رواية بين يدي الغامض الفصل السادس 6 - بقلم رقية

مستر جواد اتكلم كلام ترحيب بالناس وتعريفاً للشركه. اتكلم بعده شاب وبعدين بنت، بعدين لاقيت مستر جواد بيبصلي بمعني إني أقوم أنا كمان. جزء من كلامي كان: (Hello my name is esraa. Al -Hawari Company is about a marketing services, sales and real estate. This company has achieved a lot of sales in Egypt.) خلصت كلامي لاقيت ناس كتير بتسقفلي وترحيبات كتير. لاقيت راجل كبير مركز معايا أوي، خوفت من نظراته جدًا. لاقيتُه بصلي وقال:

(You are very beautiful and elegant، Are you Egyptian) كنت لسه هرد، لاقيت مستر جواد بصله ورد: (This has nothing to do with work, let’s take care of work) مستر جواد كمل الميتينج. بعد ساعتين كنا خلصنا والحمدلله الشغل كان ماشي تمام. استأذنت أروح الحمام. دخلت غسلت وشي وظبطت شكلي وخرجت. لاقيت اللي مسك ايدي وحاول يشدني لجوا. = what do you do, Who are you _my name is maykel, I admire you = I don’t know you, Leave my hand

حاول يشدني أكتر، زقيته جامد بصويت. _أوعي سيب ايدي أنا معرفكش أصلًا سيبني. لاقيت اللي شدني منه جامد، وقعت في حضنه. = هيا مش قالتلك سيب ايديها. حاول يضربه. _مستر جواد الناس بتبص علينا، لو سمحت سيبه. قاله بصوت فحيح: امشي ومشوفكش ف الشركه. ساب ايده ولاقيت الراجل فر بسرعة من قدامه. لاقيته بصلي وقال ببرود: انتي كويسه؟؟ عدلت هدومي وايدي وقولتله: = أنا كويسه متشكره جدًا مستر جواد. _ادخلي كملي الشغل. = إسمك إيه؟؟

_مريم مصطفي كامل. = خلصتي الورق اللي ادتهولك. _آه اتفضل حضرتك. = اممم شغل كويس خلاص تمام تقدري تروحي انتي، بقولك معلش مازن مش قدامك. _لا مشوفتوش حضرتك محتاج حاجة. = معلش قوليله طلع كوبايه قهوه لعيسي. _خلاص ماشي، عن إذنك. = مازن بيقولك مستر عيسي عايز كوبايه قهوه. _طب أنا رايح مشوار ضروري دلوقتي. = طب فين البن او الماكنه؟؟ _انتي هتعمليها!!! = أيوه عادي مش مشكلة شوف انت مشوارك ومتقلقش. _معلش هتعبك معايا.

= لا ولا يهمك قولي بس فين الماكنه وأنا هعملها. _بصي اهي الماكنه والبن والكوبايات، هو مستر عيسي بيحبها قهوه ساده. = تمام. بعد 10 دقايق. _اتفضل القهوه!! = أي ده انتي جايباها ليه فين مازن. _هو راح مشوار ضروري ف عملتها بداله عادي عن إذنك. خلصنا شغل الحمدلله والشركه الأمريكيه عجبها جدًا شغلنا ومضينا عقد معاهم. = مستر جواد هو إحنا كده هنروح امتى. _بعد بكره. = هو مش حضرتك قولت بكره!! رد بجمود: _هتفرق. = لا عادي.

_لو خلصتي شغلك قولي علشان ابعت هشام يروحك. = فاضلي كام ورق كده بس. _لما تخلصي عدي عليا. = وحشاااني يابسبوستي. _انتي أكتر يا مريومتي أخبارك إيه يابت. = مش كويسه. _لي بس. = الشغل وحش أوي من غيرك. ضحكت جامد: _عرفتي قيمتي يعني هههه. = بجد آه، قوليلي عاملة إيه مع مسيو جواد ههه. _اسكتي يا مريم كده كتير بجد مش هقدر أستحمل أكتر من كده حصلي حتة موقف. = احكي احكي. _يخربيتك هترفد بسببك النهارده ياللي منك لله.

= قولي بالله حصل إيه، وقعتي في حضنه ولا إيه. _يعني حاجة شبه كده. = احيييه بتهزري. _أنا قولتلك بمثل آه بس مش للدرجاتي. = طب بصي هقفل أنا وهكلمك لما أروح علشان هو مكتبه في وشي وكل شوية يبصلي يالا سلام. قفلت في وشها وهو قاعد مراقب الوضع. _مسيو جواد. بصلي باستغراب: = خير!! _أنا مش قادرة أكمل بجد ممكن آخد الورق معايا وأكمله هنا. سكت ثانيتين ولاقيته مشي وسابني. مش فاهمه إيه قلة التقدير دي يعني أمشي ولا أكمل.

مشيت وراه لاقيته بيقولي: اركب. ركبت، لاقيته بيبصلي بصات من واحدة للتانية. عملت نفسي منشغلة في الفون. تليفونه رن. قولتله أخده أشوف مين بيرن. = عايزه إيه يا مايا. _أنا جاي أهو. برطمت جوايا: = إيه البت اللازقة دي بترن عليه ولا كإنهم متجوزين ومستنياه بالفستان الأحمر وصينية الرقاق باللحمة. لاقيته برقلي جامد، درت وشي بسرعة. _هيخصك في إيه ده شغل، متسأليش أحسن سلام.

ولهلوبة حسيت نفسي ببتسم زي الهبلة إنه رد عليها كده مش كره مني والله بس هيا بت مستفزة كده ومتصنعة. وصلنا الحمدلله، طلعت الأوضة أغير هدومي. اتوضيت وصليت ودخلت استحمي. كان فيه فساتين حلوة أوي متعلقة في الدولاب مش عارفة بتوع مين. كان فيه واحد منهم لونه أحمر فاقع وده لوني المفضل، ده قررت أجربه عليا. الفستان كان طوله لحد بعد الركبة ومفتوح من الجنب وكات. لبسته وفردت شعري وحطيت روج أحمر.

أنا دايماً بحب أتججنن كده والبس وأتصور قدام المرايا بس بحتفظ بالصور دي لنفسي ومش ببعتهم لحد نهائي. اتصورت كتير صور تحفة بجد. "مش لو جواد شافني وقارن كان هيعرف الفرق" دي الجملة اللي جت في بالي. بس وبخت نفسي إيه اللي أنا بقوله ده. غيرت هدومي بسرعة قبل ما حد يخبط عليا ويلاقيني بالمنظر ده. لبست بيجامة بيتي ولفيت شعري كحكة ونازل خصلات على وشي. لاقيت الباب بيخبط. _ادخل. كنت عارفة إنها أسماء لإن دي خبطتها المميزة.

بس اتفاجئت باللي دخل!!!!!