رواية دار الايتام الفصل السادس والثلاثون 36 - بقلم أميرة أسامة

مسحت عشق دموعها بوجع، بعد انهيار كانت محتاجاه عشان ترتاح. لفت ضهرها عشان ترجع. واول ما لفت.. حست بقلبها هيخرج من مكانه.. لما شافته واقف وراها من غير ولا كلمة ولا هي كانت حاسه بيه... من صدمتها فقدت النطق. ليل... بابتسامة حب... "ولما يشيل حبي من قلبك ياعشق.. اعمل انا ايه في حبك اللي في قلبي... شدها ليل من ايدها وسط الشارع، وكأنه في العالم لوحده ولا هامه اي حد. وخباها جوه حضنه. وانهارت عشق...

وانهارت كل قوة فيها بمجرد ما خدها في حضنه. وشافته ونسيت كل حاجة مزعلاها منه. وعلى اد ما الحرام والحلال مبدأ عشق، إلا انها في اللحظة دي بالذات كانت محتاجة حضنه عشان تقدر تسيطر على انهيارها. حط ليل دقنه على راسها.. وحضنها بكل قوته وكأنه بيخبيها جوه ضلوعه.. وبيطمنها. وبيأكد لها بدقات قلبه اللي كان هيخرج من ضلوعه بمجرد ما حضنها وشاف دموعها وانهيارها. ليل... "ششششششش كفاية عياط.. دموعك غالية عليا اوي ياعشق...

بعد فترة من انهيار عشق. حس ليل انها هديت. واتحول انهيارها لصوت بكاء ضعيف. خرجها ليل من حضنه. فضلت عشق منزلة وشها لتحت.. وبتسمعه ومش بتقول ولا كلمة. رفع ليل وشها بايده. مسح دموعها براحة. ليل... "العيون دي متعيطش ابدا.... مسكها من ايدها وراح قاعد بيها جوه عربيته. ليل...

"انا مش هعاتبك على اللي قولتييه عشان عارف انه حقك وعارف انتي كنتي حاسة بأيه.. بس ده ميمنعش اني زعلان منك عشان قدرتي تدعي الدعوة دي.. عايزة حبي يتشال من قلبك ياعشق... "من يوم ما شوفتك وقولت عليكي ذكية ودايما بتحسي بحاجات وبتطلع صح.. وبتصدقي احساسك لدرجة اننا احنا كمان بنصدقك.. اشمعنى المرادي مصدقتيش احساسك ياعشق... ازاي مقدرتيش تتأكدي من حبي ليكي... وانا عارف وواثق انك عارفة اني بحبك...

بس بردو مش هاجي عليكي وهعذرك عشان الظروف اللي كلنا بنمر بيها صعبة وعشان تصرفاتي معاكي... وعشان ولا مرة قولتلك فيها اني بحبك ياعشق... بس انا الوقت بقولهالك ياعشق... بحبك ومقدرش استغني عنك ومش عايز أي حاجة في الدنيا غيرك انتي.." "انا مكنتش ناوي اقولك حاجة زي دي الوقت ياعشق ولا كنت ناوي افتحلك قلبي... بس مقدرتش اضغط عليكي اكتر من كده.. مقدرتش اشوفك في الحالة دي واسيبك.. مقدرتش ماخدكيش في حضني ياعشق....

مكنتش عايز اتكلم عشان خايف عليكي.. عايزك تفضلي بعيد.. مش عايزك تتأذي ولا يحصلك حاجة بسببي ولا تدفعي تمن غل وحقد وكره شخص تاني... بس الوقت مبقاش ينفع.. مبقاش ينفع اشوفك بتنهاري واسكت.. ولا ينفع اسمعك بتدعي ربنا انه يشيل حبي من قلبك.. عشان مش من حقك تدعي الدعوة دي.. حبك ده انا استنيته طول حياتي.. قلبك ده من يوم ما شوفتك وهو ملكي ياعشق.. مش من يوم ما شوفتك بس.. من يوم ما جيت انا وانتي الدنيا دي واحنا لبعض...

"عشان كل ده ياعشق.. انا لازم احكيلك حاجات كتير.. لازم اعرفك كل حاجة.. خبيتها عنك عشان خايف عليكي.. بس قبل ما تعرفي أي حاجة.. عايزك تعرفي حاجة واحدة بس... "عشق في قلب ليل.. وعمرها ما هتطلع منه...

"ومينفعش يا عشق.. تكوني بتستمدي مني قوتك زي ما قولتي قبل كده.. وانا اللي اضعفك.. بأيدينا.. كنت ناوي اكمل لوحدي.. بس جه الوقت انك تكملي معايا وتساعديني.. وجه الوقت اللي لازم تعرفي فيه ان اللي بيحصل حوالينا من اول موت حاج محمد لحد اللحظة اللي احنا فيها دي.. لعبة... "بكرة بليل هنتجمع كلنا عشان اكشف كل حاجة ادامكم.. في حاجات هتسمعيها انتي والبنات.. هتوجعكم اوي.. بس لازم تسمعوها عشان اللعبة خلصت خلاص يا عشق....

"المهم.. جاهزة تسمعي اللي خبيته عليكي انتي والبنات... ولا لا... عشق......... سكتت شوية ورفعت وشها لليل وهزت راسها بنعم. ليل... "يبقى بكره معادنا يا عشق.." عشق..... خرج صوتها اخيرا بضعف..... "وريما؟؟؟ ليل... "هتعرفي كل حاجة في وقتها ياعشق... عشق..... "بس في حاجة انت لازم تعرفيها.. مقدرتش اقولهالك.." ليل... "حاجة ايه... عشق..... "شاهي!!! ابتسم... ليل... "مالها... عشق..... "شاهي مش زي ما انت فاكر.... ليل.... "عارف.."

