رواية دار العيلة الفصل الخامس 5 - بقلم يمنى محمد

محستش بنفسي غير وأنا نايمة في أوضة ضلمة. بحاول أفوق وأفتكر إيه اللي حصل بالظبط. مش فاكرة حاجة. لقيت رشاد دخل عليا وأنا نايمة في السرير. رشاد: مبروك يا سحر. ندهشت من كلامه. مبروك.. مبروك على إيه؟ لقيت حماتي هي كمان داخلة عليا وبتقولي: انتي حامل. حامل؟ أنا حامل؟ إزاي؟ دا أنا متجوزة ابنك غير أربع أيام بس. سام رشاد: يا أختي الست بتحبل من مرة واحدة. من ليلة واحدة. وهي تخبط على كتف رشاد. وأنا ابني راجل من ظهر راجل.

لقيت سماح ضرتي بتنادي على رشاد جوزي. سماح: تعالي سلم على أخويا سالم عشان ماشيين. رشاد: طيب أنا جاي أهو. خليكي جنبها يا ماما. سام رشاد: روح يا ابني وأنا هنا أهو. بتعبير وش غريبة. كل ده وأنا ساكتة. حاسة إني بحلم. حامل؟ طب إزاي؟ أنا حتى مش حاسة بأعراض حمل. هي معقولة البنت بتحبل على طول كدة؟ فقت من تفكيري على صوت حماتي وهي بتقول: انتي يامضروبة سرحانة في إيه؟ أنا ببرود: مفيش.

حماتي: طيب قومي يا أختي وهزي طولك عشان تعملي لينا الغدا. انتي زي القرد أهو. وردت وقلت حاضر. بس إيه اللي حصل؟ مش فاكرة حاجة خالص. حماتي طلعت وسابتني في الأوضة. وأنا حاطة إيدي على بطني وأقول: حامل؟ طب إزاي حامل؟ حاولت أقنع نفسي إني فعلاً حامل وقومت عشان أعمل الغدا. أول ما دخلت المطبخ سمعت حد بينادي عليا بس بصوت مش مسموع. صوت: سحر. اتلفت ورايا بسرعة بس ملقيتش حد. وقفت عملت الأكل.

لقيت رشاد دخل يقولي: هو أنا ياسحر مش قولتلك هاتلي السكينة عشان عايزها بره بعمل حاجة؟ رديت عليه بتعجب: قولتلي إمتى؟ رشاد: خبر إيه يابت؟ هو انتي الحمل ده لحس نفوخك ولا إيه؟ سكت وقلت يمكن مش سمعت. خد السكينة وطلع. وأنا فضلت واقفة في المطبخ مش فاكرة حاجة خالص. مش عارفة مالي. بصيت حواليا أدور على حاجة أمسك بيها غطا الحلة عشان سخن.

لقيت حتة قماش قديمة. مسكتها وفضلت أبص فيها. أيوه صح. دي القماشة اللي أنا لقيتها عند الحطب. أيوه هي. ولقيت زيها في أوضة سماح ضرتي. وفتحت الدولاب لقيته فيه. بس مش لحقت أشوفها. في حد ضربني على دماغي. أيوه أيوه. أنا افتكرت كل حاجة. خرجت جري على أوضة ضرتي عشان أشوف إيه اللي حصل. ملحقتش أشوفه. بس. وقفت عند الباب لما سمعت صوتها بتكلم أخوها وبتقوله: الولد ده ابنك. انت فاهم؟ أخوها رد قالها: أيوه ابني. متقلقش. كله محسوب.

ودين مين؟ مشيت من عند الباب عشان محدش يشوفنا. دماغي هتتفجر من التفكير. لقيت واحدة لابسة هدومي وماشية في صالة الدار بتنادي على جوزي زي ما أنا بنادي بالظبط. جريت عليها أشوف مين دي. ببص عليها لقيتها أنا. كأني واقفة قدام مراية. بتبصلي وتقول.