رواية بيت العيلة الفصل الحادي عشر 11 - بقلم هايدي البنا

سلمي: كويس إني محولتش أفضحها، كانت هتوديني في داهية. أحمد: سلمي، هي هددتك بإيه غير إنها تقتلنا؟ وقوليلي الحقيقة. سلمي بتوتر: أنا كان فيه واحد زميلي قالي ابعتيلي المحاضرة، وجاب رقمي من جروب الدفعة. ولما مردتش، رن فون، وهي سمعتني وأنا بقوله مترنش تاني، وكنت بزعقله، ففهمتني غلط، وكانت هتوصل كلام كدب لعمر وبابا. أحمد: يا بنت ال*** يا سماح. ياسمين: أحمد، اهدي. أنا عارفة هنعمل إيه معاها. سلمي وأحمد في نفس اللحظة: إيه؟

قوليلنا. ياسمين حكتلهم الخطة. ياسمين: بس مش هينفع ننفذ حاجة دلوقتي عشان خطوبة وفرح سليم وميرنا. سلمي: إنتي بتتكلمي صح؟ أحمد: تمام، ما أصدق إمتى نخلص منها بجد. *** بعد أسبوع (يوم الخطوبة) سلمي: إيه رأيك في الميكب بتاعي يا ياسمين؟ ياسمين: حلو أوي.. تعالي بقا ارسميلي الإيلاينر ده عشان زهقت، مش عارفة أظبطه. سلمي: طيب، تعالي. رسمتلها الإيلاينر. دخلت سماح وخبطتها. سلمي: يالهوي!

أنا آسفة يا ياسمين، روحي اغسلي وشك من الإيلاينر بسرعة. ياسمين: ليه الغباء ده يا سماح؟ منك لله يا شيخة، أنا كده هتأخر. سلمي: معلش يا ياسمين، روحي وأنا هساعدك وهتخلصي بسرعة. سماح: لمي لسانك، هو أنا عملت حاجة؟ سلمي: لا، أمي هي اللي خبطتني، مش كده؟ سماح: إنتي هتلمي نفسك يا سلمى ولا أروح أنادي عم حسين؟ ياسمين: خلاص يا سلمى، مترديش عليها. تعالي ساعديني عشان منتأخرش. بعد ربع ساعة... سلمي: وأخيراً خلصنا، بقيتي قمر يا ياسمين.

ياسمين: شكراً يا قلبي. وقاموا كلهم وراحوا على بيت ميرنا. في الخطوبة، كان سليم طول الوقت قاعد على كرسي العريس ومتحركش. بس ميرنا، عشان متحرجش نفسها قدام صحابها، قامت ورقصت مع صحابها، وياسمين وسلمي، والكل كان بيرقص ما عدا سليم وسماح، اللي كانت بتمثل التعب. عمر كان قاعد جنب مراتُه. ميرنا راحت قعدت على كرسيه. ميرنا: إنت يا بني آدم. سليم: نعم. ميرنا: إيه النعم؟ ما تقوم! هو إنت مغصوب على الخطوبة؟ سليم: آه، مغصوب.

ميرنا: إنت محسسني إني بخطبك غصب عنك. سليم: مش عايز أصدمك، بس ده اللي حصل. ميرنا: ولا إنت عصبتني! خد دبلتك ومع السلامة. سليم: ولا... ولا... وكمان خد دبلتك! لا، خليها الدبلة، أنا مستعد أمشي عادي. ميرنا: إيه يا عم إنت! ما صدقت؟ ما تقعد واستهدي بالله. سليم ضحك على طريقتها في الكلام. ميرنا: ده إنت طلع عندك سنان بيضا وبتضحك زي البشر كده عادي زينا، يا سبحان الله. خلصوا كلام، والخطوبة خلصت، وروحوا على البيت. *** تاني يوم...

حسين: أنا فرحان أوي. تعرفوا، أول واحدة هتخلف، أنا هكتب لابنها محل وعمارة، وهحط 200 ألف في حسابه البنكي. سماح في سرها: يعني كان لازم أمثل إني سقطت؟ هعمل إيه دلوقتي؟ ياسمين: دي حاجة بإيد ربنا يا عمي. ويسرا: ده هيكون أول حفيد في العيلة، يستاهل أكتر من كده. *** بعد شهر.... سماح بتتكلم في الفون. سماح: يا دكتور، أنا عايزة اختبار حمل إيجابي تاني لو سمحت. الدكتور: حاضر. طب والفلو.. سماح: يعني هو ده أول تعامل بينا؟

هديلك فلوسك كاملة، متخافش، بس ابعتهولي عالطول. بعديها بشوية..... سماح: عمر، أنا حامل.......