عشق..... "عارف؟ عارف ايه." ليل.... "عارف انها جاسوسة.. وان وراها حد.. وعارف كمان اللي انتي عملتيه في تليفونها... عشق..... "عارف مين قالك.." ليل.... "ما احنا قولنا نستنى بقى وهتعرفي كل حاجة... عشق..... "بس في حاجة كمان انت متعرفهاش.. ولا حد يعرفها.. ومرضتش اقولهالك امبارح لما عرفتها عشان مكنتش هتصدقني.." ليل.... "استحالة مصدقكيش يا عشق... عشق..... "يمكن مكنتش تصدقني.. بس الوقت لازم تعرف.. ولازم تصدقني.." ليل....

"انا مصدقك من غير ما تقولي ياعشق... عشق..... "انت عرفت اللي عملته في موبايل شاهي.. واكيد عرفته من ادم او جاسر او نوح... بس اللي متعرفهوش.. اني عرفت مين صاحب الرقم.." ليل..... "مين؟ عشق..... "ريما.." ليل.... بابتسامة "وازاي اتأكدتي... عشق... باحراج... "مش مهم.. المهم اني عرفت.." ليل... "وانا لازم اعرف... عشق...

"امبارح.. لما دخلتي تغسلي وشك لحد ما جيت حاجتي.. موبايلك رن.. ويعني فضول مش اكتر.. بصيت لقيتها ريما.. بس لفت نظري الرقم.. خصوصا اني حفظته لما خدته من موبايل شاهي.. ولأنه رقم مميز.. عرفته بسرعة... ليل..... بابتسامة... "بتفتشي ورايا 😉" عشق... باحراج... "ابدا والله.. قولتلك صدفه وفضول.. وبعدين موبايلك كان عالمكتب... ليل... "وانا مش زعلان على فكرة.. وراضي.. وعايز اقولك كمان اني عارف انها ريما.." عشق....

"يعني ريما ورا اللي بيحصل ده.." ليل... "يعني.. بس مش لوحدها ياعشق... وطبعا مش هقول اكتر من كده.. عشان في مفاجآت كتير بليل.. مش عايز احرقها الوقت.. يلا.. عشان تطلعي تجهزي للشغل.." عشق.... "حاضر... ليل... بابتسامة. "عشق.. اسف على كل حاجة وحشة حصلت.. واسف على أي وقت كنتي حزينة فيه بسببي.. يمكن لما تعرفي.. تعذريني.." عشق.... بابتسامة "وانا مش زعلانة خلاص.." ليل... "مش تستني تعرفي.. يمكن تفضلي زعلانة ومتعذرينيش.." عشق....

"مش محتاجة اني اعرف خلاص.." ليل.... "بحبك ياعشق.." ابتسمت عشق باحراج وبعدت عينها عن عينه. ابتسم ليل... ودور العربية ولف بيها ونزلها قدام البيت. ليل..... "تطلعي.. واول ما تدخلي.. تعرفيني.." عشق.... "حاضر.." ليل... "يلا بسرعة.. السواق قرب يجيلكم.. انا هروح بسرعة اغير هدومي وهاجي وراكم عالشركة.." عشق... "تمام... سلام.." ليل... "سلام.." نزلت عشق.... وراحت على المدخل... ووقفت.. وبصتله... عشق....

"يمكن وقت ضعفنا بنتمنى حاجات وبندعي ربنا بيها.. بس من جوانا قلبنا بيبقى بيردد عكس الدعوة دي بالظبط.. زي الام اللي بتدعي على ولادها وهي من جواها بتقول بعد الشر... عشق.... "بحبك ياليل.." ولفت ودخلت بسرعة ركبت الاسانسير وطلعت. ابتسم.. ليل. ورفع قلبه رايات الحب.. والاستسلام................. عشق..... رنت عليه... فتح ليل على طول... "انا طلعت.." ليل.... "وانا بحبك اوي.." عشق.... وهي مبتسمة... ومش عارفة ترد... ليل...

"عشق.... اوعي تبعدي عني ابدا.. خليكي دايما معايا.." عشق... "انا معاك ياليل... ليل... "متتأخريش عشان هتوحشيني الشوية دول.." عشق.... بابتسامة احراج "حاضر.." ليل.... "سلام ياعشق.." ليل. عشق... ابتسمت عاللقب. كانت حاسة انها طايرة في السما.. وبعد ما كان حزن الدنيا ماليها.. قدر ليل يمحي كل الحزن ده في ثواني ويزرع جواه فرحة وسعادة وحب. عشق.... "سلام... قفلت عشق.... مع ليل...

ودخلت الشقة. كانت تمارا وزهرة لسه صاحيين. صرخت زهره اول ما شافت الباب بيتفتح. عشق.... "بس بس.. في ايه.." زهره... وهي حاطة ايدها على قلبها... "حرام عليكي.. قلبي وقع يا عشق.. فكرت حد بيفتح علينا.." تمارا... "انتي كنتي فين ياعشق.." عشق... وهي بتاخد نفسها بتنهيدة طالعة من القلب.. رفعت تمارا حاجبها... "ده ايه التنهيدة دي كمان.. ان شاء الله.. كنتي فين؟ 🤨🤨🤨" زهره....

"ايوه صح.. كنتي فين.. بدري كده.. ونزلتي امته اصلا.. وازاي اصلا تنزلي لوحدك... عشق... "هقولكم على كل حاجة.. بس خلوني بس اروح اغير هدومي دي بسرعة.. عشان لو السواق جه.. نمشي على طول.." زهره... "السواق زمانه قرب.. خليكي انتي.. مش لابسة.." عشق... "اهو.." "ثواني والله.. مش هتأخر.." وجريت على الاوضة وسابتهم. تمارا... باصة عليها باستغراب. زهره... "مالها البت دي.. امبارح كانت مش كده.. ايه اللي بدل حالها كده." تمارا...

