رواية بطة الاسر الفصل السادس 6 - بقلم تبارك عابد

نظر الجميع إلى مصدر الصوت بصدمة. كان علي يقف وأمامه طفل صغير يحمل التاب الخاص بالمدرسة. علي: حات ياحبيبي. حات يابابا. يزن: مت هديك حاجة. علي: متجيب يلا. يزن: حاضر. أخذت التاب ووقعته في الأرض. علي: يامستقبلي يا قرمط.. مستقبلي ضاااع خلاص. قولتلك أنا مش وش ثانوي محدش صدقني. محمد: خلاص يا علي حصل خير. *** أمسك أسر بيد بطة. أسر: مالك متوترة كده ليه. بطة بحزن: مش شايف بيبصوا إزاي. قولت بلاش هيصة.

أسر بابتسامة: سمعت إنك امبارح اتسحبتي زي الحرامية وكان معاكي إندومي. بطة بخجل: ده علي... أسر: فعلاً.. فعلاً.. بقولك إيه. بطة: إممم. أسر: ما تيجي نخلع من الجو ده. بطة: نخلع.. أسر هو إنت منين.. يعني أنا معرفش عنك حاجة غير إنك دكتور في الجامعة.. حتى ولدك مجاش معاك. أسر: هحكيلك كل حاجة بس مش هنا. بطة: تمام. *** أسر: بستأذنك يا عمي آخد بطة ونخرج نتكلم شوية. محمد: تمام بس متتأخروش. بطة: حاضر يابابا.

علي: يلا أنا جاهز يا شباب. نادية: لااا إنت ادخل نام عشان من بكرة هتصحى بدري عشان تذاكر. كفاية كده. أنا معرفش إنت إزاي في ثانوية عامة. علي: أُفف حاضر. نادية: يلا يا ولاد عشان متتأخروش. خدي بالك من نفسك يا بطة. أومأت إليها وذهبت. بينما تنهدت نادية: ربنا ييسر لك الحال يابنتي ويحفظك. مالك يا محمد حاسة فيك حاجة.

محمد: مش عارف يا نادية قلبي مش مرتاح. حاسس إن فيه حاجة غلط. وارجع أقول الواد باين عليه الاحترام بس فيه حاجة مخوفاني كده. نادية: استعيذي بالله من الشيطان. إن شاء الله خير. وبعدين أسر شكله طيب وابن حلال. محمد: يارب يا نادية يارب يكون توقعي غلط. أنا شايف في بنتي نظرة إعجاب ليه. خايف أكون بدمرها لما وافقت.

نادية: إنت هتقلقني ليه يا محمد. ربنا يرضي عليك بلاش تخوفني. وبعدين إحنا وافقنا عشان مصلحتها. إنت عارف إن حاولنا معاها تخس ومقدرناش وكمان نفسيتها كانت صعبة. فاكر لما كانت تسهر تعيط كان قلبي بيتقطع عليها. بصحي يوم ألاقيها راحت من وسطنا. محمد: ربنا يسترها في اللي جاي ويخيب ظني. نادية: يارب... ياارب. *** كان يجلس ينتظر تلك التي وعدته بمفاجأة فور وصولهم المنزل ولكنها تأخرت كثيراً. واد يبولااا... واد يبولااا. بلال: ؟؟؟؟

حياة: أييي يوواااض. مش قولتلي دلعيني. بلال: وهو واد يبولا دلع. روحي اتخمدي يا زفتة الطين انتي. حياة بدلع: تؤ.. وبعدين أنا عندي ليك خبر بمليون جنيه. بلال: خبر إيه. مدت له يديها: المليون الأول. بلال بخبث: مينفعش مليون بوسة. حياة بسخط: قليل الأدب. ثم اقتربت منه ووضعت يديه فوق بطنها. حياة: أنا حامل. بلال: نعمممم ياروح أمك. حياة بصدمة: في إيه يا بلال. ثم ما لبث أن صرخت. حياة: لااااااااا. ***

أسر: أنا ولدي متوفي من 14 سنة هو وولدتي. وكان ليا أخت تؤام بس ماتت. بطة: ربنا يرحمهم. عرفت من بابا إن ظروفها كانت تشبه ظروفي. أسر: أيوا. بطة: شكرا إنك بتساعدني. أسر بابتسامة: في واحدة تقول لجوزها شكراً. بطة بارتباك: أ... أحم. يعني. هو أنا قصدت إنا جوزنا ده وضع مؤقت عشان إنت بتساعدني. وفترة وهنتطلق. أسر: سيبي كل حاجة لوقتها. أطلبك إيه. بطة: إممم أنا فعلاً جعانة. أسر: تؤ عصير مش أكل. الساعة عدت 8.

بطة: هو ينفع أخس من غير رجيم. أسر بضحك: لا مينفعش. واتهدي بقى هاا اتهدي. بطة: أُفف حاضر. بعد شوية أسر وصل بطة للبيت وكانت هتنزل بس أسر مسك إيدها. أسر: إنتي جميلة أوي يا بطة. بطة بخجل: ا ا اا. أسر بضحك: إيه بتتعلمي الكلام لسه. يخربيتك. بطة بجدية: إنت ليه كده. أسر بابتسامة: ليه إيه. بطة: شكلك تحس إنك ابن ناس أوي. اا قصدي اللي هو بابي ومامي بس أسلوبك وطريقتك يقولوا إنك عادي خالص وزينا كدة.

أسر: اطلعي اتخدي يا بطة أحسن لك. بطة: أُففف حاضر. أسر: أنا ولدي كان رجل أعمال. بطة: أيوا بقى سكان المعادي. أسر: هتبطلي سخافة عشان أكمل ولا تنزلي. أشارت بطة على فمها إشارة سكوت. أسر: أيوا كده. بس أنا اشتغلت في المصنع بتاع ولدي احتكيت بالناس. مكنتش بمعني أصح في دايرة مغلقة اللي هو من البيت للنادي وكده. أنا كنت بنزل. حتى لما خيروني أدخل خاص ولا حكومي اخترت حكومي. فشخصيتي خليط كده فهمتي. بطة بابتسامة: اممم. بس أنا جعانة.

أسر: غورري يابت وابقي أشوفك راحة عند المطبخ. أنا موصي حماتي. بطة: حماتك؟ أسر بخبث: اممم حماتي مش أم مراتي. تبقي حماتي ولا إيه. سعلت بطة بشدة إثر حديثها. أسر: يخربيتك قومي يابت اطلعي قوميي. دلفت إلى خارج السيارة. أسر: تصبحي على خير يا بطوط. يابت متنحة كده ليه. اتنيلي اطلعي يلا عشان أمشي أنا كمان. بطة: حاضر. حااضر. ما إن دلفت الشقة رن هاتفها. أسر: دخلتي الشقة. بطة: أيوا.

أسر: تمام ويلا نامي على طول عشان عندك محاضرات بدري وبعدها هنروح الجيم. ثم أغلق الهاتف بينما هي تنظر بصدمة للهاتف. بطة: معقول يا أسر. معقول اللي حاسة من ناحيتك حقيقة. أسلوبك وكلامك معايا يقولوا إنك معجب بيا. إحساس كل مرة بيزيد. يارب تكون فعلاً معجب بيا يا أسر يارب. *** ـ هاا يا حبيب بابا نفذت اللي طلبته. بزهق: لسه. مش بسهولة دي. اديني وقت.