رواية دار العيلة الفصل العاشر 10 - بقلم يمنى محمد

الحقني ياعم الشيخ سلفتي. دخلت أجري خايفة من المكان. أشار لي وقال لها: "اهدي اهدي." قعدت سلفتي وأنا كمان قعدت جنبها، بس كنت خايفة أوي، خايفة من المكان وخايفة جوزي يعرف وهتبقى مصيبة على دماغي. ساد الصمت لثواني، ثم نطق الشيخ بصوت جهوري: "قولي اللي عندك يا أوصاف." قربت منها وقولت: "ده عارف اسمك." ردت سلفتي: "اسكتي دلوقتي انتي." "الحقني ياعم الشيخ، الحقني مرات حمايا حامل، اتصرف مش لازم تجيب العيل ده." لطمت على وشي: "يالهوي، هو انتي جايبنا هنا علشان خاطر مرات حمايا مش علشاني؟" ردت سلفتي: "اسكتي يا آية، علشانك انتي كمان." "أها صحيح نسيت أعرفكم، أنا آية ودي أوصاف سلفتي. أنا مش بخلف، مش عارفة." "وسلفتي مات لها ٣ أطفال، ودلوقتي مرات حمايا حامل. معقولة مرات حمايا كمان عايزة تجوز جوازي لابنته، والمشكلة إن حمايا موافق، مش بيرفض ليها طلب علشان حامل." سمع الشيخ منا الكلام وقال لها: "متقلقيش، خدي المياه دي ورشها قدام أوضتها. يلا امشوا." ردت: "طيب." شدتني سلفتي من إيدي وقالت لي: "قومي بس انتي بعدين." قمت معاها وأنا بقول: "أنا غلطانة اللي جيت معاكي مكان زي ده." حسيت فجأة في ثواني بدوخة، بس راحت على طول. حسيت بحاجات غريبة. جيت أخرج بقلق، لقيت الشيخ بيقولي: "مبروك."