رواية بين يدي الغامض الفصل الحادي عشر 11 - بقلم رقية

ناديته بصوت يكاد يكون مسموع. جواد يا جواد. أنا عملت غدا خفيف تعالي كل معايا. مسمعنيش. ناديته تاني، زقيت كتفه. جوااااد. مسكني من خصري وقال: عيون جواد. انكمشت من لمسته ليا. مستر جواد لو سمحت ابعد. هم في نومه ومرداش يبعد ايده. هو مش موجود في عالمنا، هو في عالم تاني كان بيحلم بيها ومتخيل إنها في نفس الحلم معاه. خطرت في بالي فكره علشان اصحيه. قررت الاعبه واصوت في ودنه: تووووت. فاق علي صوت صراخي. اي اللي انتي عملتيه ده؟

في حد يصحي حد كده؟ رديت ببرود: بصحيك من بدري مش راضي تصحي. قالي: الناس بتصحي علي بوسه من الخدود، علي حضن، مش توووت. بصيتله بصه مش مفهومه. دول المتجوزين بقي. المهم أنا عملت غدا برا وعملت حسابك. شاورلي بإيده بمعني اخرجي برا اغير هدومي. فهمت قصده. طلعت وسيبته. بعد دقايق رجع بعد م بدل هدومه وغسل وشه. قعد علي الكرسي الأول من السفره وقال بجوع: امم مكرونه بشاميل. قولت بحماس: دوق بقي وقيمها. حطيتله في طبقه وأنا كمان.

استنيت يدوقها. اتغيرت ملامح وشي من حماس لخيبه أمل لما بصيت لوشه. لاقيته ماعملش اي رده فعل. بصتله بصه استعطفته. اي وحشه؟ لا حلوه عادي. بس نظراتك مش بتقول كده. لا مش متعود علي الاكل البيتي. اها لا ولا يهمك، بالهنا والشفا. سكوت محدش فينا بيتكلم. قطع هو الصمت. متقوليش لحد إنك هنا ولا ل صاحبتك. بصيتله باستغراب. ده ليه؟ هو كده. اسمعي اللي بقولك عليه. وبسمشي وسابني. ياتري انتي فين يابنتي؟

ماتسكتي بقي ياوليه انتي هتكون فين ياعني؟ اكيد بتلف ف الشوارع. انت ياراجل اي مش بتحس دي بنتك انت جبروت ليه كده. من ساعه م رفعت صوتها عليا لا هيا بنتي ولا اعرفها. ولو جت هجوزها رياض تاني وعاشر كمان. انتي فين يا إسراء؟ في مكان آمن. انتي في الشارع؟ لأ. آمال فين يابنتي ارجعي حرام عليكي امك مقطعها نفسها عليكي. مبقاش يفرق معايا حد يا مريم. كانوا فين لما كان أبويا مبهدلني وضاربني؟

بس انتي مكانش ينفع تهربي انتي كده اكدتي كلام ابوكي. لأ كنت اسيبه يمرمطني مع اللي اسمه رياض المريض ده. طب انتي كويسه طمنيني عليكي. أنا زي الفل متقلقيش. كنت متردده اكلم ماما ولا لأ. دخلت اوضته اصحيه. جواد يا جواد. اممم. عايزه تليفونك اعمل منه مكالمه. قال بصوت يغلبه النوم: تحت المخده خديه. سحبته من تحت راسه. الرمز اي طيب؟ 5/5/2000. وقفت مصدومة. ده تاريخ ميلادي!! فتحته.

ماهتمتش أنا مين علشان يهتم بتاريخ ميلادي ويحطه رمز لموبايله!! قررت اتصل بماما. فتحت الخط ومتكلمتش. عرفت أنا مين. إسراء انتي صح؟ علشان خاطري يا إسراء طمنيني عليكي انتي فين يابنتي قلقانه عليكي ارجعي يا إسراء قلبي واجعني عليكي. شهقت من كلامها. حطيت ايدي بسرعه علي شفايفي اكتم العياط. بالله عليكي تعالي وانا والله هاخدك انتي واخواتك ونمشي ونسيبه. قفلت التليفون وقعدت اعيط. عدا يومين علي وجودي معاه في الشقه بتاعته.

