده يبابا.

ادم ورحمة=بابا!!!

نورالدين=طيب ممكن تسكتو وتسمعوني للأخر.

سعاد=أنا مش فاهمة حاجة ينور،في اي!!

نورالدين=اصبري عليا يسعاد بس.

هفهمكم كل حاجه.

نور الدين بلع ريقه وبدأ يحكي.

=أنا كنت صاحب عز وصديقه الوحيد.

وكنت متعود ازوره دايما لما كانت هيام مامت أدم عايشه.

قابلت ساعتها أخت هيام والل كان اسمها عايدة.

الل هي مامت رحمة.

وبصراحه حبيتها.

ورحت اعرض على والدي اني اتجوزها.

بس بابا رفض وقال لازم اتجوز سعاد لانها بنت عمي،والا هيتبرا مني.

مكنش قدامي حل غير اني اتجنب غضب ابويا عليا.

واتجوزت سعاد.

بس قعدنا فترة متجوزين وسعاد مكنتش بتخلف.

سعاد جات فيوم وعيطت وطلبت مني اتجوز.

بس انا رفضت ساعتها،لاني كنت بدات احب سعاد وبالذات انها بنت عمي وانا الل كنت مربيها كمان،فليها معزة كبيرة فقلبي.

وبعدها عز دعاني لعيد ميلاد أدم.

ولما روحت هناك قابلت عايدة.

وبصراحه الحب القديم رجع اتجدد.

فاتزوجتها.

سعاد=نعممممم يخويا.

شفاء=اصبري بس يماما.

كمل يحج.

نورالدين=كنت خايف على مشاعر سعاد، فكنت متردد فاني اقولها وبعد فترة،عايدة حملت برحمة.

وعدى خمس شهور.

وسعاد حملت بشفاء.

ساعتها أنا اتكلبشت.

ومقدرتش اقول لسعاد حاجه،وخاصة بعد ما بقت أم.

فيوم ولادة رحمة.

عايدة تعبت أوي واتوفت وهي بتولدها.

وانا سميت البنت رحمة زي ما عايدة كان نفسها تسميها.

كنت عايز اجيب رحمة واديها لسعاد تربيها مع شفاء.

بس كنت خايف من رد فعل سعاد وانها تسيبني.

هيام أم أدم.

قالتلي انها هتاخد رحمة وتربيها زي بنتها.

واني ابقا اجي اشوفها دايما.

وبلاش أبوظ حياتي بأيدي.

بصراحة وافقت بعد اقناع كبير من هيام.

وسبتلها رحمة تربيها.

وخبيت الموضوع.

مكنش حد يعرفه غير عز وهيام بس.

ولما هيام اتوفت.

اخدت رحمة فترة كده.

لما قولتلك اني مسافر بره مصر وقعدت سنة.

السنة دي كنت قاعدها مع رحمة.

وبعد كده عز اقترح عليا اجيبها تعيش مع ولاده.

وهم كده كده زي اخواتها وهيأخدو بالهم منها.

ساعتها كريمة عرفت السر بقا.

أنا رجعت كملت حياتي مع سعاد وشفاء.

وكل فترة كنت بقول اني هسافر تبع الشغل.

وكنت بقعد أنا ورحمة فشقتنا أنا وعايدة.

الفترة دي رحمة كانت بتسيب بيت عز وتيجي تقعد معايا وكنت بفهمها اني بسافر.

سعاد كانت قاعدة بتعيط.

نورالدين=أنا اسف والله،ده كل الل حصل،بس اقسملك بالله،أنا مش بس بحبك،انتي ليكي حاجه فقلبي اكبر من الحب.

اعظم بكتير يسعاد.

وهي العشرة.

سعاد كانت ساكته.

نورالدين كمل=أنا أسف يشفاء.

اسف يبنتي.

شفاء =أسف على اي يبابا!!!

على انك بعدت اختي عني كل السنين دي،ولا على اني عشت وحيدة من غير أخت.

واختي موجودة وعايشه.

رحمة بدموع =شفاء!!

أنا أنا.

شفاء مشيت نحيتها=ششششش،انتي لسه هتتكلمي،تعالي فحضني يبت.

