رواية بطل قلبي الفصل الرابع 4 - بقلم سيمو

عدى أسبوع من آخر مرة كانت هناء في المستشفى. ومن ساعتها وهي مش بتروح الجامعة. حتى كلامها مع صاحبتها المقربة كان قليل. وف يوم سمر راحت لهناء البيت. سمر: ازيك يا خالة. مامت هناء: اهلا ياسمورة، اخبارك يابت. سمر: الحمد لله، فين هناء. مامت هناء: بتذاكر في أوضتها. بس قوليلي هي هناء فيه حد مزعلها. سمر: لا، ليه بتقولي كده. مامت هناء: مش عارفة ليه حاسة إنها مخبية حاجة عني. هي صحيح مش مبينة، بس قلبي بيقولي إنها زعلانة.

سمر: إيه يا عم المفتش كرومبو، انتي يعني عاوز تفهميني إنها بتخبي عنكم. مامت هناء: مش عارفة، بس إحساسي بقى. وبعدين إيه كرومبو دي يابنت، اتلمي يابنت سعاد، دانا أكبر من أمك برضوا. سمر: بس عسل. امي دي خلاص عجزت، مش زيك ياموزة انتي. مامت هناء: ههههههه، آه يا بكاشة انتي. سمر: أنا بكاشة، ماشي يا خالتي، بس قوليلي عاملة إيه النهارده. مامت هناء: كويسة. سمر: لا مش بسأل على صحتك، عاملة إيه أكلم.

مامت هناء: إيه يا بنتي، إنتي دايماً مفجوعة كده. والمصيبة ولا باين عليكي. سمر: إيه يا خالتي، انتي هتعدي عليا! دانا بقول إنك أحن من أمي. مامت هناء: يلا يابنت، روحي ذاكري بلا طفاسة. سمر: هناء خرجت على صوتهم. إيه دا، ازيك يا سمر، مالك. سمر: شوفي أمك بتقول عليا إيه، قال أنا طفسة. هناء: بصراحة، آه. سمر: كدا. ماشية. هناء: يلا، ولا انتي مش رايحة الجامعة؟ مش بتقولي فيه سكشن مهم ولا إيه. سمر: ماشي، بس برضو هتغدي هنا.

أصلي حاسة إنكم طبخين حاجة ومش راضيين تقولوه. هناء: بصراحة، عاملين محشي. سمر: أوبا، أنا قلت. لا يا ماما، أنا مش هعتب برا غير لما آكل. دا محشي يا ماما. العربية. هناء بتضحك على صحبتها المكشرة وقلبة وشها. سمر: محشي، إيه دا، برضوا تضحكي عليا وتقولي محشي! وتتطلوا عاملين طعمية. مش كفاية أمي أكلتني فول، تكملوها انتوا بالطعمية. هناء مش قادرة تمسك نفسها من الضحك. هههههههههه، هموت، مش قادرة.

عمري ما هنسى شكلك وهي ماما بتحط الطعمية قدامك. ياه، هههههه. سمر: كدا، ماشي. لا والي غايظني إن أمك مش راضية تقول. قال ياعني. وآمال لو عاملة لحمة كانت عملت إيه؟ كانت مدخلتنيش البيت. فجأة ضحكوا هما الاتنين. ههههههههه. هناء وهي خلاص بتبكي من كتر الضحك. الله يسامحك، قلبي هيوقف. كل دا وهي مش واخدة بالها من اللي بيبصلها وسرحان في ضحكتها. هناء: خدي، ادفعي الأجرة. سمر: اتفضل، اتنين لو سمحت. السواق: خلاص يا آنسة، الحساب وصل.

سمر: أنا مدفعتش. السواق: الباشا دفع. بصوا لقوه أحمد بص على هناء وابتسم.