رواية بيتنا الصغير الفصل السابع 7 - بقلم هدير عبد العليم

شيماء: فيه ضيف معايا؟! يمنى بدهشة: مين؟!! شيماء بسعادة: ممكن يدخل؟! يمنى باستفهام وقلق: أعرف مين طيب؟ شيماء بابتسامة: أدخل. يمنى لسه هتكلم وأزعقت لاقيت حد في حضني: زين؟!! زين بدموع: أنا سألت عليكِ كتير أوي.. أنا بدور عليكِ من زمان مكنتش أعرف إنك تعبانة. يمنى بدموع وفرح وحضن جامد: يا حبيبي عامل إيه.. أنا كويسة الحمد لله. زين بحزن وسعادة أنه مع يمنى: أنا زعلان منك أوي.. يا مس يمنى أنا بحبك أوي ليه عايزة تبعدي عني؟!

ليلى بصدمة: مين دا يا ماما؟! يمنى بفرح: يا إيه ده حكاية كبيرة.. دا زين ابني الرابع. ليلى بتكشيرة: ابنك إزاي؟! يمنى بضحك: هو يعتبره ابني.. لأني بحبه أوي. زين بفرح: وأنا بحبك أوي.. أول ما عرفت إنك تعبانة جيت عالطول أنا وبابا.. تعرفي بابا سأل عليكِ كتير أوي. يمنى: عامل إيه في المدرسة.. زين بحزن: أنا نفسي تكوني معايا أوي.. وزعلان كمان إنك مش عايزة تكملي العلاج.. يا مس يمنى كلنا محتاجين إنك تكوني معانا.

يمنى بكسرة وزعل: العلاج قوي أوي يا زين مش قادرة أكمل. زين بتفاؤل: بس أنتِ لازم تعيشي علشانا.. لازم تكملي العلاج وهتكوني كويسة. يمنى: أدعيلي يا زين. زين: والله بدعيلك كتير بس لازم تكملي العلاج يا مس يمنى. ليلى: فيه حد بينادي عليك يا زين. زين: أكيد بابا. يمنى بحزن: هتمشي؟! زين بحضن ودموع: للأسف لازم أمشي عندي درس بس هاجي لحضرتك تاني. يمنى: ماشي يا حبيبي ربنا يوفقك.

(زين مشي بس شعور جميل أوي إنك تحس إنك أثرت في طفل ويفضل فاكرك ويدعيلك.) تيته: أبو زين كان معه بره. يمنى: أكيد رافض يدخل علشان مينفعش. شيماء بابتسامة: والله راجل عنده ذوق. تيته بتردد: اه فعلاً لكن هو طلب إنك.. ولا أقولك خلاص. يمنى: طلب إيه؟! تيته: .. يمنى بعصبية: قولي فيه إيه؟! تيته: البش مهندس عايز.. شيماء بخوف: في إيه يا طنط؟ تيته: عايز يساعدك تسافري تتعالجي بره.. وهو عارف دكتور شاطر بره مصر.

يمنى بعصبية: بصفة إيه بقى إن شاء الله؟؟ شيماء بضحك: والله دا أنتِ معندكيش ذوق.. حد جاي يساعدك تقولي بصفة إيه؟!! تيته: يا بنتي الراجل مش قصده حاجة هو بيعمل كده علشان زين بيحبك ومتعلق بيكِ. ليلى: وفيها إيه يعني يا ماما.. حضرتك بصراحة مكبرة الموضوع.. يمنى: وطّي صوتك علشان سليم ومريم ميعرفوش حاجة. ليلى: لازم كله يعرف إنك تعبانة لازم كله يساعدك زي ما بتعملي معانا كلنا.. هتفضلي مخبية عليهم زيي صح؟! يمنى: ..

ليلى: مفيش مشكلة إنك تسافري تتعالجي بره… أنا عايزة أسأل سؤال واحد هو فين بابا من كله ده؟! يمنى بعياط: ينفع يا ليلى تسكتي. ليلى بعصبية: لا مش هينفع.. يمنى: .. ليلى: أنا هكلم بابا أقوله إنك تعبانة. يمنى بخوف: ماما قوليلها بلاش.. دي عبيطة وهتكلم فارس. تيته بحزن وتردد: أبوك عارف إن ماما تعبانة. ليلى: طب هو فين.. مش ظاهر ليه؟ تيته بدموع: بابا وماما خلاص انفصلوا. ليلى بصدمة ودموع: إزاي؟! وليه؟ تيته: علشان تعب ماما؟

ليلى: .. يمنى: ليه يا ماما قولتيلها. ليلى: .. يمنى (سكوت ليلى مش طبيعي.. صمت ليلى أكبر دليل على صدمتها) يمنى: دا حق بابا يا ليلى.. هو مكنش مقدر تعبي بس عادي يعني أنتوا معايا بالدنيا وما فيها. ليلى: ماما أنتِ لسه بتدافعي عنه؟! يمنى: .. ليلى: ماما أنتِ هتسافري وهتكوني أحسن. يمنى: وأنا قولت مش هسافر. شيماء: وأنا قولت هتسافري.. لأنك لازم تتعالجي علشان عيالك. ليلى بعصبية: إيه المشكلة لما تسافري؟!

تيته: وطالما البش مهندس أيمن عارف دكتور شاطر هناك يبقى مفيش مشكلة. يمنى: علشان مش المفروض إن البش مهندس أيمن هو اللي يشوف لي دكتور. تيته: بلاش التفاهة دي يا يمنى.. هكلم بش مهندس أيمن علشان يتفق مع الدكتور وهتسافري. يمنى: .. ^^^ بعد أسبوع ^^^ زين: بابا وعدني إنك هتكوني كويسة. يمنى: تفتكري؟ أيمن: واثق إنك هتكوني كويسة.. ربنا مش هينسى اللي عملتيه علشان زين وناس تانية كتير. يمنى: ..

أيمن: إن شاء الله هتسافري يوم الأربع وترجعي وأنتِ كويسة يارب. يمنى: يارب. ليلى: شكراً جداً يا عمو. أيمن: على إيه يا بنتي.. كفاية تعامل ماما مع زين في المستشفى. ^^ ^^ شيماء: اقرئي كده. يمنى: الكلام ده بجد؟! شيماء: ..