رحمة حضنتها وفضلو يعيطو.

شفاء=شفتي،قلبنا حس ببعض من اول حضن،ومن اول يوم.

رحمة =اااه والله يشفاء،دايما قلبي كان بيقولي اني اعرفك.

طلعتي حتة مني وضايعه.

قاطعتهم سعاد الل وقفت ومسحت دموعها وقالت.

=طلقني ينور الدين،طلقنااااااااااي.

شفاء=يييييي ماما هتقلب دلوقتي.

شفاء =اهدي يماما.

خلاص الموضوع حصل من زمان.

وبابا معاكي اهو.

سعاد بضيق=اسكوتي انتي يبنت أبوكي.

وديني ينور الدين لاطينها عليكم.

طلقنااااااي.

ادم=طنط.

اهدي بس.

سعاد=أمشي من وشي انت كمان،لأقسم بالله هولع فيكم كلكم.

نورالدين=بس يجماعه محدش ليه دعوة بيها أنا هتصرف.

=أنا اسف يا سوسو.

سعاد=بل اسفك واشرب ميته.

نورالدين =ااااهه،طيب أنا بحبك.

سعاد=مش هسامحك وهتطلقني.

نورالدين طلعلها شوكلاته من جيبه.

=طيب وكده.

سعاد عنيها لمعت واخدت الشكولاته بسرعه وبصتله وقالت=خلاص سماح.

ادم ضحك وقرب لشفاء=دا مش انتي بس الل بتتحايلي بسهوله.

دا طلع حاجه وراثية عندكم.

شفاء بصتله وهي عاقدة وشها=قصدك ايه بقا إن شاء الله.

ادم=أنا اسف يكبيرة مش قصدي حاجه.

شفاء شهقت =يلااااهوي.

كريمة وعبدالحميد فييين.

أدم=ينهار اسود.

ساهونا وهربو.

قاطعهم.

دخول الشرطه والبودي جارد وهم ماسكين كريمة وعبد الحميد.

شفاء بضحك=لا احنا فالامان.

الرجالة قامو بالواجب.

الشرطه=جالنا بلاغ ان في ناس هنا شرعت فالقتل والاحتيال.

هم دول؟!!؟

احمد واسيل=اااه يفندم هم دول.

والدليل معانا.

لو سمحتو خدوهم على السجن.

كريمة=كده،عايزين تسجنو امكم،هاااا.

أسيل=أخيرا افتكرتي انك امنا.

مش مهم انك تفتكري خلاص،لان فات الأوان.

المهم ان الل يعمل الغلط،يتعاقب،يا ماما.

الشرطه =خدوهم على البوكس.

كريمة=لا لا.

مش انا الل اتسجن.

لااااااااااااا.

الشرطه اخدتهم ومشيت.

ادم=هاااا!!

شفاء=نعم!!

ادم=كده احنا اتخلصنا من الاشرار،اي موقفنا بقا يجميل.

شفاء=كل خير أن شاء الله.

وكملت وهي بتبص لباباها ومامتهابابتي مامتي،روما.

يلا يحبايبي نروح على بيتنا.

تيك كير يروحي.

أدم =نعممممم يعمررررر.

نعمممم يعمرررر...

شفاء بضحك: اي تا اي تا اي تا،... حاسة أن طريقتي أثرت عليك جامد يدومي، بقيت بتشرشح زيي...

أدم: متهربيش مني بالكلام.... هتروحي فين وتسيبيني يشيفو...

شفاء: يا حبيبي... افهم... الناس دول مين.. وشاورت على ابوها وامها...

أدم: ابوكي وامك، مالهم!!!؟

شفاء: اهههه، يعني أنا ليا أهل مش لقيطة... وعيب أوي قعادي فالبيت هنا معاك اكتر من كده...

أدم: ايوه يعني هتسيبيني تاني!!

شفاء: دا اي الراجل الل مش راضي يفهمني ده.... يحبيبي افهم، انا ليا أهل وانت بتحبني يبقا فاضل أي ياااادم!!

أدم بعدم فهم: اييييه!!

