رواية بطوطة عمر الفصل الثاني والعشرون 22 - بقلم فاطمة محمد

فاطمة وهي بتعيط وسرحانة: لي عملت كده؟ مريم باستغراب: عمل إيه؟ فاطمة: ها، لا مفيش حاجة. حنان: تعالي كلي يا بطوط. فاطمة قعدت وكلت بصمت. وفاء: انتي كنتي بتعيطي؟ شوفي عينك عاملة إزاي. فاطمة: آه، كنت بعيط عشان كان وحشني بابا. حنان: ربنا يرحمه يا حبيبتي. عبد الرحمن بمزاح حاول يخفف عن أخته: كريم هينط انهارده هنا. فاطمة بحزن وعدم اهتمام: ينور.

فاطمة قامت ودخلت. وعدا أسبوع كامل وفاطمة مش بتخرج من الأوضة، مش بتاكل إلا لما مريم وعبد الرحمن كانوا بيحلفوا إنها تاكل، وبقت مش بتروح الكلية بتاعتها. وعمر كان بيسأل عليها، يقولوا إنها حابسة نفسها وقاعدة ومش بتتكلم. وفي يوم، فاطمة كانت قاعدة في الأوضة لقت عمر داخل. عمر: لحد إمتى هتفضلي كده؟ فاطمة بسخرية: على أساس إنه يهمك. عمر: آه طبعاً يهمني. فاطمة بغضب وبصوت عالي نسبياً: يا عم انت عايز مني إيه؟

روح شوفوا انت بتعملوا إيه وفكك مني. وفترة صغيرة وهنمشي من بيتكم، مش تخاف؟ عمر: لا مش هتمشي. بطلي نكد بقا وقومي كلي كده بدل ما انتي مش بتاكلي. مريم قالتلي إنك داخله على أربع أيام مفيش حاجة أكلتيها. ممكن أعرف ليه؟ فاطمة: ملكش دعوة. أنا حرة أطفح مطفحش، أنا حرة! ابعد عني بقا. مش أنا طفلة؟ ابعد عني. عمر خرج بحزن. وبعد نص ساعة، مريم كانت داخلة الأوضة لقت فاطمة أغم عليها. عمر راح الشغل وكان قاعد مع أيمن.

عمر: يا عم معرفش هي بتعمل كده ليه في نفسها. أيمن: بس انت اللي غلطان من الأول إنك عملت كده، طالما بتحبها. عمر: هحل كل ده، متخافش. أيمن: ناوي على إيه تاني؟ عمر كان هيرد، لكن قاطعه الفون بتاعه لما رن، وكانت مريم. مريم بدموع: عمر. عمر بقلق: في إيه؟ مالوا صوتك؟ مريم: فاطمة تعبت وأغم عليها، واحنا في المستشفى دلوقتي. عمر: طب اهدي كده وقولي اسم المستشفى وأنا جاي. مريم: ****. عمر قام وأيمن قام ومشي معاه. عند فاطمة.

الدكتور: الآنسة مش أكلت من أربع أيام، انتوا بتهزروا؟ وفاء بعياط: طب هي كويسة؟ الدكتور: معلقين ليها محلول، لما يخلص ممكن تاخدوها عادي. مريم: طب هي فاقت صح؟ الدكتور: آه فاقت. عمر جه هو وأيمن. عمر بقلق: في إيه؟ مالها فاطمة؟ حنان: تعبت شوية عشان كانت مأكلتش من أربع أيام. عمر بغضب: أنا قولتلها إنها لازم تاكل، لكن هي مش بتفهم. مريم: اهدا يا عمر، هي هتكون كويسة. عبد الرحمن بحزن: دكتور، هو أنا ممكن أدخل صح؟ الدكتور: آه.

عبد الرحمن والعيلة كلها دخلت. عبد الرحمن: انتي كويسة يا بطة؟ فاطمة بتعب: آه. فاطمة شافت عمر قاعد. فاطمة: خير يا عمر، في حاجة؟ عمر: لا، أنا كنت جاي أطمن عليكي بس. فاطمة: تمام، اتفضل بقا عشان عايزة آخد راحتي في الأوضة. وفاء: فاطمة عيب. عمر: لا عادي يا طنط، أنا أصلاً كنت خارج. عمر خرج وخد معاه أيمن. بليل. فاطمة كانت روحت وعبد الرحمن كان قاعد مع مريم في مطعم. عبد الرحمن: أنا عايز أقولك حاجة. مريم: اتفضل.

عبد الرحمن: بحبك.