رواية بيت العيلة الفصل السابع عشر 17 - بقلم هايدي البنا

صباح الخير. صباح النور. عالفكرة انتي ممكن تنامي على السرير. أنا معنديش مشكلة. يا ريت الله يسترك دنيا و آخرة. حسن أنا ضهري اتكسر من نوم الكنبة. ضحك و قال: طب يلا علشان أنا طلبت الفطار و كمان عاوز أنزل البحر انهاردة و عايزين نلعب رياضة. طب خلاص خلاص قايمة أهو. قامت غيرت و بعد كده فطروا. يلا ننزل. يلا بس هنروح فين؟ ننزل نروح الجيم. طيب إذا كان كدة. أوكي. راحوا الجيم. بعد تلت ساعات. أنا تعبت و ربنا ما قادرة.

يا بنتي بطلي كسل. طيب أنا عندي فكرة. أنا هاروح آكل و أنت اضرب براحتك. لفت ضهرها علشان تمشي. مسك ايديها و قال: تعالي هنا خلاص ماشي كفايا تدريب و بعدين تاكلي إيه؟ ما إحنا لسه واكلين. يا سليم كلنا من تلت ساعات و غير كده عملنا تمارين كتير أويي، ف أكيد الأكل اتهضم. خلاص خلاص هتأكليني. يلا نروح نتغدى. في المطعم. هتاكلي إيه؟ المنيو كله. نعم. احم احم. طيب خلاص هاتلي أي حاجة. لو سمحت. نعم يا فندم.

عاوز فرخة ونص كفتة و أرز أصفر. تمام يا فندم. حاجة تاني؟ لا شكراً. مشى. ده افتكرتك هتطلب لكل واحد فرخة ولا حاجة. يا نهار أبيض هتاكلي فرخة كاملة؟ بهزر بهزر. كلوا و قاموا راحوا الأوتيل. يا سليم أنت نمت؟ آه أنا تقلت في الأكل شكلي. لا يا سوسو متخافش. أنت أكلت فرخة و نص كفتة بس متقلتش في الأكل خالص. و أنتِ كلتي إيه؟ أنا كنت بتفرج بس. والله اومال مين اللي نهت على الأكل كله؟ خلاص يا عم. إحنا هنفضل نعاير في بعض كده كتير؟

خلاص يلا نروح ننزل البحر. يلا. غيروا هدومهم. ميرنا لبست المايوه الشرعي و هو لبس المايوه و تيشيرت و نزل. نزلوا راحوا البحر و فضلوا يلعبوا. و راحوا الأكوا بارك. يا سليم و حياة أبوك بلاش ننزل من الزحليقة دي. زحليقة؟ اومال اسمها إيه؟ مضيعيش في الموضوع. يلا انزلي و أنا هنزل بعديكي. غمضت عينيها و لسه هتنزل بس سليم كان زقها. و هي بتنزل من على اللعبة و قبل ما توصل للماية: روح منك لله يا سليم يا كلب.

نزل بعدها و قال: إيه ما اللعبة سهلة إيه. اومال في إيه؟ منك لله. هتسكتي ولا أقوم أرميكي في الـ pool؟ لا وعلى إيه هو أنا ناقصة خضة تاني. بعد أسبوعين تانيين و شهر العسل خلص. و كان سليم و ميرنا قدروا يقضوا باقي الشهر في سعادة من غير مشاكل. و قدروا إنهم يتقبلوا بعض من غير أي مشاكل. أخيرا هنعمل الـ حفلة بكرة. أخيرا هعرف جنس المولود. متتحمسيش أوي كده. ده لسه فاضل الـ هدوم و الـ سرير. أنا ما اشتريتش أي حاجة للبيبي.

معلش أنا هساعدك أنا و ميرنا و هنشتري كل حاجة متخافيش. بعديها بشوية ميرنا و سليم دخلوا و سلموا على كل الـ موجودين. يا رب يكون الأوتيل عجبكم. ده تحفة يا عمو تسلم إيدك. ربنا يخليكي يا بنتي. و أنت يا سليم مش هتقول رأيك في الأوتيل؟ لا أكيد هقول. هو جميل بس مش أوي. يا ريتك ما قلت. كل ضحك. طب ما تقوموا يا بنات نتكلم جوه. يلا. يلا. و دخلوا أوضة سلمي. قوليلي شهر العسل كان عامل إزاي يا ميرنا؟ كان لطيف بس مش أوي.

سليم عمل معاكي إيه؟ زي عادته كان قالب وشه لحد ما وصلنا لنص الشهر. بس عيب عليكي قدرت أخليه يرجع يضحك و يهزر. ربنا يبارك فيكم يا قلبي. آه صح يا ميرنا. في إيه؟ بصي كان فيه بوكس لـ نور. أنا ما صدقت إنه بدأ ينساها. متجيبيش سيرتها. سليم مستحيل ينسى نور. ده كان بيعشقها. أنا مقدرة إنهم كانوا بيحبوا بعض. بس أنا مراتُه يا سلمى. مش كل شوية هتقوليلي إنه كان بيحبها. خلاص عرفت. مش قصدي و الله يا ميرنا. أنا آسفة.

مش وقته اعتذار. خدي الصندوق ده يا ميرنا و وريه لـ سليم يمكن يكون فيه حاجة هتفيده. أنا خايفة بعد ما أوريه الصندوق يرجع تاني من نقطة الصفر. أنا عافرت معاه علشان يكون بالشكل ده. لا متخافيش. بس ابقي وريه الصندوق و اللي يحصل يحصل. هتعملي إيه يعني؟ طيب. حاضر. هاتي الصندوق. و خدت الصندوق و طلعت. سليم و ميرنا في شقتهم. مالك يا ميرنا؟ مافيش. هو أنت مش عايز تحكيلي حاجة عن نور الله يرحمها؟ لا. ليه؟ افتكر كده. اديتك هدية مثلاً.

يااااه. مرة اديتني بوكس صغير هدية. بفتحه لقيت جواه مفتاح. و بعدين إيه اللي حصل؟ محصلش حاجة. سألتها قالتلي هتعرف في الوقت المناسب. بس. بس خلاص ربنا يرحمها. و المفتاح ده فين؟ بتسألي أسئلة غريبة أوي. عايزة تعرفي ليه؟ لا عادي عايزة أعرف بس. هو المفتاح معايا. بس ليه سألتي يعني؟ بص يا سليم. في حاجة هوريهالك بس متدايقيش. شوفها و بعد كده كأنك مشوفتهاش. أنتِ بتقلقيني على فكرة. دخلت جابت الصندوق و خرجت الصالون. اتفضلي.

ده. صندوق مكتوب عليه اسمك. كانت نور شيلهولك. الدموع اتجمعت في عينه و قال: إيه. ده. بص أنا مش هدخل في خصوصيتك. أنا هخرج و أنت شوف الصندوق براحتك. دخلت ميرنا الأوضة و قفلت الباب. سليم طلع المفتاح و لسه بيفتح الصندوق لقى.