شفاء: يلاهواااتاااااااي، حد يخبطه على دماغه يمكن يفوق...

أدم: ابويا مستنيك بكرة عشان تيجي تطلب أيدي.. مش كده يحج نور..

نورالدين بضحك: كده يمعلم...

أدم: أيييييه، يعني انا اجي اخطبك بقا وتبقي مراتي بقا وكده...

شفاء بضحك: يااااتي على الل بتفهم بسرعه ياااتي.... ايوه يسيدي هبقا مراتك وانت هتبقا قرة عيني...

أدم: خلاص يعمي انا هاجي دلوقتي معاك اطلبها منك..

شفاء بضحك: حيلك حيلك... مش شايف شكلي، دا انا ببچامة النوم... لأ واي الشعر ده كمان... وبدأت تقلع الشعر....

أدم: اي ده انتي مقصتيش شعرك...

شفاء: تؤتؤ، دي باروكه، انا مقدرش استغنى عن شعري زيك كده بالظبط..

أدم: اااه طيب... وكمل بصدمه: ايييي.. يعني انا وشعرك فنفس المقام..

شفاء: يييييي، دا هيسيب الل بنتكلم فيه ويمسك فالكلمة... بص يعم الحج... انت تيجي بكرة انت والناس الحلوة الل واقفه دي، وتطلب ايدي من الحج ده... موافق ابابا...

نورالدين: موافق يعم السفاح..

أدم بضحك: هتجوز قتالة قتلة يناااااس...

شفاء: إذا كان عاجبك... اسيبك بقا عشان اغير هدومي ونمشي...

طلعت بسرعه غيرت هدومها ولمت شنطتها ونزلت...

شفاء: يلا يبابتي انت ومامتي، ويلا يروما معانا...

أحمد: لأ، سيبي رحمة هنا...

رحمة حضنت شفاء: لا يروحي انا دلوقتي اخت العروسه ولازم اروح معاها عشان ابقا جمبها...

احمد: كده بتبعيني يارحمة...

رحمة بضحك: اااه...

احمد وقف مبوز شوية...

أدم: افرد وشك يعم، بكرة نطلبها هي كمان ونأخد الاتنين منهم...

احمد ابتسم: بجد!!

أدم غمزله: اوماااال...

شفاء مشيت هي واهلها ورحمة... وأدم طلبلهم عربية توصلهم لحد البيت...

بعد ما وصلو رحمة وشفاء دخلو اوضتهم... ونورالدين وسعاد دخلو يرتاحو...

نورالدين: سعاد انا ملاحظ انك منتطقتيش بكلمة من ساعة ما طلعنا من بيت عز، مش انتي سامحتيني يسعاد!!!

سعاد ببرود: عارف أنا قبلت أسامحك أدامهم ليه ينور... مش عشان انت تستاهل ده، لكن عشان العشرة الل بينا، مكنش ينفع أقل منك قدام حد بعد العمر ده كله... انا عملت اني اتصالحت بس لأ ينور، انت كدبت وخبيت عليا جوازك من واحدة تانيه بحجة انك خايف على مشاعري... بس عارف رغم كل ده، مكنتش اقدر الومك قدام حد، لأن الل بينا كبير، الل بينا كان عشرة سنين اكتر من 25 سنة،.. عقابي ليك هيكون بيني وبينك ينور، مش هقدر اخلي حد يدخل بينا، بس هعرف اعاقبك كويس على الل عملته...

نورالدين: ياااااه يسعاد وانا الل قولت انك اتصالحتي زي كل مرة!!

سعاد: أني اسامحك كل مرة على غلطك فده مش ضعف أبداً، دي الطريقة الل بوضح بيها حبي ليك واني باقيه عليك... انت اااه عمرك ما جرحتني ولا هنتني... وكان سبب زعلنا دايما اسباب تافهة... بس المرة دي غير ينور... المرة دي فيها كسرة ثقة وكسرة قلب...

نورالدين: انا اسف والله، انا مش هقدر استغنى عنك، سامحيني عشان خاطري... عشان خاطري يسعاد...

