رواية داخل المشرحة الفصل الثاني 2 - بقلم زينب رشدي

نزلت يقين من المشرحة وكان إسلام مستنيها. يقين: وحشتني والله. إسلام بضيق: عايز أعرف كل حاجة من ساعة ما وصلتي. يقين بابتسامة: إيه يا عم الوش ده، اركب بس وأحكيلك. ركبت العربية وحكتله كل حاجة. إسلام بعصبية: شفتي، قولتلك أجي معاكي. يقين: تيجي فين، دي حضانة. ثم متخافش، والله عدت على خير. إسلام: وكان إيه لازمته من الأول؟ يقين بضيق: تاني يا إسلام، ما قولتلك ده حلمي من زمان إني أكون طب شرعي.

إسلام: بلاش يا يقين، أنا خايف عليكي يا حبيبتي، إنتي بتخافي من الهوا. يقين: والله الميتين مش بيخوفوا، إحنا عايشين مع ناس تخوف أكتر من الجثث. إسلام بتنهيدة: طيب. يقين: إسلام، خالتو لو عرفت هدبحك. إسلام بضحك: ههه، ابتدينا. أعرفكم على إسلام.

إسلام ده صديقي من ابتدائي، مكناش طايقين بعض. أهلنا اللي قربونا من بعض بسبب أفكارنا المتشابهة وشخصيتنا المتشابهة. حتى لما كبرنا دخلنا طب زي بعض، هو جراحة وأنا طب شرعي لسبب ما هتعرفوه بعدين. مليش حد غير خالتي وبنت خالتي، وإسلام ملهوش غير مامته. المهم تاني يوم روحت شقة القتيلة. روحت الشقة بتاعت القتيلة وكان غيث باشا مستنيني. غيث: خلاص عرفتي كل المعلومات؟ يقين: أيوة، تمام كده.

غيث بضيق: أنا مش فاهم، إنتي مالك بتشتغلي إيه؟ بتنزلي فين؟ بتخرجي إمتى؟ بترجعي إمتى؟ يقين: على فكرة ده هيفيدني، على الأقل عشان أتأكد إنه مش حرامي اللي قتلها. يعني هي مش بتشتغل عشان حرامي يطمئن ويروح في أي وقت وهو عارف إنها مش موجودة. وبعدين هي اتقتلت بالليل، يعني أكيد هيكون عارف إنها موجودة في البيت. غيث: عجباني طريقة تفكيرك، بس خايف برضه نوصلش لحاجة.

يقين: على فكرة الألة طلعت من البيت، فيه بصمات في المطبخ، بس المشكلة الألة فيه اللي يشبهها بس مش هيا. غيث: ممكن يكون خدها معاه. يقين بضيق: شغلنا مفهوش احتمالات يا غيث باشا. غيث: بتردهالي يعني. على العموم يا ستي أنا آسف، أنا كنت مضايق بس شوية. واللي هيجنني واحدة زي دي مطلقة من زمان، وحتى طليقها مش في البلد، وملهاش عداوة مع حد. مين هيكون عايز يقتلها وبالوحشية دي؟ يقين بصدمة: بس هي مش متجوزة؟

غيث: إنتي هتعرفي أكتر مني يا دكتورة؟ أنا بقولك متجوزة ومطلقة من ٣ سنين، ومعاها ولد هيرجع من السفر بكرة لما عرف الخبر. يقين: بقولك مش متجوزة، أنا أول حاجة عملتها كشفت على عذريتها عشان افتكرت ممكن يكون جوزها اللي عمل كده، ولقيتها مش متجوزة. ومش معقول واحدة معاها ولد تكون لسه عذراء. غيث بصدمة: معنى كلامك ده إيه؟