رواية بطوطة عمر الفصل السادس 6 - بقلم فاطمة محمد

فاطمه جريت على عمر عشان تحضنه، لكن عمر رجع لورا. فاطمه: عمر، أنا فاطمه، أنا بطوطه. عمر حط إيده في جيبه وقال ببرود: عارف إنك فاطمه. فاطمه: فاطمه! أنت عمرك ما قلت لي فاطمه، طول عمرك كنت بتقولي بطوط أو بطه. عمر: ده وانتِ صغيرة، قبل ما تسيبي القاهرة وتسيبيني. فاطمه بصدمة: أسيبك! أنت حمار. عمر: احترمي فرق السن. فاطمه: لأ، ده انت اتجننت حقيقي. عمر: لآخر مرة هقولك احترمي فرق السن. فاطمه: أنت اتغيرت أوي عن زمان.

عمر: جداً فوق ما تتخيلي.. خلصي، رنيتي عليا ليه؟ فاطمه بحزن: أنا هربت من البيت. عمر: هربتي، امم، وأنا أعمل إيه؟ فاطمه: تقولي فين بيت طنط وفاء، أقعد عندكوا يومين. عمر: طيب، اركبي. فاطمه: إيه ده، أنت اشتريت عربية؟ عمر: آه. فاطمه بطفولة: واو، وبقيت غني بقا. عمر بضحك: الله وأكبر، النهاردة الخميس والساعة خمسة. فاطمه ضحكت: ههههه، أولاً، النهاردة مش الخميس والساعة مش خمسة. عمر: يلا يا ستي، اركبي العربية عشان نخلص.

فاطمه بصويت: إييييييه ده. عمر: في إيه يا مجنونة. فاطمه: العربية حلوة أوي. عمر: يلا يا مجنونة، أنا قولت إنك شوفتي عفريت. *** في المستشفى طارق بزعيق: إزاي هربت؟ ردوا عليا. الدكتور: معرفش، أنا دخلت لقيتها هربت. كريم: بابا، ممكن تهدى. طارق مسك كريم من هدومه: أنت اللي هربتها صح؟ كريم: أنا مالي، مش أنت اللي كنت عايز تتجوزها؟ اشرب بقا. وفاء بصريخ: بنتي راحت فين؟ عبدالرحمن: اهدي يا ماما. وفاء: رجعلي بنتي، أنا ما...

كريم قاطعها: بنتك! مين! مين بنتك اللي كنتي هتجوزيها غصب؟ أنتِ أم أنتِ، لكن أقول إيه، وأنتِ برضوا عمتي. طارق: كريم، عيب، دي عمتك، وافهم من كلامك إنك أنت اللي مهربها صح. كريم: عايز تعرف إيه؟ أيوه، أنا. طارق راح مسكه من هدومه: كنت عارف، ليه؟ رد، ليه هربت البت دي؟ كريم ببرود: عموماً، أنا كلمت عمي محمد، وهو هييجي ويقول هنعمل إيه. (محمد ده اللي هو عم كريم وأخو وفاء وطارق الكبير) *** عند فاطمه

عمر: أيوه، هو ده بيتنا الجديد، وبطلي أسئلة بقا، ويلا ننزل. فاطمه بضيق: يلا. فاطمه طلعت الشقة، وكانت مندهشة من جمال البيت. عمر خبط على الباب، ومريم فتحت، ومش شافت فاطمه. مريم: شوفت بابا سافر الصبح وما... إيه ده، مين دي. حنان من المطبخ: عمر، أنت جيت... مين دي. عمر: ركزي كده، وانتِ هتعرفي. حنان ركزت شوية، بعدها قالت بتردد: فاطمه. فاطمه: تاني فاطمه! والله اسمي بطة أو بطوط. حنان حضنت فاطمه، ومريم افتكرت فاطمه شوية.

فاطمه بصت لمريم وقالت: مريم، صح؟ مريم: آه، هو أنا مش فاكرة أوي مواقف بينا، لكن فكراكي أنتِ كويس. فاطمه حضنتها وقالت: أنا بعد ما سافرت كتبت المواقف اللي كانت بينا عشان منساش. مريم: ابقي فكريني بقا. فاطمه: حاضر. حنان: أمك فين؟ مش جت معاكي. فاطمه بتوتر: ا... اصل ا... عمر: اصل هي هربانة، فهمتي. حنان: يلهوي، هربتي ليه. فاطمه بدموع: عايزني أتوز ابن خالي. عمر: نعم، وانتِ موافقتيش ليه؟

فاطمه بعياط: عشان مش بحبه، أنا شايفاه أخويا وبس. حنان: طيب، اهدي، ادخلي اغسلي وشك، وأنا هكلم أمك. فاطمه: لا، بصي، هاتي، أنا أكلمهم. حنان: تمام، اللي أنتِ شايفاه. *** عند طارق روحوا البيت، ومستنيين محمد يوصل، ووفاء عمالة تعيط، وعبد الرحمن بيهديها، وكريم قاعد مش عارف هو كان صح ولا غلط، طب هي وصلت ولا لأ، ولا راحت عند مين، ممكن تكون قاعدة في الشارع، كل ده. موبيل كريم رن، وكان رقم غريب، دخل الأوضة، ورد. كريم: الو.