سعاد: مسامحتي ليك ينور انا الل هحددها امتي... وزي ما خبيت الحقيقه عني كل ده... فأستحمل بقا عقابي.....

نورالدين: خلاص وانا موافق على اي عقاب ييجي منك، بس اهم حاجه تفضلي جمبي، انا بسند عليكي...

سعاد نزلت دمعه من عينها: وانا طول العمر كنت ساندة عليك... وايدك دايما كانت بتشدني لقدام... وعشان خاطر كده... فعقابي هيكون اخف... بس صدقني هيألمك برضو...

نورالدين: مش مهم المهم انك تسامحيني...

سعاد بصتله وبعدين راحت رقدت وطفت النور...

نورالدين اتنفس بتعب وبعدين راح نام... وهو عارف طريقة عقاب سعاد، وانها هتبدأ تتجنبه ومتتكلمش معاه، وفعلًا هي دي الطريقة الل هتعلمه الأدب... لأنه مبيقدرش يقعد من غير ما يكلمها ويناقر معاها.....

تاني يوم...

رحمة: يلا يشيفو بقا، الجماعه قربو ييجو وانتي لسه مخلصتيش...

شفاء هي الل كانت بتمكيچ نفسها......

وبعدين فتحت الباب لرحمة...

اول ما رحمة شافتها صفرت...

رحمة: اي الحلااا والجمال ده كله يبت، كنتي مخبيه كل ده فين...

شفاء: بس بقا متكسفنيش الله..

رحمة بضحك: انتي مكسوفه!!

شفاء: اااه، اول مرة يبقا قلبي بينبض جامد كده ومتوترة...

رحمة: دا من فرحتك بس..

وفجأة قاطعهم جرس الباب..

شفاء فتحت عنيها جامد: يختاااااي، جم جم.... يفضيحتك يقرمط...

رحمة: فضيحة اي بس، يخربيت دماغك... اهدي بس كده...

نورالدين فتح الباب ودخل أدم واحمد واسيل ومراد وعم صالح ابو مراد بم انه عم شفاء...

شفاء كانت واقفه تبص عليهم وهم داخلين من مكان متخفي كده...

سعاد: ايه ده، شفاء بنتي انا، يجي عليها يوم والاقيها مكسوفه وواقفه مستخبيه كده...

شفاء: سعاد سعاد... خلي بالك من الواد احسن وسيبك مني دلوقتي عشان انا قربت اعيط...

سعاد بضحك: البت اتهبلت، الله يكون فعونك يبني، والله لتجننيه..

شفاء بضحك: هو لسه هيتجنن يااامي، روحي يااامي انتي مش عارفه الل فيها...

سعاد ضحكت وطلعت...

اومال فين يوسف يجماعه....

أدم: قال انه هييجي لوحده واكيد زمانه جاي...

لسه بيتكلمو وبصو لقو يوسف داخل هو وجميله...

أحمد لأدم: اوباااا، الحق اخوك، شكله شقط جميلة..

أدم: الواطي هيفضل طول عمره واطي، يبني ملافظ السعد اسمه حبها... مش شقطها...

أحمد: خلاص يخويا انا اسف...

الكل قعد... وبعدين شفاء دخلت وهي شايلة صنية عصير.. وخدودها كانو حمر اوي..

أدم بلم شوية من جمالها.... وبعدين لاحظ انها مكسوفه ودي حاجه جديدة الصراحه...

أدم بضحك: ياااتي ياااتي ياااتي، انتي مكسوفه!!

الكل ضحك على كلامه لان دي طريقة شفاء أصلا..

شفاء: كده يااادم بتحرجني، طيب وربنا لاوريك...

أدم بضحك: خلاص هي رجعت شفاء الل اعرفها اهي...

الكل ضحك على كلامهم...

أدم: بص يعمي، انا عايز اطلب ايد بنتك المصونة شفاء هانم...

شفاء: مصونة مين يااابو مصونة... واي ايد بنتك دي... طيب وباقي الجثه اي نظامهها... اسمها جاي اتجوز بنتك شيفو... هي كده...

نورالدين: اقعدي بقا يشيخه، فضحتينا... أي مخلف عربجي.....

