رواية بطوطة عمر الفصل العاشر 10 - بقلم فاطمة محمد

فاطمه: بس أنا مش عايزاه. عمر: قلت امسكي. فاطمه خدت الفون وكانت فرحانه زي الأطفال وبتعمل تبص عليه وتفتحه وتقفله تاني. عمر بص في المراية وقال: بطلي هبل يا حبيبتي. فاطمه بصتله بضيق وقالت: هو عشان انت اللي جايبه هتزلني؟ عمر باستفزاز: أكيد. أخيراً وصلوا البيت وكان الليل جه. مريم فتحت الباب وقالت: كنتوا فين؟ عبدالرحمن: كنا بنقدم لفاطمه في الكلية. فاطمه: بودي قول لي رقم كريم هدخل أرن عليه عشان أكلمه شوية.

عمر: مش كريم ده اللي هو شبهك وكانوا عايزينك تتجوزيه؟ فاطمه: آه. عمر: وهترني عليه ليه؟ فاطمه: وانت مالك. عبدالرحمن ومريم ضحكوا. عمر: احم احم بتضحكوا على إيه انتوا وهي؟ مريم: لا أبداً. (بصت لعبدالرحمن) إحنا ضحكنا يا ابني. عمر: تؤتؤ إحنا عمرنا ضحكنا، أنا معرفش يعني إيه ضحك أصلاً. فاطمه: خلص يا عم هات رقم كريم. فاطمه خدت رقم كريم. مريم بصت لعمر: آه صحيح أمك كانت عايزآك. عمر راح لحنان. فاطمه: أنا هدخل أكلم كريم.

عبدالرحمن: ماشي. فاطمه دخلت الأوضة وكده مفيش حد قاعد غير مريم وعبدالرحمن. عبدالرحمن: على فكرة أنا فاكر لما كنا بنلعب. مريم: إزاي أنت وأختك فاكرين وأنا مش فاكرة حاجة غير كام حاجة بسيطة؟ عبدالرحمن: عشان إحنا بالنسبة لك كنا ناس عادية بتلعب معاهم، أما فاطمه عشان حبها لعمر وأنا عشان د... مريم: ثواني، هي فاطمه بتحب كريم؟

عبدالرحمن بدون تفكير: ياااه ده في قصة حب، أيوه بيحبوا بعض من زمان وعمر كان بيجيب ليها شوكولاتة وهدايا وهي كانت بتشيل الشوكولاتة والهدايا لحد ما مشينا من القاهرة، قعدت شايلة كل حاجة لحد النهارده. مريم: أومال هو أنا مش ملاحظة ليه؟ عمر: عشان عامية، دول لسه بيحبوا بعض لكن كل واحد فيهم بيكابر و.... (سكت شوية وبعدها استوعب اللي قاله) وقال: هو انتي كنتِ مش عارفة؟ مريم: لا.

عبدالرحمن: وأنا الغبي قلت على كل حاجة، ده عمر هيقتلني. مريم بضحك: آه قلت لي يا غبي.... امسك اشرب العصير. عبدالرحمن شرب العصير وهو بيلعن غباءه. اليوم خلص وعبدالرحمن اتكلم مع مريم كتير أوي لدرجة إنها بقت عارفة كل حاجة عنه، وفاطمه اتكلمت مع كريم على عمر واللي حصل من ساعة ما جت واللي بتفكر فيه، وعمر راح الشركة ونام فيها. تاني يوم كلهم قاعدين يفطروا وعمر جه. فاطمه: صباح الخير يا بودي. عبدالرحمن: صباح النور.

عمر دخل وقال: صباح الخير يا جماعة. كلهم قالوا إلا فاطمه: صباح النور. مريم: مش قولتي لي صباح النور؟ فاطمه: عادي يعني. مريم: لا أنا كنت متوقعة إنك أول واحدة هتردي عشان قصة الحب وكده. فاطمه: قصة حب إيه؟ مريم: اللي بينك وبين عمر. عمر: مين قالك التخريف دي؟ مريم: عبدالرحمن. عبدالرحمن كان بياكل قعد يكح. وعمر بص له بشر وغضب. عمر: ...