🤔🤔🤔 "اقطع دراعي ان ما كان الحوار ده وراه ليل." زهره... "تفتكري.." تمارا... "افتكر طبعاً.. مش شايفه العصافير اللي فوق راسها.. والقلوب اللي جوه عنيها... زهره.... "تصدقي.. شكلها كده... بعد خمس دقايق خرجت عشق. عشق.... "السواق اتصل.." تمارا... "لا.. وتعالي كده اعدي هنا... احكيلي ايه اللي حصل... عشق... وهي تمارا بتشدها... "طيب.. براحة براحة.. هقولكم.." واعدت عشق.. حكتلهم كل حاجة. تمارا....

"انا قولت ايه.. مش قولت بيحبك يا مغفلة.. قولت ولا مقولتش." عشق... وهي بتضحك "قولتي.." زهره... "يعني اعترف اخيرا ليل... عشق... "ايوه.." فضلو البنات يتنططو ويصرخو بفرح مع بعض. حضنت زهره وتمارا عشق... كانو طايرين من الفرحة. تمارا... "يعني كده ريما ورا اللي بيحصل.. ازاي.." زهره... "زي الناس.. ما اهي باينة اهي.. وادام ليل اعترف.. يعني كده كان عامل تمثيلية على ريما.." تمارا...

"صراحة.. لو كان ليل فعلاً حن لها.. وحن لحبه ليها.. كان نزل من نظري." عشق.... "هو بيقول اننا كلنا هنتجمع بكرة بليل.." تمارا... "عندهم. ولا فين.." عشق... "معرفش.. مسألتوش.. بس تقريبا اه.." زهره... "طب بقولكم ايه.. يلا.. السواق بيرن.. وانا كنسلت عليه.. تعالو ننزل ونكمل كلام تحت.." عشق... "يلا.." نزلو البنات مع بعض وركبو... عشان يروحو عالشركة...................... وصل ليل الڤيلا.. طلع خد شاور ونزل على طول. تحت. سهام....

"ليل.." ليل... "صباح الخير يا امي.." سهام... "كنت فين ياحبيبي.. انت منمتش.." ليل... "لا يا امي.. انا لسه جاي من بره... سهام... "مش معقول كده ياليل.. انت بقالك يومين مطبق.. يا حبيبي.. كده تتعب.." ليل... "معلش يا امي.. غصب عني.. في حاجات كتير شغلاني.. وبحاول اضبطها.. وخلاص قربت من كل حاجة يا امي.." سهام.... "خلي بالك من نفسك يا ليل.. عشان خاطري.. انا قلقانة اوي.."

ليل.. "متقلقيش يا امي.. والله كله هيعدي.. وهنشم نفسنا.. متقلقيش.." سهام... "طب ونوح." ليل... "قولتلك متقلقيش بقى.. صحيح... بكره كلنا هنتجمع هنا.. اعملي حسابك.." سهام... "ماشي ياحبيبي.." ليل... "هو ادم فين... ادم.... "ايه ده.. اهو.. مين بيسأل عليا.." ليل... "ايه.. مش يلا.." ادم... "طب مش هنفطر.." ليل... "انجزي.. مفيش وقت افطر في الشركة.." ادم... "طب اشرب قهوة عشان افوق.. منمتش كويس... ليل... "اشرب في الشركة...

بردو.. وبعدين.. ما كان على مزاجك.. قلت النوم.. ولا ايه... ادم.... "بتسلمني تسليم اهالي... ماشي ياعم.. عموما... انا كنت عايز اتكلم معاكم في حاجة.." ليل... "عارفها.." ادم... "لا.. والله.. عارفها.." ليل... "انت عبيط ولا ايه.. مش عارف مين هو ليل السيوفي.. ولا ايه... ادم... "لا يا اخويا.. عارف.. وايه رأيك." سهام... "هو في ايه.. ورأيه في ايه... ليل.... "ادم عايز يرتبط بزهره يا امي... سهام... "زهره.. ده بجد." ادم...

"اه بجد يا امي.. ايه رأيك.." سهام... "هي جميلة ومحترمة.. والشهادة لله.. انا بحبها هي والبنات اوي.." ادم.... "وانت ياليل... ليل... "انت عارف ان انا كمان معنديش اعتراض.. المهم.. عرفت رأيها... ادم... "انا مرضتش اخليها تقول حاجة.. غير لما تفكر.. بس مبدأياً كده.. انا واثق انها موافقة.." ليل... بسخرية.. "واثق جامد اوي.." ادم... وهو بيعدل هدومه "طبعاً.. واثق.. وانا وحش ولا ايه... سهام... "ده انت قمر.. ويابختها بيك... ليل...

"لا والله.. يابختها بيه.." ادم... "كفاية نفسنة بقى.. وغيره.." ليل... "انا اغير منك انت.." ادم... "طبعاً... ابتسم... ليل وخده في حضنه "مبروك يا اخويا.. مقدماً.. هي فعلاً مش هتلاقي في طيبة قلبك.. ولا انت هتلاقي واحدة في اخلاقها.. يا ادم.. حافظ عليها.." ادم... "وانت ايه بقى... ضربه ليل على دماغه "خليك في خالك يالا.. ادامي عالشركة.. سلام يا امي.. ومتنسيش بكره بليل.." سهام... "سلام ياحبايبي.. حاضر يا ليل.."

ادم .. وهو ماشي جمب ليل "هو ايه اللي بكره بليل.." ليل... "الكل هيجمع.. بكره.. هكشف كل حاجة.." ادم... "انت بتهزر." فجأه كده.. ليل... "مش فجأة ولا حاجة.. بس تقدر تقول.. جه الوقت.. ودقت ساعة الصفر يا ادم.." ادم... بقلق... "ربنا يستر.. طب هتعمل ايه مع جاسر... ليل... بحزن "مش عارف يا ادم.. اول مرة احس اني مش قادر افكر.. وخايف عليه اوي.." ادم... "وانا كمان خايف عليه.. طب ما نأجلها يوم ولا اتنين كمان.." ليل...

