رواية داخل المشرحة الفصل الثامن 8 - بقلم زينب رشدي

وقّفها أحمد. لينا بضيق: ي نعم. قاطعها أحمد بكب ميه عليها: العين بالعين والبادئ أظلم. بعد كده تحترمي الناس وتكلمي بأسلوب كويس. لولا إني مش فاضي لكنت علّمتك الأدب. مشي وسابها في صدمتها وإزاي اتجرأ وعمل كده. منيرة: كنتي فين وإيه اللي غرق هدومك كده؟ لينا: روحت كافيه. منيرة: ومضايقة ليه؟ لينا: اتخانقت مع واحد قليل الأدب. تتصوري هو اللي كب عليا ميه. لا وأيه بيقول إن لو كان فاضي كان علّمني الأدب.

منيرة بضيق: هو انتي كل مكان تروحيه بمشاكلك؟ لينا بضيق: هو اللي غلطان. موني: وفين يقين؟ لينا: راحت تجيب إسلام وبتقولك لو جاه وملقاش مكرونة بشاميل ممكن ياكلنا. منيرة: كنت عارفة إنه هييجي عشان كده عملتها. رجعت أنا وإسلام البيت. موني: إ سلاااااام وحشتني. إسلام: وانتي أوي يا خالتي. عاملة إيه؟ موني: برضه متسألش عليا يا ولا. إسلام: أنا أقدر. بس يا موني أنا كنت مشغول الأيام اللي فاتت دي.

موني: بتسبيني يا ولا. ربنا يكرمك يارب. إسلام: فين لينا؟ وحشتني. لينا بصراخ: أنا أهوووو. إسلام: ي خربيتك. طرشتيني بسببك. لينا: ظابط يلا. إسلام بخبث: ي بختك المايل يا موني. بنتك ظابط. عاملة زي الغفر. وبنت أخوكي دكتورة تشريح. كل شغلها مع الميتين. لا وأيه مع المجرمين. زي لينا. موني بحزن: شفت ي إسلام. مليش حظ في أولادي. لينا بضيق: لا ولااااا. اظبط كده لا أظبطك. جاي تولع الدنيا. موني: بت اتكلمي مع حبيب قلبي كويس.

لينا: اشبعي بيه. موني: طب عشان قلة أدبك دي ادخلي انتي حضري السفرة والعصاير واغرفي الأكل. لينا بضيق وهي متجهة للمطبخ: كل اللي يشوف وشي يقول قليل الأدب. يعني ظابط. أعمل إيه تاني عشان يحترموني. موني: اخلصي وبطلي برطمة. يقين: يلا يا لينا متتأخريش. موني: يلا يا بت معاها. يقين: أنا دكتورة محترمة. مليش أنا في الكلام ده. موني: يلا يا بت وملكيش فيه. ابقي قولي لجوزك الكلام ده.

بعد الكلام ده حسيت إن إسلام اتضايق واستأذن يتكلم في التليفون في البلكونة. كان متعود لما موني تقول كده يقول أنا راضي إني مآكلش خالص. المهم أكون معاها. أول مرة أكون السبب في زعل حد. بس أعمل إيه. مفيش حاجة بإيدي. يقين: ليه كده يا موني؟ موني: مقصدتش. روحي انتي وأنا هصرف. دخلت أنا أساعد لينا. وراحت خالتي لإسلام. ~~~ إسلام

أول لما موني قالت كده زعلت. مكنتش متخيل إن يقين تكون لحد غيري. استأذنت ودخلت البلكونة عشان محدش ياخد باله. وبعدها جت موني. موني: فيه إيه يا إسلام؟ إسلام بابتسامة: مفيش يا موني. مشاكل في الشغل. موني: في الشغل برضه ولا مع يقين؟ إسلام: انتي عرفتي اللي حصل؟ موني: إسلام يا حبيبي. أنا مربياك مع لينا ويقين. وفاهمالك أكتر من نفسك. إسلام بدموع: بحبها يا موني.

موني: اللي متحبكش يا إسلام. انسها ومتفكرش فيها ثانية واحدة. وعيش حياتك وحب واتجوز وانسها. وهتيجي في يوم وتقول أنا مبسوط مع الإنسانة دي أكتر. لو عشت مع يقين. إسلام: إزاي بتقولي كده؟ موني: عشان يعني يقين بنت اختي. عايزة أقولك حاجة. لو كنت اتجوزت يقين مكنتش هترتاح معاها. عارف ليه؟

عشان انتوا الاتنين مش متفقين. انت رافض شغلها. هي رافضة أسلوبك. مش هتتفقوا يا إسلام. صدقني. مش عشان صحاب من صغركم وتعرفوا بعض كويس يبقي تتجوزوا. صدقني اللي انت فيه ده مش حب. ده حب تعود وعشرة. إسلام: تفتكري؟ موني: هتحب وهتجوز وهتقول موني قالت. بس المهم خرج يقين من قلبك عشان متظلمش اللي بعدها. إسلام: حاضر يا موني. دخلت يقين: إيه المكرونة هتبرد؟ إسلام: لا. الا المكرونة. يلا يا موني.