شفاء بزعل: كده يحج، بقا القمر ده عربجي... انا عربجي يااااادم..

أدم: فشر يروحي انتي جعفر بس فاوقات كده...

شفاء طلعت شفايفها لبره: بقا كده، طيب مش هتجوز بقاااا، هه...

أدم: يختااااي، خلاص وربنا بنهزر معاك يعم الحج، متبقاش قفوش كده، دااانتي ملكة قلبي، أجمل واحده شافتها عيني، ضحكتك بتسرق قلبي حتى من قبل ما اشوفها، عنيكي قمرين... شعرك الطويل ال بيسحرني.. شفا...

نورالدين كح: احممممم احممم... اي مفيش خالص... مش ملاحظين اننا قاعدين... مفيش دم كده...

شفاء بضحك: معلش يبابتي، هو بس نسى......

أدم: اااه يعمي معلش، بس دلوقتي انا بطلب اتجوز شيفو... اي رايك...

نورالدين: وانا موافق...

البنات زغرطو والكل بدأو يباركو ليهم...

احمد قام بسرعه: وانا انا يعمي عايز اتجوز البت دي واعطيك ميت بجرة...

رحمة بصدمة لما لقته بيشاور عليها: اي يبني مش تلمحلي الاول، اي الصدمة دي...

احمد: اصبري بس يروما... ها يعمي..

نورالدين: اي يولاد عز انتو جايين تخطفو بناتي مني مرة واحدة كده..

احمد وادم فصوت واحد وبضحك: اااه يعمي، يلا وافق بقا بالله عليك...

نورالدين بص لرحمة لقاها فرحانه...=خلاص وانا موافق...

البنات بداو يزغرطو تاني....

مراد قام وقف: وانا يأدم عايز أطلب ايد أسيل منك...

أسيل فتحت عنيها جامد وجاتلها زغطه...

الكل ضحك على شكلها...

أدم: لا انا مش موافق...

مراد: ليييه ياااادم...

أدم: مش عارف ليييه بتضايق منك ياااخي...

شفاء: وافق يااادم والنبي دا مراد حلو وبسمسم...

مراد: بنت عمااااي، روحي اللهي تنستري دنيا واخرة...

أدم بصلها بقرف: نينيني، مراد حلو وبسمسم... هو انا كنت طايقه قبل كده عشان اطيقه وهو جوز اختي، لا مش موافق...

أسيل قامت بكسوف: معلش يااادم وافق عشان خاطري انا...

أدم فهم انها بتحبه فوافق......

يوسف: ووووه، أشمعن انا، انا عايز حد اطلب منه ايد جميلة....

جميلة: نعمممم!!! اي ده يعم انت، انت مقولتليش ليه قبل كده...

يوسف: والله يكبيرة كنت مستني الفرصة. المناسبة...

جميلة: مراد، هتعصب عليك وربنا...

يوسف: لا واحيات عيالنا الل هييجو يشيخه بلاش...

جميلة ابتسمت...

يوسف: ضحكت يعني قلبها مال... ها موافقه.؟!!

جميلة سكتت شوية وبعدين قالت: موافقه...

فالوقت ده أدم واحمد ويوسف ومراد هم الل زغرطو مرة واحده...

الكل فضل يضحك.....

قررو يجيبو الدبل الاسبوع الجاي وبعد شهرين يعملو الفرح...

بعد أسبوع كان الكل فرحان وكان في اربع خطوبات... وهم ادم وشفاء، يوسف وجميلة، احمد ورحمة، ومراد واسيل.. كلهم كانو اجمل من بعض... والكل كان سعيد بيهم...

بداو بعد الخطوبة يجهزو للفرح... البنات كانو مشغولين بالمستلزمات الل عايزينها... والشباب كانو مسحولين معاهم بمعني اصح فالتجهيزات...

فيوم أدم طلب من شفاء تروح معاه مشوار...

شفاء: اي يااادومي هنروح فين...

أدم: انا كل تلات شهور كنت بروح ازور حد بحبه اوي... ويايمكن زيارتي ليه هي الل كانت السبب فأني أشوفك يشفائي... ولازم اعرفك عليها...

