رواية بتاعت ليه الفصل السابع 7 - بقلم أمل صالح

وصلوا وبعدين خرجت راجعة البيت تاني. وقبل ما توصل لقت مجموعة ناس متجمعة حوالين حد. قربت منهم. فتحت عينها بصدمة لما لقت سامر. وقفت تقلهم: حد ييجي يشيله المستشفى. وخلال دقايق كان في المستشفى واحنا بره. أخدت الفون بتاعه وكلمت محمود صاحبه اللي جه فورا. وقال وهو بينهج: سامر، ايه اللي حصل؟ بصتله باستغراب: عفواً. بص للسقف بتوتر: أقصد سامر. فينا؟ شورت حنان على باب أوضة المستشفى: جوا. هو بخير أصلاً، شوية خدوش بس.

صاحبك عيل سيكو ميكو شوية. عفواً. التفت لما سمعت صوته وقالت بارتباك: إيه ده؟ بشمهندس سامر؟ ربع ايده: أنا ظابط. قلبت عينها: وأيفر أت. اطمنا عليك أهو. كملت بتريقة: عايزة أقول لحضرتك اشرب لبن كتير عشان مينفعش نلاقي ظابط زي حضرتك مغمي عليه في الشارع. يوكنش جالك ضربة شمس! مشت. محمود قرب من سامر وقال بصوت خشن: بص يا سامر، أنا هعمل نفسي متصاب عشان تحن. عدّل صوته وكمل: تحن إيه يا عم، دي عاملة زي مصطفى صاحبنا.

وبعدين يوم ما تفكر ترتبط أو تحب، تحب واحدة هبلة! ضغط على سنانه ولف وقال: يا أخي ملكش دعوة بحياتي وأنا حر فيها. أحب هبلة، أحب عبيطة. مالك إنت؟ المهم، هتعمل إيه مع تقى بنت عمتك؟ هعمل إيه يعني، واحدة وبتفرض نفسها عليا دي اسمها قلة أدب واحترام. مفيش بنت محترمة كل شوية تقابلني وكل مرة بحجة و... قبل ما يكمل كلامه سمع شهقة جاية من وراه. لفوا الاتنين ولقوا حنان واقفة وعينها مدمعة. قربت منهم ورمت

تلفونه على الأرض وزعقت: تلفونك يا حضرة الظابط. وياريت متنساش حجتك بعد كده عشان مجيش أقابلك بحجة. كان لسه هيتكلم وفهمها كان بيتكلم عن مين، لكن هي مسمعتش. بص سامر لمحمود وقال: جتك شكة في لسانك يا أخي. الله وأنا مالي يا لمبي. عند حنان. كانت قاعدة جنب صاحبتها رهف وهي بتغني وبتعيط: يعيني يعيني يعيني ع الولا. زقتها رهف وقالت بغيظ: إنتي هبلة يا حنان؟ إنتي واحدة مكتئبة مشغلة زفت أغاني ليه؟ فين العقل يا ماما؟

قالت حنان بعياط: مانتي مش مهتمة بأحزاني طبعاً. لا صديق ولا حتى حبيب. بصت لها رهف بخبث: وإيه دخل الحبيب في الموضوع؟ بصتلها حنان بطرف عينها وصرخت: جرا إيه يا رهف؟ جاية تهديني ولا تزيدي همي؟ قومي غوري أحسن. فجأة دخلت مامتها وزعقت: الحقيني يا حنان، أخوكي خد رفد.