رواية بطوطة عمر الفصل السابع 7 - بقلم فاطمة محمد

محمد: طارق قالي على كل حاجة. فاطمة: وقال لك إنهم كانوا عايزين أنا وكريم نتجوز غصب. محمد: أنا كنت فاكر إنكم بتحبوا بعض لحد ما كريم شرح لي اللي حصل. فاطمة: وحضرتك بقى شايف إن أفضل هنا وأتجوز كريم ولا أروح القاهرة أدخل كلية. محمد بص لي وفاء: وفاء. وفاء: نعم. محمد: من بكرة تروحي أنتِ وعيالك القاهرة وتعيشوا حياتكم. وفاء: بس. محمد بجدية: مفيش بس. وفاء بضيق: حاضر. عمر قام وقف: طب أمشي أنا بقى. وفاء: ما تقعد يا ابني.

عمر: لأ عشان ورايا شغل. ... عمر: أنا عايز فاطمة بس في حاجة برا. طارق: وانت تاخدها ليه. محمد: طبعاً يا ابني خدها واخرج عادي. عمر خرج برا وفاطمة معاه. فاطمة: لو سمحت مش تقول لي فاطمة تاني اسمي بطوط. عمر: كنت هقول قدامهم كلهم عايز بطوط برا أكيد لأ. فاطمة: كنت عايز إيه. عمر: لو حد ضايقك أو حصل حوار تاني زي أول امبارح رني عليا وأنا هتصرف. فاطمة: تمام. *** عمر روح وقعد عند أيمن شوية.

(أيمن كان اتجوز سارة ابنهم اسمه أسر ٥ سنين) أيمن: مالك مختفي من امبارح. عمر: كنت قاعد مع بطة. أيمن كان بيشرب مايه تفها على عمر. عمر بقرف: يا عم إيه القرف ده. أيمن بصدمة: فاطمة! فاطمة الطفلة. عمر وهو بيمسح هدومه: يا عم ربنا ياخدك أنت وهي. أيمن: طب إزاي هي مش كانت طفلة. عمر: بس كبرت وبقت قمر. أيمن: لأ ده أنت تحكي لي على كل حاجة. سارة وهي شايلة أسر: عمر مش كنت تقول إنك جيت أحط لك طبق محشي. عمر: لأ شكراً أنا أكلت.

أسر: وانت بقى جاي هنا عشان تاكل وكمان إيه القرف اللي على هدومك ده. عمر: القرف اللي على هدومي بسبب أبوك حدف عليا مايه وكمان مش مكسوف وانت خمس سنين وأمك شايلك. أسر بضيق: ملكش دعوة. سارة: مريم أختك كلمتها الصبح وقالت إنها هتدخل كلية تمريض. عمر: آه قالت لي ربنا معاها. موبيل عمر رن ورد. فاطمة: عمر. عمر بص لي أيمن وقال: طيب أنا هدخل أكلم فاطمة جوه. أيمن: ماشي. سارة بعد ما عمر مشي: مين فاطمة البت بتاعته يعني.

أيمن: لأ دي فاطمة بتاعة زمان. سارة: آآآه. أسر: هو عمر البت بتاعته اسمها فاطمة. أيمن: يخربيتك لأ متقولش كده. أسر: مالك خوفت ليه. أيمن: مالو الواد ده. سارة بضحك: معرفش. عند عمر. عمر: في إيه. فاطمة: كنت بطمن عليك. عمر: وتطمني عليا ليه جاية بعد عشر سنين تطمني عليا لأ والله فيكي الخير.

فاطمة بدموع: على فكرة أنا العشر سنين دول أنا مش كنت زي ما أنت مفكر ملكش ده أنا كنت بموت كل يوم لما افتكر شكل بابا ولما ماما تقول إن أنا السبب ولما افتكر إني سبتك. عمر ببرود: وأنا مالي تموتي ولا تعيشي يهمني في إيه. فاطمة مسحت دموعها: معاك حق وأنت مالك أنا بقولك ليه عموما بكرة إحنا هنروح على عندكوا. عمر: تمام واحنا بيتنا مفتوح دايماً أمك زي ماما وأنتي وعبد الرحمن زي أخواتي. فاطمة: أخواتك! عمر: آه أختي زي مريم بالظبط.

فاطمة بضيق: طيب سلام عشان هنام. عمر: هو أنا مسكتك روحي نامي. فاطمة قفلت وقعدت تعيط. وعمر حس إنه جه عليها جامد برضوا دي كانت طفلة وأبوها مات قدامها لكن قال في سره: ده وهي صغيرة لما كبرت مرنتش عليا إلا لما احتاجتني. عمر روح ونام. وفاطمة نامت بعد عياط كتير. *** تاني يوم. عمر صحي على خبط الباب وكلهم خرجوا وحنان فتحت وكانت وفاء وعيالها. حنان بنوم: في حد يصحى حد كده. فاطمة: آه إحنا.

حنان حضنت فاطمة وقالت: حد زعلك ولا قالك حاجة تاني. فاطمة حركت رأسها لمعنى "لا". حنان بصت لي وفاء وقالت: بقا أنتي أم في أم تكون عايزة تجوز بنتها غصب حسبي الله ونعم الوكيل فيكي وفي خالها لو البت مكنتش عرفت تهرب كان إيه اللي هيحصل دلوقتي البت كانت هتكون مستقبلها ضاع ولا كلية ولا جواز من اللي بتحبه حرام عليكي والله. وفاء: ....