بعتت مريم جزء من هدومي مع عيسي. اداها عيسي لجواد. امسكي هدومك اللي طلبتيها من مريم. اهياخدتهم ودخلت الأوضه احطهم في الدولاب بتاعه. هيا اوضه واحده في الشقه لان مساحتها ضيقه فيها حمامين ومطبخ واوضه نوم واوضه أطفال وصاله. بنام علي الكنبه المحطوطه في الصاله. دخل اوضته وقال: البسي عبايه ولفي طرحه علشان فيه حد معايا. بصيت باستغراب. مين اللي معاك!! البسي وانتي ساكته ولما انادي عليكي تعالي.

لبست عبايه طويله واسعه وحطيت طرحه علي راسي. قعدت على السرير استناه. بعد 5 دقايق دخل وسحب ايدي. تعالي. خرجت للصاله لاقيت مأذون وعيسي واثنين تانيين. همستله في ودنه. جواد المأذون هنا بيعمل اي؟ هنتجوز. بصيتله بغضب. هو اي اللي نتجوز انت بتقول اي؟ لما يمشوا ابقي قولي اللي انتي عايزاه. سحبت ايدي ودخلت الأوضه تاني، لاقيته دخل ورايا. ماسِك ايدي بعصبيه. انتي عاجبك اللي إحنا فيه ده؟ حطيت ايدي علي صدري. اي اللي إحنا فيه؟

انت شايفني جايه بقولك والنبي اتجوزني ولا والنبي المسني. الوضع اللي إحنا فيه ده حرام ومينفعش انتي غريبه عني والشيطان تالتنا مش هينفع. وغير كده سمعتك انتي كبنت وحشه في حقك والتلامس اللي بينا ده كله حرام. انت فعلا معاك حق. أنا من الأول اللي غلطانه اني طلبت المساعده من حد شبهك. لميت هدومي وكنت ماشيه. بعد ١٠ دقايق. قعدت قدام المأذون. سألني. موافقه يابنتي!! بصيتله رد عليا بعينه اني اقول نعم. موافقه. امضي هنا طيب.

مضينا زي ما قال المأذون. قال المأذون: الزواج ستره للبنت، وخير متاح الدنيا الزوجه الصالحه إذا نظر إليها أسرته، وإذا أمرها أطاعته. عامِلها كما عامل الرسول صلى الله عليه وسلم زوجاته. أصلح الله حالكم إلى مايحب ويرضاه. بارك الله لكما وبارك عليكما وجمع بينكما في خير وعلي خير. استأذن المأذون والشهود واتبقيت أنا وهو. خلعت طرحتي وعبايتي. ممكن بقي افهم اي ده حضرتك يعني ده جواز بحق وحقيقي ولا اي؟؟

انتي هروبك من بيتك ولما جبتك هنا كان غلط والناس بتبتكلموا وأنا مش عايز يحد يغلط فيكي و ف تربيتك. ف أنا لما اتجوزك ويعرفوا انك مراتي ميقدروش يتكلموا نص كلمه عليكي واقدر أغزق صوابعي في عينهم. لابجد والله انت بتبرر عملتك بالكلمتين دول. حط رجل علي رجل. أنا مش مطلوب مني ابررلك أنا قولتلك اللي عندي وانتي مع الوقت هتعرفي ان كلامي صح ومتقلقيش 3 شهور وهطلقك. انت فاهم انت بتقول اي؟! فاهم كويس أوي. قطع حديثنا نغمه تليفوني.

لاقيت أسماء بتتصل بيا. الو اي يا أسماء، الو كده سمعاني الو. فتحت الاسبيكر علشان اسمعها بوضوح. الو يا إسراء انا سمعاكي اه، انتي كويسه!! استغربت من السؤال. آه ليه فيه حاجه؟ أنا قلقت عليكي، سمعت الحربايه مايا كانت بتتكلم مع حد في التليفون وبتقول إنها اشتكت لابوكي انك سافرتي مع مستر جواد من غير ماتقوليله. بصيت للي قاعد قدامي كإني بقوله بعيني ” شوف صاحبتك اللي وقعتنا في كل ده م الأول”.

