رواية بيت العيلة الفصل التاسع عشر 19 - بقلم هايدي البنا

سليم وميرنا راحوا لمركز الشرطة. سليم: أنا هقدم بلاغ عن واحدة قتلت ومعايا الدليل. الظابط: فين الدليل؟ سليم: اتفضل. سليم أداه الدليل التسجيل والفيديو وحكاله كل حاجة. الظابط بجدية: الموضوع كبير، أنا هحولك على سيادة العقيد تقوله كل حاجة. سليم: تمام، بس بسرعة من فضلك. سليم وهو مستني لقى سماح بعتاله صور وهي قدام المستشفى وقالت: لو مطلعتش أنت عارف أنا هعمل إيه كويس. سليم: يا نهار أبيض، بصي يا ميرنا.

وهو وراها صورها وهي قدام المستشفى. سليم: هنعمل إيه؟ ميرنا: هقولها إنك مش في مركز الشرطة وإن أنا اللي جوه وهخرج لما تتصل عليا، وبكده لو هي حاطة حد يراقب من قدام مركز الشرطة هيمشي معايا ويقولها إني خرجت وكده. سليم بقلق مسك الفون بتاعه وقالها: أنا في الشغل أصلًا، مع إني مش عارف إنتِ عرفتي إزاي، بس متعمليش حاجة. ميرنا كانت هتقول كل حاجة بس أنا هرن عليها وأقولها تخرج ومتقولش حاجة، تمام؟ سماح: أنت كده فكرت كويس، تمام.

وبعد كده ميرنا خرجت وفعلاً كان فيه شخص ماشي وراها بيراقبها. سليم دخل للعقيد وحكاله كل حاجة ووراه الدليل كامل وقالوا على مكان سماح اللي هو قدام باب المستشفى. العقيد: متقلقش من حاجة، إحنا هنقبض عليها فورًا. سليم: يا فندم، بابا تعبان وأهلي كلهم هناك وهي خطر عليهم، هي أصلًا كانت بتهددني. لو سمحت اتصرفوا بسرعة. العقيد: يا حضرة الظابط. الظابط: اتفضل يا فندم.

العقيد: اتواصل مع المستشفى بسرعة وقولهم يخلوا الأمن يقبض عليها بسرعة، وابعت لأقرب مركز شرطة قريب من المستشفى يبعت قوات تمسكها فورًا لحد ما نوصل على المستشفى. الظابط: تمام يا فندم. سماح اتمسكت من أمن المستشفى. قبل ما ياخدوا الفون منها بعتت لسليم وقالتله: أنت اللي هتندم. سليم حس بقلق على ميرنا، كلمها مكنتش بترد، وبعد كده ردت.

ميرنا: سليم، في حد ورايا يا سليم، شكله غريب أوي. أنا ماشية وسط الناس بس علشان أروح المستشفى في شارع مفهوش ناس. سليم: قوليلي أنتِ فين بالظبط وأنا جاي حالًا. ميرنا: ده بيقرب يا سليم، أنا في شارع... سليم: متخافيش، أنا جاي فورًا، خليكي معايا على التليفون. ميرنا بصوت عالي: أنت ماشي ورايا ليه؟ الشخص المجهول: هتعرفي دلوقتي. وكان ماسك سكينة. وأول ما حس إن الناس خدت بالها منه جري بسرعة بعيد.

ميرنا قعدت على الرصيف اللي في الشارع بارتياح إنها خلصت من الشخص اللي كان ماشي وراها. ميرنا: الو يا سليم، خلصت منه أخيرًا. سليم: كويس، وبرضه أنا جاي أهو. ميرنا: أنت بتنهج ليه؟ سليم: علشان بجري، أنا خلاص في أول الشارع. سليم كان قرب خلاص من ميرنا، ولكن بص لقى حد موجه ناحيتها المسدس. سليم: ميرنا، خلي بالك. ميرنا وهي بتلف الطلقة جت فيها، ولكن في دراعها. سليم: لا، مش كل مرة بقى.

وجري على الشخص ده وكان بيضرب فيه، ولكن الشخص ده ضربه بالمسدس في دماغه. سليم داخ شوية والشخص قدر إنه يهرب. سليم جري على ميرنا، شالها وجري بيها على المستشفى. *** في المستشفى... سليم دخل لقى أمن ماسك سماح، ولكن مركزش. سليم: يا دكتور الحقني، لسه مضروب عليها نار. الدكتور: حطها على السرير بسرعة، كل حاجة هتكون بخير، متقلقش. سليم: أنقذها يا دكتور، أرجوك. دخلت ميرنا غرفة العمليات... بعد شوية.

الدكتور: إحنا عايزين دم ضروري، هي فقدت دم كتير. سليم: طب أجيبه منين؟ الدكتور: فصيلة الدم بتاعتها A، روح بنك الدم بسرعة شوف متبرع، بس بسرعة. سليم: بس أنا فصيلة دمي A. الدكتور: طيب روح اتبرع بسرعة. سليم: حاضر يا دكتور. فورًا سليم وهو رايح غرفة التبرع بالدم اتصل بعمر وقالوا: انزل بسرعة أنت وسلما تعالوا لي، أنا في الدور اللي فيه غرف العمليات. عمر وسلمى نزلوا: فيه إيه؟ سليم: أنا هتبرع بالدم لميرنا. سلمى: يالهوي، فيه إيه؟

إيه اللي حصلها؟ سليم: حكالهم وسط ما الدكتور بتسحب الدم منه وكمل: بس كده، خليكي جمبي يا سلمى، ومعلش يا عمر روح اقف قدام غرفة العمليات يمكن يحتاجوا حاجة. عمر: أكيد، أكيد، خلي بالك من نفسك. راح عمر قدام غرفة العمليات، وبعد شوية كان سليم خلص سحب الدم وراح وهو ساند على سلمى، وفضل قاعد قدام غرفة العمليات لحد ما خرجت. الدكتور خرج: العملية نجحت. سليم بتنهيدة راحة: الحمد لله، طب هي هتفوق امتى؟

الدكتور: ممكن تفوق النهاردة، وبالكتير أوي بكرة الصبح. سلمى: شكراً يا دكتور. سليم: أنا بقيت كويس، اطلعوا أنتم عند بابا وأنا هفضل هنا جمب ميرنا لحد ما تفوق. سلمى: طيب، تمام، يلا يا عمر. عمر وسلمى طلعوا وحكوا كل اللي حصل لباقي العيلة. ياسمين: يالهوي، كل ده حصل واحنا مش حاسين بحاجة. سلمى: كده حرفيًا كل العيلة اتأذت منها. ياسمين: وميرنا عاملة إيه؟ يسرا: أحمد خد اختك ومراتك وروحوا وتعالوا بكرة. أحمد: ليه يا ماما كدة؟

روحي أنتِ وياسمين وسلمى وأنا وعمر هنبات مع بابا. عمر: أحمد، ماما معاها حق، روح أنت وياسمين وسلمى، وبكرة ابقوا تعالوا. أحمد: طيب، تمام. أحمد وياسمين وسلمى روحوا. *** وكان في حد ماشي وراهم وماسك مسدس. أحمد بص وراه: لقي...