شفاء: ماشي يااادم وانا موافقه...

بعد شوية وصلو للمكان وكان المكان هو الترب...

أدم: عارف انك مستغربه، ازاي اجيبك المكان ده.... بس ده كان مكاني المفضل، كنت باجي ازور ماما هنا واقعد اتكلم معاها... كنت حافظ المكان زي بيتنا.... وكنت بعد الخطوط لحد ما اوصلها... وكمان مكنتش بحب اجي بالعربيه، وكنت باجي بالباص لان انا كنت بحب كده...

شفاء بدموع: يعني دي تربة مامتك...

أدم: اااه... ماما حبيبتي، اعرفك بعروستي، شفاء، ملكة قلبي يااامي.... من ساعة ما دخلت حياتي وهي خلقت فيها النور... بجمالها وضحكتها ومساندتها ليا.... هي أكتر حد احبه بعدك يااامي...

شفاء كانت بتبكي...

أدم: قولتلك ان دموعك غالية اوي، ومش عايز أشوفها ابدا...

شفاء: حاضر... بس استنى بقا عشان عايزة اكلم طنط... ماما، ااه هقولك يماما طالما انتي مامة ادم... تبقي مامتي... انا عايزة اقولك متخافيش على ادم، انا معاه وفضهرة... ومش هسيبه أبداً اوعدك... مش هخليه يزعل مني... وهحبه أد البحر...

أدم بضحك: أد البحر بس!!

شفاء ببراة: وسمكاته وبلطياته كمان...

أدم ابتسم واخدها فحضنه وخرجو...

أدم فالعربية: شيفو ما تيجي نغني....

شفاء بضحك: انت تاني!! افتكر ان صوتي عفش زي ما قولتلي فبلاش...

أدم بضحك: لا والله بجد... يلا ابداي انتي...

شفاء بدأت: انا عمري ما نسيتك انا ما صدقت لقيتك وبتسأل لو حبيتك وانا دايب فيك شايفني جايلك دايب وجايبلك قلبي وجايب روحي وناسي الحبايب وبعمري شاريك

أدم: هات ايدك تحضن ايدي شوف حبك جوا وريدي قربت أقول يسيدي راح اموت فهواك، مش عايزك تبعد عني ولا عايز افضل مستني دا انا منك وانت مني وحياتي معاك.... يحياة الروح...

شفاء بضحك: بعيد عن ان صوتك قمر بس انا عايزة اشوف وريدك عشان اشوف حبك ماشي فيه ولا لا....

أدم: دااانتي فصيلة....

شفاء ضحكت وكملت... عارف يااادم، انا هفضل احبك لحد ما تزهق مني، ولما تزهق مني، لازم تقولي، عشان ابدأ احبك من أول وجديد...

أدم بحب: شفاء انتي جزء مني، ويمكن تكوني كلي كمان... عارفه انتي لو اي حاجة زعلتك، فهي هتزعلني انا كمان، لدرجة أن اليوم الل الموت ممكن ياخدك مني فيه، هيكون يوم موتي انا كمان يشفائي...

شفاء بدموع: انا بحبك..

أدم: وانا كمان، وكمل بضحك، شكلك حلو اوي وانتي رومانسيه كده، عارفه انا بفكر فأي...

شفاء بضحك: تفشكل الخطوبة، قول قول متتكسفش احنا اهل...

أدم بضحك: لأ بفكر ابوسك عشان انتي حلوة اوي النهارده...

شفاء شهقت: ههااا... لا اوعا... وخبت وشها..

أدم فضل يضحك على طريقتها..

بعد الشهرين ما عدو جه يوم الفرح...

وكان فرح رباعي....

عرايسنا الأربعه خرجو... وعرسانهم اتوجهو نحيتهم وكل واحد اخد عروسته...

أدم: طالعه قمر اوي يشيفو..

شفاء بكسوف: بس يدومي بقا...

شفاء بضحك: انتي مكسوفه!!

شفاء ضحكت: اااه......

الفرح كان نار من نار والكل كان فرحان وبيرقص... واخيرا الفرح خلص...