تسلميلي يا أسماء علي سؤالك أنا بخير ياحبيبتي وكويس إنك قولتيلي علشان ابقي عارفه، لا تسلميلي عايزه سلامتك. بصيتله ومتكلمتش، دخلت الأوضه اغير هدومي لفستان مريح بعد الركبه، نمت علي السرير وغطيت نفسي بلحاف. ريحته كانت طاغيه على السرير المخده. ابتسمت تلقائياً. ثواني كنت روحت ف النوم. دخل الأوضه بعد ساعتين لقيتها نائمه علي السرير ومستغطيه باللحاف بتاعي. ده اي ده بقي ان شاء الله وهنام فين أنا بقي، مستحيل انام علي الكنبه.

أنانمت جنبها. حاولت اصحيها فضلت تتكلم وهيا نايمه. سحبتها في حضني. شعرها ريحته فانيليا. هيا ازاي كده كان الفانيليا مكتوبه بإسمها هيا وبس !! قولت ف نفسي: انتي عملتي فيا اي حرام عليكي. صحيت الصبح قبل ماتمطع ع السرير لاقيت فحل نايم جمبي معري جسمه من فوق. ياما اعوذ بالله مين ده. كنت لسه هصوت بعدين افتكرت إنه اتجوزنا امبارح. قلت بعصبيه: هو مفكر نفسه متجوزين عن قصه حب عريقه ولا اي.

بعدت عنه وقمت للحمام غسلت وشيي وشعري وصليت. دخلت المطبخ أشوف لو فيه اكل يتاكل ولا لأ. قررت البس عبايتي وانزل اجيب من اقرب سوبر ماركت. دخلت لاوضته لبست عبايتي و فتحت الدرج بتاعه اللي جمب السرير اخدت منه فلوس ونزلت. كنت ماشيه في الشارع مش عارفه انا رابحه فين. كنت بدور على محل فاتح في الوقت ده بس طبيعي محدش فاتح الساعه 8 الصبح. خاب أملي وكنت مروحه. بعدين ابتسمت لما لاقيت محل فاتح في آخر الشارع وجمبه محل فلافل فاتح.

دخلت البيت لاقيته داخل م البلاكونه. كنتي فينا. كنت بجيب فطار. بصلي باندهاش. فطار اي انتي مفكره نفسك في بيت ابوكي لسه. وانت مالك انت اي البرود ده أنا حر. همسك ايدي جامد. لسانك ي هانم علشان ميتقطعش. سحبت ايدي وخلعت العبايه. قعدت على السفره حطيت كل اللي جبته من برا “جبنه بيضه”، “فلافل”، “فول”، “بطاطس”، “بتنجان”. بصلي بصدمه من كل الكميات دي. اي كل ده هيا محلات الفلافل هتقفل ولا اي. بصتله باستخفاف.

هه ي ظريف، عموماً كنت عامله حسابك معايا لو هتاكل مش عايز براحتك. بصلي بقرف. ماليش في العك ده ع الصبح. غسل وشه وحضر قهوته وقعد علي كرسي اللي ف البلكونه. كان حاطط اللابتوب بتاعه علي فخده بيتابع شركته في كندا. قطع تركيزه صوت نغمه التليفون بتاعته. خير يا مايا. جواد الشركه بتنهار انت فين؟ أنا في باريس. باريس اي ي جواد متهزرش. ماهو ده مش سؤال ياعني وبعدين انتي بتكلميني أنا ليه ماتشوفي انتي شغلك.

قطع استمتاعي بالأكل صوت زعيقه في موبايله. رحت اسمع بيقول اي. شش سلام بليل واكون موجود. قلت بغيره في نفسي: آه يا مايا يا صورمو عامله حجه الشركه طب عندًا فيكي لاجي معاه. دخلت فجأه عليه. انت رايح فين؟ هسافر كندا بليل. لوحدك!! ايوه لوحدي. طب وأنا. بصلي باستغراب. انتي اي مش فاهم. جواد انت بتهزر انت هتسبني هنا في مصر لوحدي م اروح لأهلي بقي وخلاص ويجوزوني ريقبل ما كمل الكلمه. ل قيتو غرز ضوافره في أيدي.