"مبقاش ينفع يا ادم.. كل ما بنأجل.. مصايب جديدة بتظهر.. وانا خلاص مبقتش قادر.. ولا عندي استعداد اخسر اي حد فيكم.. وكفاية اوي اللي حصل في نور ونوح الفتره دي... ادم.... "بس الحمد لله.. عدت على خير.. واطمنا على نور.." ليل...

"بس اللي حصل.. مأثر فيهم يا ادم.. الفضيحة اللي حصلت.. هتتنسي.. بس اكيد معلمة فيهم.. واللي عملها.. كان قاصد يسوء سمعة عيلتنا.. كان قاصد يدمر علاقتهم.. كان قاصد يبوظ حياتنا.. كان قاصد يشغلنا باللي حصل.. عشان يضرب ضربة تانية... ادم.... "انا مش شاغلني بس غير جاسر.... انت متخيل جاسر وتمارا.. صدمتهم هتبقى عاملة ازاي.. وخايف علاقته بتمارا تتوتر.." ليل...

"هتعدي بأذن الله.. واحنا مش هنسيبه.. هنفضل معاه لحد ما يعدي الفترة دي على خير.. الخوف فعلاً ان علاقته تتوتر بتمارا... بس ان شاء الله.. هنقدر نسيطر عالوضع.." ادم... "يارب... ليل.... "بس بكره.. مفيش حاجة هتتقال ادامهم على الموضوع ده... ادم... "تمام.." ليل... "يلا بينا بقى.. عشان احنا كده متأخرين.." ادم... "يلا بينا... ركب... ليل وادم وراحو عالشركة............. وصل ليل وادم الشركة... وطلعو على مكاتبهم... ابتسم...

ليل اول ما شاف عشق... بس محبش يوترها وكمل بعملية.... وفضل يسألها على كذا حاجة في الشغل.. عشان تفك.. وتقدر تتعامل عادي... وفعلًا عشق فصلت وبقت تتكلم في الشغل عادي.. لكن كان ليل ملاحظ فرحتها.. ولمعة عينيها.. وحماسها.. وتغيرها.. وكأنها فتحت بعد فترة وهي مطفية... ليل.... "تمام كده.. هي واقفة عالامضاء.. وبعد كده جاسر يستلم مننا.." عشق... "ايوه.. كده تمام.." ليل...

"خلاص.. يبقى تبعتلهم انهرده عالايميل بتاعهم.. اننا موافقين عالصفقة.. وبلغيهم اننا هنوقع الاتفاق بكره.." عشق... "خلاص.. تمام.." وفضل ليل وعشق يتكلمو في الشغل.. وابتدت عشق تكلمه في حاجات في الصفقة.. وليل بيسمعها. رفعت عشق عينها وهي بتتكلم.. لقت ليل باصصلها ومبتسم.. وعينه مركزه على ملامحها وهي بتتكلم.. عشق... ابتسمت باحراج. وكأن نظرتة دي لجمت لسانها.. وقفت عشق عن الكلام. ليل.... "وقفتي كلام.." ليل... عشق....

ابتسمت ونزلت عينها "واضح انك مش مركز... ليل... "انا مين قالك.. انا مركز اوي.." عشق... "طيب.. كنت بقول ايه.." ليل... بابتسامة "بتختبريني.." عشق... "يعني.. مش انت بتقول مركز اوي... ليل... "انا مكدبتش.. وحقيقي مركز فيكي ياعشق... عشق.... نزلت عينيها "طيب.. ممكن متركزش معايا.. وتركز في الشغل.. عشان متوترنيش.." ليل... وهو مبتسم... "هحاول.. اصل انا هعترفلك بسر.. محدش يعرفه... رفعت عشق عينها... "سر ايه... ليل...

"اصل انا بحب اشوفك وانتي متوترة اوي... عشق... وشها احمر... "طيب.. انا هقوم بقى.. وكمل لوحدك... مسكها.. ليل. وهو بيضحك.. "طب خلاص خلاص.. هسكت والله... عشق... "لا.. اتكلم.. بس في الشغل.. ومتركزش معايا تاني... ليل.. "حاضر... تؤمري بأي حاجة تانية... عشق... "لا.................. اما عند زهره وادم... كان الوضع مختلف...

ادم كان بيحاول يتصنع الجدية.. عشان زهره متفكرش انه بيضغط عليها.. كان حابب يسبلها مساحة كافية.. عشان تقدر تفكر.. من غير اي ضغط.. مع انه كان واثق انها موافقة.. بس كان منتظر يسمعها منها... ادم... خد ورق وراح بيه على مكتب زهره.. ادم... "زهره.. من فضلك.. انا مراجع الورق ده.. كويس.. بس عايزك تراجعي عليه مرة كمان.." زهره... "تمام.. اخلص بس الورق ده.. و اراجعه.." ادم...

"لو قربتي تخلصي.. تمام.. بس لو لسه ادامك شوية.. ياريت بس تراجعي ده ضروري.. عشان اسلمه تاني لليل.. عشان ده بتاع صفقة المنتجع بتاع هادي.." زهره... "تمام.. يبقى هراجعه هو الاول.. لان ده.. انا لسه بادئة فيه.." ادم... "خلاص.. تمام.. لما تخلصيه.. هاتيهولي.." زهره... "حاضر.. هبدأ فيه الوقت على طول.." ادم.. "اوك.. اسيبك انا بقى.. عشان تركزي.." زهره... "اوك.." مشي ادم.....

وحست زهره بالراحة.. انه كان طبيعي.. عشان تقدر تكمل شغلها.. من غير توتر............ عشق.... "كده احنا تقريبا متفقين.. وخلصنا.. هبعت بقى الايميل الوقت.. عشان ابلغهم.." ليل... "تمام... عشق... "تحب تشرب حاجة.." ليل... "لو مش هتعبك.. يبقى قهوة.." عشق... "حاضر.... ليل... "صحيح... هو انت ملاحظتش ان شاهي مش على مكتبها.. او مجتش اصلا.." ليل... "لا.. لاحظت.." عشق... "يعني هي مش مستأذنة منك.. انها تاخد اجازة.." ليل... "لا.."

