رواية بيت العيلة الفصل الثاني عشر 12 - بقلم هايدي البنا

سماح بتتكلم في الـ فون. سماح: يا دكتور أنا عايزة اختبار حمل إيجابي تاني لو سمحت. الدكتور: حاضر، طب والفلوس؟ سماح: يعني هو ده أول تعامل بينا، هديلك فلوسك كاملة متخافش، بس ابعتهولي على طول. بعديها بشوية..... سماح: عمر، أنا حامل. عمر: بجد يا حبيبتي، انتي بتتكلمي بجد؟ سماح: وأنا هكذب ليه يعني. عمر شالها ولف بيها من الفرحة. ونزلوا بسرعة على تحت، وكان أحمد وياسمين وسلمى وسليم ويسرا وحسين قاعدين.

عمر: يا بابا، يا بابا، يا ماما، يا جماعة أنا عندي خبر بمليون جنيه. حسين: قول يا ابني فرحنا معاك. عمر: سماح حامل يا بابا، أنا هكون أب أخيرًا. يسرا: بجد بجد يا سماح؟ سماح: آه يا ماما. عمر: إيه يا أخواتي مش عايزين تبركولي؟ سليم: ألف مبروك يا عمر، يتربى في عزك. أحمد: ألف مبروك. سلمى: مبروك. ياسمين قامت وحضنت سماح وهي بتقولها في ودنها: على فكرة أنا متأكدة إنك مش حامل.

ياسمين بصوت عالي: مبروك يا سماح، ألف ألف مبروك يا حبيبتي. سماح: الله يبارك فيكي يا ياسمين. يسرا: ياسمين مش عايزة حد يزعل سماح. وجهت كلامها للباقي: أوعوا حد فيكم يدايقها، أم حفيدي. يسرا: معلش بقى يا ياسمين، شكل شغل البيت هيتراكم عليكي. أحمد لسه هيعترض على كلام يسرا، ياسمين مسكت إيده وقالت: أكيد طبعًا، أكيد سماح حامل، مش هينفع تعمل حاجة. يسرا: كويس إنك فهمتيني.

حسين: وأنا زي ما وعدت، أنا هكتبلك يا سماح الحاجات اللي أنا قلت عليها، وأنتي ابقي اكتبيها لابنك لما يتولد. سماح: ملوش لازمة الكلام ده يا عمو. حسين: لا إزاي، الكلام اللي أنا بقوله مش برجع فيه أبدًا. أحمد وياسمين وسلمى دخلوا أوضة سلمى. أحمد: هو في إيه؟ هي حامل بجد ولا إيه؟ ياسمين: إزاي تكون حامل؟ في شهر إيه؟ إيه العبط ده. سلمى: أنا حاسة إنها بتكدب. ياسمين: وأنا كمان. أحمد: طب هنكشفها إزاي؟ سلمى: نواجهها قدام الكل.

ياسمين: إزاي؟ أحمد: إزاي؟ مستحيل، هيصدقونا. سلمى: لازم يصدقونا. *** طلعوا من الأوضة وراحوا قعدوا معاهم برا. سلمى: عرفتي إزاي بقى يا سماح إنك حامل؟ سماح: باختبار الحمل يا سلمى. ياسمين: إيه اللي مخليكي واثقة كده؟ أحيانًا كتير الاختبار بيكون كذب يا سماح. سماح: لا مش كذب يا ياسمين، متخافيش. عمر: في إيه يا جماعة، قصدكم إيه؟ سلمى: أنا مش مصدقة مراتك يا عمر. يسرا: سلمي، لمي نفسك. أحمد: في إيه يا ماما؟

سلمي معملتش حاجة غلط، بتقول رأيها عادي يعني. حسين دخل ومعاه عقد. أحمد: إيه الورق اللي في إيدك ده يا بابا؟ حسين: ده عقود تمليك الحاجة اللي أنا قلت عليها لسماح، كده مش فاضل غير إمضتها. وبص لسماح وقال: خدي يا سماح، امضي. أحمد قام شد العقد وقال: لا طبعًا يا بابا، مش تتأكد الأول إذا كانت حامل ولا لأ. عمر قام مرة واحدة: في إيه يا أحمد؟ قصدك إن مراتي كدابة؟ سلمى: آه يا عمر، مراتك كدابة.

عمر كان هيضرب سلمى بالقلم، بس أحمد مسك إيده، وياسمين شدت سلمى ناحيتها. حسين: إيه قلة الأدب اللي بتحصل ديه؟ يسرا: سلمي، أنا قولتلك ملكيش دعوة. ياسمين: في إيه يا جماعة؟ انتوا عملتوها خناقة ليه؟ إحنا فيها، يلا نروح المستشفى وتعمل تحليل ونعرف إذا كانت حامل أو لأ. سماح: أنا مش هعمل تحاليل. الكل سكت وبصلها. يسرا: إحنا كلنا ضد فكرة إنهم يكذبوكي، بس ليه رفضتي الفكرة يا سماح؟ هو انتي مش حامل خايفة ليه؟

ياسمين: صح، ده اللي أنا أقصدُه. اتوترتي ليه يا سماح؟ مش انتي اللي مفروض حامل، يعني الموضوع ميضايقش. هتعملي تحاليل، ده مش هيضايقك. أحمد: بابا بعد إذنك، الورق ده هيفضل معايا لحد ما نتأكد. سماح: أنا مقصدتش حاجة، بس... بس... أنا مش عايزة أي فلوس ولا عمارات، انتوا مش واثقين فيا، أنا هاروح عند أهلي. سلمى: بتهربي من المواجهة ليه يا سماح؟ انتي مش هتخسري حاجة يعني لو عملتي التحليل. سماح بتوتر: طيب، بعد إذنكم، أنا هطلع أغير.

وطلعت على السلم وهي متوترة، ومسكت تليفونها علشان ترن على الدكتور. سلمى طلعت وراها، ووقعت التليفون من إيديها على السلم والشاشة اتكسرت. سلمى: أنا آسفة يا سماح، يلا بقى معلش، أنا هاخد التليفون أصلحه. سماح مسكت إيد سلمى وقالت: أنا عارفة انتي عايزة تعملي إيه، انتي عايزة تاخدي الفون علشان مكلمش حد، مش كده؟ سلمى: بتكشفي نفسك قدامي كل مرة، يعني انتي بتتواصلي مع حد يساعدك، مش خايفة أكشفك؟

سماح باستفزاز: انتي أهبل من كده بكتير، مفيش خوف من ناحيتك. سلمى: والله؟ طب هاتي الفون ده، أنا مش هديهولك. سماح بصوت عالي: هاتي التليفون يا حي*وانة. ياسمين واقفة في آخر السلم. سلمى حدفتلها التليفون، ومسكت سماح علشان متروحش تاخد التليفون من ياسمين. ياسمين نقلت الرقم اللي كانت هتتصل عليه سماح في تليفونها بسرعة. سماح: أوعي يا سلمى يا حي*وانة، سيبيني. ياسمين طلعت

وأديتلها التليفون وقالت: خلاص يا سماح، متزعليش نفسك، أهو تليفونك. سماح خدت تليفونها وقالت: أحسنلكم تبعدوا عن سكتي. وطلعت علشان تغير هدومها. سلمى وياسمين فضلوا يضحكوا. سلمى: ها، خدتي الرقم؟ ياسمين: آه، خدته أكيد. سلمى: طب يلا نقول لأحمد ونشوف هنعمل إيه تاني.