رواية بيان الزين الفصل العاشر 10 - بقلم هاجر الغريب

بيان بصدمة: على على: أهلاً يا بيبو، لسه فاكراني؟ وحشتيني. بيان: وحشتك لما يلهفك. إيه اللي جابك هنا؟ على بخبث: ولا حاجة، هرد اللي عملتيه. بس أنا هاخده على نار هادية. سلام يا بيبو. بيان قعدت تسترجع ذكرياتها واللي حصل زمان وهي عندها 5 سنين. فلاش باك بيان: بابا، علي ابن عمو سيف جارنا بيضايقني وعايزني ألعب معاه بالعافية. أحمد: خلاص متزعليش، أنا هقوله ميلعبش معاكي تاني. بيان: ماشي، أنا هروح أكمل لعب مع يارا وهنا.

أحمد: ماشي يا حبيبتي، خلي بالك على نفسك. في الحديقة على: بيان، تعالي العبي معايا. هنلعب لعبة حلوة أوي. بيان: لأ، إنت وحش، مش هلعب معاك. على: المرة دي هنلعب لعبة حلوة أوي. بيان بفضول: هنلعب إيه؟ على: عريس وعروسة. بيان بفرحة: الله! هلبس فستان كبير. على بخبث: أيوه، يلا الفستان جوه هنا. وأخدها في الحديقة الخلفية للبيت وبدأ يقرب منها. بيان وبدأت تخاف: علي، إنت بتعمل إيه؟ على: متخافيش، هي اللعبة كده.

ومسكها وكان لسه هيعمل فيها حاجة. بيان مسكت الكوبة اللي كانت مخبياها وضربته في وشه، بدأ ينزف وسببتله علامة. علي وقتها كان أكبر من بيان، كان عنده 8 سنين. باااااك بيان: شكل حياتي من دلوقتي مش هتبقى لذيذة. قطع تفكيرها هنا اللي دخلت المكتب شبه المخابرات. هنا بضحك: سلمي نفسك، المكان كله بطاطس. بيان: ههههههه، يا خربيتك، خوفتيني. تعالي اقعدي. هنا: إيه يا ست بيان؟ هو أنا هفضل أجيبلك المحاضرات كده لحد إمتى؟

ما تهزي طولك وانزلي بقى، الله. بيان: حاضر يا ستي، بس أخلص الشغل وأستقر بس. هنا: ماشي، إيه بقى؟ ماتيجي ننزل نعمل شوبينج. بيان: لااااااا، عمري ما أنزل معاكي. إنتي بتخنقيني وبتلفي كتير. هنا وهي بتتصنع البراءة: أنا دا أنا كيوت خااالص. بيان: أوي، إنتي هتقوليلى. هنا: طب يلا بقى علشان خاطري يا بيبو. بيان: ماشي، يلا، أمرى لله. وراحوا المول. عند زين في الشركة عمار: إنت مش شايف إن فيه حاجة غريبة في الموضوع؟

زين: قصدك إن ليها علاقة بعلي؟ طب إزاي؟ عمار: ليها علاقة، أولاً بس هي كده في خطر. زين حس نفسه اتخنق من فكرة إنها في خطر: متقلقش، أنا هعرف أحميها. عمار استغل إن زين سرحان: امممم، بتحبها؟ زين بتوهان: سكوتي، بدأت أقع في حبها. مش هسيبها تتأذى مهما حصل. عمار بضحك: هههه، رومانسي إنت أوي. زين: إنت إيه اللي مقعدك هنا أصلاً؟ قوم شوف شغلك. عمار: طيب يا عم، متزوقش، قايم. سلام. زين: الو.

الشخص: الو، عاش من سمع صوتك يا زينو. فينك يا عم؟ زين: موجود، إنت اللي مختفي. المهم، بقولك إيه؟ عايزك في خدمة. الشخص: تحت أمرك. زين: هبعتلك دلوقتي صورة واحد، عايزك تراقبه وتعرفلي هو بيعمل إيه. الشخص: بس كده، بسيطة. اعتبره حصل. زين: كنت عارف إن إنت اللي هتعملها. يلا ابقى خلينا نشوفك بقى. سلام. في المول هنا: إنتي مش ملاحظة إن فيه حد ورانا؟ بيان: اعملي نفسك مش واخدة بالك لحد ما نعرف نهرب منه. هنا: هو مين ده أصلاً؟

بيان: هتلاقيه تبع علي. سيبك منه، متركزيش معاه، اتعاملي عادي. الراجل: أيوه يا علي بيه، هي في المول أهي، بس معاها واحدة صاحبتها. مستنين تفارقها بس. علي: مش مهم، هاتوهما هما الاتنين. وبالفعل الراجل خطفهم. بيان بتفتح عينيها براحة، لاقت مكان مهجور وفيه حراس. علي: أهلاً يا بيبو، نورتي المكان. بيان بغضب: يا حيوان، والله لأربيك. إنت عارف اللي خطفتها معايا دي تبقى مين؟ تبقى بنت مراد الجارحي، وهيجيبك في ثواني.

علي بغيظ ومسكها من شعرها: يجيب مين يا بت؟ وعموماً مش هيلحق، هكون مخلص عليكي. بس بعد ما تمضي على الورق ده. بيان: ورق إيه ده؟ علي: ورق تنازل عن الشركة. بيان: إنت مجنون؟ مش هعمل كده طبعاً، ده بعدك. علي بغضب: ومالو يا حلوة؟ أنا معاكي لحد ما توافقي. عمران. عمران: أيوه يا بيه. علي: خلي بالك من الاتنين دول. ومحدش يجي جنبهم غير لما أقول. فاهم؟ عمران: أيوه يا بيه. هنا بدموع: أنا خايفة أوي يا بيان.

بيان: أوعي تخافي، أنا معاكي، مش هيحصل حاجة إن شاء الله. هنا: أنا عايزة عمار. بيان: ده وقته. هنا: معرفش بقى، أنا خايفة أوي. في فيلا الشوني زين: بتقول إيه؟ الشخص: زي ما بقولك كده يا زين، خطف بنتين من المول. زين: متعرفش مكانهم؟ الشخص: خمس دقايق، واجبلك خط سير العربية. زين قفل معاه واتصل بعمار. عمار بنوم: أيوه يا زين، فيه إيه؟ زين: علي خطف بيان وهنا. عمار فاق: إيه؟ خطف هنا؟ أنا جايلك حالا. إنت فين؟

زين: أنا في البيت، تعالى. عمار راح لزين البيت بعد وقت. زين: اهدى شوية، أنا كلمت حد هيعرفلي هما فين. عمار: أنا كنت حاسس إن هيحصلها حاجة. زين: ومن إمتى الحب ده؟ عمار: حبيتها من أول يوم شفتها فيه، زي ما إنت حبيت بيان. تليفون زين رن. زين: ها، لقيتهم؟ الشخص: خط سير العربية وقف لحد مكان معين وبعدين اختفت. زين: طب ابعتلي هي وقفت فين بالظبط، وأنا هتصرف. الشخص: تمام. في فيلا المنياوي فاطمة: ياترى إنتي فين يا بنتي؟

اتأخرتي أوي ومبترديش على التليفون. سارة: متقلقيش يا خالتو، أكيد هنلاقيها. فاطمة: أنا حاسة إن حصلها حاجة، قلبي واجعني عليها. سارة: إن شاء الله خير، متخافيش.