عشق... "طب وتفتكر ده عادي.." ليل... "لا.. مش عادي.. بس متقلقيش.. انا مسيطر.. وهتعرفو كل حاجة بكره.. زي ما اتفقنا... عشق.. "تمام.." ومشيت على مكتبها. خبط الباب في اللحظة دي... ليل... "ادخل... دخلت تمارا... ليل... "تعالي ياتمارا.. عشق على مكتبها.." تمارا... "بس انا جيالك ياليل.." وكان ظاهر على وشها القلق. ليل..... بقلق "خير يا تمارا... تمارا... "الساعة اتنين.. وجاسر مجاش.. بكلمه.. موبايله مقفول... ليل.. باستغراب...

"هو من الصبح مجاش." تمارا... "لاليل... "وايه اللي مسكتك ده كله.." تمارا... "انا قولت يمكن في مشوار او حاجة.. بس المفروض اننا عندنا اتنين ميتنج.. منهم ميتنج الساعة 4.. وانا مش عارفة اوصله.. عشان كده جتلك.." ليل.... "غريبة.. جاسر عمره ما اتأخر عن شغله.. انا كنت فاكرة في المكتب.. ومركزتش خالص انه معداش عليا انهرده.." عشق... "تمارا... خير... تمارا... "جاسر من الصبح مجاش.. وموبايله مقفول.." عشق...

"طيب.. يمكن في الشركة مع مستر سراج.." ليل... "جاسر مبيروحش هناك كتير.. انا ونوح اللي ديما نروح... عشق... "طيب.. يمكن راحت عليه نومه.. او تعبان.." ليل... "لحد الوقت... مسك ليل موبايله واتصل... كان مقفول... ليل... "موبايله مقفول بردو... عشق... "طيب.. اتصل على طنط منى.. في الڤيلا.. او مستر سراج.. اكيد يعرفو فين.." ليل... تمارا... "هو امبارح.. لما وصلك.. اتأكدتي روح ولا لا... تمارا...

"مش بتدخل.. بس يعني.. عشان اكون متطمن.." ليل... "لا ابدا ياليل.. عادي... هو ايوه.. كلمني.. بليل.. لما روح.. وكلمني تاني.. بعد ما طلع.. عشان ينام... ليل... "طيب.. الحمد لله.." عشق... "في ايه... ليل... "بطمن يا عشق.. ان مفيش حاجة حصلت.." تمار.... بخوف "هو ممكن يكون في حاجة وحشة حصلت... ليل... "لا.. متقلقيش... "انتي كلمتيه الصبح... تمارا... "انا بكلمه.. من ساعة ما جيت.. مقفول موبايله.."

رن.. كتير ليل على تليفون منى والدة جاسر... وقبل ما يفضل.. ردت... منى.... "الووو... ليل... "الوو.. ازيك يا طنط.. عاملة ايه... منى... "الحمد لله يا ليل.." ليل... "هو جاسر فين يا طنط... مجاش الشغل لحد الوقت.. و بكلمه تليفونه مقفول.... منى........ "اللي كنت خايفة منه.. حصل يا ليل.." ليل... بانت عليه ملامح الصدمة😳. "ازاي... منى................. ليل.. "وبعدين..؟ منى................ ليل... "يعني.. هو معرفش غير كده.. وبس...

منى... "لا خالص ياليل.. هو معرفش غير كده بس.. وطلع من البيت الصبح... وحاولت اكلمه كتير.. بس مبيردش... وبعدها قفل موبايله.. بس انا توقعت انه راح الشركة.." ليل.... "لا.. مجاش للاسف.." منى... "طيب.. وبعدين يا ليل... انا قلبي مش مطمن.. وهموت عليه... ليل... "اطمني يا طنط.. متقلقيش.. انا هعرف مكانه.. بس لما الاقيه.. مش هعرفه اني عرفت أي حاجة.... هفهمه.. انك قولتيلي.. ان حصل خلاف بينكم... منى....

"طيب ياليل.. طمني.. متسبنيش كده.. عشان خاطري.." ليل... "هطمنك.. متقلقيش.. والله... يلا سلام.. وهرجعلك تاني.." منى.... "سلام ياحبيبي.......... تمارا... "في ايه.. جاسر كويس؟؟؟ ليل.... "ايوه.. متقلقيش.. هو متعصب شوية.. بس هيظهر.. متخانق بس في البيت.." تمارا..... "ده اللي انت هتضحك بيه على جاسر.. لما تلاقيه ياليل.... جاسر فيه ايه؟؟؟ مرر... ليل ايده على وشه بقلة حيلة.. ونسي انهم سمعو مكالمته... ليل....

"تمارا.. اطمني.. والله.. هو كويس.." تمارا... "كويس ازاي.. انت مشوفتش وشك اتغير ازاي.. لما كلمت مامته.... ليل... بعصبية.... "يووووه.. تمارا.. اطلعي من دماغي الوقت... سكتت... تمارا.. ودموعها في عينيها.. وعصبية ليل.. أكدت لها ان في حاجة كبيرة. عشق.... "ليل.. ممكن تهدا... تمارا... "سبيه يهدي شوية.. وهو هيقولك اكيد.. او يمكن جاسر يظهر الوقت.. ويفهمك.. هو.. خصوصاً ان عندكم اجتماعات بره الشغل انهرده... تمارا.... بحزن...

"بعد اذنكم.." ليل.... "تمارا.. استني.... وقفت... تمارا... وبصتله... ليل... "انا اسف.. متزعليش لو اتعصبت.. بس انا مشدود شوية... عايزك بس تتأكدي ان جاسر كويس.. والله العظيم.. ويمكن زي ما سمعتي.. ده الكلام اللي هقولهوله.. لما اشوفه.. بس هو فعلاً.. في مشكلة عند جاسر في البيت... كل الحكاية.. اني مش عايزة يعرف اني عرفتها... فهمتيني.." تمارا... "طيب.. انت تعرف مكانه.." ليل....