فاطمه: كريم. كريم بقلق: فاطمه، أنتِ كويسة. فاطمه: آه، كويسة. كريم: قاعدة فين؟ وده رقم مين؟ فاطمه: قاعدة في بيت ناس كنت أعرفهم لما كنت هنا، وده رقم طنط حنان. كريم: م... عبد الرحمن دخل وقال: دي فاطمه، صح؟ كريم: آه. عبد الرحمن خد الفون منه: أنتِ فين دلوقتي؟ فاطمه: عند طنط حنان. عبد الرحمن: مين دول؟ مش فاكر. فاطمه: طنط حنان ومريم وعمر، اللي كنا جيران قبل ما نسافر.

عبد الرحمن: ااه، افتكرت، طب بصي، دلوقتي أمك قلقانة عليكي، ومن الصبح مش مبطلة عياط. فاطمه بحزن: طب ابعت لها الموبيل. عبد الرحمن خرج وقال لأمه إنها تاخد الفون. وفاء باستغراب: مين. فاطمه: أنا يا ماما. وفاء قامت وقفت: فاطمه، أنتِ فين؟ وليه هربتي؟ فاطمه: أنا هنا عند طنط حنان، ومشيت عشان مش عايزة أتوز كريم. وفاء: طب كنتِ تقولي براحة، مش ت... طارق شد منها الفون.

طارق بزعيق: يابنت ال***، ارجعي البيت يا***، لو مكنتيش هنا كمان ساعتين، هاجي أجيبك من شعرك، أنتِ فاهمة. فاطمه بزعيق: لأ، مش هاجي، وشوف هتعمل إيه، تعال خدني من هنا، وهتلاقي اللي يقف في وشك. ومش استنت تسمع رده، وقفتلت. عمر من قدام الباب: مين ده اللي كنتِ بتكلميه كده. فاطمه: خالي. عمر: قالك إيه. فاطمه بعياط: شتمني، وقالي إن لو مروحتش كمان ساعتين، هاجي أجيبك من شعري.

عمر حضنها وقالها: اهدي، طول ما أنتِ في البيت هنا، محدش يقدر يقرب منك. *** عند طارق طارق بعصبية: قفلت بنت ال***. عبد الرحمن بزعيق: في إيه؟ كل شوية عمال تزعق وتشتم؟ هي ليها حق تمشي من قرفك. طارق: والله، دلوقتي بقيت قرف؟ ما أنا أكلك العشر سنين، مكنتش قرف ليه. الباب خبط، وكريم فتح، وكان محمد. محمد دخل وقعد. محمد: .................. *** تاني يوم فاطمه صحيت على صوت رنة الفون، وكان كريم.

فاطمه بنوم: إيه يا كريم، في حد يصحّي حد كده، وفي الوقت ده. كريم: تعالي على البلد، عمي محمد عايزك. فاطمه: طب، في إيه. كريم: لما تيجي هتعرفي. فاطمه: تمام. فاطمه لبست وخرجت، وعمر كان قاعد في الصالون هو ومريم وحنان. عمر: أنتِ راحة فين. فاطمه: مسافرة البلد. عمر: ليه. فاطمه: معرفش، كريم بيقول إن خالي محمد عايزني. عمر: طب، استنى، هلبس وأيجي معاكي. فاطمه: تمام. فاطمه راحت هي وعمر. وعمر اتصدم إن كريم شبه فاطمه أوي كده.

عمر بهمس لفاطمه: هو في إيه؟ أنا شايف اتنين فاطمه ليه. فاطمه بضحك: ما أنا وهو شبه ماما أوي. محمد خرج من الأوضة، وكان معاه وفاء وطارق. وفاء جريت على فاطمه: خوفت عليكي، معمليش كده تاني. وبصت لعمر وقالت: إيه ده، أنت كل ما بتكبر بتحلو لي. عمر بضحك: معلش، المرة الجاية هبقى وحش. طارق: هو إحنا جايين نهزر؟ اتفضل اقعد أنت والهانم فاطمه. عمر قعد هو وفاطمه. فاطمه: ممكن أعرف في إيه، وليه كنتوا عايزين أجيب. محمد: ...... يتبع