خرجنا ناكل. وإسلام كان بيضحك ويهزر. ودا ضايقني أكتر. إسلام مبيحبش يبان ضعيف قدام حد. بيحب يبان قوي. لو جواه ألف وجع. وبيضطر يرجع لضحك والهزار عشان يخرج من اكتئابه. عدى الأسبوع وأنا ولينا وإسلام بنخرج كل يوم. والنهاردة أول يوم شغل. ~~~ غيث بقالي أسبوع مشوفتش ولا سمعت أخبار عن يقين. والنهاردة هشوفها ونشتغل مع بعض. بس مش عارف أتقبل إزاي تشتغل معايا أنا وأحمد مع بعض. ~~~ يقين روحت عند أحمد على طول. يقين: أحمد باشا.

أحمد: يقين. تعالي. وبعدين إيه باشا دي؟ يقين: كده أقدر أشتغل مع حضرتك. أحمد: بصي. ولا حضرتك ولا باشا. تمام. عشان أنا كمان أقدر أقولك يقين على طول. اتفقنا. يقين: اتفقنا. نبدأ شغل؟ أحمد: غيث جاي أهو ونبدأ. غيث: اتأخرت. أحمد: لا أبداً. أصلًا الآنسة الجديدة دي لسه مجتش. يقين: طيب. أنا هخرج أعمل مكالمة وجاية. عن إذنكم. أحمد: مالك يا غيث؟ غيث: مفيش. العسكري: حضرتك الظابط لينا برا وبتقول إنك مستنيها. أحمد: دخّلها.

لينا: افـــــ... أحمد: انتي بتعملي إيه هنا؟ لينا: انت جاي لحد هنا يا بارد. أحمد بصدمة: بارد. اتكلمي كويس ي بت معايا. لينا: بت؟ بت لما بتك يلاااا. غيث: هو فيه إيه؟ أحمد: البت دي قليلة الأدب. لينا: لا انت زودتها أوي والله. مفيش حد قليل الأدب غيرك. احترم نفسك عشان مغلطش فيك. أحمد: ليه هو انتي لسه مغلطيش. يقين: هو فيه إيه... لينا بتعملي إيه؟ لينا وأحمد بصوت واحد: انتي تعرفي الأشكال دي منين؟

يقين: مالكم. فيه إيه. لينا فيه إيه يا أحمد؟ لينا: يقين ده الحيوان اللي قابلته في الكافيه. يقين بصدمة: اللي دلّقتي عليه القهوة؟ أحمد بابتسامة: وأنا دلّقت عليها الميه. لينا بضيق: مستفز. أحمد: أيوه. تعرفيها منين يا يقين؟ يقين: بنت خالتي. أحمد: دي بنت خالتك. دي بنت خالتك. لينا: إيه ده. مال ده. مين ده بقا؟ أحمد: قولي لها يا يقين مين ده. لينا: أكيد الأوفيس بوي. صح؟ غيث بضحك: هههه. يعني قريب من كده.

لينا: أنا قولت. هو ده آخره. أحمد بضيق: أنا أحمد باشا اللي هتشتغلي معاه. لينا بصدمة: صحيح الكلام ده؟ يقين: ده أحمد. لينا: اللي كنتي شغالة معاه؟ أحمد: أيوه. لينا: عايزني بعدين أعمل إيه؟ أقولك أنا آسفة؟ ولا أبكي وأقول ونبي متزعلش مني. أنا غلطانة. ما هو انت تستاهل. أحمد بصدمة: يخربيت لسانك. بت انتي احترمي نفسك معايا. لينا: أنا محترمة غصب عنك. يقين بضيق: خلاص بقا يا لينا. أنا آسفة نيابة عنها يا أحمد. أحمد: عشان خاطرك بس.

غيث بغضب: طب مش كفاية لعب عيال ده ونبدأ بقا. أحمد: يقين. في شغل داخلين عليه صعب. يقين: متقلقش. أنا قدها. لينا: وأنا قدامك كيس جوافة. ولا مش هشتغل معاكم؟ أحمد: انتوا قرايب إزاي؟ وبعدين أنا بكلمها على شغل يخصها. انتي شغل تاني خالص. يقين: المطلوب إيه؟ أحمد: يقين. في قضيتين. انتي هتمسكي واحدة مع غيث. أما أنا همسك التانية مع لينا باشا. وده مش هيمنع إنك برضه هتشتغلي معايا. لينا: لا. أنا مش عايزة اشتغل معاك.

أحمد: دا أمر يا حضرت الظابط. يقين بضيق: لينا كفاية بقا. غيث: في واحدة لقيناها مقتولة في شقتها. جوزها كان مسافر. وأول لما رجع يخلص إجراءات الدفن بمجرد دخوله البلد بساعتين اتقتل. يقين: بنفس الطريقة؟ غيث: لا. انتي المفروض بقا تشوفي لهم علاقة ببعض ولا لأ. وأنا عليا أجيب معلومات. أحمد بخبث: أما انتي بقا ادرسي الملف ده كويس وقولي رأيك فيه.