"حالياً لا.. بس هعرف.. وبسهولة كمان.. هو اكيد مختفي.. عشان يهدي اعصابه.. مش اكتر... تمارا... "طيب.. والميتنج.. هتيجي... ليل... "لا ياتمارا.. مظنش... تمارا... "يعني.. اعمل ايه الوقت.. الغي... ليل... "لا طبعاً.. متتلغيش... كل حاجة هتمشي زي ما هي.... تمارا... "طب.. والميتنج.. مين هيحضره معايا... ليل... "ادم هيجي معاكي.. هو فاهم في شغلكم.. وكتير حضر مع جاسر... تمارا... "تمام... ليل... "انا هبلغ ادم.. عشان يعمل حسابه...

تمارا... "طيب... "بعد اذنكم... " وخرجت تمارا... بحزن من مكتب ليل. فضلت عشق باصة لليل بتسآله بنظرتها. بصلها ليل... "متسألنيش عن أي حاجة الوقت.. بكره هتعرفو كل حاجة... عايزك بس.. متسبيش تمارا... مفهوم." عشق.. "حاضر.... عدى الوقت بسرعة.. خرج ادم مع تمارا.. وحضرو اول ميتنج.. وخلصوه.. وطلعو بعدها عالـ ميتنج التاني... وكل ده.. وتمارا ميأستش انها تتصل بجاسر.... وتجرب.. يمكن يرد.. وتطمن عليه....

خلص اليوم بسرعة.. كان اليوم مشحون بالتوتر... روحو البنات... وحاولت عشق وزهره يأكلو تمارا.. بس هي كانت رافضه... ودخلت تنام... اما ليل. وادم... فبعد ما ادم رجع من الاجتماع... اختفو في مشوار مهم🙄.. وبعد فترة.. رجعو في وقت متأخر.. وكانت نور... في انتظار ليل... ادم... "مساء الخير... نور... "مساء الخير يا ادم... ليل... "ايه اللي مصحيكي لحد الوقت يا نور... نور... "كنت عايزة اتكلم معاك.. ممكن... ليل... "طبعاً يانور.." ادم...

"طيب.. انا هطلع انا بقى.. عشان مش قادر.. وعايز انام... ليل... "تمام... ادم... "تصبحو على خير.." نور.. "وليل.. وانت من اهله... ليل... "تعالي.. اعدي يانور... راح ليل قاعد على الكنبة بتعب.. اعدت ادامه نور... وهي متوترة ومحرجة... ليل... "خير يانور.. في ايه... نور.... "خير.. بس يعني... ليل... "عايزة تعرفي.. وصلت لنوح ولا لا... صح... نور... بحزن هزت راسها. ليل... "اطمني يانور... نوح كويس... نور... بلهفة "عرفت مكانه...

ليل... "من يوم ما مشي.. وانا عارف مكانه يانور.." نور... "انت بتقول كده عشان اسكت... ليل.. بابتسامة كذب "يعني... نور... "لا والله.. مقصدش.. اقصد انك بتريحني.. خصوصاً يعني.. انك قولت لطنط.. اول ما تعرف حاجة.. هتطمنا... ليل.... "لا يا نور.. مش بقول كده عشان اريحك.. نوح كويس.. والله العظيم.. بس زي ما قولنا قبل كده.. هو زعل شوية.. وحابب يهدا.. مش اكتر.. وهيرجع يا نور.. قريب كمان... نور... "يعني انت بتشوفه... ليل...

"مش بالظبط.. بس هو كويس... نور.. نزلت دمعه منها غصب عنها... ليل... "ليه الدموع دي يانور... نور.... "خايفة يبعد عني.. وانا مصدقت اكون معاه.. ياليل... طبطب ليل على ايدها. "متقلقيش يانور.. نوح مش هيسيبك.. وميغركيش الكلمتين اللي قالهم دول... هو يمكن حابب يعرفك.. هو حس بأيه... وكمل بابتسامة "بس الواد ده بيحبك.. وهو مصدق اكتر منك.. انه يكون معاكي.. ده طلع واقع.. وانا معرفش... ابتسمت نور على كلام ليل. ليل....

"ايوه كده.. اضحكي.. ومش عايزك تعيطي تاني ابدا... وعايزك تجمدي كده 🤨🤨🤨.. ولما يرجع.. متحسسيهوش انك مصدقتي.. اتقلي 😉.. وربيه شوية.. عشان انا متغاظ من الواد ده اوي... اتفقنا.." نور.... "بس هو يرجع.." ليل... "ادام بس هو يرجع.. يبقى مش هتتقلي 😏" ابتسمت... نور "لا.. متقلقش.. يرجع بس.. عشان اطمن عليه... وبعدها.. هعمل اللي انت قولت عليه.." ليل... "ايوه كده.. لازم يبقى وراية رجالة.. بقولك ايه.. ماما قالتلك حاجة على بكره...

نور... "قالتلي.. ان كلهم هيتجمعوا بكره.. عشان انت عايز تقول حاجة.." ليل... "تمام.. كويس.. يعني عندك خلفية... نور... "ايوه.." ليل... "طيب.. انا هطلع بقى.. عشان بقالي يومين منمتش.. ومش قادر... نور... "ماشي.. انا كمان هطلع انام... ليل... "تمام.. يلا... طلع ليل ونور... نور... "تصبح على خير... ليل... "وانتي من اهل الخير... دخل ليل ونور.. كل واحد فيهم الاوضة بتاعته... ليل خد شاور.. وراح عالسرير... ومسك موبايله.. كلم عشق...

عشق... بصوت نايم "الووو... ليل.... "انتي نمتي.." عشق... "لسه نايمة.. انت فين.." ليل... "انا في البيت خلاص.." عشق.... "طيب.. ممكن تنام بقى.." ليل... "انا فعلاً.. هنام.. لاني فاصل خالص... تمارا كويسة.." عشق... "مش اوي.. مضايقة اوي.. ومن ساعة ما جينا.. دخلت اوضتها.. ومرضيتش تتعشى.." ليل... "سبيها براحتها.. بكره كل حاجة هتبقى تمام... عشق... "يارب... ليل... "يلا.. روحي.. كملي نوم.." عشق... "وانت نام يلا.." ليل...