كل واحد اخد عروسته وراح على أوضته...

فأوضة ادم وشفاء.....

أدم: هاتي قطة...

شفاء بصدمه: قطة اي فعينك..

أدم: اااه يبطه...

شفاء بضحك: غصبن عن عينك...

أدم: اي ده احنا هنقضيها اغاني.. تعالي هنا...

شفاء جريت من قدامه: ولاااااا انا اشك فيك... انت عايز اي...

أدم: كل خير يعمررررري....

بعد سنة....

أدم: الحقني يااحمد، شفاء شكلها بتولد....

احمد: احيييه انا كنت لسه هكلمك عشان اقولك ان رحمة كمان تعبانه وشكلها هتولد...

أدم: يااادي المصيبه، طيب رن على مراد ويوسف بسرعه ويلا هات رحمة على المستشفى....

فالمستشفى...

شفاء: اعاااااااااااا، يلاهواااتاااااااي... الحقوني يناس... يجماعه ياللل جوه..... انت يراجل ياال متجوزناااي...

أدم دخل وهو مرعوب: حبيبتي اهدي بس... اهدي...

شفاء: كله منك انت... انت السببببببب.... يختااااااي..

أدم: انا فعلاً الغلطان واستاهل الضرب، بس اهدي عشان خاطري..

شفاء: متقوليش اهداااااي...

فالحظه دي دخلت رحمة... وهي بتصرخ......

شفاء: اختاااااااي.... منكم لللاااااه..

رحمة بصراخ: ااايوه هم السبب، حسبنا الله ونعم الوكيل...

أحمد بص للادم: خد عندك على الحالة دي من ساعة ما جالها الوجع.....

أدم: متشغلش نفسك، عندي اختها...

شفاء ورحمة فصوت واحد: أطلعو بررررراه...

أدم واحمد طلعو يجرو...

جه مراد واسيل الل بطنها قدامها قد كده وواضح انها قربت تولد بردو.. وجه يوسف وجميلة ومعاهم بيبي صغير....

يوسف: هااا عملو اي...

أدم: هم حاليا فمعركه نحن لا نعلم عنها شئ، وبصراحه انا خايف ادخل...

أحمد: وانا... هيقتلونا جوه..

يوسف بضحك: متخافوش انا جربت قبلكم... من شهرين بس، جميلة خبطتني بفازة وهي بتولد فتحت دماغي.... ولا العض... لا ارحملكم تفضلو هنا...

أسيل: يارب خليك معاهم وقومهم بالسلامة يارب...

وفجأة صوت طفل ظهر...

أحمد بفرحه: ابني اكيد...

أدم: لأ دي بنتي انا اكيد...

صوت تاني ظهر....

وبعدين الدكتورة طلعت وطلبت منهم يدخلو يتعقمو ويدخلو يشوفوهم...

كل واحد قرب من حبيبته ومراته...

أدم شال البنت وبص لشفاء: شوفتي يشيفو البت كلها انتي بس غالباً عنيها ملونه زيي...

شفاء بتعب: ياااخي يرب تكون عنيها نفس لون عنيك، داانا طول التسع شهور وانا بتوحم عليك...

أدم: انا هسميها شفق... عشان تبقا قريبه من اسمك

شفاء ابتسمت وقالت: بحبك يدومتي والله....

أحمد: شوفتي يرحمة عز ابننا حلو زيي ازاي...

رحمة بضيق: لا بقا هو مش شبهك اوي دا فيه شبه من ادم اخوك اكتر.....

أدم بضحك: طالع لعمو... وشال بنته وراح يشوف عز...

وفجأة شفق فتحت عنيها شوية و ابتسمت...

أدم بضيق: اي ده الحقي يشفاء دي بتعاكسه باين

شفاء بضحك: طلعالي...

أدم: نشنتي يفالحة.... البت طالعالك فعلاً...

شفاء ضحكت... وادم قرب منها وقال... بحبك يشفائي... شكراً على كل حاجه حلوة عطتهالي...

شفاء: شكراً يدومي، شكراً لأنك كنت ومازلت بصير قلبي....