ماتجيبيش سيرته على لسانك احترمي إنك ست متجوزه. بصتله بتحدي. علي ورق متنساش. بصلي بخبث وقرب. عادي أنا ممكن اخليه شرعي لو حابه معنديش اي مشكله حد يقول للحلويات لأ. بصيت لفرق الاحجام بيننا. طب ابعد بس كده مينفعش تتكلم وانت بعيد لازم تقرب ياعني. تكلم بخبث. علشان الصوت يوصلك أسرع. بصتله باشمئزاز. عيسي أنا عايزه اعرف معاملتك معايا مالها متغيره كده ليه. مافيش ي مريم عايزه اي. عيسي دي مش طريقتك فيه اي.

يووووه ماقولتلك مافيش سيبيني في حالي بقي. والله هيا بقت كده!! طب تمام عن إذنك. طلعت وأنا بعيط من قسوه معاملته ليا اللي بقاله يومين بيعاملهاني عكس قبل كده. مالك يا مريم. ماليش يا أسماء عن إذنك. قعدت ع الكرسي اتابع شغلي، بس لاقيت عقلي مبطلش تفكير فيه. طلع من مكتبه يتابع اللي شغالين بصلي ديرت وشي بسرعه وأنا متعصبه. هتمشي!! هو حد قالك يابنتي إني مهاجر ده هما يومين. طب ليه مش عايز تاخدني معاك. كده مش هينفع ده شغل.

اي المشكلة ياعني مانا شغاله معاك. مشي وسابني وماتكلمش معايا. سابني لوحدي في الأوضه بتاعته. بخاف جدآ اقعد لوحدي في البيت حتي لما اهلي سافروا كانت مريم بتيجي تقعد معايا. افتكرت مريم تيجي تقعد معايا بس افتكرت كلامه ليا معرفش حد مكاني. كنت قاعده حاسه بملل رهيب. فتحت درج من ادراجه لاقيت البوم صور قديم. قلبت فيه لاقيت صوره ليه وهو صغير ومعاه واحد قده استنتجت انه عيسي صاحبه.

لاقيت صوره كان هادي خالص في طفولته، طفل بريء شعره اسود كثيف خصلات شعره نازله علي وشه. قولت بابتسامه. يخربيت حلاوتك ده انت كبرت بقيت قمرين ربنا يعيني ع ال٥ شهور دول إزاي هقاوم الحلويات دي كلها ده بيكلمني بحس اني هقع من طولي قدامه. لاقيت واحده متصوره معاه ف حضنه ملامحها شقرا. يالهوي دي مايا ولا اي البت جامده يخربيتها ومالها متشعلقه فيه كده ليه خايفه يهرب. استمتعت بصوره كنت شويه اضحك وشويه اعاكسه.

محسيتش بنفسي غير وأنا نايمه والالبوم جمبي. كانت واقفه قدام باب القصر قدامه بقميص أقل مايتقال عنه فاضح كاشف بياض جسمها وقوامها. حاولت تحتضنه لكنه رفض أنه يقربها منه أو تلمسه. قالت بحزن. اي يا جواد بحضنك فيه اي؟ قال باستفزاز. وانتي عارفه إني مش بحب اللمس. قالت مغيره لكلامهم. تحب تتعشا اخليهم يحضرولك العشا. مشي وسابها. قابلته أسماء. حمدلله على السلامه مستر جواد. أسماء اعمليلي كوبايه قهوه وتقليها. حاضر عن إذنك.

قعد جوا مكتبه منغمس مع كميه الأوراق المتراكمه. قطع تركيزه دخول أسماء. حطيها علي المكتب واتفضلي. عن إذنك. بعد أربع ساعات متواصلين وهو قاعد متحركش من علي كرسيه. بس كل نص ساعه كانت تدخل أسماء ومعاها كوبايه القهوه بتاعته. بين الحين والآخر كانت تيجي في باله. صحت من نومها بعد 6 ساعات. غسلت وشها كانت حاسه بالجوع. طلعت للصاله لاقيت بيتزا كبيره الحجم باللحمه والسوسيساستغربت. اي ده مين جابها، دي سخنه.

فتحت تطبيق واتساب وجدته أرسل لها رساله. بعتلك عيسي بيها. ابتسمت تلقائياً رغم انشغاله افتكرني.