"حاضر.. هنام... عشق... "عشق.... ايوه... ليل... "بحبك... عشق... بابتسامة... "وانا كمان... ليل.... "تصبحي على خير يا حبيبي.." عشق... "وانت من اهل الخير............. فضلت تمارا صاحية.. مش عارفة تنام.. ولا جايلها نوم.. من غير ما تطمن على جاسر... كل ما تتصل.. مقفول... بعتتله تسجيل بصوتها. وكان واضح على صوتها جدا انها معيطة. "جاسر... مش عارفة انام.. من غير ما اطمن عليك... حاولت انام.. بس مش قادرة اغمض عيني...

انت وحشتني اوي... اليوم من غيرك وحش... مش عايزك تكلمني.. بس طمني عليك.. حتى لو ڤويس.. او بمسدچ.. انك كويس.... انت عودتني.. انك تبقى موجود في يومي.. عودتني انام كل يوم على صوتك... عشان خاطري.. طمني عليك." قفلت تمارا.... الموبايل.. ومسحت دموعها.. وفضلت قاعدة عالسرير.. وشوية وتقوم.. كانت هتتجنن من القلق... وفجأه.. رنت موبايلها. جريت عليه.. واول ما شافت اسم جاسر.. فتحت بسرعة... تمارا...

"جاسر.. انت كويس.. انت فين.. طمني عليك.." جاسر.... "اهدي.. انا بخير.. ياحبيبي.." تمارا... "طب.. انت فين.. روحت.. قولي مالك.." جاسر... "لا.. انا مش في البيت... تمارا... "امال.. انت فينه... جاسر... "انا عايز اشوفك حالا.. ياتمارا.. انا تحت البيت... تمار ا... 😳😳😳 "تحت بيت ايه.. هنا... جاسر... "ايوه ياتمارا.. تحت.. عايز اشوفك حالا.. انزليلي.. مفيش وقت.." تمارا.... "طيب.. طيب.. انا هلبس بسرعة.. وانزلك... قفلت تمارا...

معاه... ولبست بسرعة.. وفتحت الباب براحة.. ونزلت.. وثواني.. كانت تحت.. لمحته تمارا.. من بعيد.. قاعد جوه العربية.. بيشرب سجاير.. وملامحه فيها حاجة غريبة.. لفت تمارا... بسرعة.. وراحت ركبت جمبه..... اول ما ركبت.... خدها جاسر.. بدون مقدمات.. في حضنه... ولاول مرة.. تمارا تبادله الحضن.. لفت ايدها على رقبته.. وحضنته جامد... كانت هتموت من القلق عليه... جاسر... "اسف يا حبيبي.. لو قلقتك.... غصب عني.." تمارا...

وهي بتخرج من حضنه... "مش مهم.. انا.. المهم انك ادامي.. وبخير... مالك.. وليه قافل موبايلك.. ومختفي.." جاسر... "مش مهم الوقت.. ليه... المهم اللي جاي عشانه... تمارا... بقلق.... "ايه هو.." جاسر.... "انتي بتحبيني ياتمارا.؟؟؟ تمارا... "انت جاي تسألني الوقت.. اذا كنت بحبك ولا لا.. يا جاسر... جاسر... "ردي عليا يا تمارا.. من فضلك... تمارا.... "طبعاً بحبك يا جاسر... ومقدرش اتخيل حياتي من غيرك... جاسر....

"يعني.. مستعدة تعملي أي حاجة.. عشان تفضلي معايا... تمارا.... "اي حاجة يا جاسر... بس افضل جنبك... جاسر.... "حتى لو قولتلك.. اني هسافر.. بكره الصبح.. بره مصر.. ومحتاجك معايا... تمارا.. "لو موافقة.. هنطلع.. على أي مأذون فاتح.. ونكتب كتابنا.. وتبقي مراتي.. على سنة الله ورسوله.. ونسافر... الصبح.. مع بعض.." تمارا😳😳😳😳😳 "انت بتقول ايه... جاسر... "ايه.. مش عايزة تبقي مراتي.." تمارا...

"مقصديش كده.. بس.. ليه.. وليه نعمل كده الوقت.. ومن غير أي حد معانا.. وليه نسافر... وسفر أي.. اللي جه فجأة كده... جاسر... "ردي عليا يا تمارا.. موافقة.. تكملي عمرك معايا... تمارا... "لما ترد على اسئلتي ياجاسر... جاسر... "هرد على كل حاجة.. انتي عايزة تعرفيها... بس مش الوقت... لان مفيش وقت اصلا.... تمارا... وابتدت تتعصب شوية... "هو ايه.. اللي مش وقته... ومليش وقت...

تختفي من الصبح.. ومعرفش عنك حاجة.. ولما تظهر.. عالفجر.. تقولي.. يلا نتجوز.. عشان الصبح نسافر.. لا طبعاً.. لازم اعرف.. في ايه... جاسر... "حاجات كتير حصلت ياتمارا.. وسواء وافقتي.. تيجي معايا.. او لا... انا الصبح.. هسافر.. وهكون بره مصر... تمارا... "يعني ايه.. وليه.. طيب.. حد يعرف.. انك هتعمل كده.." جاسر... "لا يا تمارا.. محدش يعرف.. مفيش حد يعرف.. غيرك انتي بس.." تمارا...