لينا: إيه ده. ما تقول القضية بتقول إيه. ليه أقرأ وأتعب نفسي. ما يقين عرفت هتشتغل إيه من غير ما تقرا ولا تتعب. أحمد: يقين دكتورة. مش المفروض تقرا ولا تشوف مجرمين. كل شغلها تشوف سبب القتل. أما انتي ظابط. ولا انتي بتحبي تستسهلي. لينا: أستسهل؟ طب أنا فين مكتبي؟ أحمد: لا. ما انتي هتقعدي معايا عشان أعرف شغلك إيه أخباره. لينا بصوت واطئ: أنا حملاك ساعة عشان أقعد كمان معاك. أحمد: بتقولي إيه؟

لينا: بقول أنا مش حملاك ساعة. أقوم أقعد معاك كمان. أحمد بإعجاب من صراحتها وكلامها: طب اشتغلي. ~~~ يقين روحت على المشرحة وبدأت أشتغل. واكتشفت كارثة. روحت على طول لغيث أخبره. يقين: غيث. مصيبة. غيث: مصيبة إيه؟ يقين: الجثة. غيث: مالها؟ انتي بتقطريني؟ يقين: فيه إيه يا غيث؟ اتكلم معايا كويس. غيث بهدوء: مالها الجثة. يقين قعدت: نفس القاتل. الجثتين. أيوه. كل واحد ميت بموته. بس كل واحد مرسوم على إيده نفس الوشم.

غيث: دول أزواج ي يقين. يعني طبيعي متشابهين زي بعض. يقين: لا. مش الرسمة اللي في بالك. أقصد مرسوم رسمة مالانهاية. يعني الست مدبوحة. مرسوم مالانهاية. الراجل جنب مكان الطلقة. مرسوم مالانهاية. غيث: طب ليه العقد دي بقا؟ يقين: تفتكر مين اللي عمل كده؟ غيث: مش عارف. هجمع معلومات وأشوف إيه اللي ممكن يعملوه يوصلهم يعملوا كده. يقين: وأنا هشوف لو فيه حاجة تساعدنا.

يقين: ما تشوف البواب. هي اتقتلت في البيت. مستحيل ميكونش شاف حد غريب. أو حتى في كاميرات. غيث: طلبت كده فعلاً. يقين: ممكن يكون حد يعرفهم كويس. غيث: بقولك إيه. أنا مبحبش الاحتمالات. يقين: يووه. لا بجد. انت مستفز. يعني أنا بقدم لك حلول. وانت تتعصب. يا تقول مفيش احتمالات. أنا مبحبش الطريقة دي. عن إذنك. ~~~~~ أحمد: لينا. لينا: نعم يا أحمد. أحمد رفع حاجبه: أحمد؟

لينا: مش انت قلت لينا. يبقى أنا كمان أقول أحمد. أحسن مني في إيه؟ انت عشان أكلمك بألقاب. أحمد: بس بس. كيبورد اتفتح. لينا ببرود: عايز إيه؟ أحمد: هو أنا شغال عندك إيه؟ عايز إيه دي؟ لينا: اومال أقولك إيه؟ أحمد: درستي القضية؟ لينا: أيوه. بس اللي فهمته إنها خلصانة. أحمد: أيوه. ما أنا عارف. لينا بضيق: يعني سبتني بقالي ساعتين بدرس أم القضية. وفي الآخر تكون خلصانة. أحمد: باخد رأيك فيها. لينا: بتاخد رأي ولا عايز تخلص حقك؟

أحمد: مش مهم. ليه؟ يقين: أيوه يا أحمد. طلبتني. أحمد: خلصتي اللي معاكي؟ يقين: بقولك إيه. أنا مش عايزة اشتغل مع البن آدم ده. أحمد: إيه ده. انتي اتعديتي من قريبتك ولا إيه؟ لينا بضيق: ي صبر أيوب. ابقي كفاية خيري شرّي. والتهم تتحدف عليا. أحمد: ي لهوي على البراءة. عملك إيه غيث يا يقين؟ يقين: مش مهم. المهم. إيه المطلوب؟ لينا: آه. يا ريت تخلص وتقول إيه اللي مطلوب. أحمد: أخلص؟ غيث: أيوه يا أحمد. أحمد: تعالي يا غيث.

أحمد: خلصت اللي معاك؟ غيث: لسه والله. مدربكة أوي. أحمد: عارفين رجل الأعمال *****. لينا: اللي أخد مساحة أرض كبيرة وقال هيعمل مشروع ينفع البلد. أحمد: ما هو بتفهمي. اومال مالك. لينا: بقولك إيه. أنا بفهم أحسن منك. أحمد: بـ... غيث بعصبية: ممكن كفاية بقا. أحمد: اتقتل النهارده. خدي دي صور الجريمة. يقين بصدمة: مستحيل.