"طب.. براحة بس.. عشان انا حاسة ان دماغي وقفت.. طيب.. هتسافر.. وترجع امته.." جاسر.... سكت شوية.. وبصلها... "مش راجع تاني ياتمارا.." تمارا... "يعني.. انت جاي.. وطالب مني.. اننا نتجوز.. واني اسافر معاك.. طب.. انت.. وعندك سبب.. تاعبك اوي.. لدرجة انك بتاخد قرار غلط.. وقت غضب.. ومش قايل لحد.. وواضح ان مش فارق معاك حد يعرف.. اولا.. مش هامك مين يضايق.. او لا.. بسبب قرارك... ده انت جاي.. واخد قرار.. بس انا مش زيك يا جاسر...

انا عالاقل.. في هنا.. اخواتي.. اسبهم.. وامشي.. في لحظة كده.. اخرجهم من حياتي.. عشان اسافر معاك... ويارتني عارفه السبب.. لا.. انا مطلوب مني.. انفذ اللي انت عايزه.. وانا ساكتة... وابيع كل اللي حواليه.. عشان بس ابقى معاك... جاسر... "انا مقولتش.. تبيعي حد يا تمارا... وانا مش ببيع حد بردو.. واظن.. ان انتي اول حد فكرت فيه.. وجتلك.. عشان معنديش استعداد.. اخسرك.. او اسيبك... تمارا...

وهي دموعها نازلة "انا قولتهالك.. قبل كده.. انت اناني اوي يا جاسر... انت جاي.. وعارف من جواك.. اني مش هوافق... على طلبك... لانه مرفوض بالنسبالي... انا يمكن يا جاسر... معنديش اهل.. معنديش عيلة.. معنديش ام واب... بس انا عندي اصل يا جاسر... ولا يمكن اسيب اخواتي.. لا يمكن اسيب عشق وزهره... الحاجة الوحيدة.. اللي طلعت بيها من الدنيا... الحاجة الحلوة.. اللي في حياتي....

لا يمكن ابيعهم.. عشانك.. حتى لو مش هعرف اعيش.. من غيرك.. بس.. لا يمكن.. ابيع اخواتي.. ابدا.... انا مش زي اهلي.. اللي رموني يا جاسر... انا لو عملت اللي انت عايزه.. انت المفروض تخاف مني... ومتثقش فيا.. اللي تبيع اخواتها.. وعشرة عمرها.. ومعروف عنها كمان.. ان ملهاش اصل ولا فصل... يتخاف منها ياجاسر... وانا مش كده.... فتحت الباب... عشان تنزل... جاسر.... "تمارا.... طيب.. استني.. انا هقولك.. واحكيلك.. على كل حاجة...

بصتله تمارا... وهي دموعها نازلة.. ومبتسمة.... "مش هتفرق كتير ياجاسر.. وفر كلامك.. وسواء عرفت.. او معرفتش.. طلبك مرفوض.. بالنسبالي... نزلت... تمارا من العربيه... وهي بتمشي بسرعة.. ركبت الاسانسير.. وطلعت... اما جاسر... فضل يمرر ايده بعصبية.. على وشه.. وعلى شعره.. بغضب... عارف ان هي عندها كل الحق.. ويمكن يكون احترمها اكتر.. وكبرت في نظره اكتر.. بس مكنش عنده اختيار..... دور من تاني العربية... ومشي... طلعت تمارا...

ودخلت اوضتها.. من غير ما حد يحس.... وانفجرت من العياط..... ودماغها وقفت عن التفكير... ولقت نفسها.. من غير ما تحس.. بتتصل على ليل... مسك ليل موبايله.. رد من غير ما يشوف مين... كان مقتول من النوم... ليل.... "الوووو." تمارا... بصوت عياط.... "ايوه ياليل.." اتفزع ليل.. لما سمع صوت العياط.. وفلحظه.. فكرها عشق... ليل... "عشق.... تمارا... "انا تمارا يا ليل.." ليل... "تمارا... " وبص في الساعة...

"خير ياتمارا.. في ايه.. في حاجة حصلت.. ولا ايه... تمارا... بانهيار... "جاسر هيسافر ياليل... ليل... "نعم.. بتقولي ايه... هيسافر فين.. وليه.." تمارا... "معرفش.... هو جالي.. وطلب مني.. اني اسافر معاه.. كان مستنيني.. اوافق.. عشان نطلع.. على أي مأذون.. ونتجوز.. واسافر معاه... ليل.... اعد على حرف السرير.. يسمعها.. وهو بيمسك وشه بايده... "طب.. ممكن تهدي بس... الكلام ده حصل امته... تمارا.....

"هو جالي.. تحت.. وانا نزلتله.. لما كلمني.. يعني.. من خمس دقايق.. طلعت... ليل... "قالك.. هيسافر امته... تمارا..... "قال الصبح... ليل... "طيب.. انتي ردك كان ايه يا تمارا.." تمارا.... "رفضت طبعا يا ليل... مهما كنت بحب جاسر.. بس انا استحاله.. اسيب عشق وزهره.. انا يمكن.. معنديش اصل.. بس اتولدت.. وهما اصلي يا ليل.. عشق وزهره.. الاصل.. اللي فضلت طول عمري.. ادور عليه... ابتسم.... ليل "متقلقيش يا تمارا... مش هيسافر...

ومش هيسيبك.. ومش هتسيبي اخواتك... انا قايم.. اروحله الوقت.. وبكره... كل حاجة.. هتخلص... عايزك تنامي.. وترتاحي شوية... عشان بكره.. في حاجات كتير.. هتتقال.. محتاجة الكل.. يكون مرتاح... تمار.... "انت عارف مكانه.." ليل... "ايوه.. عارف مكانه... "ومتقلقيش عليه... تمارا... "طيب.. ممكن.. تبقى تطمني.." ليل.. "حاضر.. ياتمارا.. هطمنكم.. متقلقيش.. يلا سلام... تمارا... "سلام............ اعد ليل...

عالسرير.. سرحان. وعينه كلها غموض... وكلم نفسه.. بصوت مسموع... "الحقيقة.. دايما صعبة.. وبتوجع... بس احيانا.. بتريح... وجه الوقت.. اللي الكل.. هيرتاح فيه.... قام ليل... يلبس وينزل...